Pho Viet Nam

因為餐飯食得太唔開心，所以就算食物好食，我都係要俾個劣評。生牛肉湯河$56 真心抵食！用嘅係牛肉片而唔係肥牛，健康得嚟最驚喜係完全唔韌，由頭食到尾都保持到軟綿綿嘅口感，仲要一啲筋都冇。肉量仲要超多，雖然我冇數過，但係感覺有6-8塊，每塊都切得厚薄適中，浸熟之後入口即化咁濟！河粉都做得幾好，滑溜得嚟唔會一夾就斷，完全冇扣分位。唯一要彈就係個湯唔夠滾，牛肉要浸成分幾鐘先熟到，如果湯再熱啲就perfect池啦！ 馬拉通菜 $48鑊氣十足！但係對於我嘅個人口味嚟講略嫌財產，仲有少少少少生，仲落足蝦醬同蒜片爆香，味道正宗。份量仲要大碟！如果喺其他餐廳食，$68都未必有同樣份量。不過講到服務就真係一肚火🔥！個侍應態度真係好乞人憎，好串，搞到食餐飯都要受氣。食物係好食嘅，但俾錢仲要受氣就真係諗起都唔開胃，下次真係要諗過先會再幫襯... 環境就噏噏耷耷咁樣啦，絕對唔適合約朋友約會㗎啦，自己搞掂午餐晚餐就差唔多。…Read More

這次的用餐體驗讓我感到非常失望，幾乎沒有任何值得稱讚的地方。首先，餐點的味道極其普通，無論是豬扒、雞扒還是豬頸肉，肉質都相當粗糙，吃起來硬不似肉類。調味方面也毫無驚喜，讓人感覺像是隨便煮過一樣，完全無法吸引食客。再來，餐具的衛生狀況也讓我感到不安。餐具上上手時黏黏的感覺讓我對食具的安全性感到疑慮。這樣的清潔標準實在難以令人信服，讓人對該餐廳的整體衛生狀況產生疑慮。此外，餐廳的座椅設計也大大影響了用餐體驗。坐椅非常硬，坐下去後幾分鐘就會感到不適，用餐簡直是煎熬，更糟糕的是，椅子沒有椅背，完全無法提供支持，讓人坐立不安。綜合來看，這次的用餐體驗令人失望，既沒有正常的食物，環境極不舒適，我不會再回訪。…Read More

返工食lunch，與好友約會，係可以同時進行的。😄我哋揀咗佐敦白加士街的 #越南真味，我係第二次光顧了。今次我叫咗 #牛坑腩越式湯粉。湯底仍然好味，我飲咗好多😆。牛坑腩煮得夠腍，又有油香和牛味，好滋味。友人第一次來，叫咗 #豬頸肉撈檬粉。我看外表已覺得好食，試咗豬頸肉，爽！好味😃。下次再試埋其他食品。…Read More

係門口已經有一陣陣既越南湯香，吸引咗好多人係門口排隊。睇一睇佢餐牌，見到好多唔同既款式，即管去試一試啦。入面坐既位置唔多，不過好整潔！見到好多人都揀湯粉，所以都揀佢一定無錯。豬扒雞翼湯粉一黎到見到份量好多，真係好抵食，咁大份都只係$60左右。講返啲食物，豬扒同雞翼都好新鮮，同埋都好有味道，唔會得出面個皮有味。仲要一咬落去好脆好香，我覺得值得一試！至於佢個湯粉，都做得好好，好有越南風味，香濃同都帶有少少甜香。…Read More

食完條氣唔x順，特登開番千年舊acc 出post！！坐低左叫餐，明明門口寫送熱飲，叫餐時又話熱奶茶要加錢10幾蚊，又話送餐飲只送到六點。當時以為自己睇錯睇漏，咁算數啦。離開餐廳出到黎睇番門口個牌，根本冇寫咩到六點！叫左豬頸肉飯，明明餐牌寫55蚊，打單張單黎到但寫58蚊。再問先話㩒錯左先改番。真唔小心呀？！（此帖特意表揚此餐廳為推動市民離港消費之努力）…Read More