The Cat Cottage

叫左2份定食包前菜/沙津/主菜/甜品同飲品香煎挪威三文魚飯三文魚最忌食到腥味又怕又乾又柴香煎三文魚皮爽脆肉質嫩滑保持到柔軟度加上芒果汁伴食開胃惹味 三文魚鰭野菜魚湯葛絲 三文魚鰭夠肥美 魚油香溢 葛絲似薯粉 食落質感煙韌 湯底清香鮮甜 配上大量蔬菜 好健康「貓盧」以為係貓cafe，非也但小店有好多貓貓週邊牆身有大幅貓貓畫可愛貓器皿裝載食物 就算無真貓貓愛貓都會食得到開心#貓廬 📍紅磡鶴園街8號煥然㦤居1樓101號舖#dcb食在香港 #dcb吃喝玩樂 #dcb紅磡 #食在香港 #香港美食 #美食 #紅磡 #三文魚 #紅磡美食 #日式…Read More

一間唔歡迎小朋友入嚟食飯嘅餐廳- 老闆娘職員態度超差 竟然走過嚟影食客枱嘅相 好冇禮貌 明明無食到好污糟 竟然黎影相- 跌咗牙籤紙 竟然拎成疊紙巾走過來叫我我哋自己清潔- 仲話餐廳冇收服務費係冇服務質素可言 要我地自行清潔- 如果帶小朋友嘅家長千祈唔好入呢間服務差嘅餐廳!! 😡😡其實如果唔俾小朋友入嚟餐廳食飯 最好就喺門口貼張紙寫明唔准小朋友入嚟 就唔好入到嚟之後就針對小朋友同家長 平日食飯時間都唔忙 餐廳都未爆 食左半個鐘竟然成日走過來吹人交枱 呢間應該係紅磡最差嘅西餐廳千祈唔好幫襯老闆娘會走過嚟鬧人同針對人…Read More

行過土瓜灣被門面貓壁畫吸引入去，果然成間鋪由牆畫到餐牌都係貓蹤，連杯墊都印住貓爪，貓奴實心心眼！叫咗兩款主食：吉列豬扒日式咖哩飯同泡菜豚肉湯烏冬。 日式咖哩吉列豬扒飯抵讚！豬扒即炸上枱仲脆卜卜，咖哩汁撈飯偏甜日式風，免費加多飯多汁夠貼心。泡菜湯烏冬酸辣夠濃，豚肉片算嫩，跟餐+$5轉凍英式奶茶茶味夠又唔澀。我哋兩杯飲品叫少甜少冰都跟足，檸茶冇苦澀味。 食物整體有水準，$171兩個餐合理。最驚喜係貓主題貫徹得徹底，由吊燈到收銀枱，所以餐具食物都有貓公仔坐鎮，睇得出花過心思。 唯一扣分係位太逼！平日lunch time都要同隔籬枱背貼背坐，壓迫感十足，搞到食得好急。建議非繁忙時間嚟，可能會坐得舒服啲。 …Read More

星期六夜晚喺紅磡搵嘢食，想健康又好味，坐得舒服啲，即刻諗起之前已經幫襯過覺得幾好嘅貓廬。呢間鋪頭雖然叫貓廬，但唔係貓cafe，入面一隻真貓都冇😂不過就有好多有關貓嘅裝飾、餐具。總之，成間鋪頭都充滿貓🐱鋪頭非常光猛闊落，檯與檯之間都算有啲空間，如果坐較靠墻邊，更加自成一角，望住成幅貓貓牆，心情都relaxed啲，坐得好舒服。當晚鋪頭都full house，望落有唔少年輕家長帶埋小朋友一齊嚟食飯，可能齊住上面嘅居民，好有小清新家庭社區飯堂feel😆嘢食方面都好多選擇，樣樣都好吸引，非常之別緻，個個餐都有好多唔同嘅嘢食咁，令人目不暇給，好想個個都試！點餐時發覺有樣嘢好得意，就係每個餐附送嘅沙律、前菜同甜品都係可以揀唔要然後減$1，而如果揀意粉餐，揀多意粉又唔使加錢㗎喎，好抵😆🌟大蜆野菜味噌湯葛絲餐 $88好好味，啲蜆好有鮮味，野菜、好多海帶同埋啲滑捋捋嘅葛絲，全部索咗啲味噌湯之後都超好味，豆腐又好滑，成碗就算食到最後一啖都係覺得正嘅。沙律同前菜都係好fresh好好味嘅😋 紅茶就正常，都係個lipton茶包，不過食飽飲返杯熱茶係幾滿足嘅☺️🌟香煎挪威三文魚意粉餐 $98 新鮮三文魚，煎得啱啱好，仲係好嫩，好好味😋叫咗多意粉真係有比多到，男仔食都夠🤣員工都十分有禮貌，整體用餐體驗非常良好。食得飽又好味，又健康，價錢又非常合理，會再幫襯❤️…Read More

呢間餐廳以貓貓作為主題，店內嘅擺設及所用嘅餐具都係有貓嘅蹤影！勁可愛！而之前食過味道覺得唔錯，所以今日lunch 再來，同同事吹水食飯～除左日式定食，亦有少量西式定食，我叫左雞扒意粉定食，定食套餐飲，沙律，前菜，小甜品。不過你可以選擇走左前菜同小甜品，咁就可以每樣減1蚊。因為我減肥中，所以都可以走埋佢了😂😂😂😂雞扒煎到非常酥脆，但略嫌煎得乾左少少，可能過左少少火...意粉就應該係蒜蓉炒，炒得非常香口，意粉都夠彈。最後以一杯齋啡埋尾，咖啡正正常常，都飲得出係用比較好少少的豆，應該比較中焙，飲到少少nutty 味。…Read More