Akamaru Udon Factory (Closed)

有工作要到九龍灣一轉，發現了一間叫赤丸製麵所嘅食店，唔係太多人，便排隊試一試。等左幾分鐘，便有位，係餐牌見到一個餐，包個烏冬、小食同飲品。兩個人各點左一個餐，一個雞扒蕃茄烏冬加吉列牛肉薯餅加汽水。另一個咖哩海鮮烏冬加章魚燒加凍柚子蜜。上餐速度快，蕃茄湯幾濃味，一個字:正! 至於咖哩湯有D刺激，冬天食會好D，但烏冬份量唔算多，小食就一般，整體都叫OK，可試。…Read More

由於我得一個人入去食 所以侍應安排我坐吧枱位 座位窄加枱細 兩邊都有人 坐得吾太舒服 我心諗 可能太好味太多人黎食呢 然後我叫左個赤丸拉麵 等左五分鐘就上餐 都幾快:) 其實個拉麵幾好食 啲麵好有口感 係個湯底咸左啲 食到一半個口就好口乾 吾知係咪落左好多味精 我想飲杯茶 點知得清水提供 好傷心 我食左$57.2 真心吾值 仲要加一 個麵得一塊豚肉 兩粒帶子(好鮮甜) 有啲粟米同咸菜 同埋一塊紫菜 真係味x拉麵都抵過佢…Read More

今日行咗好耐都唔知食咩下午茶好，心思思又想試下我以前好中意食嘅稻庭冷烏冬。行到門口，見到人影都唔多隻，心諗會唔會係兩年間變成一個伏呢？不過都係入咗去，望住嗰餐牌我呆咗！我知香港近年咩都加價，但係冇食一年姐，竟然赤丸啲價錢加咗成倍⋯絕對唔抵食！仲要一入到去，有位手掌咁大嘅蜻蜓係到周圍飛，嚇到我同其他客人差啲尖叫！但係嗰疑似老闆嘅男人都冇即刻叫啲侍應去捉走佢，佢只係話「蜻蜓尼姐」有一刻，真係想即刻走人唔食嫁！最後叫咗個下午茶，辣肉田園稻庭冷烏冬配巨蜂提子汁。佢用芝麻醬去配嗰烏冬，我覺得有啲留，其實啲肉配烏冬已經好夠味。佢話辣肉，但一啲辣味都食唔到，只係得鹹味。成嗰餐好似係炸醬面嘅烏冬版咁，啲青瓜蕃茄同成個味完全唔夾。不過巨峰提子汁味道唔錯，唔太甜～…Read More

好耐無黎過，記得上次最好食既係軟殼蟹冷烏冬，所以今次再黎都有點到。不過都係上次比較好食，烏冬感覺細條左但普通，軟殼蟹唔錯，配沙律醬同蟹籽好match今次食點左set, 價錢同單點唔係差好遠，而且有小食飲品，牛肉餅小食唔錯，推介。上菜速度都算快另外點了咖哩海鮮烏冬，完全覺得自己食緊咖哩味既cup noodle...都係軟殼蟹冷烏冬好食D, 值得一提既係咖哩海鮮烏冬入面既炸蝦係無分開上，所以已經淋哂，可以改善下…Read More

吾寫食評都吾知依間赤丸係甘多間赤丸分店最高分哈哈...食物質素的確ok，但如果有lunch set 就仲好. 烏冬彈牙，蛋都算滑，但豬排就麻麻，肉質較實, 炸粉同豬排散開哂. 雞肉質幾好，個照燒汁都幾惹味，不過汁吾夠，下層嘅飯太乾.…Read More