Tonton Shokudo

今日下午去咗餐廳叫咗三樣嘢，一個定食+兩個咖哩飯. 定食一早到咗另外兩個咖哩飯等咗半個鐘頭都未見有, 問職員點知原來漏咗單, 竟然同我哋講話個廚房冇出單, 唔知係咩理由. 叫咗個 漢堡咖哩蛋包飯, 兩塊漢堡細到好似迷你一樣, 完全同 menu上嘅圖事實不符.職員態度一般， 午餐還要收加一服務費😑…查看更多

1)招牌牛油拉麵叉燒都ok,唔會太老，湯底正常，幾好食。。。。。。但我唔太食到牛油味，或者比湯底掩蓋咗，配料都ok,尚算正常。。。。。。2）鰻魚丼幾好食，不過太細塊，好似好唔抵食咁。。。。。。正正常常嘅鰻魚飯味。如果佢一大條嘅話會再靚啲，咁就可以打卡就perfect啦。。。。。。如果，個餐有啲甜品送下，就會更加抵食同吸引，相對上就會開心啲。哩餐食落平平淡淡，但價錢，就性價比冇咁高。。。。。。希望下次叫嘅餐多嘢食啲啦。。。。。。…查看更多

帶位職員俾咗個qr code我落單，揀咗咖喱豬扒烏冬，凍咖啡，揀嘅時候無為意要㩒到最後要係右上嘅特別要求㩒走甜、少甜、少奶、走奶呢啲。原本以為冇糖/糖奶另上。凍咖啡嚟到底部有層2cm嘅糖漿，飲咗一啖真係太甜飲唔到，有個鬢邊女職員咁啱係隔離枱上餐，等佢上完餐我舉手示意冇人理。之後我拎住杯咖啡同另一位比較年輕（冇鬢邊）嘅女職員講  「唔好意思，㩒餐嘅時候我唔知佢有糖係裏面，可唔可以幫我整過杯走糖嘅。」然後女職員答我：「出咗喇喎！」因為個女職員個態度都幾唔好，之後我就話咁幫我倒咗佢啦。 諗住之後再另點，但驚又係有糖，再搵另一個職員問，講返唔知道凍咖啡有糖呢件事同啱啱個位女職員件事。呢位職員冇聽哂就話得得得 整俾你。最後，我一點叫嘅野食到咗，但兩點幾都未食，完全冇哂胃口。諗住拎個外賣盒拎走個烏冬，後補嘅咖啡冇再飲過亦冇外賣走。我再㩒多次單點咖啡，以免第一位職員以為我想R咖啡。埋單時同職員講唔洗再出多杯，呢杯我係補返啱啱出俾我個杯。原本埋單職員唔係態度差個位。態度差個位攝咗出黎想幫我取消返單點咖啡個價錢，我話唔洗。佢最後強制減咗我再單點個杯，後期有另一位客想埋單，我叫佢幫咗位先生埋單先，女職員係咁叫我埋單，用咩俾，想趕我走先。之後我話你係咪想後面位先生同你罰企同，佢先幫先生埋單先。仲話咁我係點咗，如果個個都整完再出仲得嘅。我話我一開頭有好好禮貌同你講 我唔知原來右上有粒制可以㩒，問可唔可以幫我整過杯。你一句：但係出咗喇喎！我唔係冇錢，但你唔洗咁嘅態度講野，而家唔洗你特登free個杯，費事你蝕錢。最後俾咗$91，外賣都冇要。實在冇胃口食。因態度真係十分差…查看更多

鯖魚好乾好腥，咁難食仲加一條魚有好明顯嘅雪藏味道，而且食落去有啲苦。第一次見日式餐廳嗰隻蛋係咁熟，配菜都好似罐頭出嚟嘅粟米同車厘茄。最嚴重嘅就係，個湯唔係面豉湯、亦都唔係蜆湯，飲落去好似洗碗水。唔怪得繁忙嘅晚市，一直都坐唔滿。食過一次就算，下次都係唔好咁行入去。不過嗰個芝士年糕即刻整完出嚟，味道都算OK，但係真係唔需要點嗰個蛋黃醬。不過呢個小食單都要$45加一。鯖魚定食都要$82加一..咁嘅質素喺新蒲崗真係唔需要咁貴。…查看更多

小朋友上完堂, 諗住快速食完就返屋企. 但係我屋企大小姐十分之煩.最中意食麵, 咁只好搵間麵俾佢食.係Mikiki 見到呢間, 個餐牌有拉麵,岩曬.入去啦.今次叫佐一個自選1人套餐,一個牛肉壽喜燒鍋定食同燒雞翼2串及燒雞軟骨2串. 我覺得不過不失, 加上又唔係太貴. 都可以再返黎既.…查看更多

又係lunch去附近商場搵食嘅時候，今次佢有位就試吓佢，見佢Menu好多選擇，可以自由配搭主食食同埋小食，真係令人花多眼亂。🌟午市輕盈套餐個套餐有一個輕盈拉麵🍜，同埋一碗叉燒炒飯🍚。叉燒拉麵得兩小塊肉，而叉燒炒飯比較好，炒飯都算乾身，粒粒分明。其實兩樣都平平無奇，但係絕對夠飽，係lunch time填飽個肚嘅好選擇！同埋啱晒咩都想試少少嘅你。😋推薦指數：7/10…查看更多

呢間餐廳裝修好靚，門口左邊有一棵好大嘅粉紅色櫻花樹可以俾人打卡，亦都有好多日本燈籠，坐落去感到好舒服。👍我地叫咗：❤️親子丼（滑蛋雞肉飯）滑蛋的蛋香與雞肉的鮮嫩相互襯托，讓人食指大動。❤️白豚拉麵是一種豚骨湯底的拉麵，搭配嫩滑的豬肉片和各式配料。豚骨湯底濃郁鮮美，帶有微微的甜味，配上彈牙的拉麵和鮮嫩的豬肉，好食。❤️芝士年糕濃郁的芝士香氣和年糕的彈性口感。甜中帶鹹，芝士的濃郁與年糕的Q彈相得益彰，非常適合喜愛芝士的人品嚐。😋❤️芝士雞翼一道美味的小吃，將雞翅膀與芝士結合在一起，經過烤制而成。外酥內嫩，芝士的濃郁融化在口中，帶來豐富的口感和美味。❤️燒牛舌以牛舌肉經過特殊調味後燒烤而成。經過燒烤後散發出濃郁的肉香。…查看更多

豚豚食堂🐷今日帶埋寵物嚟到寵物友善嘅Mikiki商場，行到咁上下覺得肚餓，就入咗一間價錢非常相宜既日式餐廳醫肚！🤰🏻🫃🏻我就揀咗佢哋嘅一人套餐，只係$95就有交易，一個套餐可以揀一款拉麵或者飯，同埋一個小食！😍😍 主食總共有18款可以選擇，而小食就有12款選擇，選擇可以話係非常之多元化！最後我就決定揀咗海老拉麵（另加$10） 同埋 廣島炸蠔！拉麵湯底非常濃郁，有濃厚嘅豬骨味，佢哋嘅拉麵用咗幼身嘅拉麵🍜，可以令到拉麵更加掛湯，味道就自然更加濃郁啦！😋😋而小食廣島蠔一份有三隻，即叫即炸，外脆內軟，一樣咁正！✅✅另外朋友就選擇咗單點定食，炸雞塊奄列咖哩飯套餐＄75 ，估唔到內容都非常豐富，定食套餐仲包埋咗粟米沙律、滷水蛋🍳同埋麵豉湯🥣，仲可以用半價優惠加配飲品添！👍🏻👍🏻我哋另外仲嗌咗多一個小食，芝士雞翼🐔$40 ， $40就有兩隻大大隻可以拉絲嘅芝士雞翼，鍾意食雞翼嘅朋友可以一試！🤟🏻🤟🏻…查看更多

今日去完朋友屋企，之後去咗啟德附近商場食飯。朋友介紹咗呢間餐廳，話食過都唔錯。我哋嗌咗個二人餐，包2款主食加3個小食$242▪︎咖哩炸雞塊飯▪︎(跟餐)呢款咖哩係日式嗰種有少少甜味嘅咖哩，好耐無食過呢種味道，唔知點解食到日式咖哩時會有種剎那間覺得好幸福嘅感覺🤣好似覺得有啲暖咁。個蛋都夠滑，襯咖哩一流，不過個炸雞略嫌有啲乾得濟同炸粉多左少少。▪︎黑豚拉麵▪︎(跟餐)朋友食呢款，係黑蒜油拉麵，佢話好味👍▪︎燒魚餅▪︎(跟餐)小食一般都好食🤣魚餅合格▪︎煎餃子▪︎呢個日式餃子食落幾juicy，食完一隻又想再食，下次都會嗌！！！▪︎芝士年糕▪︎(呢個另外叫)芝士年糕都唔錯，入面食落似糯米糍質感同入面既芝士味好夾，外脆內軟正。▪︎ 炒魷魚鬚 ▪︎(跟餐)呢個都好食，個汁好味之餘， 魷魚鬚口感適中，唔會太硬太淋，又係要再食既小食！▪︎牛肉壽喜燒鍋定食▪︎$82 配蛋、烏冬朋友叫既，我無食到😂朋友話正常發揮👍掛住食都唔記得影下餐廳內部嘅格局，有啲似日式飯堂既感覺，木既裝修😂下一次會再黎食😎…查看更多

Airside開左幕之後, 黎mikki 都方便左好多, 今日同同事係附近放工就搵左間餐廳食👍🏻呢間豚豚食堂, 餐牌選揀超級豐富, 有各種丼飯之餘, 仲有日式咖哩同鍋物, 真係好多選擇!🥰我就揀左個一人套餐: 可以揀一 款主食, 一個小食同飲品❤️我揀左吉列豬扒奄列咖哩飯, 加吉列炸蠔: 個飯份量好足, 夠晒大碟, 奄列包住個飯, 熱辣辣! 吉列豬扒整得相當好味，炸得夠脆，仲有個吉列蠔，個蠔入面仲保持咗水份，好好味😍朋友揀咗個牛肉鍋，佢仲加多咗份牛肉，牛肉鍋用個鐵鍋上，佢個湯相當香濃，上到枱先用個爐去煮熟，啱晒凍冰冰嘅天氣食😋呢間餐廳性價比相當高，選擇又多，如果我住附近一定成日嚟幫襯😊…查看更多

好耐冇同隔離 team 同事食晏，今日喺 pantry 撞到，約埋一齊食 lunch，揀咗公司附近呢間「豚豚食堂」。午市以套餐為主，選項都幾豐富，有咖喱、精選烏冬、丼飯、弁当、拉麵和定食，另外亦有一、二人自選套餐可供選擇。點咗個自選一人套餐 ($95) 同 吉列豬扒奄列咖喱飯午市套餐 ($68)。一人餐可以任選 1 款拉麵或飯 + 1 款小食或叉燒炒飯，揀咗鰻魚丼 (+$10)，鰻魚肥美肉厚，食落有魚脂香，入口即化。米飯軟糯有咬口，配埋微甜嘅鰻魚汁，啖啖滋味。小食選了炸豆腐，入口外酥內軟滑，面頭灑滿了木魚絲，食落香口惹味。套餐唔包飲品，不過 +$5 已可配熱飲一杯，非常經濟。至於另一客咖喱飯，水準亦唔錯，套餐奉送前菜及味噌湯。吉列豬扒炸得很香脆，肉質鬆軟彈牙。雞蛋滑溜富蛋香，米飯圓渾煙韌、入口粒粒分明，咖喱味濃又不失甜味，用嚟拌飯一流！…查看更多

👉🏻自選2人套餐（2主食+3小食）$242超抵食 不過要留意返部分選項係要加💰 👉🏻主食揀左招牌牛油拉麵🍜 上面真係有塊牛油🧈係面😆自己放入熱湯熱溶 邪惡既湯底就形成左🫣 麵質彈牙好食/ 另外揀左白豚拉麵 呢款麵質同另一款唔同 呢款係幼身啲腍啲 叉燒偏瘦但都幾厚身🤭👉🏻小食揀左炒魷魚🦑鬚/吉列蝦/牛油炒草菇 魷魚鬚好彈牙 唔會韌 唔錯 吉列蝦炸得酥脆唔厚粉 好食😋 小食專登揀左冇咁飽肚既 但都飽到不得了🤣🤣🤣 …查看更多

到新蒲崗稅務大樓辦完手續，肚子餓了～搵到間新開抵食日本野😍裝修好有日式風格！以木系為主～認住大大棵櫻花樹就對了！基本的日本菜都有得選擇～最後決定來個一個人的浪漫!來過一個人壽喜燒！🫰🏻牛肉壽喜燒鍋定食🐮牛肉充滿了壽喜燒醬汁，加上生雞蛋，都是滑滑的！由於我是食肉獸追加了一份豚肉片，都係$22有大量蔬菜豆腐，金菇，本菇！一個人的大滿足🤤加多杯冰凍蜜桃茶就是爽！都算係新蒲崗食物唔錯，性價價比高～坐得舒服的日本食堂！…查看更多

門面好靚，得個樣，俾佢呃咗入去嗌咗個二人餐，二百九十幾蚊落樓，拉麵份量少，豚肉叉燒勁鞋，個湯底似屋企煮既即食拉麵得個咸字。芝士雞翼個味奇怪好乾，啲芝士唔知去咗邊？煎餃烚完之後煮左一分鐘？得幾達煎過嘅痕跡，食落同水餃冇分別，好唔惦🤢…查看更多

✨今天下午我和朋友們二人來到位於新蒲崗Mikiki商場的豚䐁食堂吃午餐🥩🥟✨今天我們二人選擇吃一個二人套餐，可以自選三款不同的小食，也可以自選二款不同款式的拉麵🍜或不同款式的飯🍚等👍✨所以，我們的二人套餐就選擇了雜錦拉麵🍜和吉列豬扒奄列咖喱飯🍛作為我們的主菜💕小食方面就選擇了燒牛舌🥩自家製餃子🥟炸雞肉塊(4件裝)🍗✨我覺得吉列豬扒炸得很香脆，咬落去時卜卜聲👍好香口💕飯上面仲有滑蛋👍好像在吃蛋包飯的感覺💕✨雜錦拉麵有蛋，有蟹柳，有豬軟骨，拉麵煮得好爽口🍜湯底香濃👍太美味💕🥟餃子有六隻👍牛舌燒得好脆😆炸雞塊大大件又脆口🥰好食既真心講🥰🥰✨環境風格像日式料理的風格，裝飾也精美吧😆📍豚豚食堂📍新蒲崗太子道東638號MikikiG樓G23號舖…查看更多