Gong Cha (Closed)

尋日星期日,因為約左老爺奶奶飲茶,所以去左荔枝角,我自己平時勁少黎呢區,因為覺得冇乜野地方可以行街,飲完茶同老公行左陣準備塔地鐵離開行到門口附近有間貢茶,平時自己係旺角都會飲,但旺角勁多人等勁耐,眼見面前呢間等既人唔算多就去左買飲,之前成日飲奶蓋烏龍茶加珍珠,好鐘意奶蓋 既香味,但行到收銀旁邊貼左一張紙介紹奶蓋系列...奶蓋珍奶,可能呢排少飲,覺得係新野咪問下個店員,老公話有奶蓋同珍珠咪試下囉,之後等左幾分鐘已經有,當然大約7-8個人等緊,我本來諗要等好耐,但比想像中快,飲落杯茶都幾好,有茶味,珍珠又唔太硬,我之前飲過d貢茶冇茶味珍珠又硬好似未熟咁,好難飲,個奶蓋又唔會好似水咁稀,不錯不錯!自問都飲過唔少唔同地區貢茶,但好多都好難飲,飲過一次之後就唔會再飲,但呢間如果下次再有機會黎呢區都會再幫襯下,希望佢地可以keep住個水準!!!…Read More

基本上，依家周圍都可以見到貢茶的店鋪一般大眾對連鎖店，往往都有一定的期望希望佢同你響第二D地方食到/飲到的味道會一樣早兩日響荔枝角的貢茶分店買左杯招牌奶蓋烏龍茶，希望響陌生的地方尋回熟悉的味道....但係, 實在太令人失望喇我本身幾鍾意貢茶的烏龍茶味，通常到手之後都會分開飲烏龍茶先但係.... 但係.... 佢 D 清香呢? 冇左! 我冇叫少甜，但係明顯唔夠甜...濃郁的奶味呢? ... 我覺得好似溝左水咁!到最後攪埋一齊飲，相當滑... 滑到有D似飲水... 總括而言... 淡!大概是冰塊溶化了，有點水，調配員一股腦兒倒到茶裡，沖淡了原來的香味...毀了原本的味道...其實，我去果時都冇其他人等緊，得我一個客人，都會整成咁，好難想像佢多客的時候會點...如果我第一次飲的奶蓋烏龍茶是這樣的味道，大概，很難會喜歡上它呢...…Read More

店員說這飲品沒糖，紅豆自身甜度頗高。抹茶味不太濃，有點｢奶+抹茶｣的感覺浮面的金黃色玄米帶點烘焦的味道，與奶茶一同飲下仍保持香脆，口感特別，極盡視(色)、聽、(香)味之享受…Read More

對於現時成行成市的珍珠奶荼水準極為參差，雖然同一品牌，但水準及服務態度就相差甚遠，好似”貢茶”呢個名牌咁，就係一個好例子．星期日同女友行經宇晴軒商場宇晴匯，發現一間剛開張的貢茶，剛剛又行到口渴就諗住買番杯奶茶頂下，例牌排一條長龍先買到飛，但等茶時間比想像中快，我選香草奶凍正常甜度正常冰，我果個奶同茶味恰到好處，香草夠滑好好飲，而女友就要格雷黑糖奶茶少糖少冰加奶蓋，由於女友是奶茶超級粉絲，喝了一口就馬上說呢杯好有茶味，她還說飲了咁多間貢茶，只有呢間同旺角登打士街果間有香濃茶味，她還說如果冇茶味就唔係飲奶茶，而係飲緊糖水，而且奶蓋很厚，和宣傳單張上的一樣，最緊要是黑糖煙粒粒分明．點解我會咁講，因為之前去銅鑼灣謝菲道果間，果個黑糖奶蓋得打橫一隻手指咁薄，之後馬上問店員點解咁少奶蓋，佢就即刻攞返俾沖茶果位員工，而沖茶果個又同另外一個掛住聽 iPhone 員工互相推卸責任，一個掛住玩一個掛住聽電話，試問又點會沖到一杯較為正常嘅荼，最後係咁兒加番多半隻手指的奶蓋，最重要是和佐敦道果間一樣冇茶味，又試過去深水埗桂林街果間飲格雷黑糖奶茶，啲黑糖好似小童拳頭咁大舊，用飲管根本是飲不到，到最後我要界開杯蓋先食到舊大黑糖．所以品質真係參差很大，希望果幾間有問題分店，唔該攞番個良心出嚟經營，唔好顧住搵錢，而忽略咗產品質素，唔好當啲人唔識飲，因為有比較，不要做衰個照牌．…Read More