Wong Ah Ma Soya

新鮮包既粢飯幾乎係可遇不可求既野，但係土瓜灣一帶就潛伏左三間有粢飯供應既小店，仲要限時供應。一場黎到，點都搵間試試。一行入店，老闆娘就熱情問想食咩，因為好難得食得，就一次過嗌粢飯同鹹豆漿。先黎鹹豆漿，有豆香，浮面既油炸鬼半腍半脆。等左陣，途中有幾位客人外賣，都等耐左，最後大大舊既粢飯都黎埋，熱情既老闆娘話，想打卡影相可以叫佢切半🤣糯米頗多，肉鬆同榨菜都足夠，油炸鬼係硬脆果種。同紅磡既滿堂樂類近，但價格更相宜。想追求靚既環境呢度真係無，但有既係濃濃既人情味，都係現今高度發展既市區買少見少。…查看更多

這店平時只開上午時段，只有老闆娘一個人打理。在這店不要要求太多，否則只會被罵:)-我初初食的時候是選擇了粢飯，見他即刻手包，比外間不同的是他用了膠袋代表平時的保鮮紙，到我手的時候熱焫焫的，又可自己改變形狀的粢飯-店內還有餃子選擇，每隻都脹卜卜，雖然不太熱，是微暖，但價錢卻非常貼地，食2隻都夠飽，非常大粒-凍豆漿也好飲，但對我來說，有點太甜，但是正常的，因為我比較好低糖，所以應該是正常甜度。-最後，希望老闆娘會笑下，唔好成日黑面，畢竟食物也不是很差…查看更多

第一次去買早餐，見到得四樣嘢食賣已經覺得好奇怪，舖頭入面冇食客，個開放式廚房都係空無一物。附近其他舖頭未開門，又肚餓唯有試一試。點知中左個大伏。舖頭得四樣食物: 鹹豆漿，黐飯，鍋貼，豆漿，最後買左個鍋貼。本身諗住坐低食，但係間舖頭實在係太奇怪，所以都係叫咗外賣。返到屋企先知啲皮散開晒，粒肉近乎見唔到，仲要又凍又難食。等拎野食途中有個後生仔好聲好氣問佢有冇炸两賣，個老闆唔識整冇賣就鬧走左佢，唔似係打開門做生意。…查看更多

早上咁啱去完附近健康院抽血，餓了咁耐，行行下見到呢間。網上食評好壞參半，決定一試入到去才知呢間舖得四樣嘢賣勁喎粢飯都大嚿即包飯我覺得硬了少少油條勁脆買了兩隻窩貼回家皮厚了啲，但足料…查看更多

因為近巴士站，有時早餐唔知食咩，所以光顧過三次。今日之後我應該不會再去。第一次，堂食既，衛生條件差，碗碟都好有歷史。塑料既好「復古」。而且收錯錢。四個鍋貼加甜豆漿收我25，到而家都未知點解咁貴。因為趕巴士原因，都無追究。第二次，外賣走，都算正常。第三次，外賣，態度好差，好惡。我問係咪豆漿可以拎走，佢好串好惡話「凍熱都可以拎走」「一杯熱豆漿拎走」之後佢行入去裝豆漿 我企門口。之後佢出黎好惡同我講「唔該企出去」我買嘢 有比錢 等嘢食有咩問題。洗唔洗咁惡咁串。一早就遇到呢啲怪咖真係無哂一日好心情！…查看更多

全間舖（老闆都係）唔戴口罩咖!!今朝七點幾想去買外賣，門口見到已經班人唔戴口罩係度等外賣，跟住望埋入去，個“王阿媽”又係唔戴，個員工又係唔戴，兩個仲唔戴手套一齊準備食物。疫情當下，衞生情況都仲係咁惡劣，真係以後不了。…查看更多

早晨，星期六，早上十點，大家起咗身未啊？好多人都話台灣嘅早餐文化根深蒂固，相對香港好似冇咁多元化，我哋流行嘅早餐文化就係離不開茶餐廳，中式早茶或者食碗粥加油炸鬼。台灣人很喜歡鹹豆漿加粢飯，我又想起在善導寺阜杭豆漿 嘅早上，就好掛住台北，吃著蛋餅，油條，鹹豆漿，栥飯，多美好。在土瓜灣有兩間非常有名嘅嘅栥飯店，一間係上海美華菜館以前我曾經非常支持，但有一次因為老闆娘熊度嘅關係我以後都決定說，不了，就算個粢飯幾好食都假。於是，自然會幫襯上海豆漿王阿媽。早上十點幾都冇乜人，外賣回家吃才是抗疫嘅最高境界。店內都是簡單的幾個選擇，本身想食下餃子，但唔想太飽就簡單要了鹹豆漿或粢飯就算了。為什麼想介紹呢間餐廳，因為有朋友剛剛搬到紅磡，佢話佢喜歡食豆漿栥飯，嗰日先同佢講起呢間舖頭，然後今朝想食個好點的早餐後，就過嚟了。這個老闆娘都是有性格，但至少未試過有同佢衝突。回到家後，鹹豆漿仍是熱辣辣，豆香四射，加了點辣，再加上新鮮炸嘅油炸鬼和蝦米，我幻想自己在台北阜杭豆漿 的早上，又或是在上海的桃園眷村。呢度嘅栥飯和美華比較，有點難，的確美華栥飯中的油炸鬼真係炸得很好，吃入口都好似吃薯片咁脆咯咯，呢個係王阿媽嘅不好。榨菜和肉鬆嘅比例兩間都差不多，但糯米粒粒都好靚，好大件，食完一定會好滿足。在插翼難飛嘅日子，冇得食其他地方嘅早餐，就來這過下癮，滿足下在異地早餐嘅幻想吧。豆漿王阿媽  土瓜灣馬頭圍道220號地下…查看更多

今早老公買了上海早餐俾我食，有熱甜豆漿（好杰好濃黃豆味）、大大個足料粢飯（有脆油條、甜肉鬆及炸菜，餡料冇其他地方整的咁少啊👍）😋😋😋，最驚喜老公買埋4隻大大隻鍋貼回來，我們每人食2隻，個煎餃個皮勁脆，好多肉餡好juicy爆汁架，2.5元/隻，聽他講每日每人堂食or外賣只限購4隻乍，早賣完就冇啦，怪不得他今日話本來之前想買俾我食都買不到，他話下一次帶埋我去一齊食煎餃😊!隻鍋貼我食過一次後，完全返不到轉頭，不會食其他餐廳的鍋貼了，整體味道及個皮勁像生煎包咁好食，可惜每人一日只可買4隻，老闆娘好堅持架!……😢全部都熱辣辣架，栥飯係落單後即包架，冬天食這些上海早餐一流，好窩心架!❤…查看更多

本人好少寫食評，但今次真係不吐不快，呢間食肆啲食物只可叫正常唔可以稱得上好好食，但係態度真係十分十分十分之惡劣(全無禮貌可言)， 你話好好食要受氣，又或者有好多客人你兼顧唔倒禮貌都算， 但偏偏拍曬烏蠅得我一個客人，都要對客人呼呼喝喝，自問已經客客氣氣唔該前唔該後， 因每次經過都係得呢個阿姐喺度，所以有理由相信佢應該係老闆不是打工，在土瓜灣大把食肆咁多競爭都好似唔休做咁，咁我唯有成全你我唔會再幫襯， 絕對係貼錢買難受。…查看更多

一向都好少踏足土瓜灣 知道呢邊多好嘢食 咁啱今日又來呢度附近做嘢 見到附近有呢間專食粢飯豆漿嘅上海店好似唔錯 你之前有上網睇過食評好多人都話老闆娘態度好差 就心慌慌咁入咗嚟點知入到黎老闆娘其實都幾好人 我熱情咁問我睇吓想食啲咩 見我要等埋個朋友佢都冇燥底首先當然要叫咗佢嘅粢飯 同埋熱豆漿粢飯承諾我覺得普通唔特別 油炸鬼唔脆 榨菜有啲咸 不過整體食落味道可以反而個熱豆漿有驚喜 質地濃稠 比起我以往食過嘅都杰身 而且佢一大碗咁樣只係6蚊 飲哂係相當飽肚再叫多兩隻鍋貼 皮較厚 我挺喜歡的 有咬口而且傳統的都是這樣比較有飽足感…查看更多

粢飯 $18Glutinous rice ball————睇其他食評聽講老闆娘好惡，不過經過見到有幾個人係到買緊好似無咁驚😂咬落去飯糰有小小鬆，不過自己紮翻好就OK啦。味道有小小太鹹Shanghai glutinous rice ball $18——————Quite a lot of people reviewed that the lady here is a bit impolite Luckily, I didn’t make her angry by ordering clearly. LOL…查看更多

上海鍋貼🥟$2.5/個幾個月前，經過呢間小店，諗住入去試🙃結果未入到門口，已經俾老闆娘鬧走，仲要即刻落閘😂個陣早上11點未夠🙈其後先知老闆娘長期燥底😅今日又經過個頭🤨今次醒水，見到舖頭裡面無人，而個保溫櫃仲有4件鍋貼🥟二話不說，即刻要哂佢😂老闆娘突然大聲講：好耶，收工🤘🏻個陣先啱啱早上十點🤨老實講，好食既👍傳統上海式厚皮鍋貼🙂好大件，好多肉，而且充滿肉汁😋但感覺比較油膩😗…查看更多

說起上海的早餐，令我回想起差不多十多年前，那次一個人去上海旅遊，每天都在同一間食店，飲豆漿，吃小籠包，生煎包的情景。多年來沒有回去上海自由行，很久沒有再體會食上海式早餐既風味了。香港這一個多元代的國際都市，有一部份的繁榮仍要 credit 上海人的。在香港街頭，有心去尋上海老味道的話，一定找得到。而在我平日上班的經過土瓜灣的那一段路，有一家名叫《上海豆漿王阿媽粢飯》只開早上，時時都吸引我去望兩三眼。近來因送兒子上學早了出門，我就故意在土瓜灣停下來，食返個上海早餐。 這兒沒有小籠包，所以我點了鍋貼。此店是逐隻鍋貼收費的，所以食多件就收多一件錢，盲就係咁簡單。下圖是我第二日來食的早餐，四件鍋貼，一杯豆漿，很傳統的上海風格早點。 鍋貼，是傳統的厚皮，單面煎的。厚皮增強了煎餃的口感，也把餡內的肉汁吸收了，令到整個鍋貼由內至外斬充滿了肉的鮮甜味。 咬開，是充滿肉的一件美點，甜美的肉汁除保留在肉餡子內，餃皮的每一個部份都吸收了，味道豐富，做法傳統，這一個 "王阿媽" 的確有幾道散手。 豆漿也是她自製的，不過應該是一早整定賣一整日的。豆味濃，夠甜，夠香，夠滑，當然，也夠凍，很好飲。 我第一日來，早餐是叫了兩件鍋貼，一個粢飯同一個咸豆漿。在店內吃了鍋貼同咸豆漿之後已經半飽，所以，我點了的一件粢飯，就拿回辦公室，當一個 light lunch 咁食。 即叫即包，份量也可以算是十足。一份香口的油條，外的一層是肉鬆同榨菜，再在外包一層熱辣辣的糯米飯，香軟可口。在 office 內沒有豆漿，我沖了一杯靚茶伴之，感覺同樣美好。 在《王阿媽》食早餐，最有特色的，是充滿材料的一碗咸豆漿。豆漿，也許加了少少醋，食落有少少已經結成膏狀，非常之特別。豆漿佈有油條，有榨菜，有蔥花等等。是會令人飽肚的一碗。 唔......當年上海旅行的早餐感覺返左黎，很是開心。不過，呢位 "王阿媽" 一人管理一間小店，絕對是一腳踢，難免會脾氣暴躁。時不時會很火爆地回應客人，自言自語大叫未停過。面對 "王阿媽"，品味 "王阿媽"，記住要帶有少少EQ，不然，搞到同 "王阿媽"開火，大家都一肚氣。而沒有發脾氣的 "王阿媽"，其實是好好人的。…查看更多

我諗老闆娘志在過日辰，上星期六早上經過入去問佢係咪有粢飯，佢當時整緊一個，跟住整豆漿俾有個客坐係度食，佢一路無答我，再問一句佢話咩呀？你要幾多個？我話一個，佢啲態度真係想唔買，味道好淡，無下次…查看更多

今早去買早餐,  共$16.5.俾錢老闆娘個陣, 我俾$56 , (應該俾$56.5, 方便佢找番齊頭$40, 但當時我忘了個外賣碗要另加$0.5....)點知佢發晒老脾, 掟番6蚊係出面張枱度, 聲大大話"唔夠呀", (我當時前後, 都聽/講緊一個重要電話, 無空間俾回應佢, 如無講緊電話, 寧願收番自己d 錢, 唔要呢份早餐走人...) 當時佢係鋪內, 我係鋪外, 鋪面門口有一級鐵級仔, 咁我米行前兩步, 俾多一蚊佢  (因外賣碗要加$0.5),   點知又突然呼喝我" 唔好踩上黎"  ( 心諗：哇, 大嬸,  個個客出入都會係門口踩上踩落, 佢真係攞嘢黎趕客)呢間嘢,  以前好間中都會幫襯,  今朝咁樣, 真係絕無下次. 無端端晨早俾人呼喝, 真係第一次.…查看更多