Ton Kun Ramen (Closed)

午飯時間，本來打算試試豐勝手丼，結果一看門外價錢就打直接退堂鼓。本懶蟲為方便起見，就直接到旁邊的拉麵小店坐下開餐。第一次來這店，除了常見的豬骨拉麵和味噌拉麵，居然還有牛舌、松葉蟹、海膽等罕見選擇。Budget問題，這次先試試牛舌拉麵。牛舌爽口之餘帶油脂，用料似乎是做串燒用的牛舌。沒想到牛舌和拉麵這樣配合。拉麵豬骨湯底有少許醬油味，creamy夠味之餘又不怎麼黏口，配上枱上的辣芽菜真是一絕。本來想改天再試其他幾款拉麵，誰知店員說今天已是last day，之後轉營賣燒魚……雖然燒魚也好吃，但……T^T只能打個食評留個念啦…Read More

去完海洋公園，出銅鑼灣同媽咪食飯，媽咪喜歡拉麵，所以搵咗呢間同佢試，其實都幾擔心去到要等好耐，因為店面細，木招牌趟門，入內店面窄長，只有10個座位向淥麵廚房！好傳統嘅日式拉麵店當時係無客嘅，我味5人一排坐，拉麵款式傳統嘅同特色嘅都有！店員姨姨仲會幫手比意見同劃落單紙（因為媽咪唔係好熟）仲會叫紫菜唔使加，提我哋每碗包三塊紫菜！好窩心！揀好麵我見食評有小食，可惜店員話因爲假期，有啲食材無入，牛舌、蟹腳都無！咁就有啲失望！後來廚師即刻去旁邊嘅日式水產店攞蟹腳！（真心感動嘅）仲同我講蟹腳剛出雪櫃要耐少少解凍！小食上先！免費醃芽菜：放在枱面，芽菜咬落爽口，索晒啲辣汁，撈埋辣粉！微辣好味蟹腳拉麵（$178）我同媽咪都食呢個，賣相好靚，我揀粗麵醬油湯底，粗麵有咬口，但掛湯能力一般，不過剛好湯底偏鹹（媽咪話佢豬骨湯都偏鹹）所以唔索湯就剛好！蟹腳已開殻，好方便食！不過蟹腳比較瘦！好在真係幾鮮！鹹鹹地！仲有幾隻白蜆，蜆肉幾肥美，嫩滑幾鮮！仲有蟹膏，綠色幾嚇人，食落幾甘味，好味嘅！配菜有菠菜，菠菜嫩口，爽口木耳絲，白蔥絲爽嫩！整體好味但偏鹹，食完幾口渴（唔係味精嘅口渴）豚骨湯麵（$88）姨甥食味噌湯麵（$88）肥髀食燒餃子（$38）餃子皮香脆，啲餡係菜碎同豬肉碎，唔乾幾好，啲沾汁幾特別，係加咗青蔥花，沾汁唔酸微鹹，幾香！沾汁幾出色！鳥唐揚梅（$38）雞翼炸得好靚，金黃色，啲皮有加芝麻好酥脆，其實薄炸粉但好脆，雞肉嫩滑，鹹香好味！燻製半熟玉子（$14）用碗另上，蛋白嫩滑，蛋黃嫩滑，重蛋味，淡醬油薄身，蛋白入味，凍凍地好味！食物幾好味，餐具都好靚！店員係好似媽媽咁一路睇住3個小朋友，廚師隔住櫃枱又好笑容同下傾偈，傾下食物！氣氛幾好！好輕鬆！食物同服務都令人滿意！…Read More

Hokkaido Snow Crab Legs Ramen 北海道松葉蟹腳拉麵  $178 First thing, love the meticulous arrangement that shells of one side of the crab legs are taken off, so we can easily enjoy the crab meat ^^The soup base was refreshing and sweet, as we noticed it was seasoned with clams!Miso Ramen $88Thicker and saltier soup base, and well compliment with the ramen Grilled Beef Rib with Garlic $98Enjoyed watching the chef grilling! The seasoning and tenderness right on the point!Chicken Wings $38Crispy and tasty!…Read More

今次黎到銅鑼灣一心一意諗住食拉麵！！拉麵多的是~點樣先可以食到一碗岩我心水既拉麵呢！？？於是上openrice揾左間拉麵店名叫「豚燻」人氣都幾盛~於是去睇睇！咁岩又有位唔使排隊，實在難得難得！無慮即決即入！叫左碗燻製牛舌拉麵~粗拉麵底食落彈性剛剛好！夠哂煙un!! 吸收哂豬骨湯底既精華，掛湯能力好高~啖啖拉麵都有湯既豬骨濃郁味道！燻製牛舌有別於厚牛舌！這個燻製牛舌薄薄地幾香滑易咬！肉質嫩得黎帶d燻製既味道！！唔錯~栗米粒亦好香好香牛油既香味！食落更吸引另外再叫左份餃子！餃子皮外層煎到香脆~再加上特製醬汁，更令餃子帶出味道！入面d餡夠哂多~好味！！…Read More

聽朋友說豚臐的拉麵很有特色，難得來到銅鑼灣，當然要去一試. 下午2時左右，已過了午市繁忙時間，可以靜靜的吃碗拉麵. 店內裝潢簡約，坐位不多，全都是吧枱位，就是典型的日式拉麵小店格局. 北海道松葉蟹腳拉麵 ($178) 豚骨湯底不會太濃亦不會過於油膩，幾合我胃口. 拉麵麵條都幾彈牙，配上多隻已開半殼的蟹腳，只需用筷子輕輕一挑，完整的蟹腳就出來了，鮮味十足! 拉麵底下也有不少細細隻的蜆肉，令湯底更為鮮甜. 牛舌拉麵 ($98) 友人則選了牛舌拉麵，除了牛舌外，也有一片牛油以及粟米粒等，都相當豐盛. 試吃了一片牛舌，都幾有嚼勁亦不算薄，也幾好吃，個人覺得這碗拉麵幾抵食~ 蒜片牛小排 ($98) 牛小排份量不算多，定價亦頗進取. 面層的蒜片相當香脆可口，配上牛肉味濃的牛小排同吃，都幾夾~ 燒餃子 ($38) 一客4件的餃子，外皮煎得金黃香脆，內裡肉汁豐盈，沾上特製醬汁，更為可口. 拉麵的款式幾創新，喜歡試新口味的朋友，可以一試呢! 銅鑼灣謝斐道468號百達中心地下E舖 5400 6734…Read More

銅鑼灣特色拉麵最近香港經常都有好多拉麵店，但係好老實講，有時都想試吓啲有特別啲嘅拉麵，唔係成日都叉燒拉麵，。經過銅鑼灣豚燻拉麵，見到佢有個季節限定，有我最喜歡食嘅北海道松葉蟹腳。梗係入去試吓啦，我揀咗好最喜歡吃的北海道松葉蟹腳拉麵。拉麵湯底，有豚骨，有味噌。我就揀咗豬骨而拉麵柔軟度適中，加左個雞翼，牛枊小吃，湯底味道超濃， 不會太鹹，拉麵配上濃豚骨湯。好好味呀。而當然就係慢慢品嚐我嘅蟹腳， 咬落去鮮甜美味，絕對不會有海水味。追加雞翼及牛柳，香脆可口，食到真係唔停得口呀。…Read More

Looks very charming from the outside, but sadly the Ramen are very bland and have no taste at all. Too expensive for what it is. There is soo many better and cheaper places just around the corner, literally everywhere. Just not good at all. No taste whatsoever …Read More

平時不太好拉麵的我，因為實在太久太久沒有吃過，突然有點懷念。在銅鑼灣和媽媽辦完事情，就個拉麵吧！我們走到了謝斐道，來到了豚燻拉麵，小店以木的裝潢為主，很有日本風味！這間拉麵店和平常去過的不太一樣，因為選擇不多，店子就是為了精益求精，專注做好這幾款拉麵！點了一碗黑板上寫著的季節限定北海道松葉蟹腳拉麵，另外媽媽點了煙燻牛舌拉麵！拉麵的口感和粗幼都可以選擇的！北海道松葉蟹腳拉麵豚骨湯底，這裡的湯底都是由蜆熬製而成，所以湯底會有蜆肉，而且也不少呢，湯底夠鮮！拉麵的配料有菠菜、木耳絲和紫菜！很喜歡吸了湯的紫菜！主角就是松葉蟹腳，一碗有五大條，都已經開了，方便食用，一夾出來就是啖啖肉！蟹肉好鮮甜！拉麵的麵條很彈牙！我試了一點煙燻牛舌拉麵，好香牛油味，還有甜甜的栗米粒，薄薄的煙燻牛舌好稔，淡淡的煙燻味，好特別！我們再點了一客蒜片牛舌，不同拉麵那款，這個是厚切的牛舌，更有咬口，偏向爽口彈牙，炸蒜超香，黑椒調味好惹味！這餐令我重新喜歡了吃拉麵！…Read More

說起日本拉麵店，想必大家心中都有收藏了的心水選擇，能令你有印象的，必有其獨特之處。在銅鑼灣發現一間小小的低調的拉麵店，以港人最喜歡的海膽、松葉蟹作拉麵材料，未食已令人記住，可謂踏出成功一步。雲丹滿開海之幸拉麵$198滿滿一板韓國紫海膽，非常誘人和吸睛，海膽有兩個食法，一是原粒食，品嚐最真實味道，二是以紫菜包著食，紫菜能帶起它的海洋滋味。韓國紫海膽外表和北海道的頗相似，也是金黃色有些較深色有些較淺，口感柔潤滑溜，入口即溶，味道甜中帶甘，放久了在熱湯中，也未有變成熟海膽，口味差不多，所以不急於在初段一次吃光，可以慢慢享受。麵條選了適中的軟硬度，今天只有粗麵，而麵條有點捲曲，偏黃色，掛湯能力不強，個人偏好較滑身、較能和湯融合的幼麵條，所以這麵不是我杯茶。本身只想到吃海膽，驚喜的是原來底下有白蜆，蜆肉柔滑細緻，鮮味十足，而且有近十隻，很滿足。喝一口湯，又有驚喜，鮮味好突出，原來將蜆同豬骨湯一齊煮過，怪不得了，真與別不同。燒牛舌$68牛舌做得十分出色，厚切口感一流，咬下去爽軟嫩滑，令我懷疑裡面沒有全熟，燒得也很惹味，特別喜歡炸蒜，蒜味好重，吃後齒頰留蒜香。…Read More

呢排終於唔哂OT 當然即刻約閨蜜放工行街食飯啦血拼前閨蜜帶我去左一間叫豚燻既拉麵鋪鋪頭門口細細 真係一個唔覺意都會走漏眼見到門口餐牌既選擇都唔多 大約5-6款到入到去全部都係吧枱 大約10-12個位到環境細細 但裝修都好窩心唔覺真係差啲以為自己去左轉日本食拉麵港女通常見到啲咩咩限定都會忍唔著所以就叫左兩個限定拉麵再加兩款小食happy share~1/煙燻牛舌 （HKD 98)燒牛舌小編就真係食唔少 但煙燻都真係第一次食配料方面都十分豐富 有菠菜 大量粟米粒 木耳加左啲蔬菜令成個感覺沒咁濟 ～簿切牛舌十分出色 帶有淡淡的燻香味火候掌控十分佳 不會過熟 十分嫩口！畫龍點睛之處係炸香的簿蒜片 與牛舌十分match!2/ 北海道松葉蟹腳拉麵 （HKD 178)絕對唔係扮哂蟹既蟹肉 係真材實料既蟹肉十分鮮味 肉質彈牙 正！寶物沉歸底 底下有成六七隻蜆 總評：麵質方面- 同友人都揀左粗麵同軟硬度揀左中- 麵的掛湯能力十足 - 質感十分爽身同彈牙湯底方面：- 同友人都揀左豚骨湯底- 湯底方面唔算特別濃- 所以油膩感較少- 岩哂唔中意食濟感覺既我- 一啖麵一啖湯剛剛好最後 仲加配左兩款小食 質素都唔錯 1/ 煎餃子 （HKD 38)特調醬汁very good!2/ 胡麻菠菜…Read More

今日好難得同老婆仔結伴到銅鑼灣，完成請工人手續後，當然搵個地方tea 一 tea。由於我哋都趕住返屋企，所以一切都要求簡約，快靚正是我們基本目標，日式拉麵正合乎我們要求。本想試下一蘭，但沿路發現還有其他小店好有特式， 見到呢間餐廳有兩款限定拉麵，好吸引，忍唔住要入去試左先，正所謂蘇州過後無艇搭 。  店內裝修簡約，食客圍著一張長形bar 枱坐，可一覽廚師製作拉麵的過程。手袋背包可勾在枱底下，顯得餐廳的用心。跟侍應下了單，點了兩款限定拉麵及兩款小食。先來煙燻牛舌拉麵，平時我好少食牛舌，就是怕肉質un到咬不開，不過呢碗拉麵就好唔同，牛舌經長時間煙燻後，肉質鬆軟，入口有嚼勁，亦有一點兒煙燻的味道，感覺幾特別! 接著就是北海道松葉蟹腳拉麵，蟹腳有5條咁多，每條都大大塊，鮮味非常，有蟹味，還有好幾粒蜆，肉質鮮甜，越食越滋味!講到麵質，我哋安排左一碗粗麵及一碗幼麵，兩種麵都非常彈牙，掛湯一流! 如果想麵質軟或硬，可在下單時揀定!最後到兩款小食，餃子是剛剛煎好，食落熱辣辣，好惹味，不過小心盪到嘴唇。 雞翼炸得恰到好處，皮都炸到鬆脆，食完令人好懷念名古屋的雞翼。非常滿意的一餐，牛舌/蟹腳同拉麵的配搭真係好有驚喜! …Read More

日本拉麵唔好以為得個種湯好濃好杰好重味的銅鑼灣小巷都有好多野食，好似呢間，平時好少行呢條街，但都好多人排隊等位呢間湯雖然重味，但唔會好濃好杰飲得出好有內涵 足料但唔會好爆全部麵都幾特別，有d比較有特色的拉麵配菜，例如呢個蜆肉拉麵有蜆的，~十隻原隻蜆食唔慣呢種湯底的都可以試下起碼無咁油膩，但唔算清淡麵食落似餛飩麵再粗d份量正常，食完唔會太飽，仲食得落，再試埋其他小食日式煎餃子新鮮煎起，脆卜卜熱辣辣沾醋好好味…Read More

銅鑼灣從來不乏拉麵店，單單在登龍街，經已有四間拉麵店鬥個你死我活。而起謝斐道一帶，更有無人不曉的「一蘭」駐隱陣腳。不過，近期在Instagram留意到又有一間充滿霸氣的日式拉麵店 ---「豚燻」也進駐一蘭的旁邊，看來試圖要在地域上分多一杯羹。來自日本横濱的「豚燻」，門面裝潢不及同場的一蘭般紅噹噹，全店以深啡木系做門面，顯得較為沉實，若不是門口掛上大大個白色、印有餐廳名字的燈籠，都幾難令人著眼。餐廳的地方格局很小，一眼便看完。右邊是半開放式的廚房，全店不多於十個座位的bar枱全部對正並圍繞廚房，空間感很細，是屬於吃完就要走的格局。室內沒有太多浮華的擺設，只掛有幾匹賣清酒的布簾和對餐廳食物的專評報章，充滿簡約的日系小型家庭式拉麵店的風範。餐牌只有A4size的兩頁紙，主餐牌的麵款分別有豚骨拉麵($88)、味噌豚骨拉麵($88)、雲丹滿開海之幸拉麵(海膽拉麵$198)、原匹松葉蟹拉麵($298)、灘岸白貝蜆湯拉麵($158)，另可追加玉子、黑木耳、竹筍、海苔等配料。至於小食則有炸雞、蒜片牛舌、燒餃子和沙律配胡麻醬等，款式雖然較小但也較集中，可看到廚師的精湛專注的廚藝。原隻松葉蟹拉麵($298)員工把松葉蟹拉麵搬上枱，迅速吸引所有食客的四面投射，繼而就偷聽到隔兩個座位的女客人對身邊的男友嗲聲嗲氣埋怨為何不叫呢款拉麵。哈哈，一出場就如此霸氣，呃Like無極限，就是這一點已經值回票價吧！賣相真係唔講得少，份量誇張驚人，先原隻松葉蟹一上場，旁邊堆有一座小山丘高的蟹膏，再有六、七隻蜆的拌奏，絕對是終極鮮美的所在所在。面對如此盛大的拉麵，真不知道應該從何入手，幸好員工端上拉麵時，順勢多放一隻碟子，並溫馨提示把所有松葉蟹和蜆先放到碟上，便可以一邊吃麵、一邊吃海鮮。另外，每隻蟹腳尾端有一半被拆殻，只要吃的時候用筷子從蟹肉一面推出，一絲絲完整無碎殻的蟹肉，肉實而不粉，帶有海水的微咸和鮮味。從未試過吃松葉蟹可以吃得如此方便，乾淨利落，吃得大快人心。湯底是拉麵的靈魂，餐廳標榜用豬骨、蛋殼、蔬菜餚製超過12小時的湯頭，加入蔬菜，感覺新鮮之餘又能減低豬骨滲出油脂的膩，兩者平衡恰當。筆者所選擇的原隻松葉蟹拉麵，廚師會額外將連膏的蟹殻、蟹身和白蜆一同放入豚骨湯裡共灼，令味道溫和的豬骨香都兼帶一股跳脫的咸鮮海洋風味，別有一番風味。麵條可選擇粗麵或幼麵，硬度方面亦有硬、中、軟之分。筆者最後點了粗麵的偏硬和走蔥。經過筆者連番「相機食先」後，浸在湯中的拉麵都變得軟身，彈性尚算可以接受，不過煙韌度力有不遞，加上湯掛度一般，感覺是湯還湯、麵還麵。拉麵還配有兩片大紫菜、木耳絲、爽脆清新，調和味蕾就最好不過了。可惜配料未有小妹最鐘情的竹筍，令人意猶未盡。燒餃子($38)餃子裡以豬肉和椰菜做饀，材料都挺多，而且包得密實，不會一咬就散。肉汁也很豐富，一咬開，肉汁便濺出到碟上，肉質香軟而不乾身。至於餃子皮則較厚身，但平面部分煎得微焦脆口，又要挑剔又要讚。炸雞($38)炸雞分有原味、紫蘇梅、山葵三款味道。一向都喜歡酸咪咪的味道，所以揀了紫蘇梅口味。可惜只是把原味炸雞再加紫蘇梅醬汁，並非一早將紫蘇梅塗混在雞皮表面再去處理，令酸甜的味道當然分佈不夠平均。而且，雞肉偏肥，肥膏明顯，雖然令雞肉炸得嫩嫩，但同時油份極重，過於肥美就是肥膩，令人吃不消呢。煙燻牛舌拉麵($98) [期間限定]原本想叫餐廳最基本的豚骨拉麵，點知看到牆上寫上「煙燻牛舌拉麵」，更是期間限定，當然要試一試。經過煙燻的牛舌，入口未能感受到明顯的煙燻香氣，大概是因牛舌上碟時一早浸在湯面上，香氣隨著湯底四散。不過牛舌的邊位還能咬到丁點兒的焦香，肉味挺濃，無論彈性和鬆化度都令人滿意，軟腍帶有嚼口感。牛舌襯上新鮮炒好的炸蒜片，令一脆一軟的口感層次更為多變吸引，有著蒜香的拌奏，令味道效果提亮不少。再加上整碗牛舌一共有七片之多，比起平常一碗正宗的豚骨拉麵、裡面只有兩、三片小得可憐的薄切豚骨，所以這樣的份量真的不能再挑剔吧。牛舌拉麵的配料雖然不及原隻松葉蟹拉麵的豪華，不過拉麵勝在有大量粟米、木耳、菠菜、香蔥和洋蔥配搭，是較多蔬菜的元素，感覺輕盈清新又健康一點。另外，湯底以豚骨做基底，額外加入麻油、雞油、蒜泥，令味道溫和帶有平庸的麻香，不如原隻松葉蟹拉麵般的鮮味狂野，較為適合愛追求健康的人士而設。整體而言，拉麵的麵條之中要論得出色而言，豚燻拉麵未是做得最好，只能排在中間之列。不過要論到菜式與湯底味道的配搭變化，豚燻拉麵就當之無愧，例如用海鮮做主菜再配更鮮美的湯底，只有鮮到極點。相反卻用蔬菜配料的湯底來強化出牛舌的濃郁肉味，它真的做得很出色。新崛起的餐廳名氣有限，自問試過後感覺真的很不錯，若然要花時間下下在一蘭門前排隊叩門，不如多比個機會自己吃一碗與眾不同的豚燻拉麵吧。豚燻 (銅鑼灣)銅鑼灣謝斐道468號百達中心地下E舖…Read More

早前在好友的社交網站看到海膽拉麵，心想海膽在香港真的大受歡迎。除了被受追捧的海膽丼飯，拉麵也加入海膽的元素，對筆者而言頗為特別；又在公司的附近，一於跟住朋友的足跡試試！返工來到銅鑼灣的豚燻拉麵，門前掛著大大的燈籠，門面頗窄但帶日本風。如其他拉麵店相若，店子細細，座位不多，主要是圍著料理桌。拉麵款式主要有四款，一款豚骨拉麵及三款海鮮拉麵，分別是海膽、松葉蟹及白貝蜆；再加一兩款季節限定。小食方面有數款選擇，如餃子、炸雞、波菜、牛小排等等。在點餐紙上剔剔個人的拉麵喜好，就可以落單了。餃子一碟有四夥餃子，火喉控制得好好，餃子煎得呈金黃色，卻沒有油膩感。餃皮一邊煎得乾身脆口；另一邊仍然軟身。餃子的餡料份量不少，咬下去流出肉汁，十分濕潤。大阪風炸雞炸雞啖啖肉，外層炸得香口脆身，肉質保持嫩滑；外皮略帶油感，但還可接受。加上大阪燒醬及木魚絲，真的很有大阪風味。雲丹滿海の幸拉麵這個就是店員指深受食客喜愛的海膽拉麵！賣相很有份量，首先是兩邊各豎起了兩塊紫菜，然後中間足有一板的海膽放在拉麵上！用料絕對毫不吝嗇，海膽味道新鮮，一啖一啖的將海膽放入口中，非常滿足；但筆海膽碰上熱拉麵，暖的海膽感覺有點怪。選了幼麵，麵質爽口彈牙，卻帶有些微的鹼水味。北海道松葉蟹腳拉麵這是店員推介的季節限定。湯底跟海膽拉麵的一樣，都是由蜆熬製而成；相比平常的豚骨湯底，海鮮湯底相對清新鮮甜，每碗都有六七隻鮮蜆，用料十足！松葉蟹腳亦毫不吝嗇，足有四五隻之多！蟹腳味道鮮貼，而且已去一半殼，食客能輕易起肉。…Read More

港🐷唔算係拉麵專家 都唔會話特登去食 但見呢間舖評價都唔錯 一於試下☺️----------煙燻牛舌拉麵 ( $98 )呢款係新推出嘅拉麵 牛舌有8片咁多 每片都切到好薄 而且有淡淡嘅煙燻味😬 牛舌紅紅地 咬落好淋好嫩 不過趁熱食好咬啲同香啲🤔另外仲有蒜片吊下味😍 湯底係味噌 偏鹹左少少 同埋牛舌都令湯底有啲油😅-麵揀左#粗麵 港🐷覺得粗麵比幼麵更可以掛到湯同更有口感🤓-北海道松葉蟹腳拉麵 ( $178 )除左蟹腳 仲有好多蜆😱 呢碗嘅湯底就冇咁鹹 但有淡淡海鮮味 海鮮都好新鮮😆…Read More