U-Banquet (Closed)

同屋企人慶生，壽星喜歡食海鮮，巧合前排係譽宴飲茶時見到佢有個海鮮餐訂左同慶星一試《半圍》～第一碟就係龍蝦烏冬^_^啲龍蝦真係食到新鮮味！都啖啖肉，半圍黎講份量絕不欺場～個烏冬都好過癮，QQ架！😙😙清蒸鮑魚估唔到，又係食得出好新鮮，好有咬口，正！龍躉，一魚兩味魚塊炒蜜糖豆好好味！啲豆炒得好爽又唔老～反而下面果碟蒸魚就無咩味道～蝦肉湯羹好多蝦🦐🦐🦐🦐都唔錯，淡味左小小蒸扇貝！賣飛佛～蒸得岩岩好！味道都一流～好有水準呀！半隻雞🐓都知一定係雪藏雞，算做得唔錯，調味很好馬拉糕好鬆軟好好食！！！！！6個人呢半圍真係水準之作～幾驚喜，啲海鮮仲好食過入鯉魚門食！…Read More

以為喺利舞臺開的酒樓會係好D,原來差都不得了,服務態度又差,問左兩次D野食有冇都沒有人回答我😡簡直嬲到想即刻走,唔會再有下次,叫一個米粉足足等左一個小時,到最後再想叫點心就一句話唔可以再叫,要即刻埋單但下午茶是去到4:30,真的好離譜😡…Read More

今晚同家人慶祝生日,已經唔係第一次食,但一次比一次差,不論服務還是食物。先講服務,服務員hea住嚟做,睇到盼睇唔到。幾個女服務員長期企係櫃枱吹水唔出嚟幫手。男經理經常唔見人。我哋食完啲餸又唔收走,不斷放食物上枱。又唔同我哋換碟,每人枱上都有3隻碗或以上都唔主動收走。叫一隻收一隻。我哋叫咗2客冬瓜盅又唔會主動同我哋加湯。食物方面:1.我哋6:30到,落單時已經話啲斑賣晒,只有一條。蒸出嚟條魚又細條又蒸過龍,唔新鮮。2.叫貴妃雞叫一客嚟半客,經理補飛時話2個半隻雞(咪即係一隻雞)。雞肉鞋,肉質上有啲好似瘀痕咁樣黑黑哋。3.瑤柱節瓜煲叫咗2客,啲節瓜未淋,剛熟。4.冬瓜盅無料到,淡而無味。5.燒味拼盤,叉燒水準參次。:(6.最後雪耳木瓜糖水,好難食。7.其他餸菜:豆腐,青椒炒牛肉,生炒骨,肉鬆炒四季豆全都不值一提。結果埋單大約$2000人均$220。咁既價錢我哋係外面有好多選擇。總結:食物沒有質素可言,樓面hea住做,以後都不會再幫襯,大家是否幫襯請自行考慮。…Read More

Friday evening meal with friends, ordered a set menu for six people and added a few extra dishes to accommodate eight of us with two late arrivals.  Good variety of dishes and the quality pretty much as expected.  Nothing outstanding with most dishes in decent portion size and average taste.  Menu items include the following: an obligatory chicken dish, with reasonable texture and taste, but portion size seemed on a small side for six to share; some vegetables, broccoli etc, thankfully not over-cooked; a fish course, not the steamed type but boneless filet, nothing too fancy; duck's feet web, i only had the lettuce that came with it; extra orders were roast pigeon - pretty OK but I have had better, I think it's slightly over-salted, but the meat was tender and the temperature satisfyingly hot. I did not try the fried noodles or the fried rice as they both looked overly greasy to me, though my friends finished more than half of each, so it must have been OK in some ways.  I wanted to order the special char siu but sadly it was sold out. Ambience a strange mix of Chinese wedding banquet kitsch and casual. We were the last table to finish at around 10pm and waitress were reasonably cool with it.…Read More

好耐無飲茶喇，我倆決定星期日去睇《寒戰2》之前，嘆番杯茶食個包先得 ！一諗就係《譽宴》, 款色多之餘又好食麻 ，仲要指定利舞臺分店，皆因環境靚靚，點心又較其他分店好食 呢！估唔到最近重推出咗啲新款點心 ，唔止睇得 ，仲好食得添 ……1.珍菌冬菇包 ：造型相當神似 ，仲有粒蒂㗎 ！大大個包，軟綿綿 ，内饀有數款爽口雜菌菇類 ，認真好味道 ！2.鮑魚燒賣 : 鮑魚勁大隻 ，鮑魚軟腍入味 ，口感不錯 ！豬肉饀燒賣，肉質有彈性 ！3.大蝦燒賣皇 ：跟前者比較，大蝦黯然失色，當然無得比喇 ！蝦隻彈牙 亦唔會差！4.蝦餃之王 : 蝦餃皮薄軟，肉質爽口彈牙 ！5.野菌餃 : 晶瑩剔透 ，餃子内饀野菌滿滿的，相當有口感 ！6.鮮肉小籠包 : 皮薄肉有鮮美 ，肉汁超多 ！7.山竹牛肉球 : 牛肉球爽口彈牙，口感佳！8.沙嗲金錢肚 : 沙嗲少少辣，牛肚亦入味 但切得比較大件咗啲 ，咬感則不失軟嫩 ！9.特式春風得意腸 : 每次嚟親必點 ！腸粉幼滑，内饀包住香脆嘅春卷 ，口感豐富，滋味無窮 ！10.最後壓軸嘅甜品，當然唔少得呢款~椰皇燉素燕 啦！你哋睇下 ，几多素燕吖 ，絕無欺場㗎 ！雪白嘅蛋白，入口滑溜溜 ，好味到無朋友 ！今餐夠晒豐富 ，好滿足 ！…Read More

夜晚同屋企人想食中餐，揀左利舞台呢間「譽宴」！坐低睇餐牌見到好緊幾個優惠～龍蝦烏冬！like 左fb就$38一客，好抵！我地每人叫左一客！都唔錯龍蝦有咬口！烏冬又好煙un!! 都幾好味架！$38真係超值～ 係個烏冬唔係好夠汁唔夠味～仲有其他4樣優惠！仲可以同時享用！見佢做緊優惠幾抵食咁，所以我地4樣都有叫～冬瓜盅有成12碗嘅份量！有蝦有雞肉有清甜嘅冬瓜！湯無落味精食得出清甜味！龍躉仔叫左2條！以為$68好細條，原來唔係！同埋蒸得岩岩好好滑好好味！2條都咁正花膠什菜煲，花膠我無食唔知得唔得，什菜就煮得太淋～呢個係杭洲骨，肉好鬆味道亦調得好正好食！故鄉雞！個窩盛住熱騰騰～ok唔錯:)燒鵝$168/半隻！肥瘦程度剛剛好！好食過深井名副其實果啲鋪頭～…Read More

表妹年底要結婚了, 我和她四處看看婚宴酒家, 乘著今天是星期日, 我們去了銅鑼灣利舞台的譽宴, 也值此在這裡吃個午餐.入門感覺酒家裝修很具宴会氣派, 是婚宴理想場所. 樓底很高, 並置有云石孤形樓梯, 極適合拍照片, 裝修真的美侖美奐, 融合禮堂教堂於一體.  酒家座位闊落, 樓底有大型水晶燈, 枱布及椅套設備很有高級感.看罷, 侍應招呼我們座位, 開茶及給我們点心紙, 有很多食品種類, 也分不同優惠日期及時段, 留心看会有驚喜.  我們點了酒家推介點心多款.灌湯餃, 一籠兩個, 賣相好, 上檯很熱, 要慢慢吃, 因內容飽滿, 如大口咬小心熱湯會噴出.  內有啄肉, 冬菇粒, 木耳粒及蝦粒, 品質新鮮, 調味適中. 內含鮮甜上湯, 真不錯.春風得意腸, 用長形碟盛載,好睇好食. 上台熱, 內料非常豐富，外粉皮軟滑, 內層香脆, 中心包有新鮮大隻蝦肉, 口感特好.蔥油餅, 夠厚又大件, 煎得香, 內含香蔥, 夠鬆化, 味道不錯牛肉腸粉,  用長碟盛載, 面皮柔軟, 牛肉餡豐富, 醬味好.香煎蘿蔔糕, 一碟三件，蘿蔔糕不很厚，煎得香而不焦，有腊腸和腊肉粒，味道很好.上湯鮮竹卷, 一籠三件, 鮮竹卷肉餡鮮味，口感好.  只是廚房太慢, 這點心足足等了二十分鐘.泊車在利園旗下的停車場, 有免費泊車優惠.  是好的用餐配套.  會考慮再來.…Read More

自從我上個月先幫襯完「譽宴」，今日又同阿媽又再食過。今次幫襯時間係下午茶時段，而且又係平日，眼見當時全場爆滿，不過又好彩地又等一陣又有位。都係個句食下午茶原因係要希望食到平靚正嘅嘢，我哋個日只係叫咗3碟點心，燒賣、千層馬拉糕同香煎腸粉，再加碟星洲抄米，兩個人又食咁多嘢，哈哈!!!首先講下碟星洲抄米先，只係$48咋，好大碟，抄得好好，又夠料又夠火喉，色香味俱全。另外個3碟點心，都係熱辣辣，尤其是千層馬拉糕好好味，又不是太甜，有香噴噴蛋黃味，正! 至於碟香煎腸粉，件件煎得好香脆，而且份量十足。 …Read More

剛星期六同阿媽係銅鑼灣做完嘢，自己肚子開始不停咁叫，望望時間差不多下午1時多。我阿媽提議不如去飲茶，橫掂好耐都未飲過茶。結果我哋揀咗去「譽宴」，一上到去好快就有位坐，唔洗等，實在太好了。一坐低，阿媽負責洗杯，而我就負責點點心，好合拍。不過我就好快咁點完點心，立即比服務員落單。結果，等咗成差不多15分鐘先上第一樣點心，呢方面希望能夠注意一下。我哋果日揀咗5碟點心，最特別係點咗一款「原籠蒸馬拉糕」成為$29，真的好香，好鬆軟，我哋兩個人食真係好足夠。 總括來說，樣樣點心都夠熱，好正。個日埋單$146，不過呢度要消費$150以上先可以簽卡，即每人＄73，食正價時間，不算太貴。…Read More

譽宴係一間集團式經營既酒樓，主要係比啲新人訂場地結婚擺酒，所以裝修方面都幾靚，有水晶燈同旋轉樓梯等。食物方面其實都唔錯，屬水準以上。燒雞燒雞外皮幾香脆，肉質亦唔太CHEWY，幾滑既。中式煎牛柳中式煎牛柳比上次嚟食時候差左少少，但都唔錯既，醬汁甜甜酸酸，牛柳亦幾入味。可惜既係落得太多MEAT TENDERISERS，有鬆肉粉既味殘留左喺牛柳度。…Read More

是曰假期·同老公去饮下午茶·一坐低·被屈叫了两個蟹粉小籠飽·$48两個·老公話麻麻·蝦餃，譽宴名物·蝦鮮皮靚·惜調得太鹹·紅油抄手·算不上紅油·不辣·但水饺超好味·牛肉腸粉·必食item·夠米夠軟糯·牛肉OK·惜不夠熱·鲮魚球差了·什魚·不是以前的纯鲮魚·糯米卷·唔錯·综合水準下降了少少·…Read More

譽宴其實主要係舉行婚禮，所以環境嚟講幾grand 幾靚，不過當然都有做早市，午市，茶市點心同埋晚市小菜。我間中都會同家人嚟到呢間酒樓去食點心或者晚飯，今次就喺中午時候嚟到食點心。呢間酒樓既蝦餃曾經贏得蝦餃之王既美譽，當然要點呢個點心啦！蝦餃($32) 外皮薄，蝦爽口鮮甜，幾juicy，配上少許肥豬肉同荀粒，味道幾好，質素果然唔錯！流沙奶皇包($24) 包身雖然唔算軟熟，不過大家都可以見到包入面真係好流沙奶味香濃而且蛋黃好香，具水準既一道點心。燒賣王($24) 大大粒鮮蝦喺燒賣上面，蝦爽口，豬肉幾彈牙，有質感，唔會一夾就散，幾好食。另外都叫左幾款點心不過其他就一般無咩特別啦。整體嚟講，呢間酒樓既點心算唔錯，點心食得出係用心做，尤其係蝦餃同流沙奶皇包！…Read More

年廿九團年老婆外家一早BOOK了枱到利舞台譽宴食。知道果晚會好多人, 所以我們都係叫餐。8點鐘人齊叫起菜, 結果等了一個鐘頭, 連餐前小食都冇得食, 搵經理追上菜, 但冇人理我們。咩服務態度黎呀?! 結果9點正(即一個鐘頭之後), 正正式式有野食喇~ 但上的所有菜都係凍曬的, 次序錯曬, 翅冇翅的..., 蒸魚魚肉又硬又腥, 發財好市仲要係酸的。同經理講有問題, 佢收了成碟就算, 咩都唔講... 結果食完成餐, 連凍了的雪耳糖水都係要三催四請先有得食。唔至我們呢圍, 後面果圍都已經發曬牢騷。最後二千幾蚊落樓, 得返係一肚氣, 嬲爆唉... 因為親戚一早又BOOK了初二, 結果初二又再上去食多一次, 歷史又再一次重演, 食客又再一次谷氣而回了咁的服務和食物水準, 真係請我都唔再去喇!!…Read More

與友人聚，專門挑選此地吃下午茶到達已下午三時半，頗晚，知客相告其四時收桌準備晚宴，幸好其亦讓我們入單埋台，放歡時間既得體諒，與同行快速叫茶，點菜....上點心時間頗快，大廳滿載食客，看來效率甚高先啜一口普洱，茶味香濃，入口回甘，鐵觀音香氣甚足，清香異人，不失為好茶夾起最快上桌的點心紅油抄手一碟紅油不少，餃子擺放美觀咬一口，溫熱微辣，是菜肉餃做的抄手，皮薄餡足，香辣可口脆皮雪山杏汁包被其名所吸引——何謂雪山包？上桌後見得，原來如此...外表雪白姣好，如雪般優雅咬下如墨西哥包的外皮，內裡是杏味相當的醬汁，香、滑，集於一體潮洲粉果此仍大不足，服務員忘記提供辣油了....粉果味道不夠，淡淡的，沒有微辣的內餡，厚厚的皮雖彈性尚存，但味寡，不太喜薑汁紅棗糕才蒸好的熱熱上桌，一層一層的不同色彩，散發出紅棗的甜與薑的辛，令人急不及待先夾了一件品嘗紅棗糕粘且具彈性，非常有口感，在口咬著，當中的薑味慢慢滲出，混著紅棗的甜，寒冬中，此不失為必吃暖體之選蜜汁豬手一直都不好豬手，但此次卻破例了蜜汁極多，將豬汁包圍得滿滿，鎖得緊緊的蜜汁，在咬一口豬手時滲入口中，滿口的甜蜜豬手煮得剛好，不太硬、不過鬆，少少的黏性，吃一件不花太長時間，吃它的味道，它的肉質....一件接一件，難以停止....------------------------------譽宴點心不錯，場地亦相當美觀高雅，點心價格亦合付常理，以普通酒樓價格，吃上此等美味點心，難道會是不值得嗎?…Read More

今日同朋友來飲茶,佢話呢度飲茶幾好燒味是中伏的,燒肉無咩問題,皮脆肉軟不過咸,但係D燒鴨肉同骨既比例係91,我唔知食D咩好,X燒都係中伏,佢唔係X燒來,係D好似燒排骨,但係又係極小肉,呢個拼盤是中伏之選其他點心不過不失,蝦餃是比較好的,大大隻,皮薄,也不會皮肉分離個飯就一般啦,同大家樂差唔多質素但係第2次去就食左佢個魚湯米線,石班新鮮,湯頭極具魚味,米線吸哂D湯好好味.因此,來呢度記住叫呢個米線(無影相)…Read More