HOT-STAR Large Fried Chicken (Foo Tat Building)

原本想食繼光香香雞但無開，轉食豪大大。買咗半份香香雞，有6-7件，揀咗小辣。雞出奇地唔乾，有啲汁，有啲濕潤感，脆漿唔太厚亦唔會硬到咬到牙硼，如果要彈的話就係啲辣粉唔夠均勻，一啖又辣得濟一啖又無乜味咁。但我都係鍾意繼光多啲，一口一雞，味粉夠均勻香口，雞又多汁啲同滑啲。…Read More

係呢間分店隔一兩條街o既另一間分店 (雞店駛唔駛咁密...) 買完雞排同花枝丸, 見到呢間分店有洋蔥圈賣但嗰間無又排隊買買買！呢間分店比之前嗰間面積大, 啲雞排哂係門口玻璃，雞~全部都係雞~~洋蔥圈都係離唔開花枝丸同雞排都會落o既辣粉同調味粉, 我稱呢啲粉為萬能key粉, 反正買乜都係用佢......個炸皮太厚太硬洋蔥同皮骨肉分離, 條洋蔥一啜就出黎淨返個殼, 不過炸洋蔥圈呢樣野好似無乜邊間唔係骨肉分離, 仲有炸魷魚圈都係逃唔過呢個命運, 人地都做唔到, 所以呢間做唔到唔會點失望, 不過基於個皮又厚又硬始終唔想encore.…Read More

由台灣返黎無耐，念念不忘豪大大雞排！雖然心理上形住香港無台灣咁好食，經過旺角忍唔住買左份鹽酥雞粒試下 (半份$20/全份$30)。起初貪心覺得差$10買全份抵好多，但見到前面兩個人買半份已經好大袋，都係唔好眼闊肚窄了。雞粒抵食之餘又唔乾，由於係事先炸定幾份o既份量，入口已經唔熱，不過仲好脆又唔算好味精。另外$20買左份魷魚，魷魚本身無乜味，好多條都係一咬脆皮就同魷魚分開左，淨返無味o既魷魚，都係鹽酥雞粒好食好多！…Read More

其他店有翻炸，哩間無，搞到唔好吃香香雞啲皮太厚，唔好味。雞比啲皮本身應該好脆好好吃，結果不如其他店禁脆，講到低都係因為唔翻炸。只可以怪自己唔好彩就近去哩間分店，希望可以改善…Read More