Tamjai Yunnan Mixian (Tsui Ping North Shopping Circuit)

平時都會過黎食過橋米線但都開始食到厭 今日五點想食少少野經過見到有新餐單 就入左去試下即刻叫左個過小橋米線 有平時過橋米線既味道 又可以有多個餸食 價錢平左又唔會太大碗浪費👍🏻下午茶多左一個選擇…Read More

今日係附近打羽毛球所以叫咗生菜🥬、生菜、金菇少米（酸辣湯）最初店員將友人落單攪錯，但好快便換咗1碗，而態度良好！酸辣湯底今次係第1次食「譚仔」酸辣湯底，味道少少酸又唔辣，超淡味，比較失望！同店員反映後，話可再加湯，但不用了土匪雞翼並不是第1次食，但今次就好燶，雞皮有點苦，tell me why 豆漿就第1次飲，來貨豆漿，較甜，如有無糖選擇會比較好！Overall 係咪屋邨水準較不穩定，但勝在店員服務比較好搭救，但真係不是太好味的酸辣湯！…Read More

平時都有食開幾間唔同嘅米線不過附近就冇乜其他餐廳選擇局住食譚仔啦，我都係叫返啲大路嘢清湯米線配雞肉同埋腩肉。啲雞肉份量好少而且好鞋完全唔掂，個米線又煮得好硬，食完之後仲有啲胃痛呢一樣野係令我非常之憤怒。不過個湯底叫做做得唔差嘅但係有味精就一定㗎啦食完之後非常口渴:(真心覺得譚仔嘅質素越做越差唔會再光顧食其他米線好過。…Read More

這次同同事几個到譚仔午餐，放飯時間等左20分鐘才有位，店內算是企理干淨。我地各自點左一人一個清湯腩肉，小吃點左土匪雞翼、蒜泥白肉、麻辣豬耳、青椒皮蛋腩肉爽口咸香，牙菜菲菜依然爽翠，但湯略咸左小小，雞翼炸得夠甘香加上黑芝麻好香口，白肉做到爽滑入味配上蒜泥非常惹味，麻辣豬耳，豬耳爽口彈牙，加上麻辣十分醒胃，青椒皮蛋，皮蛋質感做得好好，蛋皮爽滑，蛋黃軟糯，囗感豐富，配上青椒出奇甘夾，夾住一齐吃又軟又爽又辣吃出不同層次，好味道！…Read More

幫襯左好多次，基本上一星期一家大細都會幫襯3.4次，雖然多數外賣，但都認得下啲阿姐。特別有一個企收銀位既四眼女仕，真係好無禮貌，已經唔止一次比佢搞到無哂胃口，我唔該前唔該後，問下佢關於order既食物配搭問題唧，佢啲嘴臉難頂到呢，得就得唔得就唔得，食餐飯要睇佢面色真係好無奈。之後又勁唔耐煩用好差語氣問人 : 咩辣啊！(唔知真係以為自己爭佢錢) 仲無啦講左句 : 第一次食譚仔啊？ 我真係火都黎，就算係第一次又點啊。嗰時又唔多客唔忙，咁炆做咩唧，咁唔滿意啲客咪唔好做囉大哥！至於食物品質方面，係雞肉有時有陣怪味，其他都保持普通質素。…Read More

我個Lover同我一樣喜歡食譚仔，但佢就食吾到辣譚仔食10小辣麻辣 其實係可以分開Order因為平時我食開中辣，每次都遷就佢order 10小辣一碗我食吾灑又要貪心乜菜都想食,唯有每次order過橋大大碗米線 但每次的份量不同，是為何呢？炸醬我首選 甜甜酸酸辣辣 口感特別墨丸同牛丸都好彈牙 牛肉鮮嫩不會過熟土匪雞翼食落Juicy 不會炸到乾身蒜泥白肉 必須每塊肉夾上蒜泥 一口一塊 好爽但食完口氣好大服務 衛生 味道 賣相 抵食 …Read More

譚仔真的是沒有選擇下的最佳選擇皆因夠快夠平民這天想吃小食多一點於是和朋友share 一碗過橋米線 過橋米線套餐 50老實說這真是個不錯的選擇因為可以嚐盡不同的食材 但如果雙方能接受的辣的程度不一樣就很難share了不過碗裡的各種配料份量不一 例如很多牛肉跟雞肉但卻只有一片腩肉蒜泥白肉 24不用多說 每次吃譚仔的個人必點款新疆香草雞翼 21過往一直點的都是土匪雞翼 這次點一個新的 味道很像在內地路邊攤吃到的羊肉串 不過煎得有點油啊皮蛋 20這是朋友要點的我沒有很愛吃 中肯一點的是醬汁好吃凍奶茶 7也是解辣必備點餐時忘記提醒店員少甜 結果真的超甜 活該好吃是好吃 不過真的每次吃完都要喝大量開水去沖淡那股味兒 舌頭也乾得難受 只能說香口的東西都不健康啊以上…Read More

一諗唔到食咩就會去食譚仔雞肉，腩肉，牛丸佢地有分麻辣(1-10少辣🌶/小辣，中辣大辣)同酸辣我自己就食麻辣多，第一次ge話最好叫3小辣試下先再加個細土tim(土匪雞翼）幾香口有黑芝麻係面，幾入味佢地仲有麻辣豬耳，涼伴青瓜，涼伴木耳...幾款小食全部都好惹味😝蒜泥白肉，食完個口好勁蒜味，腩肉都索左好多精華，送米線一流，2個人叫一碟細已經好夠份量！一碟都幾多！麻辣豬耳d汁少少辣幾香口一碟分量都好多嫁！2個人埋單都係百幾蚊平時我地仲會買埋外賣，反屋企自己翻熱再食真心譚仔die heart fans💕✋🏿食到飽飽走人…Read More

近排成日都要响觀塘做嘢，中午一諗唔倒食咩就會去譚仔，貪其平價又有質素保證。如果想好快有位我通常會揀翠屏商場間譚仔，屋村舖唔會多人得去邊。今次就叫左腩肉炸醬五小辣米線,盛惠$35。滿滿的一大碗，有十塊腩肉，有肥有瘦。至於炸醬的味道甜甜的，帶著惹味的醬汁，盛在小碗上，我至愛之一。成個配搭有咩可能難食！？…Read More

晏晝同班FD唔知食乜好 M記又話熱氣 壽司又話貴 次次都要諗勁耐先決定到 諗得黎都夜晚啦要又平又好食 就走去食譚仔話明譚仔雲南米線就梗係食佢個米線啦 由特辣到唔辣 任君選擇 小辣仲分1到10 啱哂我呢啲又想食辣但係又唔係好食得辣既人啦 去到門口等左5分鐘到就有得埋位 一入到去就叫左個雞肉4小辣+炸醬 另外仲加左個豬耳 過左幾分鐘 話咁快就送到黎首先就聞好香既辣味 啲米線同雞肉仲吸哂啲湯汁 食落超正 辣得好好食 食食下個米線咬啖豬耳同炸醬 甜甜地中和番辣味 無得彈啊最後埋單都係40-50蚊 EASY COME EASY GO!!!…Read More

今日約左寶貝去佢屋企玩~佢話屋企冇野食,所以食飽先好上去~喺呢頭附近居然比我見到有間譚仔~!!諗到佢D辣已經流晒口水~!所以就入去LA!!店舖地方都算几大~D枱擺得好迫~想做多一兩枱生意都可以理解,舖頭好多人~好難得先搵到個孖位,仲係迫住喺中間~如果只得我一個,我會等另一個舒服D的位置~寶貝係個好隨和的人~佢話OK我就OK LA!一坐下發覺都几熱,,可能係空調的位置唔到位,見坐落左就唔想再郁,心諗坐一陣會好D未坐底之前大家都己有心水~所以好快就決定落單大辣乍漿米線 –好標準的出品~乍漿甜甜地一D都唔覺得辣, 可能係呢間店的特色,有蕃茄香味之餘仲有豬肉的味道~!米線唔會煮得太淋~原筅話有的配菜少左好多~只得片付竹同几條韮菜..冇左豆卜同牙菜呢~大辣湯低唔可以話一D都唔辣~只係覺得可以再刺激一D~話晒我係要求大辣的,何必出手咁輕呢…土匪鷄翼 – 同張相真係差左几里遠~鷄翼整得好乾身~又細隻,冇肉汁,唔係咁好味蒜泥白肉 – 上枱真係令我意外~外觀擺得唔好睇之餘仲好似雪左好耐~豬肉片一舊舊分唔開, 蒜泥份量少得可憐,而且可能蒜泥切開太耐,所以冇左D蒜香~…令人失望~食食下真係出汗~ 我好明白唔係因為辣而出的汗~而係因為冇乜風.~噢…感覺好辛苦總括黎講..對快食的餐廳黎講,我應先放下自己的要求及幻想..真心希望佢地他日可以有所進步 …Read More

有好幾個月無食譚仔了，好多朋友都話佢變差左，今晚想食佢嘅皮蛋，就來了。時間尚早不用等位，一去到就落單，返正次次都係叫個幾樣，唔使睇餐牌囉。落單其間阿姐顧住同另一位阿姐傾計，又無覆單，心諗實落錯啦。果然，個墨丸竹笙變左乍醬墨丸，飲品又無少冰，皮蛋又落漏左…… 算啦，好彩好快有另一位阿姐搞返啱。墨丸竹笙酸辣小米勁大碗，我覺得無小米到。墨丸比以前粉左，得返人工嘅味精味，酸辣湯底亦淡左，其余都ok。乍醬清湯米線腐皮得返一塊，湯底無味，最唔掂係個乍醬，雖然味道同以前一樣，但好悕，好似落左好多水咁，汁同肉分離，感覺相當差。紅油豬耳脆辣，有咬口，份量多。紅油皮蛋退步左，皮蛋無味加上硬身，唔係以前咁入口即化。凍檸茶走甜夠凍又夠茶味，好飲。凍檸蜜小冰好明顯無小冰，成杯都係。好甜但唔夠檸，唔難飲嘅。唔知係咪一間間分店，但確實不夠以前好食，有點失望了。…Read More