Pho 1 (Closed)

嗰日忙到遲咗吃午飯，見佢門口寫2:00有下午茶，價錢又ok，諗住入去試吓。坐低之前檯面放晒下午茶餐牌，寫明14:00開始，但我手錶已經14:10落單，但收據出14:04落單，仲計我午餐價錢$68心諗埋單先再同亞姐講(落單同收銀都係同一個人)，點知碗河粉黎到，真係嚇我一跳，河粉份量少石沉大海當時已經太肚餓，唯有沉住氣食呢碗河粉，味道好一般，份量好少，奶茶有咸味好怪，不能接受午餐價$68或者下午茶$52呢種質素同份量後尾埋單同亞姐講應該收$52下午茶價錢，佢竟然話係咩都唔知佢係真傻定假傻…Read More

約咗女朋友落去南豐中心睇電話配件，女朋友大人左揀右揀，都揀唔到佢要嘅嘢，平時去呢啲地方係男人嘅天堂，但係今日買嘢嘅係佢，即時天堂變咗地獄，心情好複雜，最後結局佢放棄咗，我即時鬆一口氣，唔係就要繼續同佢一齊漫無目的繼續搵，咁樣大家食啲嘢就返屋企，突然之間好想食牛，但係又要就佢口味，越南菜我哋兩個都啱，我叫咗一個全牛湯河，熱辣辣，牛味濃郁，紫洋蔥帶出陣陣甜味，完全滿足到想食牛嘅心態，女朋友都食得好開心…Read More

今日要去荃灣上堂，上完堂同同事在附近食午餐，突然間好想食越南野，行左一陣見到一間越南餐廳，即時入去，見到餐牌好多選擇，因為我好餓決定食飯呀，同事食麵，味道不錯。…Read More

三人行吃午餐 今日我哋去咗荃灣 越一越南牛肉粉專門店，午餐時段都要排隊但好快就可以入座。我今日食 生牛肉湯河粉，這裏的生牛肉很滑很鮮味，我真係好鍾意佢哋個湯底，好惹味加埋紫洋蔥圈 九層塔 紅辣椒和 肥肥的芽菜仔，味道好豐盛非常好吃。朋友叫了燒豬頸肉湯檬粉，我吃了片豬頸肉非常好味，肉似帶肥 但很爽口一啲都冇肥膩感。扎肉蒸粉包 也是很好的小食，粉包質地非常幼滑，面頭有一塊扎肉 上面放了香口的蔥片和青蔥 特別好味道。 椰汁三色冰 每次我都會飲，濃濃的椰汁，一啲都唔欺場 每次水準都一樣。…Read More

今日(30-11-2019 Sat)同老公落荃灣寄賣新鞋前食個晏,我唔係好肚餓,佢話嚟呢間食越南嘢,啊.我哋去到,咁啱又坐返上次嚟食嗰張枱(嗰個食評: https://www.openrice.com/zh/hongkong/review/ok-o%E6%97%A2-e3254807),睇完冇乜選擇嘅menu後,老公決定要$56.00嘅燒豬頸肉撈檬,加$3.00要凍鹹檸水,我要$28.00半份嘅炸蝦餅.凍鹹檸水正常冇問題.等咗一段時間, 半份炸蝦餅到嚟,份量真係好少,呢個口感正常,內裡有啲馬蹄粒,其實佢都夠味o架喇,加上佢嘅酸辣醬偏辣,所以我唔使蘸.等咗好耐, 燒豬頸肉撈檬終於到嚟,睇見檬粉唔多,燒豬頸肉口感正常但味道好似麻麻,檬粉爽口,加咗適量魚露食,但魚露竟然係辣嘅,我又唔啱食喇.其實之後我都想叫$22.00厥隻嘅香茅雞翼,但原來小食係跟餐叫,一個餐只可叫一個小食,唔可以獨立叫,所以最後我哋都有要.抵食係2.5分…Read More