豐鮪

夢之丼SET配搭豐富，壽司醋飯清爽微甜，配上切碎黃蘿蔔、壽司薑與芝麻，口感層次分明。蟹膏茶碗蒸滑嫩鮮香，味噌湯濃郁不膩，和風沙律清新解膩，整體味道平衡，非常好味…Read More

成日見到啲粉嫩嘅拖羅，都會講笑咁講話食豬肉，今晚直頭去食日式肉餅飯。位於銅鑼灣渣甸坊嘅小店，餐牌上會見到一碗碗既”肉餅飯”，日式餐廳食肉餅飯的確幾有新意。所謂既肉餅飯，其實係新鮮做手切藍鰭魚，賣相好似肉餅一樣。鹹蛋肉餅飯松雪蟹之幸丼(期間限定)手切藍鰭魚真係會食到綿密嘅口感，加埋蛋黃豉油漬，真係神還原鹹蛋肉餅飯。另一款肉餅飯更高級，松雪蟹肉，又蟹膏，味道更濃郁。跟餐除咗沙律麵豉湯，個茶碗蒸都有埋蟹膏，幾有誠意。…Read More

今次去間主打藍鰭吞拿魚嘅舖頭，叫咗個左口魚裙邊吞拿魚蓉飯，賣 $158。講性價比先：$158 喺香港日料圈唔算平，但以係用左口魚裙邊呢個位嚟講，份量同材料都算實在，唔係淨係嚟騷包裝果啲。如果你係鍾意食油脂香重嗰類，呢個價位可以接受；追求極高級刺身質素就可能覺得貴啲。味道方面好正，吞拿魚蓉好滑，油脂感突出但唔會膩，入口有一陣天然鮮甜，店家用嘅醬汁唔搶味，蔥花同少量芝麻做點綴，好夾。白飯嘅醋味控制得唔錯，唔會蓋過魚味，整體鹹淡平衡。上枱賣相吸引，魚蓉鋪得平均，粉紅帶啲橙色油光，好惹食；配搭簡潔，有啲青蔥同黑芝麻點綴，干淨順眼。新鮮度方面可信，唔會有腥味，魚肉仍有彈性同油筋感，切碎後仍有層次，睇得出處理同保存做得唔錯。總括嚟講，呢碗 $158 嘅左口魚裙邊蓉飯喺味道、新鮮同賣相都有水準，對鍾意食脂香吞拿魚嘅人嚟講，好值得一試。…Read More

拎到出嚟，個樣確實係幾靚仔嘅。橙紅色嘅呑拿魚鋪到滿一滿，幾乎睇唔到底下的飯，抵讚！一啖食落去，首先係凍冰冰嘅魚生同暖飯嘅溫度反差，夏天食幾爽。魚生質素算係咁，冇雪藏味，都叫鮮甜。醬油唔會死鹹。最好係佢份量真係夠多，魚生食到最後一啖飯都仲有得餸，絕對唔會出現「白飯淨食」嘅慘況。係碗邊嘅幾片醃薑可以清一清味蕾，繼續戰鬥。評分：8.5/10分 （以價錢同份量計，絕對超值！）…Read More

位於銅鑼灣嘅隱世小店老細本身做批發，所以有稀少部位，例如汁煮魚嘴一啲腥味都無，啖啖都係骨膠原每個餐都附有一個蟹膏茶碗蒸，蟹香蛋滑藍鰭吞拿魚新鮮肥美價錢非常抵食，又唔洗加一，只係落單茶水自助絕對係掂食之選…Read More

係SCCA玩完夜晚過黎，銅鑼灣呢間隱世嘅小店真係唔使排隊，休閒嘆住新鮮小吞拿魚刺身 質素超好，加埋師傅精心手剁嘅魚蓉，入口嫩滑肥美，配搭日式丼飯一流。環境舒適，氣氛寧靜，食完一碗盡興又滿足，係夜晚放鬆好去處，推薦比鐘意細味鮪魚嘅朋友！…Read More

豐鮪採用自助式點餐模式，客人需自行斟水，簡約方便。咸蛋肉餅飯以tuna魚蓉配鼓油蛋黃飯，鹹香撲鼻，味道出眾。$138雖然不算平，但食物質素絕對對得住個價錢，值得一試，會回來再幫襯！…Read More

第一次嚟呢間小店，感覺位置幾方便，又係全自助形式，整體環境都幾舒服。食咗鹹蛋肉餅飯定食，個蟹膏茶碗蒸好滑好香，蛋黃豉油漬唔會太鹹，撈埋飯食剛剛好。吞拿魚蓉有少少筋，食落去口感豐富，唔會單調。整體味道調配得唔錯，份量都適中，性價比高。服務係自助，雖然無人招呼，但操作方便快捷，適合想快靚正食餐飯嘅朋友。環境乾淨舒服，係休閒聚餐嘅好選擇。下次都想試多幾款其他定食睇下味道如何！…Read More

丰鲔的藍鰭吞拿魚丼令人驚艷！米飯醋香恰到好處，鋪滿厚切魚生，油花分布如藝術品。輕蘸醬油已足夠鮮美，醋薑清爽解膩。另試了炙燒壽司，火炙香氣與魚脂交融，口感層次豐富。服務細心，環境舒適，價格雖偏高但品質對得起價位。推薦給追求極致魚鮮的老饕！…Read More

據知老闆經營藍鰭吞拿魚批發多年，現在更開設餐廳，主打一系列吞拿魚丼，咁新鮮又抵食，吞拿魚迷豈能錯過！丼飯附上味噌湯和蟹膏茶碗蒸。夢之丼大盛（超滿足推介）包含大拖羅2切、中拖羅4切、赤身4切及一顆吞拿魚魚肉燒賣，一次過感受不同層次的油脂及鮮味。燒賣造型賣相的骰可愛，刺身充滿光澤，幼嫩滑溜，大拖羅肥美而無筋，入口即溶；中拖羅入口甘香；赤身魚味濃郁。帶子肉餅飯新鮮做手切藍鰭吞拿魚魚蓉+蔥碎 +北海道帶子+日本珍珠米帶子大隻厚身，粉紅色的肉餅是新鮮做手切藍鰭吞拿魚蓉，再拌上京葱碎，肥美甘香。蟹膏茶碗蒸蟹膏味道香濃，蛋香十足，口感香軟細滑。…Read More

今晚同朋友去咗丰鲔日本蓝鳍吞拿鱼专门店试佢哋嘅金枪鱼，果然冇令人失望！主打金枪鱼嘅专门店，水准系有保证嘅。首先必试嘅 本鲔刺身盛」($428)一上枱就够晒架势，摆盘靓仔。最重要系啲金枪鱼刺身真系够晒 色泽靓仔，鱼油分布均匀，食落去 肉质软滑冇筋，完全冇雪藏味。特别系大拖罗（大腩）部位，入口即溶，鱼油甘香喺个口度爆出嚟，正到痹！赤身（红肉）部位就肉味浓啲，带少少酸味，好有咬口。成个拼盘份量合理，可以一次过试匀金枪鱼唔同部位嘅风味，金枪鱼爱好者必点！跟住试咗个 「带子肉餅飯」($216)，呢个有惊喜！唔系净系得个饭咁简单，系一个 丰富嘅套餐嚟㗎。主角带子肉餅真系 啖啖肉，带子肉切粒混合猪肉（或者其他肉？）打成，煎得香口，口感弹牙，带子嘅鲜甜味好出。配嘅饭底唔会太湿或者太干，捞埋肉餅嘅汁好夹。套餐跟嘅 自家製巨峰提子酒（得5%酒精，女士都啱饮）甜甜地好易入口，配刺身或者肉餅都唔错。最后加咗个 「刺身日本北海道海膽呢个价钱食到北海道海胆真系 好抵玩！海胆 份量唔算好夸张，但胜在够鲜甜！颜色靓仔金黄，冇怪味，入口即化，系大海嘅浓郁甜味，一啲都唔腥。用紫菜包住食，或者净系用匙羹舀嚟食都咁正！特价期间真系要试。…Read More

呢度嘅拖羅係由赤身，中拖到大拖都超級好味。唔會覺得有腥味，唔會有根。拖羅入口即融，D油脂超級香！跟餐嘅茶碗蒸都好香好滑。蛋嘅面仲有蟹膏，令到茶碗蒸好鮮甜。超滿足😍…Read More

松雪蟹之幸丼無論外觀及蟹肉份量都優質，吞拿魚蓉有口即溶嘅感覺非常好，中層有松葉蟹夾雜着，蟹膏非常鮮味。上面有蟹肉同蟹籽點綴，令人愛不釋手。套餐有蒸蛋同埋沙律，仲有麵豉湯飲添。…Read More

夢之丼 SET 整體嚟講好豐富又有質素。刺身部分包括大拖羅、中拖羅同赤身。大拖羅入口即溶，油脂香味濃；中拖羅油脂適中，口感滑；赤身就比較結實，鮮味足夠，三種刺身搭埋一齊食好有層次感。豐漬飯用壽司醋飯拌黃蘿蔔、壽司薑同芝麻，酸酸甜甜幾開胃。迷你魚蓉燒賣係細細粒，但味道夠鮮。蟹膏茶碗蒸蒸得好嫩滑，有蟹膏味。仲有味噌湯同和風沙律鹹蛋肉餅飯係用手切藍鰭魚整嘅肉餅，魚味幾香，質感亦都幾實淨，唔會太乾。鹹蛋係蛋黃豉油道配白飯食，好滿足。魷魚明太子燒賣幾有趣，魷魚彈牙，明太子味道啱啱好；蟹柳親子燒賣就配搭都算幾新鮮。 其實整體成餐飯都幾不錯，食材新鮮，味道亦唔錯，份量適中。刺身同鹹蛋肉餅都係亮點，值得一試。…Read More

吞拿魚好食，湯同茶碗蒸都有送個餐有：肉餅飯好大隻帶子+有茶飲+蟹膏茶碗蒸幾特別+沙律都ok+麵豉湯好豐富 加埋份量都夠飽值得再試 地方都方便Very nice!!——-…Read More