貴州熙月羊肉粉館

小小店食品種類唔多 座位亦唔多 ~ 不足廿個位，小小店 重要既係明顯 老闆是用心處理 🙂因為如果食材未得 會表達 未有或未得住 要等㗎，不會為做生意而夾硬整 👍 交代清晰 👍環境 ~ 以小小店來說 不錯啊，簡單整潔羊肉羊雜湯 ~ 足料好味 🙂烤紅柳枝羊肉串 ~ 燒至剛好，肉味香濃 🤤羊肉煎餃 ~ 個人覺得好好味 🤤 請教咗原來是自家創的 👍 皮不是用一般餃子皮 ~ 自己搓，煎出嚟有點似酥皮，不過提醒要用匙羹兜住食，因為肉汁流出嚟 🤤 好味就一家 家庭式自己兩口子打理的小小店來說，真的不錯，用心 有水準 👍 努力呀 一定會返嚟再食其他 羊食品 😎 但會翻兜煎餃 🤤 …Read More

老板娘说大辣很辣的窝，但我觉得还不够辣。汤底没什么味，辣椒不香。羊杂和米粉挺好吃的，可能更适合口味清淡的人吃吧。我中午饭点去的时候店里座位基本上满了，只能说不符合我的口味吧。…Read More

個麵本身有啲清，我諗加埋佢枱上提供嘅醬料會好味啲，但我不嬲食開清淡，所以還可以接受。至於糍粑外皮薄脆、內裡軟糯，但再多啲糖漿就更好味啦🥰老闆同老闆娘都好nice…Read More

本身鍾意食羊，成日搭車經過，今次放假就一個人落去試下。舖頭乾淨企理，通風ok, 唔會一浸蘇味，唔會食完嘢就成身羊味。難得落哩就食雙併，俾多少$叫羊肉羊雜粉。少貴而份量ok，羊肉本身就唔平，起碼啲料對得起食客。羊肉算嫩有羊味而唔蘇，羊雜都嫩有少少蘇，啱口味。湯底清清地，唔會搶左主角味道。粉就係米線偏軟滑嗰種，唔錯。叫左一條羊肉串就麻麻，下次唔叫，相都冇影。見有羊肉餃下次先試。…Read More

喺深水埗行完街，行落去太子就係為咗試呢一間羊肉米線。間舖都幾吊腳，喺深水埗同太子之間。不過太為食就要行下。入到嚟之前嗰啲客已經離開咗枱面嘅嘢未收，剩係得我一個人。話晒試新嘢，有啲保留好啲，所以淨係嗌咗個羊肉米線，一份糍粑同埋黑豆漿。老闆幾好問我啲豆漿要唔要甜。走甜當然好啦，飲落去同屋企自己用黑豆打嘅一模一樣，都幾濃郁唔會太稀。碗羊肉粉上場啦，試一試啖湯先。淡，好淡。跟住老闆娘叫我搞一搞個底先至再食。搞完都係淡。不過見佢啲玻璃門上邊都貼住唔夠咪可以自己加鹽，湯頭做得唔好，真係嘥咗一碗粉。其實啲米線好好食粗粗地又彈牙又夠滑，但係個湯底真係敗筆。啲羊肉片食落去感覺就有少少怪，好似食緊金華火腿片咁。當然唔會好似火腿咁鹹，不過個質感就係好似金華火腿。食到大半個糍粑終於到。新鮮整真係好軟糯，但係啲紅糖原來唔係喺個糍粑裡面，只係喺面嗰度加少少紅糖漿，不過都好好食。希望佢可以喺個湯底嗰度下多啲功夫就好啦。…Read More

本身住楓樹街球場附近，不時都經過呢間嘢，自己又鍾意食羊。咁啱今日老婆仔女唔係身邊，一個人唔知食乜嘢，試下佢啦。裝修就一般般好簡潔，但勝在幾幹淨，睇完菜牌叫咗一碗羊肉羊雜粉$68，一個拍青瓜$28，兩串羊肉串$40（呢度有少少不滿，唔可以單串叫，但係你寫落餐牌度啊嘛）一罐檸檬茶$10。上麵啦，啲碼頭比預期多（因為響太子食過另外一間羊肉粉羊肉比較少）有羊的味道，但又不會騷，不錯，羊雜部分就有點比較碎，不像我預期中像牛雜那樣大塊。粉係一種粗身軟滑米粉，大概就係巨型版嘅米線噉樣，湯底唔錯夠味但係又唔算係太濃，飲咗啲湯都唔會頸渴，叫咗小辣，但係唔夠辣，叫老闆另外加咗啲辣椒粉畀我。拍青瓜現拍現撈，水準之作。羊肉串是現烤的關係，粉和青瓜吃完了還沒上，羊串，5粒羊肉，有一點點羊味，大概是因為沒有肥肉的關係，調味就是孜然粉和辣椒粉，如果單論羊肉串的話，太子那間勝過這一家的羊肉串（羊肉串忘記拍照）。總結，共消費$146，價錢唔算便宜，但羊不溜都係矜貴嘢，而且佢畀得足料，味道唔錯，下次會再幫襯，但羊肉串就不會了。…Read More

之前經過都想試吓，今日咁啱有機會試咗啦😁叫咗一碗羊肉粉（清湯）一碗羊雜粉（小辣），一份魚皮 呢間嘅粉同我哋平時食開嘅有啲唔同,唔係一般食嘅河粉或者米粉，感覺似粗身嘅瀬粉，食落去滑得黎有點爽口，都幾好味❤️湯底都唔錯羊肉同羊雜，一啲都唔蘇，食落感覺新鮮乾淨👍🏻份魚皮，估唔到咁好食，又爽又辣好惹味⭐️⭐️整間店感覺好企理，一啲黐湆湆嘅感覺都冇，睇得出係一間用心小店❣️支持💪🏻💪🏻💪🏻加油，希望水準keep 住👍🏻…Read More

這間位處太子近深水埗與石峽尾的羊肉粉小店，開業已有數月，由一對夫婦用心經營，店內主打羊肉及羊雜粉，已吃過好幾次，味道一直保持水準，湯頭熬得清香味純，貴州粉十分軟滑，且份量亦足，沒有馬虎～不過今次真心想推薦既，係店內另一道小吃：新鮮羊肉芫茜煎餃子🥟！這道小吃$30/2件，約半隻手掌大的煎餃，老闆娘為保持新鮮美味，都是每次下單時才由老闆娘親手包造，再煎起上桌，所以要等候稍耐的時間，十分有誠意。老闆娘包好餃餃子後，會慢慢把羊肉餃煎香至金黃，再送上桌。扁身的餃子肚飽飽滿滿，餃子皮偏薄，沒有平日那種又厚又硬實實的口感，中間位置仍然是偏軟身。一啖咬開後，一滴滴漏出來的肉汁，令人食慾大震！之後每咬一口都帶著濃濃的、羊肉獨有的肉味和羶香，雖然混雜著芫茜卻不會搶了味，兩者之間取得平衡，令人吃後充滿驚喜！或許是我個人太愛吃這道小吃，也或許這羊肉煎餃太對我的胃口，但老闆娘的傑作真的充滿誠意！假若看後覺得這形容太浮誇，大家不妨親自一嚐老闆娘的手勢吧！…Read More

嗰日路過見到呢度新開咗一間羊肉粉館，是對夫婦經營的，就入去試吓啦。餐廳內有6張枱，枱上放有醬油及調味料，幾有特色。🐑🍜 羊肉粉 (HK$52)．羊肉好薄切，口感嫩滑，有羊肉味但無羊羶味，不過可唔可以俾多幾片羊肉呀？．米粉都幾爽口、彈牙～．朋友點咗少辣，所以店家係煮熱嘅湯𥚃加咗些辣椒粉，對我來說真係好辣吓，朋友食得辣都覺得比較辣🥵🍮 手工紅糖糍粑 (HK$22)．即叫即炸，一份有5件，不過未影相巳經被人急不及待食咗一件🤣．即叫即炸，所以外皮薄脆，內𥚃軟糯、煙韌，本身無味，所以要配紅糖糖漿，甜甜地好好味😋…Read More

天氣轉冷 唔想打邊爐 可以一試羊肉粉 2個人叫了羊肉羊雜粉 羊肉粉 羊雜湯 紅糖滋粑 大大碗湯底夠濃（我個人比較重口味）我要中辣 太太不吃辣 粉比米線偏腍 但配上佢既湯又覺得唔錯 羊雜羊肉連粉連湯一齊食 配上花生香菜 口感不錯 又暖笠笠 唯一美中不足羊羶味唔夠 不過羊肉切開一小片一小片食落口感都可以 辣同唔辣都好食 佢既辣又唔同四川重慶果d 佢既辣係淡淡既 但食到一半就開始標汗 都幾特別 羊肉粉同羊雜湯既湯有小小分別 羊雜湯湯更濃 細食既朋友可以試下羊雜湯 滋粑方面做得都幾好紅糖都足夠 唔太甜又唔太膩 埋單2百價錢經濟 值得回頭…Read More

$52 老火湯底嘅羊肉粉，可辣🔥可唔辣❌🔥算幾香，值得一試🐐環境新淨企理，冷氣充足。另有多款小食，我地叫咗羊肉串 （$20/串），調味好香口，肉質鮮嫩。藤椒魚皮（$45）彈牙，做前菜一流。如果唔食羊，可以試手打超大包心魚丸粉（$48），係魚蛋外殼包豬肉喺入面，真係超巨型！最後叫埋甜品，熱辣辣，外脆內軟嘅手工黑糖糍粑（$22/5件）。呢個係老闆娘推介，我第一次食呢樣嘢，好似脆皮條狀湯丸咁，食唔停口！…Read More

本身同老公經過幾次都有意欲想試，今次在食飽狀態下入去，就羅柚痕想試下！我推門入去問問老闆娘，兩個人一碗再加叫小食，可唔可以！佢哋好好答，當然冇問題！佢地店有6張枱，好舒服！門出面望入去好似好冷清，不過入到去食，佢係啲客不斷出出入入，都接不停👍🏻講返食物，我地純粹試吓，叫了個羊肉麵，唔太so,岩我！肉好嫩，粉特別粗米粉，唔錯！佢連湯都好好味，冇味精！老闆話係用羊骨整，同老公飲曬大半碗😋⋯⋯再叫了青瓜，正常野味道都好味😋下次試下羊肚麵先😊…Read More

小七食評今日去咗太子食羊肉粉，呢間舖頭喺新開嘅，招牌都未有嫁。環境入到舖頭環境係小店大概有八張枱，小店環境舒適，每張枱都有大量調味料例如醋鹽胡椒粉醬油特別係有蒜頭。由於今日一個人嚟食我叫咗碗羊肉粉，嚟到都算大碗但羊肉唔算特別多，米粉方便係粗米粉，口感似賴粉彈牙食物其實冇乜味。湯底方面係鮮甜嘅，但係味道就唔夠濃，做唔到湯底嘅效果。所以我建議飲一啖湯之後自行調味，我加咗啲醬油醋之後就變得濃味D。配料方面有花生同埋蒜苗都係啲香口野。總食評我去到只有兩個人，老闆娘好細心，都有問我同另一個客想啲羊肉係肥啲定廋啲。整體嚟講呢碗麵都算好食嘅，不過店裏面嘅餐單款菜式唔算多，希望佢遲啲加多啲新菜啦，我會再嚟試下嘅。…Read More