Video
5-min walk from Exit C3, Mong Kok MTR Station
continue reading
Payment Methods
Other Info
Alcoholic Drinks
Parking
TV Broadcast
Above information is for reference only. Please check details with the restaurant.
好好食，好好食，好好食！呢3個字係我地今餐講得最多的3個字，是日我們一行4人去釣魚，釣完魚就拎D魚獲去加工，呢間餐廳係朋友介紹，就去試下講事實環境的確唔係好，如果大家喜歡食環境就唔洗考慮，但喜歡食正野既絕對可以黎！打開餐牌已經好岩我口味，4個人叫到成枱都係，勁好食食到一半都諗緊下次幾時黎，未叫菜時已經聽到廚房炒野既聲音，就係好有火喉，大排檔果種聲，轉個頭格離枱有炒菜上枱，不得了好香，區區一碟炒菜都可以咁香，我知道今晚有福啦！先黎的係我地的魚獲（雞魚），幾條用左黎做煎封魚， 皮脆而香，煎得剛剛好，加小許豉油就是神來之筆，非常好味菜鵝腸，幾豐富！！味菜同豆豉配搭加上炒得剛剛好的鵝腸，可以用黎食10碗飯椒鹽鮮魷呢個椒鹽鮮魷一定一定一定要叫！！！食落去第一口已經覺得好正！炸漿夠薄！食到魷魚的鮮，我不嬲唔喜好炸的食物，因為唔鐘意D粉漿，但呢個椒鹽鮮魷唔同！好食到形容唔到！由於太好食的關係，忍唔住同係附近的侍應哥哥講，話佢知覺得好好食，佢話呢種係舊式既漿，同新式既唔同，唔怪得出面食唔到啦！欖菜蒸豬面根應該冇記錯個名，咁普通嘅蒸嘢點解會叫呢？ 因為呢個係豬面根，爽口的部位，係我最喜歡的口感，唔係咁多餐廳有，當然要叫啦！薑蔥滑雞煲叫師傅勁多蔥，一樣好食，好食，好好食，最鍾意呢間D野唔會太濃味，味道岩岩好，唔會有重味精感，個雞係煮得岩岩好， 又滑又嫩，推介！釀尖椒哈哈，私心叫的，因為唔係成日周圍叫到，所以見到菜牌有都會有，簡單的小菜一碟， 沒有任何可以挑剔的地方！一個人食左2/3！哈哈最後壓軸就係蒸魚啦！老師傅係老師傅蒸條魚嘅火喉都可以啱啱好， 因為係新鮮釣所以好有魚味，加上 師父正得啱啱好， 豉油調較得剛剛好唔會搶過魚嘅鮮味！讚！！總括嚟講好滿足，下次一定再黎！
continue reading
朗豪坊睇完戲，原本想吃辣，但其中有一位朋友 disagree, 甘唯有再商量。最後傾到食小菜，佢提議呢間，去到原本吾太想入，見個門口又細，入面座位坐得又好迫，不過懶得再諗，所以就是但啦！睇一睇餐牌，其實都好吸引，選擇好多，基本樣樣都想試，友人話佢一定要食椒鹽魷魚，去圖！極好味，粉吾多，剛剛好！最重要係夠熱, 一上碟燙咀甘脆口, 必食!!!極力推介!!!乳鴿都算隻, 即叫即炸, 亦都很脆身!另外兩碟菜都好夠鑊氣, 又抵食經濟, 加分!!! 所以選餐廳吾好只睇門面
continue reading
叫小菜，西蘭花鮮魷，鹹魚蒸排骨。味道冇驚喜，鮮魷份量較少，茨汁較多，鮮魷冇鮮味，鹹魚唔鹹，排骨新鮮，有鮮味，但肥肉多。入口油膩。賣相可以。特點是用蒜子蒸。缺點，大部食客抽煙，完全遣返禁煙法例。食完即走。
continue reading