Praise House Congee & Noodle Cuisine (Closed)

蜜汁叉燒 $60叉燒一斤 $108，呢度大半斤 $60。叉燒半肥瘦，肉質軟腍香口，蜜味帶點甜，係加餸好選擇。呢一條比較肥，脂肪多，入口鬆化啲我鐘意食瘦啲既，唔太鐘意肥膏油膩膩既口感…Read More

印象中呢間餐廳d 野都幾好食，宵夜都黎過幾次。今日再來， 舊情不再。午飯時間都坐唔滿，我記得之前要等位。午餐menu我叫左個雙拼河粉。 恕我直言，我無食過甘難食既潮州粉面不論水餃，魚蛋片，河粉，湯底都係無味。 上台時一層麻油係面，成碗粉好油。 我亦都未食過麻油做主打既潮洲粉面。 湯底無味都算，估都估唔到魚片同水餃都可以無味，難度超高。朋友食票米肉粒粥再加錢加多個腸粉。 其實朋友生飛滋所以先想食粥，但佢都話要加鹽，你就知個粥有幾清淡。估唔到成餐最好食係個腸粉。 我相信d 豉油，甜醬，花生醬應記一功。創業難，守業更難…Read More

今天因為不是太肚餓所以沒有吃晚餐，來到這個時候剛好是晚上九時，想起這間店舖有宵夜時段外賣供應，在家乘搭小巴到沙田第一城這間昔日曾經是我喜歡的飯堂，已有一段時間沒有在這裏買宵夜了，今天買了一個涼瓜牛肉炒河、艇仔粥、叉燒腸粉、白焯菜心及例湯，等了約二十分鐘拿到了我的外賣晚餐，用了三分鐘飛快地乘搭的士回到家裏用餐，打開涼瓜牛肉炒河已心感不妙，因為它已經不是我從前時常光顧的模樣，河粉像完全沒有炒過的，牛肉及涼瓜也不是昔曰味道，再打開其它的看看，更是慘不忍睹，艇仔粥完全是漿糊一樣，叉燒腸粉是放了很久沒人吃的樣子，油菜心也是焯了很久太淋的模樣，那個例湯像開水的清澈，真是令人失望！回想數年前新開的時候，這裏曾經是其門如市每到晚飯的時候都有很多人在等位，對比現在是人流稀疏，會不會是廚房換了廚師及管理人？亦是激起了今次是我第一次提筆寫食評！…Read More

譽居似中式酒樓，又似普通點心店，叫左個皮蛋瘦肉粥，粥是煲得不夠綿，米香欠奉，瘦肉老老地，不過皮蛋份量好多，但係就無太濃個種皮蛋粥味。蜜汁叉燒包，包身是鬆軟熱辣辣，不過內餡就麻麻地。…Read More

一個人食晚飯！七點鐘左右無咩人，唔使等位，頌有卡位，可以舒舒服服食餐飯而無人搭枱。叫咗嗰义燒飯。处觀幾精緻，頌有一條豆。义燒都算淋，但义燒係偏鹹而無咩蜜味嗰種，我就較喜歡有蜜味嘅义燒，飯都軟熟，另每位茶介$3，不過啲茶無咩茶味 …Read More

做左成日野，到左食lunch 既時候，只係想食個午餐, 等左唔洗5分鐘左右，都OK啊，點知食完把鬼火。全餐最正常的食物豬膶牛肉粥同普通生滾粥,  但係海南雞反而就冇咩雞味。 落單亞姐好細心話叫牛筋麵會有牛腩架, 我話 manual 有分開叫架喎, 佢話點都有1 - 2 件腩, 咁 OK 啦, 點知到左係一半半, 仲要只係暖的. 牛筋又無味, 牛腩更唔使講啦.... 一個字"柴"~ 蝦米腸 都OK, 不過又係凍的. 鹹肉粽 一般貨式, 但價錢是外面 double 終於食完去找數, 咁樣樣就食左我$$230，個陣時有D好像比人水左咁…Read More

午飯時間，經過好多次譽居，但今次第一次幫襯因為譽居外觀似飲茶叫小菜點心，我呢D打工仔 唔多方便食午飯食到遲到返公司。但新同事想試呢間就即管試下。原來譽居下午係好似一般茶記咁有午餐ABCD...，落 order 時見到 格離台都係叫叉燒，炒野。我二話不說叫左個四寶飯，價錢只貴半自助連鎖快餐少許。 論環境裝修，真係超值。由落 order 直至 上菜(四寶飯)大約十多分鐘，對於趕時間人士不算快。碟頭飯上碟少不免趕時間，飯會一舊舊，汁淋到過曬界 。但呢個四寶飯 賣相好整齊，四寶有 叉燒，咸蛋，紅腸，鹵水雞趐，少許菜。叉燒好正，冇特別要求半肥瘦叉，好surprise 有 半肥瘦叉，燒得香又唔火農咸蛋切得乾淨利落，唔會有蛋殼碎紅腸我嫌切得好薄，冇口感鹵水雞趐賣想得，因為冇最驚既雞毛味道賣相價錢直係值回票價 …Read More

因為我們祗是三個人，所以要等位祇是五分鐘左右。因為譽居是一間粥及麵店，所以，點了皮蛋瘦肉粥，又見到一道菜，為“譽居叉燒腸”，所以，也點了。等不算久，粥便到。不錯，很厚身，粥味濃，足料。不久腸粉到，一看，便知不妙。叉燒味道還可以，但腸皮很黏，不爽，味道也不新鮮。等了好久，四寶飯才到，雞翼衹是雞中翼一隻，紅腸祗有四片，义燒還算可以接受，咸旦夠咸又有旦味。高級茶餐廳的招待，但又要加一，埋單時要124元，覺得身在第一城，有點貴。…Read More

這一天早上，因要做定期檢查而令我路經沙田第一城。當我覺得時間尚早的時候，我會找個好地方食早餐。是日，時間非常之充裕，所以我決定去飲茶，而大型的那一間酒樓早已經食過了，所以我來到商場轉角位的這一家《譽居》。說是一家粥麵店，但有點心有蒸飯，有茶飲，符合我的理想中式早餐既要求。地方同裝修，很中式，亦很有茶居的感覺，感覺絕對是比一般的酒樓舒適，不過，小貓兩三人來食好了，因為我發現，這兒好像是沒有大檯的。早上食中式點心套餐，一定係一盅、兩件，而我的一盅，就是鳳爪排骨飯。 蒸飯，細細盅的，完全符合了早餐蒸飯的份量所需，而且肉粒同鳳爪同不是丁點的少少，是鋪滿整個飯面的，再者，排骨肉厚，鳳爪味香濃，米飯雖不是生米蒸，但加了甜豉油之後夠香口，也是好味道好質素的。燒賣，是真材實料，大大隻，有蝦也有肉，入口也有肥肉的口感，是很正宗的燒賣味，有鮮香的肉味，亦肥美得非常，不錯。環境舒適，食物有質素，來《譽居》簡單地食個點心，食碗粥仔，感覺，比起上茶樓更舒適。…Read More

我參加左佢既會員計劃，每次消費都可以儲分當錢用。今晚食左個粥加油菜都50蚊，包茶介同加一！ 其實都幾貴幾唔抵。出面粥店只需30幾。我有百幾蚊積分，想一次過扣50，咁呢餐唔洗俾。結果收銀阿嬸唔識用個系統, 搞左超耐都扣唔岩錢，一下扣晒我百幾積分，搞到又要重新入過,令大家排長龍。之後佢竟然發我脾氣，話最憎人唔俾錢只扣分，麻鬼煩.....不斷發脾氣!! 本身個會員制就是用積分去吸引消費，唔通只消費,唔扣分？ 個員工唔識用系統就怪在客人頭上，服務太差！我唔會再幫襯！ …Read More

因為很想念這裏的鹹蛋瘦肉粥，所以便約了朋友來吃下午茶。以前一進門口便有服務員帶位，這次來到，服務差了很多，沒有人理會我們，但我們都是熟客了，所以之間走到最遠的卡位。我們看菜牌看了約十分鐘，才有人開茶和幫我們擺位，我們順便點菜。朋友叫了燒伊麵配芥蘭，我則依然照舊，鹹蛋瘦肉粥、生菜加腩汁。不到十五分鐘，全部食物都來齊了。菜方面沒有什麼特別，普普通通，和在家吃一樣。伊麵好吃，但是朋友說他自己放太多辣椒醬。其實這裏的乾燒伊麵我也很喜歡吃。至於我的粥我反而覺得一般，這次多鹹蛋少瘦肉，加上很少鹹蛋黃啊。這次沒有加齋腸，因為已經夠飽了，這裏的齋腸我覺得拉得不錯，很薄。結帳連加一和茶錢，每人大約$45，當午餐，算是過得去。…Read More

一碟好嘅港式「廈門炒米」：顏色呈鮮明淡橙，而非棕色。無涼瓜，亦即苦瓜。米粉香而不油膩，口感略軟不硬，味道極為微甜。酸瓜、蘿蔔、甜而不酸，切成長絲。蝦仁大隻爽口。炒蛋香而軟身彈牙。叉燒要瘦肉。隔離金禾閣都無咁好食！上星期連續四日因為無得食一碟靚廈米，燥底到啊媽都唔認得。【事關好似得Lunch menu有得嗌(約莫1100-1430)。】結果......呢個星期一口氣食左四次。啲伙記應該認得我。p.s. 有個妹妹staff好口臭，翻工係咁講粗口鬧廚房！有次食宵夜搞到我食都乜癮都無哂……後生staff多數唔多掂，老果啲幾好，又快手又有笑容。…Read More

小吉出生的清晨, 匆匆在產房外見了小吉一面, 就要等到中午才能再聚. 既然如此, 不如先吃個早餐吧, 一個人, 就簡簡單單的來銀城這邊的譽居吧.由於還早, 店子人客不多. 看看餐牌, 一個粥.孖寶的套餐索價$26, 也算合理.皮蛋瘦肉粥: 6分, 連夜睡得不好, 最適合的粥品當然是皮蛋瘦肉粥, 下下火吧. 粥是煲得不夠綿, 米香不太突出, 瘦肉的肉質也偏實, 不過勝在皮蛋下得夠多, 目標已達.蜜汁叉燒包: 6.5分, 套餐還能配搭一款食品, 我的選擇就是蜜汁叉燒包, 包身是幾鬆軟, 熱度對辦, 不過叉燒的蜜味不太足夠.譽居的早晨特餐水準只算一般, 不過只要$26一客, 也算是合理的價位. 當然, 這個清晨, 是我不會忘記的時刻. 在譽居吃過的是甚麼, 其實已經不再重要了.…Read More

不知好歹, 復活節誤進第一城譽居…下午茶時進, 入來左見灰色老經理黑面吹水中, 12點方向一侍應一臉勿進的表情, 左10點一女侍應拋下一句”野食係咁耐”….小擔心中, 但欲練膽量, 自行搵位坐下……不知我是否進錯時刻, 定係他們有幾個月糧未出…. 他們真的十分討厭客進來.我和後進的都是一樣…..叫完野後先至經典, 一名古惑style 侍應拿著點心過來”盤問”我35A台和35台的食客….”邊個叫左粉果”….35台的老人家說不是他們, 我說是我的……….古惑哥拋下一句, 唔係你的, number 唔同.明顯地係下單的人寫錯左35, 粉果當然係either 35 or 35A.我跟他解釋, 他不理會, 跟著面勁黑, 走開2步後拋出一句粗口……我見他都幾古惑仔….忍..再向灰色老經理查詢, 他更經典………他說係我唔arm……我(客人) 沒有把單放在當眼處,並用menu蓋住…所以侍應才找不到我….問題點:客人有責任放好張單.你張2人台有幾百尺大, 夠晒位放所有單和menu 而不用stack.你間食店有幾百張台…..員工很難記位你無手自己拿起來睇 …..食下午茶, 生意太細, 俾你請我食滷味, 係應該的.我停一停,諗一諗. 說得出和做得出這樣的,一定係老闆or 太子爺…投訴應該都無用..野都未食,就俾錢走人…..唯一可做的, 就是回家,登記寫食評……和誤入第一城的人分享….*我認為第一城的人應該是understood 的…Read More

同朋友兩個夜晚去譽居食飯，第一次兩碟都唔好食，原本肚餓變成唔想食一入去落單阿姐話快d叫喇，廚房就收所以即刻叫碟炒飯同炒河先炒飯勁乾，乾到要係濕炒河度夾d汁去撈飯食:(肉絲濕炒河，成舊芡，完全唔開胃，仲要成碟河粉係無味廚師係咪趕住收工?…Read More