TamJai SamGor (Tai Hing Commercial Centre)

餐單上分為了幾種辣度，我選擇了中間的小辣係譚仔的3小辣。米線的湯底為麻辣湯，酸酸辣辣的味道能刺激食欲。米線的份量十分足夠，爽滑 !米線的份量十分足夠，爽滑彈牙，粗幼適中，伴着湯汁一啖接一啖。小窩米線自帶的配料有笌菜、韮菜和肉碎，使整體的口感有所變化，味道更上一層樓。至於自選的肥牛則是不過不失，肥而不膩。看似平淡的生菜則在吸收湯汁後得以昇華，辣味聚在一起同時爆發，但價錢貴左好唔抵食呀! 小食都貴左，我覺得細份左，細隻左! 希望做多D 優惠啦 !!!!…Read More

譚仔嘅過橋米線真係唔錯！呢碗米線大大碗夠哂飽，每樣食材都好新鮮。首先，過橋米線好有咬口。肉類好多，有新鮮嫩滑嘅豬肉、牛肉同雞肉，加埋豬潤、火腿及竹笙等配料，口感層次分明，真係好味。另外生菜、酸菜都好脆，為成碗米線增添另類口感。乍醬係配新鮮肉碎，一啖米線一啖乍醬係唔錯選擇🍜，同時我又叫咗杯凍華田，啱晒喺咁熱嘅天氣底下一邊食米線一邊飲。總括嚟講，呢碗過橋米線味道真係唔錯，配料多加大大碗，絕對唔驚食唔飽😉…Read More

12:53分用app 落單外賣自取點知13:30先拎到都痴線，催佢又話未得，d店員做又36唔做又36咁 ， 其實就一早煮好，但就係廚房入面儲夠一堆外賣先推出黎有冇諗過人地lunch hr 先係得一個鐘，但為左呢個外賣就浪費左40分鐘🙃🙃🙃🙃堂食既就不停咁出餐 ，外賣就儲埋一堆先出餐-拎到返公司個湯仲要明顯係凍晒，擺明就煮左好耐。咁都算 ，食食下冇啦啦見到有字既腐皮，點知原來係張單黎，無言永遠black list 呢間分店…Read More

晚晚都要諗食咩，諗到頭都大，又見好耐無食米線，就食三哥譚仔米線吧。我突然今日想食土匪雞翼，通常都係即刻整，所以我叫老公過左轉車站通知我，我19：11打電話落定order。19：35老公去到都未有得攞，結果等左成半個鐘先有，餓死人咩。貢丸炸醬麻辣米線（中辣）：今次諗住早落order就吾分湯（因為分左湯我覺得啲米線吾夠辣），點知等勁啲米線都淋曬。過橋米線（清湯）：因為就呀仔老公吾食辣，諗住咩餸都有吾洗諗。土匪雞翼：因為等太耐，返到黎己經凍晒。…Read More

我舉咗差唔多10分鐘手先有人黎落單，途中見到n個服務員路過見到我要落單但係根本冇過嚟，瘋狂高血壓，而且仲有個直接無視我舉手就攞咗我張枱嘅桌牌，上菜速度仲慢，嘢飲叫多冰佢直接同我走冰…Read More

譚仔三哥今期搵左Jeffrey bb代言新岀既米線😍見到寫住香麻辛辣口味，好吸引咁，今日即刻去試左！✨每間分店Cashier 旁均有印有jeffreybb既A5卡供顧客提取😍-🤍砂砂湯肥牛鹿茸菇米線湯底聞落有陣擔擔麵香味，食落真係有啲花生醬味+沙嗲味，加埋叫左小辣，味道好濃郁！而肥牛有4塊，係半生熟狀態，而鹿茸菇口感爽脆，值得一試！☺️- 🤍煳麻辣椒豬肚豬肚爽口彈牙，份量都幾多下，味道麻麻辣辣，好惹味👍🏻。- 🤍奶蓋芒果蒟蒻椰香金露芒果🥭香甜，整體椰汁味同奶香味都好濃，有啲似楊枝甘露，中意芒果同飲甜野既話推廣。…Read More

放假路過附近，見餐廳得幾枱客，唔使等位就馬上入座。呢排股票成日被割韭菜，食返韭菜補下血，再嗌多個雞肉做兩餸米線。再嗌一杯凍奶茶，加埋只係$48，出面食餐飯都差唔多既價錢。等咗15min有多，食物終於上枱，有ｄ奇怪點解咁少客都煮咁耐，唔知會唔會廚房係儲單一次過整？或者多外賣而我無留意？好彩唔係趕時間。感覺雞肉份量比以前少，韭菜亦唔同其他分店咁 鋪滿成碗。不過味道同質感都同其他分店一致，韭菜夠freash+有咬口！…Read More

13.07.2021譚仔三哥久唔久我地同事午餐就會鍾意叫譚仔三哥，早前做特式餐鴨血、姬松茸之類都幾好食。然後發現三哥用Ian、花姐做廣告，即刻好興奮，話點都要支持！如果堂食仲離譜，仲可以用有Ian個樣嘅餐紙，要對面嗰個遮住個面，扮同Ian 撐枱腳，so sweet，哈哈！今次我自己就試譚仔三哥米線新口味：「米線配魚爽肚及芥末魚籽鱈魚滑豆卜」，起初擔心好古怪，又爽肚又芥末，所以初出無試過；今日見做特價，專登試試。估唔到，竟然配搭得唔錯，完全無違和感；魚爽肚爽爽地，幾好咬口；芥末魚籽鱈魚滑豆卜，加咗少少芥末，微辣，又估唔到同豆卜咁夾，正呀！可以encore！午餐：米線配魚爽肚及芥末魚籽鱈魚滑豆卜 生菜、竹笙、鮮冬菇、牛肉 清湯底米線 …Read More

2020.8.14(五)鄰居來電問我: 食唔食譚仔三哥米線, 佢返緊黎, 幫我買埋, ok la 最緊要唔使落街要食飽就要食酸辣過橋米線(成10種配料)+蒜泥白肉(蒜泥好幼/白肉好薄)+麻辣雲耳(辣度剛好/雲耳好爽脆)+凍檸茶(少甜少冰 偏細杯ok la)今時今日, 無得堂食, 好多食店都自取減2蚊, 有d直頭收齊頭43蚊=收40蚊!! 這店仍堅持收原價並且照收盒錢想多謝鄰居, 今餐無收我錢, 仲要幫我買返黎, 佢同我食既野一樣噃 Thank You So Much…Read More

之前用開網上外賣平台 叫譚仔，只係貴少少，不過近期覺得愈等愈耐，唔知太多人嗌定太少人送外賣！又見佢話外賣自取有優惠，叫3個餸+$2 有小食同飲品，咁試下啦。點知去到見到有11-12 個人係門口等外賣，都心知不妙，諗住要等15分鐘左右啦，堂食客around 1/4咋。點知中大伏。樓面得3個，落單得左2分鐘，19:53 落到單，等到20:29先到我，等到，浪費青春，燃燒生命。你要預3分鐘做一張單，有12 個人等，岩岩好36分鐘都我。如果大家有時間有青春，又未餓死可以一試。點解要用網上外賣平台 比錢人送就唔使浪費時間！堂食5分鐘左右有啦，有人食完走埋我都仲等緊架！譚仔阿姐做到燥，唔好預佢態度好。完！…Read More

譚仔呢家都有得叫外賣，咁岩今日返工就一於試下啦！係外賣平台叫譚仔比堂食貴差唔多10蚊碗，不過無辦法啦，返工食黎食去都係canteen，貴少少都試下，獎勵下返工咁辛苦麻！ 今次叫左個四人套餐，包4碗2餸米線、大土匪、手拍青瓜同4杯野飲米線叫左竹笙雞肉麻辣10小，竹笙吸曬湯既精華、超入味，雞肉唔鞋口，不過呢間湯底就咸左少少。青瓜叫左重慶口水味，麻麻地、唔算好辣，成個汁都夠味👍🏻👍🏻配埋青瓜爽口多汁，正！另外再叫左蒜泥白肉，唔怕口臭就一定要試喇，蒜蓉加埋啲辣油超香，連埋切到超薄既五花腩，超惹味👅不過調味都係偏咸，要飲返多啲水補充返先得💧💦…Read More

想食個外賣，食啲熱嘢咁唔知食咩好，就走去譚仔三哥買個酸辣米啦新界區餐廳有時會俾人感覺渣啲其實係因為污糟事經常發生但係譚仔三哥而家都做得幾有規模冇expect會發生啲污糟事件不過都好彩唔係昆蟲嗰啲平時食都正正常常嘅，今次食食吓，居然咬到條硬硬哋嘅麵居然係條橡筋隻色同啲米線係有啲似但係食物嚟㗎喎應該要小心啲忙都不是藉口平都唔係話，「係咁㗎啦，呢啲餐廳仔預咗污糟啦」咩事都有底線㗎1. 放入口嘅嘢2. 俾咗幾多都係俾咗錢= 應該起碼係乾淨嘅食物（不論好唔好食）好彩冇狼吞虎嚥，如果唔係就吞咗落肚或者哽親希望餐廳小心啲，留意吓啦…Read More