Video
6-min walk from Exit A2, Sham Shui Po MTR Station
continue reading
Additional Information
提供到會包場服務 （電話：65496432 / 91881653)。到會包場可自訂餐單或我們提供建議。
Opening Hours
Mon - Sun
07:00 - 18:00
Above information is for reference only. Please check details with the restaurant.
平時都會到街市熟食中心或桂林街吃早餐，今天早上有時間就在附近試下不同的餐廳，可惜的是感覺一般。早餐餐牌，最常見的那種配搭，沒什麼特別，但在同區來說也沒有特別貴或便宜。叫了個沙爹牛麵餐，心想正正常常的話都不會太差吧。這是沙爹牛 麵。為什麼沙爹牛和麵隔了這麼遠？因為它是沙爹牛加一個清水洽熟的麵，沙爹牛和麵是合不埋的。就算把那幾塊牛肉瘋狂攪拌，那個麵都沒有沾到多少的沙爹汁……那個湯也很淡。蒜香多士+煙肉煎蛋，這煙肉的份量就是圖中這麼多，並沒有被多士遮住的。味道還算正常。跟餐的茶走，沒有甜味，可能是煉奶落得不夠。而茶底也不是很香。感覺就像是為了控制成本而把食物質素放在一個優劣邊緣，希望提出意見能讓他們有所改善。
continue reading
今晚宵夜諗唔到食咩好。呢晚朋友有駕車。隨即跟他車.由他發板去食咩..入到飯堂己有一陣燒烤味。由頭到尾都是朋友話事食甚麼！原來朋友在駕車途中己通電落order......坐下不久就一客生蝦同雞軟骨本人特別喜好燒茄子。燒海鮮亦有心的食物。此餐廳好有心思做每款菜式
continue reading
一行6人叫左好多野食，食左好多燒海鮮，埋單1千鬆D，好抵食。生蝦 $78蝦爽口新鮮，估唔到配苦瓜又幾好味，清清地。有保鮮紙將生蝦同冰隔開，較衛生。口水雞 $38好抵。朋友認為有點咸，唔夠辣。個人就認為辣左少少。肉質唔係雪左好耐或好林果D，麻辣味夠。串燒雞軟骨 $14/串叫左兩串，可能店員見我地人多，用左碟上，問我地介唔介意。無所謂，都好，如果一串串我地好難分黎食。呢個要推介，每一粒都有少少肉黐住，又唔會燒到乾晒。伴碟沙律菜新鮮，朋友話唔好浪費，食晒～串燒牛脷$18及串燒四季豆$12牛脷，本人本身唔食既，無食到，不便評論。四季豆出色，唔乾，又冇絲，Ｄ豆唔老。少少辣辣地，好食～茄子$28呢個一定要讚，食完一條，朋友忍唔住要即刻再嗌多一條。自從N年前在向西村金稻園食過燒茄子，便愛上了。但一直在香港都食唔返果種入味又有蒜香既味道。一係就燒得唔夠透，茄子唔林，一係就冇乜味。呢條茄子真係冇得輸，一來夠林，二來非常入味，蒜茸份量恰到好處，而且價錢合理。麥皮虎蝦$98一開始唔知咩黎，估唔到同蝦可以配搭倒。虎蝦大隻，新鮮彈牙， 麥皮香甜帶脆，值得一試。鹽燒倉魚 $198其實本身係$98，不過老闆見我地人多，問我地會唔會想要條大Ｄ，兩斤。我地本身都好鐘意食魚，所以就要左條大既。唔好係都等得耐，要25分鐘左右。開頭店員講，我地都嚇左一跳。店員話因為即叫即燒，由生燒到熟係要甘耐，話老闆吩咐落如果一早燒定會冇甘好食。同埋佢話我地有其他野食住先，一路食一路等唔會覺得太耐。食食下，倉魚終於黎，上枱時仲見住有煙出，好熱，證明岩岩燒起。唔點汁都好好食，味道鮮，魚身入面有香料醃住，好入味。肉質嫰滑，絕對唔係雪藏魚。店員應該冇呃我，唔係事先燒定。燒蟶子皇 $53/隻好大隻，肉身肥美鮮甜。呢個好似唔係日日有，要睇店外是日精選果個牌。燒元貝$32/隻好味。夠大隻，燒得剛好，帶出元貝既鮮甜，忍唔住要飲埋剩低0係殼既汁。燒鱔$38/串賣相幾好，燒到金色，鬆脆可口。娘惹咖哩雞配薄餅 $88咖哩香，不太辣，薄餅燒得剛好，脆口得來唔會太油。整體黎講，呢度野食唔算多，但每樣野都比預期中好味，有水準。因為睇佢門面唔似係甘好食既。可以再黎。
continue reading
今日係深水埗試左一間隱世小店，絕對要強烈推介。麥皮牛油大蝦炸得乾身，表面灑上脆脆的麥皮，又加入了煉奶，食落惹味，還帶點香甜。沙嗲串 ，由老闆發板，有扇貝，牛肉、豬肉、雞肉、豬頸肉和白鱔，肉質上乘，餐廳的秘製醬汁做得濃郁，很香。安格斯牛扒，經慢煮後，會煎香表面🐮而且牛扒都算厚又大塊，每一啖都食到油香，又夠稔又有肉汁💦所以食落完全唔會乾👍🏻。辣酒煮大蜆我就最鍾意，鮮甜彈牙的蜆肉，還有鮮香的湯汁，十 分 鮮 甜 ， 蜆 肉 入 味 之 餘 ， 仍 然 十 分 彈 牙 爽 口 及夠晒惹味。泰式生蝦刺身，肉質特別爽口彈牙，醬汁出色，鮮蝦味濃郁!無水蒸泰式倉魚，魚肉鮮嫩，更能突出魚的鮮味。最後，娘惹咖喱，濃香不辣，再配薄餅，酥脆可口。整體食物非常好，服務又好，又坐得舒服，good.
continue reading
喺附近返工，平時都有經過呢間餐廳，但見佢晚上拉晒閘唔開。前日見到門口擺晒開張花牌，之後聽倒話夜晚比左另一班師傅做東南亞串燒。人唔算多，見都有三、四枱食緊，反正唔洗等位，就同幾個同事入去試下。味道幾好，價錢都好抵，全單9折。唔好既係串燒有少少慢，見佢啲串燒即叫即燒，都要等10分鐘左右。店員都幾積極介紹有咩食。有個麥皮虎蝦幾特別，好好食，麥皮脆，甜甜地。燒白鱔味道可以, 不過如薄返少少會好D，會較易入口。生蝦配苦瓜，幾特別清新。
continue reading