Zou Qing

位於太古康怡廣場、主打點心及粥粉麵飯的「走青」最近推出懷舊套餐四款，每款$98包主食、點心、甜品及懷舊汽水共四項目。B餐 $98古法牛筋撈麵香炸手打墨魚餅厚切豬潤燒賣C餐 $98手打墨魚片紫菜河蔥花蝦米腸鴛鴦臘腸卷（1條）兩個餐都配：芝麻卷（1條）懷舊支裝飲品－我哋揀維他奶整體上粉麵及點心的水準皆不俗，牛筋煮至軟熟膠質，幼麵爽彈，配上非常熱騰的湯。腸粉滑溜厚薄適中，配合麻醬甜醬好好味。鴛鴦臘腸卷很滋味，包身軟棉口感好。套餐之外，追加了這些：厚切豬潤麵 $68心水推薦，黃沙豬膶之水準，豬潤真的夠厚，全熟中帶暗粉紅，口感又粉又嫩如黃沙。即炸蝦多士 $78厚麵包，炸得香口。蜜味香茜叉燒腸粉 $62腸粉實在唔錯，叉燒一般，所以相比之下，之前的蝦米腸粉更好食。雪糕紅豆冰 $32生姜蜜（熱）$20環境配合，懷舊復古。看得出訓練有數，服務員有禮貌，態度良好，少有粉麵店有比質素，不愧為大集團經營，Lubuds 出品沒有失望。 …查看更多

今日行行下街突然想食碗雲吞麵，估唔到康怡有間裝修懷舊既店舖「走青」，環境十分舒適，仲播住啲懷舊金曲，仲有公雞杯同茶壺，仿佛回到80年代。講返個雲吞麵先，材料豐富，啖啖肉好新鮮既材料，個湯亦都好好味，好驚啲雲吞麵好重鹼水味，雲吞麵再配上餐廳提供既普洱茶，岩哂最鐘意飲中國茶既我，值得一提係員工服務好好，另外餐廳亦有提供點心及套餐選擇，但因為食左野只係心血來潮想食碗麵，下次一定要試下個燒賣，見到隔離個燒賣好吸引！質素高既餐廳，好期待下次再食多啲野！…查看更多

剛剛搬來太古咁啱經過見到有間咁特別嘅粥麵舖，眼見有一人套餐又有啲小食，咁就入咗去試吓。一入門口好彩有員工提醒小心梯級🥰，原來有兩級樓梯先可以入到餐廳。之後點左啲兩份一人套餐另外加咗碟油菜出奇地好食😋又坐得舒服😍啲員工又有禮貌又態度親切😍我哋兩個人食完呢個下午茶之後充滿力量又開心又滿足😋值得推薦比大家👍牛骨濃汁牛丸河蔥花蝦米腸粉蝦餃水晶果油菜一碟冰凍豆漿枱面又有豉油同醋仲有我最鍾意嘅辣椒油添，配埋我嘅年代經典金曲（全部我都識唱）😂牛骨濃汁牛丸河 大大粒咬落口原來啲濃汁喺晒入邊…查看更多

父親節諗住帶父母食餐好嘅，見呢間新啲，裝修好似幾好，就揀咗呢間。5點去等位，5點有位，諗住都幾好呀。點知⋯⋯首先，間嘢係做中式包點、粥粉麵，竟然起手就上兩壺凍冰冰嘅茶嚟。大佬，出面咁大雨，兩老多少濕咗啲，點畀凍茶老人家飲呀！跟住，套餐餐牌上一碗粥加半份糕點，已經$98。諗住父親節飯，照叫，碗粥係大，但份糕點真心超細。結果兩老各食一份套餐都係唔夠飽，要再散叫嘢食，但碟碟都$40以上。呢間嘢永久blacklist！…查看更多

今日星期日11am左右去到康怡廣場想搵一間食肆食個早午合併餐，但又唔想去港式茶餐廳。本來還在猶豫選擇那一間食肆，見到走青門口放出來的餐牌有粥麵及點心套餐，最平都要$98覺得有些貴，但最後被它優雅舒適的環境及比較寬敞的座位吸引，於是決定一試。 11.30am食肆剛開門未有客人等位，我們2人被安排坐寬敞卡位(應可坐6人)。而我們點了2個$98的套餐，包括古法牛筋撈麵加鮮竹卷，及古法牛腩湯麵加蝦餃，另額外點了一客$15炸魚皮，而每個套餐均包一杯飲品。 除了欣賞這食肆的優雅環境，我們覺得店內一人套餐提供3個彈性選擇，由$98(粥或麵加點心)，到$118(粥或麵加小食)，及$158(粥或麵加點心加小食)。而今次我們雖未試過$288的二人套餐，但見套餐有小食(炸鯪魚或墨魚餅)，加2款主食，2款點心及油菜，也覺得提供了不錯的選擇。其次欣賞它套餐份量算合理，質素亦唔錯。每桌有一壺茶更滿足了很多喜歡去酒樓飲茶的食客，比起由服務員添茶的安排勝了一籌。店內亦有充足的服務員提供服務。今次光顧的體驗很不錯，會再去亦會推介給朋友。…查看更多

是次與台灣朋友聚餐，特意選了一家港式點心來做晚餐，晚餐有提供點心的食店不太多，剛好從OpenRice 找到走青，加上食物每樣都很不錯有驚喜，而且服務態度也滿好，值得推薦給大家。…查看更多

“二人套餐”($288)太古康怡其實都幾多餐廳選擇最近就去咗呢間走青食晚飯雖然餐廳裝修帶點文青風但其實係一間新派港式粥麵+點心餐廳仲不繼播住啲懷舊金曲😆我地點咗個2人套餐包咗鯪魚球/墨魚餅,2款主食,2款點心,油菜其實都幾豐富😚小食我地就揀咗炸手打墨魚餅墨魚餅炸到金金黃黃,食落帶點咬口主食就點咗鮮蝦雲吞撈麵,鳳爪排骨盅飯撈麵份量算多,不過雲吞偏細粒鳳爪排骨飯味道正正常常點心就揀咗筍尖鮮蝦餃,桂林陳皮牛肉腸粉點心表現相對比較出色😝油菜可選油麥菜/菜心/芥蘭🥬大大碟配上蠔油,不錯👍🏻…查看更多

第一次試食呢間、有新裝修、裝修有日本格調，原來係食中式點心，非常有創新，味道非常好，地點方便又就腳，價錢合理，有套餐都抵食，值得一試，但係間食店播歌有啲奇怪，影響全間餐廳嘅氣氛，始終食點心給人感覺係靜靜地、傾下計…查看更多

［傳統點心，新派格局］#太古#走青#中式點心#mrshktastingmenu1️⃣賣相：⭐️⭐️⭐️⭐️2️⃣質量 : ⭐️⭐️⭐️⭐️3️⃣服務：⭐️⭐️⭐️4️⃣價格：⭐️⭐️⭐️5️⃣環境：⭐️⭐️⭐️⭐️6️⃣回頭率：80%走青，名字先聲奪人👏🏻我都好想知點解餐廳名叫做走青。呢度出哂名播80年代廣東話舊歌，張學友、劉美君、陳百強、彭家麗，首首歌曲耳熟能詳。舊款幼碌單車、舊式絞盤電話，玩味極濃，但你係想賣美味？玩味？人情味？大家自己解讀。⭐️⭐️⭐️潮洲水晶果水晶果外貌晶瑩剔透，皮光肉滑，粒粒飽滿。薄薄的水晶皮包裹著滿滿的涵料，水晶被彷彿吹彈得破！翠綠的青蔥差啲破皮而出，仲有爽脆的沙葛，味道層次皆豐富，必食推介👍🏻🦐脆皮鮮蝦腸粉驚艷😍另一必食推介👍🏻內在核心鮮蝦爽口彈牙，中間夾心脆漿炸得甘香鬆脆，最外層腸粉不算透薄但米香撲鼻，醮上自家調製甜豉油，獨吞又有何恐懼？🐔北菇滑雞盅飯冬菇大而厚實，雞肉帶有酒香，癖去雞的腥臭味。其實，冇左佢自家製嘅甜豉油，呢個北菇滑雞中飯，就乜嘢都唔係。冇誇張，order 1個試吓。#hkig #ilovefood #hkfoodie #foodie #hkfood #hkfoodstagram #hkfoodblogger #hsbcdinningweek #dinning #dinningweek #香港美食 #香港食評 #廣東點心 #潮州粉果 #脆皮鮮蝦腸粉 #北菇滑雞飯…查看更多

好多次，行經太古城康山呢間 ’走青‘，見到其簡單啲裝修，淡淡啲色調，感覺此店舖總係安安靜靜，冷冷清清～曾行近觀望，其外牆上公開啲menu，不過係一啲傳統的粥粉麵飯，價格也不吸引哦！今日，與屋企人就近搵晚飯，發現openrice上對呢間 ‘走青’ 啲好評如潮！咁，唯有試一下囉😍果然，其內部擺放好文雅, 好似書店，也想起一篇古文：陋室銘😅6點左右冇乜客人，我啲有卡位，寬鬆舒適✌️落單時才知：17:00pm後唔供應香口嘢（煎炸食物），健康原因嗎？少咗啲選擇喔！好吧，來來來，再撿過～1）蜆蚧鯪魚餅 HKD78.-/ 6 件！與坊街啲魚肉餅唔同，呢度鯪魚冇魚腥味，口感鬆軟，食材內容豐富，還另配一碟沾料，但食完都唔知果碟係咩料😅！唯一希望改進啲係：唔加價，大件滴😂2）練奶桂花白糖糕 HKD42.-/ 4 件可能係練奶沾多咗，蓋過了桂花香！白糖糕很鬆軟，但可能係碟中有水，浸爛咗白糖糕底部，影響咗口感，可惜😅3）鴛鴦臘腸卷 HKD55.-/2卷（斷成4卷）👍有心製作！雖然潤腸唔啱我，但有臘腸吸引，我還是照常食咗1/4😆4）韭黃鮮蝦腸粉 HKD62.-/6件 ⭐️⭐️⭐️蝦肉Q彈，韭黃鮮香，腸粉滑糯！淋上少少豉油，正！👇🏿👇🏿👇🏿5）雙丸粥 HKD68.- 👍👍👍粥煲得好棉，口感鮮鹹適中，牛肉丸和豬肉丸啲肉質唔會鞋，軟韌緊實，如果再撒入啲薄脆碎，就錦上添花了🤩6）北菇滑雞盅飯 HKD68.- ⭐️⭐️⭐️淋咗餐檯上啲甜豉油，香噴噴～雞肉滑嫩！香菇惹味，連米粒也帶著稻香，呢盅飯被一掃而空！7-8）兩杯嘢飲 （唔記得影實物） - 凍咖啡： HKD24.- - 雲呢拿雪糕可樂 HKD32.-呢度唔計茶位，有收+1，今日4位簡簡單單飲晚茶，滿意！會撿5:00前再來，試下煎炸嘢😂…查看更多

An easygoing cantonese Chinese bistro offering Cantonese Chinese dim sum and noodle dishes. Friendly staff and responsive service. Good for a casual get together here. The old Hong Kong songs played here gave you some nostalgia feeling. …查看更多

基本上一星期都有幾晚都係出街食，屋企附近一有新野就會試。哩間叫「走青」個名都幾得意，裝修唔錯，用靚木色襯托大毛筆同大字畫，好有特色。而且播返羅文/陳百強/梅艷芳既歌，眼見客人平均年齡都五十或以上（當然除左我地），一定要介紹亞媽黎。❤️晚市二人餐 $288😋炸墨魚餅 哩個迷你版細細件都有五六件，配埋個辣椒豉油又幾好味。墨魚餅最緊要係爽，好怕食太粉果d。哩個岩岩好，味道都有墨魚味，唔會太咸，好味。😋蟹籽燒賣皇哩個好食過好多酒樓，最緊要唔會食緊舊好肥既豬肉。正。😋潮州水晶果去親酒樓我都叫粉果既，食過無數間酒樓，哩個外觀成個波咁，已經覺得特別。仲要好足料同埋個皮完全唔厚。超好味，哩個必食。😋本地油麥菜通常出街有油麥菜叫我都會叫，因為自己好難整得好味，可能我廚藝唔夠好。哩個都煮得好嫩，而且唔會好油。配上蠔油，超match。 哩隻蠔油唔會係死咸，應該係高上貨。😋豬手撈粗本來想食牛筋，不過二人餐冇得揀，所以叫左個豬手，佢有四五舊細既，都算唔錯。唔會太肥，只係太飽好多野食，個面都食唔晒。😋鮮蝦雲吞撈麵雲吞係迷你版果隻，都好精緻 皮薄。又係果句唔肥，唔係cheap雲吞得d肥豬肉。😋炸魚皮 +$15另加錢都想食下炸魚皮，佢係薄脆果款，唔咸，好酥肊口，正。😋凍豆漿唔會太甜 ，好有大豆味，唔錯。係細杯d,同埋冇熱。😋紅豆咖啡 +$10好多紅豆，抵飲。唔錯。哩餐真係好抵食，超多野食。仲要質素好高下。環境服務都十分之好。值得再去食。佢仲有粥未試，下次帶埋亞媽再黎先。⭐️⭐️⭐️⭐️⭐️（5星為滿）走青 (太古)太古康山道1號康怡廣場地下G9-G11號舖#飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #太古城美食 #香港打卡餐廳 #打卡 #yummy #hongkong #hongkongfoodie #hkfoodie #hkfoodblogger #dinner…查看更多

餐廳位置偏僻，住甘耐都冇發現過佢既存在，屋企人今日叫我一齊去食先知道。入去冇人招呼，我以為會有侍應帶位，等咗一陣都冇侍應上前，我地自己搵位坐。再等咗一陣，有位似係經理既男人有禮貌問掃咗安心未？有冇餐牌？我答乜都冇喎。佢立即親身去拎menu、熱水壺、杯。的確其他後生仔女侍應係冇甘主動幫手既，其他人既評論話服務麻麻地係岩。我叫牛腩飯$78。好貴呀～～食頭兩啖，依！d飯好好食喎！！！夾黎望真啲，d米又肥又短，絕對唔會係cheap雞絲苗米。屋企人指住menu，果度有寫南方槄米，但冇講明咩品種波。我估係蓬萊米。好食喎～～我好少可會讚香港餐廳用既米。牛腩係炆得淋既，個汁岩岩好，冇出面果種特別咸。有驚喜有驚喜～～～當堂覺得$78唔貴，好彩我係叫飯。屋企人叫豬手麵，佢話骨多過肉，麵普普通通啦。…查看更多

好味，抵食，啲飯粒粒分明，好似假嘅咁即整嘅味道，夠熱夠脆，小朋友好鍾意食雪糕紅豆冰，啲紅豆好大粒，啲花奶太多😩😩還可以環境幾靜，可能早去，走嘅時間坐滿一半，啲職員好有禮貌…查看更多

我地2個人中午12:00入座， 約一半入座率。 所以樓面係唔忙的。 我地叫左一個158 的餐（麵加 2個點心） 再叫一個腸粉同粉果， 埋單288。 野係好食的， 腸粉夠滑， 粉果唔油， 墨魚片有咬勁同好味。 撈麵冇皂水，夠爽口。 環境都係好乾淨同埋有空間的。令到我炆憎嘅只係因為兩次三次好簡短咁同一兩個員工嘅對話。 ( 利申： 都有機會係因為我見到個環境而令我嘅Expectation過高） 第一次實係一入門口侍應同我講「等等我帶你入咗」 ，但係就有令我覺得好機械式同埋晦氣嘅感覺。 另外就係同我落單嘅個位男仔， 講完要咩俾佢聽佢係冇反應， 我就要Double check佢係咪聽緊。 到了最後， 食完所有野， 我哋先醒起叫餐飲， 同返之前個男仔講， 同又係一副冇氣冇反應咁樣。 最後為咗公平起見，我喺埋單嘅時候就叫咗另外一個瘦嘅哥哥仔幫我， 佢好爽快有朝氣咁樣回應「好」 。一個咁簡單嘅字就會令到我覺得成件事好返晒。 成件事冇錯㗎， 冇人出過錯， 但硬係令我忟忟地。 …查看更多