Maison Saigon

星期六去德福廣場搵食，行過見到一間裝修得好骨子嘅越南餐廳。望吓餐牌，見到價錢唔貴，決定一試。叫咗一碗火車頭湯河。湯底非常唔錯，完全係我腦海中一碗好味越南生牛河應該有嘅湯底。份量超大，生牛肉質素非常好，牛筋牛腩牛脷夠腍，粒牛丸最有驚喜，非常有肉味而且Juicy。朋友叫咗法式牛柳粒配紅炒飯。牛柳粒質素唔錯，用黑椒炒，好惹味。炒飯方面有啲平平無奇。最後大驚喜係個甜品。估唔到會有Croffle食！嗌咗一個芒果加雪糕嘅Croffle，牛角包焗得非常香脆，牛油味超濃，配上雪糕同芒果，簡直係絕配！❤️❤️❤️埋單四百幾，唔算平。但係坐位舒適，環境優雅，食物質素高。大家行開德福廣場時，可以一試。…查看更多

一行4人黎食pho餐牌題示有套餐我地叫左4個牛肉河粉餐廳上顯示牛肉河粉去到點餐時有一個選項是牛肉轉雞絲河但同時間小食有雞絲沙律朋友不小心按錯選項不為意一上菜時已發現出錯即時叫店員改番做牛肉河店員以按錯選項為由不肯更改我地比120 蚊仲要加一 成140蚊一個牛肉河比咁既價錢 要求改正牛肉河都唔肯再三要求店員更改都唔肯仲要一句說話都唔講就走左去一d 服務都冇 仲要比加一之後有個經理以廚房好忙為理由話可以改最後話要等耐啲一個牛肉河粉要成45分鐘先再上菜食哂成碗河粉d 小食同餐飲都未到另外 牛肉河粉 得4塊仲要超薄 湯底又冇味140蚊食d 咁既服務態度同質素真係唔會再黎！…查看更多

看到德福廣場開了一間裝修不錯, 環境雅緻的越南餐廳, 座位也很寬鬆, 是一個聚會不錯的地方。食物方面就一般, 味精應該下得多, 吃完後很口喝。服務方面都不錯, 只是被一個彩色頭髮侍應多次無視直行直過。晚市二人套餐 $288兩款主菜、一款蔬菜、兩杯飲品♡ 香茅椒鹽豬扒配白飯豬扒炸得金黃, 上面撒了很多香蒜, 香茅味濃, 肉質也軟, 還配了一碗很大的白飯。只是吃時覺得很好吃, 但味精額濃。♡ 雞絲扎肉湯河湯底很濃郁, 雞絲有點乾, 但扎肉很好吃, 而河粉順滑, 吃到最後也沒有發脹。♡ 蒜蓉炒芥蘭苗份量都多, 火喉炒得剛剛好, 芥蘭很鮮甜。♡ 青蘋果冰茶、蜜桃冰茶兩款的茶底都是一樣, 只是加了不同味道的糖漿。…查看更多

燒雞扒牛油果越式三文治配炸薯條🍟燒雞扒通常是嫩滑多汁的，經過烤熟或煮熟後，口感柔軟，並帶有烤肉的香氣和風味。牛油果的口感奶油且滑順，有著濃郁的脂肪質感。它的質地可以為三文治增添柔軟的口感。越南法式長棍麵包外皮香脆，內部鬆軟，帶有一定的嚼勁。它的烤熱表面可以增加麵包的脆度，同時保持內部的軟嫩口感，炸薯條的外層炸至金黃酥脆，內部則保持著濕潤的口感。這種食物的口感結合了外脆內軟的特點，提供了一種令人滿足的咀嚼體驗。香葉小虎蝦扎肉炒檬粉🦐香葉是一種具有濃郁香氣的葉子，它為小虎蝦帶來了一種獨特的草本風味。小虎蝦本身有著鮮甜的海鮮口感，並且通常是嫩滑多汁的，扎肉是一種將豬肉絲浸泡在醬汁中入味後炒熟的烹飪方法。這種處理方式使豬肉更加嫩滑多汁，並且帶有醬汁的風味。豬肉絲的口感柔軟，同時也有一定的嚼勁。檬粉是一種以檬檬為基礎製成的粉狀食材。它具有明顯的酸味和檬檬香氣，帶來清新的口感和風味。檬粉可以增添一種酸爽的感覺，與其他食材形成對比，使整道菜更加口感豐富。…查看更多

是日平日，18:30 walk in 仍然有好多位選擇，環境氣氛幾靚，座位都算寬鬆。看看餐牌，就好快選擇了，精選晚市四人套餐。🔶蒜蓉炒芥蘭苗有驚喜，爽脆硬度適中，味道都好好味。:)🔶扎肉，煙雞絲，椰菜，木耳，凱撒沙律乾身左啲，扎肉同木耳唔多見。🔶小食拼盤： 🔹酥炸魷魚 惹味，加上沙律醬就加好味。:) 🔹脆蒜牛油果米紙卷 比較失望，餡料比較乾身。 🔹越式扎肉蒸粉包 外型好精緻，好靚，但感覺似腸粉。🔶黃咖喱牛三寶（牛筋、牛腩、牛脷）配法包牛三寶都好唔錯，可惜黃咖喱汁稀左啲，而且只配兩塊薄薄的法包，有點不可思議。🔶香茅豬扒撈檬豬扒大塊，撈檬醬汁ok, 檬粉量適中。🔶招牌西班牙黑安格斯生牛肉湯河牛肉唔韌，河粉少左啲，湯味道唔錯。:)🔶焗脆皮越南乳豬香茅炒飯乳豬絕對有驚喜，皮脆肉嫩，好好味，值得推介。炒飯偏濕，味道唔夠。套餐有個好處就是樣樣都食到，豐富的一餐。…查看更多

喺九龍灣做完運動，就約媽咪食晚飯啦！🥰🥰上次食咗日本拉麵，今次媽咪話試下越南嘢，咁啱對面有間「越南會館」，裝修都幾雅緻。坐低叫咗個二人餐，老細就再加碗豬手扎肉河粉，同一個生菜包，三個人食就夠啦！！佢個二人餐包個頭盤，可以五選三，媽咪話唔想食煎炸嘢～我哋就叫晒兩樣唔煎炸，但係因為其他三樣都係炸嘅～鼻哥窿擔遮～點都要叫一樣～😅😅🤭估唔到越南餐廳嘅Caesar salad都唔錯喎～第二樣係越式米紙卷～第三樣係咋魷魚，不過粉漿就比較厚……🫣😓主菜都係食粉麵啦…叫咗一碗串燒雞肉豬頸肉撈檬，佢兩種肉類都整得好入味、好juicy～而且份量十足，所以基本上另一個炒粉絲都冇乜點食😅😅當然係打包做聽日午餐啦！！老細嘅豬手扎肉河都幾好味～豬手好淋好入味～湯底都幾清甜！個生菜包令我印象最深刻😁😁🥰因為佢有別於一般泰式生菜包，而係跟埋薄荷葉、米粉、同埋一個好似海鮮醬嘅醬汁，個味道幾特別！飲品都唔同平時飲開嘅…我叫咗杯薄荷青檸茶，原來一啲都唔甜㗎😅😅不過有啲薄荷味，夏天飲都幾清新！…查看更多

「越南會館」喺德福廣場開咗一排，我同同事第一次去試咗佢哋嘅午市套餐，只要$128😍 有兩款前菜、一款主菜同一杯飲品。我哋總共叫咗兩個餐，大家一齊分享食，好大份、性格比之選！⭐️⭐️⭐️⭐️⭐️#前菜雞絲扎肉椰菜木耳沙律🥗酥炸越南蝦醬雞翼🐣越式炸春卷脆蒜牛油果米紙卷#主菜軟殼蟹豬頸肉撈檬越式四寶飯 （雞串、扎肉、炭燒香茅豬扒、煎蛋）先講前菜，春卷好脆口、生菜新鮮！😍😍 米紙卷入面有新鮮嘅蔬菜同爽口嘅米粉，好清新好好味！👍👍 炸雞翼香脆、唔會乾，再蘸佢個自己製醬更好味😋😋 沙拉同米紙卷都有好多蔬菜，食落好清爽，味道有層次，好驚喜！至於主菜，我哋試咗佢哋嘅越式四寶飯同軟殼蟹豬頸肉撈檬。越式四寶飯有雞串、扎肉同炭燒香茅豬扒、煎雞蛋，每一樣都煮得岩岩好，肉質好鮮嫩，同越式飯一齊食，好好味。軟殼蟹豬頸肉撈檬真係好抵食，軟殼蟹外皮脆口，豬頸肉入口即化，再加埋檸檬酸酸地嘅自家醬汁味道，好好味。😎😎⭐️⭐️⭐️我哋仲叫咗一杯凍越式檸檬茶同一杯熱越式檸檬茶嚟飲🥤🥤 凍越式檸檬茶好解渴，微微酸甜，好啱配越南菜。熱越式檸檬茶香氣撲鼻，暖身又舒服。總括嚟講，「越南會館」有好多款選擇，唔怕食到悶、味道獨特好好食。午市套餐價錢性格比一流，份量好大。服務好友善，環境都好舒服。如果你鍾意食越南菜或者想試新口味，推介你嚟「越南會館」試下啦！🚗🚗🚗🚗🚗…查看更多

叫咗個晚市套餐包咗小食拼盤,2款主菜同蔬菜~ ▫️小食拼盤可自選三款小食， 其中燒豬頸肉菠蘿米紙卷味道清新但調味略淡，餡料的味道不算突出。酥炸越南蝦醬雞翼為單骨雞翼，炸得酥脆，蝦醬味道香口濃味。另外的酥炸是拉差蛋黃醬魷魚亦炸到金黃，蛋黃的味道並未有過鹹，但調味可以更濃。 ▫️燒豬頸肉雞肉串撈檬粉燒豬頸肉和雞肉串都燒得香滑帶焦香，炸蝦餅炸得香脆。檬粉拌以香料和甜酸汁，十分開胃。 ▫️香葉小虎蝦扎肉炒檬粉炒檬粉的口感似炒粉絲，偏軟身。整體略欠調味，味道偏淡。…查看更多

上次行過德福商場，見到呢間店新裝修好，今次入來，枱同枱之間寬敞，店裏好光猛，環境不錯，適合和知己交談。燒豬頸肉雞肉串撈檬粉燒豬頸肉同雞肉串都好香，檬粉唔淋，加埋酸汁，酸酸辣辣好開胃。香葉椰菜炒越南蝦粉絲粉絲煙靭，配有芽菜、蔥、蘿蔔絲，有黑椒味，加上香葉，味道怪怪的。越南小食拼盤有春卷，炸魷魚，雞翼同蔗蝦。春卷皮簿香脆，炸魷魚有少少辣，炸雞翼係單骨，略嫌有點細小，遮瑕香甜彈牙最好味。招牌生牛肉湯河湯底清甜，河粉彈牙，牛肉新鮮唔韌，不錯！脆皮牛腩黃咖喱配法包脆皮牛腩好淋，黃咖喱香濃，點法包好好味，呢道菜好特別。柚子脆米沙律柚子清甜，配上脆米，醒神開胃。蝦醬海鮮炒飯飯質不錯，粒粒分明，海鮮一般，無乜味，蝦醬味唔夠。…查看更多

$128午市套餐 作為一個生牛肉湯河狂迷，本人覺得佢呢間生牛肉河同芽莊嘅味道差不多。各有各好處，相較下芽莊份量會大一點，但佢呢間係用牛肩胛肉，好重牛肉🐮同奶香🍼味，（唔知我係咪咁岩咁好彩啦～希望佢地可以繼續keep到呢個水準） （題外話：如果要我揀最中意嘅 生牛肉河 一定係越兒越南地道菜。雖然牛肉冇咁靚，湯就偏甜味為主，另外，佢燒牛肉撈檬都好好食，仲有燒雞…仲有好多好多都好重口味好正👍🏻）另外值得一提，佢個沙律🥗係䄂子醋味，入面有雞絲係可以見得到嘅粗度，而唔係絲到好似蜘蛛絲咁睇唔到。牛油果米紙卷就不值得一提越式四寶飯 最好食係燒雞串，份量亦算大份。越式蝦醬雞翼嘅味道較淡。可能係地理上嘅優勢，大澳文物酒店餐廳嘅 蝦醬雞翼 就比較濃味。另外一款係越式炸春，入面係粉絲、木耳、紅蘿蔔🥕之類差唔多嘅野，唔太建議點。總括嚟講都可以番食，因為佢餐牌上面都有啲好特別嘅小菜，例如：胡椒忌廉汁炒虎蝦、香矛黑粉絲黑煲，而且味道亦唔算差。🙋🏻‍♀️本人喜好排行榜🙋🏻‍♀️1.越兒越南地道菜2.越男仔3.呢間👆🏼👆🏼👆🏼/芽莊…查看更多

我哋本身order咗一個法式炸蟹餅，軟殼蟹米紙卷，生牛肉湯河，小虎蝦扎肉炒檬粉同埋嘢飲。一開始上菜速度都幾快，等我哋食完三樣嘢之後，見軟殼蟹米紙卷仲未嚟，但其他枱俾我哋遲嚟嘅都已經上咗，我哋就問經理。經理過咗2分鐘同我哋講話廚房包緊俾我哋，但我哋等咗20分鐘都未有，期間見到有兩張枱上咗軟殼蟹咪紙卷。大概再過多5分鐘，見到有個侍應將一碟軟殼蟹米紙卷放喺隔離張枱，客人同佢講唔係佢哋嗌嘅，佢就拎走，轉個頭就想擺喺我哋張枱，我立即拒絕。其實我哋喺大概50幾分鐘前已經落單，期間見到佢哋上咗同樣菜式比其他枱，我哋問咗經理去追單，佢返嚟確認廚房整緊，但都要再過20幾分鐘，仲要擺錯枱，好明顯佢成個workflow係超亂。同佢講發生咩事嘅時候，仲要完全唔覺得有問題，仲要我同另外同事講多次發生咩事，先願意將軟殼蟹米紙卷係我哋張單取消。食物嘅味道就非常一般，性價比超低，食一次都嫌多。依個價錢絕對可以喺中環食多啲好食嘅越南嘢食。…查看更多

前幾日見到佢新開張，當然要搵時間試試新野。環境幾典雅，有2人卡位，坐得舒服。午市套餐 $128自選2款前菜+1款主食+1款飲品酥炸越南蝦醬雞翼越式炸春卷前菜好快就上，有3件單骨雞翼，蝦醬味唔算太出，期望會聞到陣陣蝦醬味。春卷配埋生菜食，但可以炸得更香脆。香茅雞肉串燒，豬頸肉撈檬雞肉串幾嫩滑，食落成嚿雞都係熱，應該係即燒，唔係燒定加熱。而豬頸肉香口。撈檬配菜新鮮，有薄荷葉同蔥油等令碗粉更清新，亦唔會太搶味。主菜整體不錯。蜜桃冰茶冇先攪勻佢就飲，飲咗底下啲糖水。茶味唔算太香濃，桃味唔突出。侍應服務態度良好，有禮貌有活力，。…查看更多

越南會館有個晚市二人套餐（$318+service charge)都幾多野食，包括1小食拼盤+1款主菜+1款蔬菜+2drinks~小食拼盤可自選三款，我地揀左燒豬頸肉菠蘿米紙卷，酥炸越南蝦醬雞翼，柚子沙律。三款都係開胃之選呢主菜係色彩繽紛嘅香茅豬扒、香茅雞肉串燒、炸蝦餅撈檬。我地覺得呢款最多料感覺性價比好高呀！最鍾意撈檬面頭大量嘅香料，惹味之餘，味道又冇咁單一，集合甜、酸、辣！幾款嘅炸物同肉串份量都算大，兩個人share非常夠！👍…查看更多

食咗lunch set 越南四寶飯+會館牛肉湯河牛肉湯河：- 牛肉湯河有偽牛肉湯，但無牛肉味嘅湯底- 河粉唔太掛汁，所以食落會湯還湯河還河嘅感覺四寶飯：- 四寶飯嘅豬排無咩豬味有油味- 雞串係幾好食小食：- 雞翼味道都叫ok（不過好特別係一條骨咁，lunch set 叫一份x3）- 牛油果米卷同春卷不過不失野飲：- 青蘋果冰茶同蜜桃冰茶都普通無大特別總結：呢間餐廳比較值得試嘅係雞類，其他都係無咩味/偏油$128嘅set再另收加一，覺得性價比唔太ok…查看更多

德福，開咗一間新嘅越南菜, 晚餐經過，見到裝修很有味道，於是入咗去試餐， 叫了一個雙拼檬粉豬扒同埋蝦餅， 同埋一個炒芥蘭苗。豬扒入味，同埋芥蘭炒得好。入邊坐得好舒服，之後走嘅時候仲發現有個地圖打卡位。…查看更多