豪隍點心工房

Open Now

Now Closed

今日放lunch黎到豪煌新既分店，1點黎到咁岩有位，可以係分散左人流所以唔駛排隊，對食客黎講真係一件好事！ 燒賣大大粒，入面勁足料勁多隻蝦，豬肉肉質結實，食到咁飽滿既燒賣真係無得彈！🤩 炸腐皮蝦卷，超脆口，入面有蝦之餘，仲有芹菜令佢口感更豐富，有d清新既味道沖淡油膩感，正呀！🥰 叉燒腸皮夠薄，入面叉燒已經夠鹹所以唔加豉油都好OK！😍 牛肉球大大粒，味道正常，小點價錢夠抵食！😎 蒸飯大大碗，料都好足！🍚.另外叫咗個鯪魚肉蓮藕餅用蓮藕切粒，鯪魚肉煎得夠香口！

🥧觀塘抵食點心🫖------------------------------💛點心拼盤(1叉燒包 1奶黃包 2蝦餃 2粉果)-💵50奶黃包熱辣辣🔥中間啲奶黃醬流哂岀嚟🫢粉果嘅皮有少少厚但入面好多料👍🏻蝦餃就好似粒乒乓波咁大粒🙈入面一啲都唔孤寒😋好多蝦係入面😜💛豉汁蒸排骨-💵24排骨嘅數量都算多🤤啖啖肉☺️好重豉汁嘅味道🥳唔算太油🌟💛鮮蝦腐皮卷-💵30內脆內軟😏而每塊入面都有兩舊蝦🦐💛蝦仁燒賣皇-💵26好好好大粒🤤一個燒賣入面有兩隻蝦🦐從來都冇見過🙈好彈牙🤠💛山竹牛肉球-💵24牛肉球就不過不失👀正常味道🔥但都好大粒😂💛爽口滑蝦腸-💵36即叫即蒸💥好滑口同彈牙☀️💛墨西哥叉燒包-💵26外表好脆🤩內裏好鬆軟🥳大細啱啱好👍🏻------------------------------🤤好味度：8/10🧚🏻回頭率：8/10豪隍點心工房 (觀塘)🇭🇰觀塘鴻圖道83號東瀛遊廣場地下B號舖#觀塘#觀塘美食 #點心 #茶 #蝦 #春卷 #小店 #美食 #人氣美食 #情侶好去處 #香港 #美食 #香港美食 #吃貨 #觀塘好去處 #食好西 #香港好去處 #香港美食指南 #hongkong #foodie #hk

今次嚟到觀塘搵食，聽聞呢間豪隍點心工房人氣爆燈，一位難求，一於嚟試吓佢！原本我哋係打算去總店食，點知去到大排長龍，前面差唔多有20張枱等緊，於是我哋起上網一check，原來佢附近有間分店分店，環境仲要再乾淨d光亮d，唔似得總店工廈咁狹窄，等咗30分鐘就入得去食啦新店嘅風格係有少少日式小木屋嘅設計佢呢度既點心份量都幾大，燒賣比起平時酒樓食嗰啲係大一倍有多！面頭個蝦都好大粒幾鮮甜㗎，淡淡蝦肉！好食😋點心拼盤蝦餃好大粒，咬開皮之後入面有四至五隻大蝦，真係幾足料！難怪成日大排長龍啦！粉果就一般般…反而係個流沙包有驚喜！入面係鹹蛋奶黃餡，味道濃烈，一咬落去啲汁爆曬出嚟，所以食嘅時候要小心啲😂不過真係正既！牛肉腸唔係好夠肥美正常發揮唔太特別蘿蔔糕比較淡口，唔係好食到XO醬嘅味道，正常嘢囉冇咩特別墨西哥叉燒包其實佢呢度嘅份量真係好大份，食到後面已經有少少食唔落，呢個墨西哥叉燒包係以墨西哥包做外層，入面係叉燒餡，呢個製作方式都幾特別嘅，通常係一啲高級嘅中菜先會有，都幾唔錯嘅！因為佢個外皮係甜甜地脆卜卜嘅口感，叉燒都幾肥美幾多汁！我見網上面好多人話好抵食…其實最後我地埋單都差唔多食咗$300兩個人…你問

今日黎呢間喺官塘好出名嘅點心專門店，食咗蝦腸、鮮蝦菜苗餃、蓮藕煎鯪魚餅、蝦仁燒賣皇、潮州粉果同埋墨西哥叉燒包。蝦腸︰D蝦好新鮮，腸粉皮又薄，好味。鮮蝦菜苗餃︰呢個都好味，水晶皮又係好薄，D餡料都好新鮮。蓮藕煎鯪魚餅︰呢個最好食，又唔會太油，D蓮藕好爽。蝦仁燒賣皇︰隻蝦真係好大隻好新鮮。潮州粉果︰佢呢個粉果皮真係薄，平時出面食到嗰D都好鬼厚，入面D沙葛花生等等嘅餡都撈得好好味。墨西哥叉燒包︰其實即係雪山叉燒包，熱辣辣好好味，入面真係有叉燒而唔係只得叉燒醬加少少肉碎。

之前食過工廠嗰邊間店 今次試下分店呢間距離地鐵站遠少少 但一樣咁多人😅周末下午茶時間去都等咗15分鐘左右今次主要試下之前未食過嘅，幾好無失望🔸XO醬蘿蔔糕個醬幾香，蘿蔔糕唔會太淋🔸點心拼盤有兩隻蝦餃、兩隻粉果、同兩個包蝦餃入面真係好大隻蝦，其他好食但無驚喜🔸香茜牛肉腸入面嘅牛肉真係好有牛肉味，食得出有質素🔸金錢肚幾入味，煙煙韌韌～唔會話太韌咬唔到見店員做到踢晒腳，不過忙得嚟都算有禮貌環境畢竟新裝修會靚過本店，但係呢邊感覺就逼啲、嘈啲，各有不同

之前都有食開佢係舊鋪既，見到佢係附近開左新地鋪就一於試下有無咩新野！一大早去飲早茶，佢地鋪都好易搵，地方都算方便，門口有斜台可以輪椅方便出入，入到去裝修好靚，重有特色風格既卡位，打卡一流👍🏻到食物方面今次叫左幾款野食1.蝦仁燒賣皇佢既燒賣出名大粒，2粒既size比得上外面其他4粒細既🤣2.山竹牛肉球好多牛肉球都好勁味精，但佢既牛肉球算係唔太多，唔會成口味前精既感覺！3.蝦餃拼粉粿，豪隍蝦餃皇因為佢既蝦蛟同燒賣一樣都係好大粒，粉粿就正常size，都好滿足😋4.蒜香芝士鮮蝦長春卷新鮮即炸，脆卜卜⭐️5.墨西哥叉燒包正常不過不失！6.鵝肝醬咸水角依個見到個名期望有啲大，不過都有小失望食物完全無鵝肝醬味，只係一個普通既咸水角🥲7.最後重叫左個蝦腸，佢皮唔會太厚，都幾好食👍🏻其實整體服務都好好，會有下一次既選擇👍🏻味道: ⭐️⭐️⭐️⭐️⭐️服務: ⭐️⭐️⭐️⭐️⭐️價錢: ⭐️⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 附近無咩停車場同錶位，最近要係觀塘廣場

取飛失敗事隔一年後，再度擇一個平日下午一點前挑機去排，得出以下結果：不忿，任由通告擺佈找鴻圖道。店內果然見成行人，我手中飛，等十張枱後。不禁暗罵有何巴閉⋯⋯舖內等位處只能企四五人，小小點心店居然要部分人變熱暑人在門外左邊大廈勉強有遮擋的大門等。熱夠廿分鐘後埋位便是報復式點單。茶葉用原片。來幾客點心。總結味道似自家製，非平時酒樓點心劃一的工場味道。附近幾枱都有「沙律雜果鮮蝦炸雲吞」，幾霸度的大大塊炸脆雲吞皮，咬開鬆脆聲又大又響可以收錄為薯片廣告之用，用的是有椰果有蜜桃的那款雜果，入面兩三隻大蝦肉，不理雪藏與否都還有蝦味。其餘「脆皮蘿蔔絲腸粉」腸粉皮薄內裏超脆，豉油另上，配醬麻醬甜醬大大碟不吝嗇；「墨西哥叉燒包」叉燒餡搗得得碎，內攏有點似空氣包稍遜色；再來的炸物「蒜香芝士鮮蝦長春卷」，一咬定格，入口極鹹，懷疑掩飾不夠新鮮剁成蓉的蝦肉，吃了一半筷子已放下，無吃下整條春卷意欲。但見川流不息的外賣自取都人手大外賣碗的取走，想必是單子上的米線類。即管試「酸菜魚片湯米線」。顛覆三觀，主調非酸，酸菜只是茄喱啡，這鋪滿黃油的湯底居然是濃重的薑味，口感似在吃胡椒豬肚湯，邊吃米線邊抹汗，很驅風的模樣。所用的

聽講呢間點心店非常好味，今日終於試到，因為朋友話呢間地舖分店味道同總店差唔多，不過就好坐啲，所以就揀咗呢一間。佢有個點心拼盤，入面有兩粒蝦餃、兩粒潮州粉果，一個叉燒包同埋一個流沙奶皇包，一次過滿足四個願望所以叫咗，另外仲叫咗個是日燉湯，今日係鮑魚螺頭燉雞，另外叫咗鵝肝醬鹹水角同埋鮮蝦腐皮卷。先講蝦餃，雖然入邊隻蝦唔算大，不過木柵都有一隻半至兩隻，脹卜卜好大粒，蝦餃皮好薄，果然係招牌蝦餃。潮州粉果入面啲餡好新鮮，尤其是啲沙葛「索索」聲，不過我覺得佢個皮太薄，所以好易穿搞到啲餡跌晒出嚟。叉燒包同埋流沙包就冇乜特別。個燉湯都唔錯，好似冇乜油，不過湯渣就少啲，而且鮑魚同埋攞頭都好細粒。鵝肝醬鹹水角同埋鮮蝦腐皮卷就係幾樣嘢之中最精彩。好多時候出面食到嘅鹹水角多係室溫甚至乎凍凍地，所以味道一定唔好，不過呢度嘅鹹水角好熱，值得一讚。入面加咗鵝肝醬就令到啲餡料更滋味。鮮蝦腐皮卷嘅蝦都算新鮮，另外佢個腐皮煎到好香脆，而且佢本身都夠薄，所以食落去口感好好。我最欣賞佢兩款炸嘅點心都冇乜油，實在難得。

🥡突然好想飲茶，特登嚟觀塘一轉！聽講平日好多人，但星期六晚餐時段可以直接有位🤩。好耐無飲茶，少咗啲戒心，無開「芫茜蔥雷達」🤢，竟然唔小心，叫咗兩樣有芫茜/唐芹嘅點心 —— 竹笙上素餃蜜汁叉燒腸！⚠️怕芫荽芹菜嘅朋友要小心⚠️。但整體係唔錯嘅，特別鍾意嘅俾咗🌟。🌟『蝦仁燒賣皇』$26除咗面頭有大大隻蝦，原來啲餡入邊都有蝦㗎！新鮮、彈牙、紮實☺️～『墨西哥叉燒包』$26熱辣辣，幾好味；外皮鬆脆，但係啲餡就少咗啲⋯⋯『豉油時菜』$26⋯⋯『竹笙上素餃』$30🌿「芹岀沒注意」⋯⋯『蜜汁叉燒腸』$30🌿「茜岀沒注意」⋯⋯🌟『蒜香芝士鮮蝦長春卷』$36長條型，附送兩條青瓜，夠晒清熱；三條長長嘅春卷，咬落索索聲、脆卜卜⋯⋯🌟『蓮子紅棗糕』$24紅棗蓮子糕，要放一放先食，如果唔係會太軟身；當佢凍返少少嘅時候，個Q彈度就會出返嚟；而中間有一層蓮子蓉&蓮子粒，幾有層次；但係如果多啲薑味就更好啦。📍 豪隍點心工房 (觀塘)觀塘鴻圖道83號東瀛遊廣場地下B號舖。好味指數：🌕🌕🌕🌕🌑回味指數：🌕🌕🌕🌕🌑

今日原本會去迪士尼，點知因為1早個天就黑曬🌧，而時候不早了(已經11點鐘)，所以我同路人甲決定唔去迪士尼，而我又需要返公司拎野，所以我地就出發去觀塘拎野兼食飯🤭係觀塘拎完野完成諗唔到食咩？最後我同路人甲講不如去飲茶🫖，佢話好呀，但3點幾係邊到有茶飲，我就即刻話去豪隍飲茶🫖，話之前只係食過外賣，今日想試下堂食😋去到門口，我地都要等左5分鐘先有位，入到去都爆滿，我地坐左張有窗既枱(諗住睇住架車🚗，但都係俾人炒左牌😭)，咁就開始叫野食喇😋今日叫左d咩：1. 豪隍蝦餃皇🦐2. 籠仔馬粒糕3. 鳳爪排骨飯🍚4. 香茜牛肉腸5. 墨西哥叉燒包6. XO醬蘿蔔糕7. 炸雲吞D點心終於都黎喇，首先係豪隍蝦餃皇，佢只係得2粒，但係好大粒，食落去個皮唔算厚，粒蝦都幾大隻，好好食😋籠仔馬粒糕係路人甲既至愛🤗，所以我就唔同佢爭，我食左1舊，我就覺得佢硬左少少🙃，唔夠鬆軟，所以我都只係食左1件，其他就俾路人甲包底😁其後係鳳爪排骨飯，我淨係食左排骨，唔算老，普普通通，冇特別野😁如果朋友係唔食香茜，我勸大家唔好叫❌，因為牛肉腸都算多香茜，我就鍾意食，所以覺得好好食，腸都拉得好滑，幾好食😁我最鍾意既墨西哥叉燒包😍，個

燒賣蝦餃一味得個大字，味道極普通，仲要一籠只有兩粒～我哋點咗兩籠，嚟到以為佢少咗籠，佢話係將兩籠裝埋一籠俾我哋⋯⋯（原來唔係因為佢哋對燒賣蝦餃要有要求～兩粒兩粒咁蒸，而係可以將四粒放番埋一齊蒸嘅⋯⋯咁除咗為搵笨之外，點解要set一籠得兩粒？）菜苗餃（一籠三粒）算係最好味——同出面啲酒樓差不多（但佢都係淡過人）腸粉難食春卷用萬年油炸炸到深啡色流沙包落枱2分鐘內食已經無流沙⋯⋯🙄信錯網上食評⋯⋯完全唔知佢好食嘅point喺邊⋯⋯早知係咁食番屋邨酒樓仲好～總結係佢浪費咗我個早餐Quota⋯⋯唔會再嚟。同埋飲茶食點心真係去番酒樓仲好～

朋友想試呢間點心舖好耐皆因佢一個又識煮又識食嘅朋友高度推介呢日特登過嚟試吓～嚟點心舖當然要試吓佢嘅蝦餃燒賣得唔得啦，仲order咗我喜愛嘅雞扎，而朋友就想食鹹水角🔸豪隍蝦餃皇 🦐👑呢個有睇頭，外貌不負其名，果真係蝦餃皇，好大隻嘅呢～係一般蝦餃嘅double size 😲😲不過，可能因為要包住好多餡料，蝦餃皮厚咗啲蝦餃皇對於我嚟講太大隻，要分開幾啖食，我都係鍾意傳統嘅蝦餃，一啖一隻，要求餃皮薄滑，仲要筍味香濃🔸蝦仁燒賣皇🐷👑燒賣皇又係外觀取勝，大大粒，但又要分開幾啖先食得晒不過，同蝦餃一樣，我都係鍾意傳統size嘅燒賣同埋呢度燒賣嘅調味比較重手，不是我杯茶～🔸四寶雞扎🐔四寶都係普遍嘅雞、芋頭、魚肚同火腿足料嘅，正常發揮啦～🔸鵝肝醬咸水角平時比較抗拒煎炸點心，怕油膩，不過朋友好想食，陪吓佢呢個相對有驚喜，皮脆餡香，熱辣辣油膩感尚可接受可能因為朋友嘅朋友高度推介，對呢間點心舖有啲期望，結果有啲落差😅 🤷🏻‍♀️埋單嘅時候一問，原來呢間係新開嘅分店，裝修舒適，老闆好明顯收藏大量Figures，喺舖頭預留咗地方display自己嘅珍藏～ 😎😎

本身放假特登帶埋屋企人九龍搭的士入去食 之前一直都好想試終於有機會，舖頭好乾淨好光猛環境都好舒服，點心種類好多 不過價錢都係算係小貴 如果相比起其他點心舖頭，不過都明白因為始終手工點心有質素。嘢食都上得好快，整體食物質素幾好 蝦餃真係好值得一試好有份量。不過有個失望地方 職員相對比較被動 服務態度一般，有啲職員黑面 講嘢完全冇尾音 收錢嘅時候一句多謝都冇，令到成個用餐體驗一般。不過男經理態度有善客氣 值得一讚。希望餐廳可以改善一下職員服務態度

終於黎到試呢間傳說話好食既點心店呢間點心店傳聞開向工廈樓上舖，經常座無虛席，以因好食同好親民既價錢取勝新店位於觀塘東瀛遊廣場地鋪蝦仁燒賣皇 🦐中點 $26果然係推介食物！上菜時俾佢嚇一嚇！好大粒！面頭除左有原隻大蝦🍤，食落去入面有1-2隻蝦，都係原蝦；豬肉都非肉碎👍🏻推介必食！𝕏𝕆醬蘿蔔糕 大點 $30蘿蔔糕係今次食既第一碟上菜食物！是好多蘿蔔既蘿蔔糕！感覺唔係有撈埋XO醬一齊煮，但XO醬好足料，又有蝦米、又有元貝、係好香，又唔太咸同唔太油！味道剛好！惹味！鵝肝醬咸水角 🥠中點 $26都係一上菜被嚇嚇，比起坊間好大個！堅做到外脆內軟！佢既脆皮係好堅挺，入面一食落去唔係話好濃既鵝肝味，但食完之後停留向口度係有鵝肝味！ 😋我覺得幾好既👍🏻蜜汁叉燒腸 🐷大點 $30份量相繼一樣係勁多！叉燒量好多，皮唔算超薄，但覺得因叉燒份量勁多，所以皮同料既比重黎講係恰到好處👍🏻燒排骨米線🍜 超點 $38嘩，估唔到超級大碗！仲以為係好細碗，2個人食咁多野，真係飽到飛起😂燒排骨有微炸感，細細粒，好食！米線🍜好彈牙，煮既時間剛好，粗幼度剛好，湯底真係食唔出咩湯，係好奶白色，有d似豆乳/腐皮熬湯，飲落去都無味精感

大熱天時喺觀塘地鐵站行去呢間舖都幾辛苦，呢間係新鋪，但感覺上比舊鋪仲細，而且冷條唔夠凍！我哋嗌咗點心拼盤，我覺得呢個係最抵既有兩粒蝦餃兩粒粉果一個流沙包一個叉燒包，但係啲粉果整到太冧，所以啲皮一夾就散晒啲蝦餃嘅蝦好大，但係都係一夾就散流沙包幾好味紅棗糕中間係有少少咬口我覺得比較大嚿，啲金錢肚咬落好難燒賣大大粒真材實料之後最好味嘅係春卷，超長同埋入邊真係有蝦，點埋啲芝麻醬食一流總體來講我覺得都算好味，但係又唔算超級好評，如果要一場去食我又覺得唔值，不過喺附近行開就可以食下