TamJai SamGor (Nan Fung Centre)

今日自己一個食午餐，諗住簡簡單單食碗米線就算。來到譚仔三哥，見到有新款湯底嘅米線，一於試吓啦。今次呢一款係花膠胡椒雞米線$48 湯底其實係煳辣湯，可以自己再選擇湯底的辣度。我怕辣，要左BB辣就算。湯底都幾濃，充滿胡椒嘅味道，BB辣都好似冇咩辣味。雞件都幾多，另外有兩件花膠。有幾粒杞子咁樣。雖然深知道幾十蚊一碗米線唔會有咩好嘅花膠，不過就係感覺上比較健康、養生😆雖然整體來講都OK嘅，值得一試。譚仔米線最好嘅地方我覺得真係夠晒大碗，好飽！…Read More

間唔中就會食下譚仔，見譚仔出左新口味，即刻點左黎試下。酸辣魚片米線：雖然貌相一般，但食落去都係好味嘅。魚片無腥味，亦都無煮到太腍，仲有小小魚味。酸辣湯底唔會好辣，微酸，米線彈牙，份量好足。蒜燒茄子： 推介，好惹味！首先食落去有好香的蒜味，之後就有燒香的茄子味，最後帶出辣油的味道。而茄子又唔會太腍，表皮仲有啲脆口。辣度五小辣，友人唔係好食得辣，覺得太辣，我覺得還可以！總括黎講，譚仔的新口味係成功的，蒜燒茄子更加係十分出色！…Read More

譚仔同譚仔三哥喺荃灣開到街知巷聞，但又唔係間間好食，有時有啲又好少餸，搞到一份餸都要嗌兩份先夠皮。習慣咗嗌兩份雞肉，第一次去南豐中心依家食，地方又大又唔再逼，雖然都係照樣兩份雞，但係比平時多好多！細白肉都比一般多，正啊！…Read More

繼上次譚仔三哥推出咗個限定版‘花膠雞美線‘，唔夠一個月佢又出招啦！‘酸辣撈薯粉’$39即係撈麵啦！內容包括木耳、豬耳、酸菜、青瓜絲、脆脆片及薯粉，另加左墨丸$6！碗細細薯粉份量應該差唔多，只係冇湯碗細d!需要自行撈起佢所以會有一次性圍裙（佢唔記得比我，我又醒唔起），暖暖地撈勻後只食到一種味～咸～，係咸到其他配料都食唔到該有嘅味！🥵🥵佢講嘅酸辣都食唔出，越食越咸但唔想晒野食曬佢😥😥！完全唔享受！佢好似出新麵都會出埋新飲品，今次都唔例外，出左兩款，只叫左蜜桃乳酸，另一款咸檸梳打賣曬🙁🙁蜜桃乳酸幾好味！真係有桃🍑肉嫁😁叫左蒜泥白肉擺得好靚，成朵花咁🌼咁多間譚仔只見呢間有自助斟水位！最後要讚下譚仔姐姐，當時只有三位姐姐侍應但要招呼十幾枱客，又要探熱、帶位、收錢、執外賣、客人揮手🙋🏼‍♂️落單、分餸菜上枱一腳踢，見佢跑住去應客，但都冇黑面👩🏿，低讚👍🏻👍🏻👍🏻…Read More

叫左個炸醬清湯走韭芽小米，等左半個鐘，最早叫 ，但隔離啲人已經到曬，我就淨係有杯野，杯野都就飲曬，但都未有，隔離既人都係我落單後先黎，但都就黎食完，我叫既明明係最簡單既組合都可以咁，有點過份囉…Read More

見到三哥開咗新店諗住入嚟試下簡單嗌咗豬潤三小．．等咗20分鐘都冇叫呀姐跟跟 原來漏咗單😖後來送上碗好似食咗一半嘅米線 (冇叫少米)😭😭😭0 分 冇下次😤😤😤…Read More

荃灣8 咪半 左右兩邊連貫商場黃昏時份 運動后，正好要吃晚飯🥣突然想起新之城 二樓 開了不久譚仔三哥米線空間算是大，坐得舒適$32 配一款食材 ，另加 $5 ....先選擇食材，然後湯底（麻/酸 辣、番茄、清湯）我揀左 豬潤、魚片頭配清湯先飲啖湯，嘩，奶白色，勁為鮮味不知道有咩秘方，太好了米線份量多多，吃得飽飽總結： 埋單 共$37o.k 啦，仍會再來，拜拜…Read More

新之城開左間三哥緊係二話不說去試下新店啦平時都有食開既，我就必定揀蕃茄湯底（＋2蚊）因為新開呢幾日都係叫2個餸送多1個餸另外仲叫左杯熱奶茶係咪因為新開呢，好乾淨，好整齊覺得裝修得好整潔既感覺，坐都舒服既員工都有嗌場，歡迎光臨之類Yeah, 蕃茄湯底黎喇，唔算太濃太重味叫左牛肉，魚片頭，同腐皮唔記得叫佢少米線，食唔曬丫平時出面飲熱奶茶都唔加糖，唔知係咪奶唔夠多，茶味太濃，唔加糖有啲苦苦地因為太飽 都係飲唔曬…Read More