Tamjai Yunnan Mixian (Closed)

去完旅行返黎就好掛住譚仔，所以即刻去食返碗炸醬腩肉仍然係十分足料，腩肉肥瘦均勻撈一d炸醬落個湯底度會有種新味道，比原本既湯底更好味更濃不過個味精湯底，食完好口渴同有上癮feel，令人想再食，好矛盾…Read More

中學時代最鍾意去食譚仔，多餸簡得黎又大碗可以稱得上係「學生哥」恩物😳今日經過米線癮起發作，決定叫碗外賣番屋企慢慢嘆！我簡左牛肉米線清湯(走青)加杯凍檸茶🍋譚仔凍檸茶算不錯，茶味濃又不澀！外賣專登叫佢湯同米線分開上，咁就吾怕發到好難食😌 米線大大碗，牛肉份量都好多，牛肉差不多有十塊，但芽菜同腐皮就好少好少😔 試一啖清湯先，真係令我好失望!我吾食得太辣而且好鍾意佢既清湯，以前覺得清湯底對得住餐牌所講「鮮甜味美」依4個字，今次一試真係失望😭 咸得好緊要，無左以前個種鮮甜！唯一只可以話米線夠多夠滑，睇番食評好多人話荃灣分店不及其他分店，坦白說，我都係咁認為😧😧 湯底係一碗米碗既靈魂所在，連招牌湯底都不能保持以往既水平，吾怪得留吾住客人🙅…Read More

本人是譚仔的fans,唔理譚仔/三哥都會去食，本人最愛清湯底,呢間清湯比較其他分店味道淡,芽菜是生的。服務員的服務一般,當我落單時要重覆三次內容，服務員才能覆述我的落單內容,這是代表她沒有細心聆聽我的說話和不尊重我的行為。我希望下次食的呢三方面都有好的改善。…Read More

突然好想食譚仔，好就決定今晚食譚仔做晚餐，每次都會食中辣嘅牛肉酸菜米缐，依度d酸菜好好味，又唔會過酸，牛肉又唔會靱，入口酸酸地，又有麻辣味，加埋原本已有嘅芽菜，腐皮同韭菜，真係好好味，最重要譚仔d米缐，吾算油，所以感覺好似健康d，加埋細土匪雞翼，真係完美嘅組合，食完覺得好滿足。…Read More

岩岩從腸胃炎康復，所以去譚仔都係叫個清湯，發現別有一番風味。清湯雖然比較鹹，但是湯質精美，飲下去佢不會覺得有味精味。食譚仔唔一定要食酸辣食麻辣，其實食清湯，先至真正品嚐到譚仔米線嘅用心，用嘅米線都係彈牙，個人認為食辣得個辣字，食米線食清湯都可以食出好味道。…Read More

身邊有很多朋友也是譚仔的狂熱者曾經陪過朋友一星期7日都食譚仔 有些朋友們食極都唔厭 咁多年都仲成日食我多數都捨命陪君子但其實我對譚仔既興趣同熱情不大一直以來都覺得湯底好咸 似落左好多好多味精咁啲配菜又愈來愈少 主菜更少！我曾經叫過豬潤米線食，得3塊豬潤加埋飲品都30幾蚊埋單 3塊豬潤炸！自此後我好少食譚仔啦。真心覺得好失望 但依然無改我朋友們鐘意依譚仔既事實所以我有時都會受影響地要陪食埋一份後來發現材料量好隨機 有時正常合理 有時就太少當年我就好鐘意食麻辣既 依家就好鍾意糊辣同埋我後來才知譚仔同三哥譚仔有分別架原來2間鋪分開經營既 長知識了哈哈…Read More

近來食得太豐富，又是想起他的時候~你也曾經有這個想法嗎？一個人食飯，最緊要係飽肚又快趣這時又會想起他酸菜豬膶三小辣全走湯底不會太辣，豬膶味道盡在湯中，加上甜酸又爽口的酸菜，是我最愛的口味而米線不是每間譚仔都做得好，今日食的夠彈性又爽滑麻辣木耳很清爽的做法今日做的比平時出色，看起來亮晶晶辣油加上蒜泥，很惹味，看起來容易，自己卻做不到$55埋單，一個人的豐富晚餐…Read More

呢晚同朋友仔食宵夜，兩個人去左譚仔叫套餐，再加一個小食。唔知係因為食慣左定係佢真係無以前咁辣，以前叫五小辣都好辣的，依家三小辣都無咩感覺。而朋友又幾食得辣，所以就挑戰小辣。套餐小辣走九走芽。堅係幾辣，而且嘴唇有種麻痺感覺，正！湯同餸好多，米線份量少，雖然話食餸都飽，雖然最近譚仔似乎全線米線份量都少左，但食兩下就無呢個情況似乎唔應係套餐出現。口水雞，個樣好似好辣，不過凍冰冰的雞翼同個熱辣辣的湯底比真係小兒科！野飲無特別。埋單兩人共八十元。依家百物騰貴，都無得話好介意野食加價，但我寕願加多幾蚊，份量同以前一樣大大份，咁樣仲好！起碼無令人失望嘛！除左份量和期望有點落差外，食物水準還是可以的，不過評分只在OK至笑之間。基於呢晚同朋友幾開心同埋一直以來對譚仔的情有獨鍾，還是比笑吧！:)…Read More

本人係譚仔既fans :), 中意去唔同分店既譚仔度食, 三哥/非三哥都會試幾次跟朋友去荃灣哩間分店食, 都有相同感覺 - 湯底相比起其他譚仔分店較為差, 湯底不夠鮮味 (較為淡), 麻辣湯底好像無落任何鹽 :(希望下次途經再去食會有改善啦!…Read More

去過幾次都幾滿意。食物水平：講真只是一般的好，二三十蚊碗米綫，絕對對得起得價錢，可算是低食。辣味分十級，相信對一般人來說第三級已經夠。辣味不是麻辣那種，沒有香味，只有辣。賣相一般，同你去是旦一間米綫舖食的都差不多。這裏最低讚係啲米綫夠份量。可能我大食，最怕去一啲餸多過麵的舖頭，夾兩箸麵就食完，唔夠炭水化合物。這裏的大大個碗裝到滿，食得痛快過癮，有機會一定再去。環境：地方不算很濶落，但枱比好多舖仔大。一張圓枱五六個人坐食野時都唔使頭碰頭，還算舒服。好多舖頭仔迫到食麵時湯汁可以彈到過格籬碗。服務：一般地好，舉手會有人應你，等一陣就有得食。食米綫仲想要啲乜嘢服務？…Read More

以前荃灣未有分店嘅時候，我多數會幫襯葵芳店。其實湯底幾味精，但又幾好味。豬潤 ~ 如果堂食，我絕對推介，生熟啱啱好，但如果外賣，豬潤會好熟好「鞋」 墨魚丸 ~ 算爽，ok，但不算得好好味炸醬 ~ 個人超愛炸醬嘅味道，一啖米線加小小炸醬，「正」~~豬肉同牛肉 ~ 「鞋」，無味雞肉 ~ 本身都係無味，但吸咗味精酸茶 ~ 幾爽脆，但味道唔係我鍾意果種其餘火腿、竹笙、豆卜等沒有特別。如果鍾意食蒜頭，蒜泥白肉不能錯過，超多蒜加小小辣，雖然白肉略肥，但我還是很喜歡哩~~土匪烤雞翼都係我每次不能錯過嘅小食，新鮮烤焗，香口，而且表面佈滿黑芝麻，更香~~:):)唯一感覺出米線比較慢，比起葵芳同深水埗都慢，中午12點一半職員食 lunch，就更加慢，攪到有時 lunch 想去食，但又怕趕唔切而唔去...... :(…Read More

個日同我妹我家姐去食晚飯。我叫左碗雞肉米線2小辣，我家姐叫雞肉米線5小辣，而我妹就左炸醬米線10小辣我覺得譚仔既米線一向都好食 成日同男友出街食飯都會揀食譚仔米線吾會太"冧"，好爽口really good個度既雞肉同魚蛋系我既至愛:) 魚蛋夠彈牙，雞肉超好味。麻辣個種味道同其他鋪頭吾同，特別好食個人最愛食2小辣，辣得黎但又吾會蓋住米線既味道。(建議吾好食超過2小辣，因為真系得麻辣個陣味，食吾到其他味道，除非你真系好中意食辣= =)炸醬我覺得普通，我妹仲話食落去感覺有D嘔心= =份量都算多，D料多，大大碗食完就飽…Read More

今天與友人外出，恰好路過這間聞名的譚仔米線，於是就決定一試。店面不算大，沒有富麗堂皇的裝修，但勝在雅致。由於午飯時間，客人比較多，所以要與別人共桌，不過這種有少許擠迫的感覺，才有點溫暖的人情味吧！點菜後，我跟友人等待了很久都未見店員上菜，正想招手催促時，突然發現其他客人都開始催促上菜。經店員解釋後，我們才明白午飯時間只有一個人在廚房煮米線，從我的位置望向廚房，我看到廚房中的一個中年女士，默默地煮米線，用心地完成每一碗米線，這情景讓我也不忍心再催促她了。在此我向所有香港打工仔致敬!終於上菜了,我點的是牛丸10小辣湯米線。10小辣的湯底有微微的胡椒香味以及輕輕的辣，熱騰騰的湯底配上彈牙的米線，十分開胃。這裡的牛丸跟外面吃到的不同，質感較綿密結實，給我一個驚喜。而友人點的是魚腐10小辣湯米線我嚐了一塊魚腐，其感覺有如一團吸滿上湯的小海綿，一咬下去，美味的湯汁滲透口腔，軟滑如豆腐的魚肉感覺很清新，讚！飲品方面我點了一杯凍檸水，清清涼涼的，正好解解辣，消消暑。不過冰粒過多，令攬拌時有所不便，這方面需改善一下。價錢大眾化，又能嚐到美食，更讓我體會到香港打工仔默默耕耘的精神，十分值得:)…Read More

下午4點,同女友去路德圍搵食,行下行下,見到譚仔都進註了這個路德團食街的兵家必爭之地,女友問我試唔試,我回了一句,唔洗(答)檯就可以試試,望入店內,都有7,8成入座率,唔洗(答)檯,好照入..........開飯去也我叫的牛肉,豬潤,竹笙3小麻辣米線$31,米線份量夠,豬潤新鮮,牛肉無味,竹笙只有2條($5)湯底都算香,我比65分女友的豆卜腩肉,炸醬清湯米線$29,炸醬唔夠味,腩肉可以,豆卜無意見,女友的品評(好多小店比譚仔好食)土匪雞翼(3隻中翼)$16,即炸的,夠香味比較啖,算交貨食食下,我見到有個類似強積金經紀入到店內,去到最後面一張檯,送月歷比d樓面員工,就因為咁樣,全店的員工都去到最後的一張檯(打牙較)在討論月歷的siza過大,應該送個細個d,有人又話大個d,成班樓面你一言我一語,好開心,好似一班老朋友敘舊本來應該影張相比大家睇,但感覺如果咁樣向住人們影相,有點不禮貌,所以唔影,在他們的敘舊會期間,我聽到有2檯客人,用正常大小的聲音,想話點餐,2檯客合共叫了5次唔該,真係無人理因為我坐得比較近他們的敘舊會那張檯,最後我忍唔住同佢地講,有人叫野叫左好多次,終於有樓面去了應酬要點餐的食客,食客更回應,(我以為你地公司開緊會)總括:我覺得呢度的員工態度認真麻麻,感覺唔太想做,而且無乜禮貌,食品方面,我個人覺得,全部都只能交貨,無驚喜,呢餐我連2杯凍飲,共$86,試過就算喇,應該唔會再食譚仔,唔好誤會,我唔覺得話食品差,而係應該真係有其它的小店比他好多了,再見…Read More

荃灣開左譚仔，一直都無機會試，今日諗唔到食乜，正好想起譚仔。這間譚仔不是三哥，有人話三哥好味ｄ，我唔係成日食，真係分唔出。是日同老婆各叫一碗米線，另加一各雞翼，以人流黎講速度不算快，唔知點解硬係覺得成間野ｄ人都食左豬油膏咁。我叫了一碗腩肉豬潤米線，水準依舊，意思是沒驚喜。蔥和芽菜很多；腩肉無特醃過，只吃肉味；豬潤不老，也算爽口；沒點辣，只吃清湯，其實我覺得譚仔的清湯比麻辣更好味。整碗米線是合格的，但也只是到合格的程度，未能更上一層樓。老婆點了一碗酸菜乍醬米線，乍醬是分開上的，其實我覺得叫酸菜很搵笨，奈何老婆想吃。酸菜也是合格，不是很酸；乍醬則不太乍，但分開上這一點真的很貼心。雞翼一向是譚仔強項，今次也沒失望，湖南土匪雞翼雞肉嫩得黎夠入味，雞皮加上黑芝麻煎過後很香口，讚！其實四川麻辣雞翼更好味，但這一期要戒辣，還是留待下次好了。這一餐是滿足的，但以譚仔的名氣，雖然不是不好吃，除了雞翼外，總覺得味道是失色了點。對上一次吃譚仔三哥已是大半年前，也忘記了味道，不能作個比較究竟和三哥有何分別。可能譚仔過度擴建版圖，對譚仔已失去衝動了。…Read More