HOT-STAR Large Fried Chicken (Closed)

路經此地……香噴噴的炸物，好香喔！令我好掛住台灣夜市的炸魷魚。現身在香港……唯有買來頂住癮先la~ 價錢比之前都上升了不少……香噴噴魷魚鬚拎上手香噴噴，又真的好吸引……這間店的$25魷魚鬚也算多，炸得剛剛好，不會太燶，外脆內軟，加上椒鹽……真的好味！…查看更多

聽講豪大大雞排係台灣個邊一間幾有名ge餐廳，所以我今日經過都買左塊大雞排黎試下。塊大雞排真係好大，對小妹黎講可以當一餐飯呀！但30蚊左右，都算抵食！不過塊雞排味道就冇想像中咁好:(，而且肉質偏硬同炸得比較乾。而且真係好多油，對怕肥ge小妹黎講真係好heavy>< 各位想keep fit ge巴絲都係少食為妙laBtw, 我明明叫左小辣，但食落真係超辣lol，食到我流曬汗同成身勁熱…查看更多

上次去台灣都冇食炸雞扒, 見呢度有間話係台灣好出名的炸雞扒, 而且好多時經過都有好幾個人等, 唔通真係咁正? 是晚煮個拉麵, 買兩塊雞扒返去做餸, 試下係咪真係咁好食? 唔知係佢慢定係多人, 由比錢到拎走, 差不多等咗十五分鐘, 雞扒真係見佢即叫即炸, 其他的就有幾件炸定放响度, 尤其是果日特價果D............拎到返屋企仲係熱辣辣, 雖然兩塊雞扒有大有細, 大果塊差不多有成呎咁長, 細果塊都只係短幾個cm, 心諗真係超抵食, 但一啖咬落去, 個皮係炸得好脆, 唔同食開果d炸雞的粉皮, 佢係有少少烟un, 好似用粘米粉仗咁樣, 但點解d雞肉咁鞋, 似雞胸肉多過雞扒, 兩塊都係咁樣, 其實台灣果d係咪都係用雞胸? 因為我一直以為係用雞扒, 即去骨雞髀肉, 但原來同我想像中係唔同, 佢係雞胸都唔緊要, 雖然係鞋口d, 但健康d, 最大問題係佢食到落底原來係有雞骨的, 有冇搞錯? 咁大塊, 原來有1/3都係骨, 唔知佢係咪知道底係雞骨, 所以將佢放响下面, 如果係放响袋口, 一啖咬落去, 真係牙都崩, 下次去台灣食下人地真正果d係咪都係咁樣先? …查看更多

行過第一城冰站嗅到好香的味道，見到係台灣第一大雞扒店，佢地出左兩個套餐，我今日試下餐A，雞塊加雞搥加薯條加汽水，我 佢地係即刻炸熱雞塊雞搥丶即炸薯條，炸好之後，混合調味粉，非常香，我好小心咬一口雞塊，外皮好脆，內裡雞肉嫩而且有肉汁，雞塊好大件，食2件加埋雞搥係好飽！薯條比M記粗身，因為即炸，非常可口，不過我覺得唔混調味粉會更好味，因為雞塊已經好多味粉，食得多好咸。店員好有禮貌，桌子都好乾淨。…查看更多

在台北吃過豪大大雞排，當時跟男友都覺得不如如是，兩口子也吃不完一塊。我住的屋苑不是什麼繁忙區域，想不到也會吸引豪大大選址在此 平日下班時間，店內也頗為冷清，絕對不像旺角店般大排長龍 今次吃的是香香雞，半份 $15，內有十多塊小雞件。外層炸得香脆，灑了不少黑胡椒和孜然粉，非常惹味。雞肉鮮嫩，不鞋口，能夠鎖住肉汁。只是份量比較少，一個人都輕易 KO 掉。憑任何惠顧 +$3 就有一罐汽水，偶爾當作茶點也不錯。…查看更多