Hui Lau Shan (Closed)

紅日到許留山，而家仲有買一第二杯半價，但因為天氣凍唔想飲咁多，就叫左一杯芒椰芒果爽(大)算，$28。椰汁味唔重，應該係用左椰汁加冰打，所以冇咁甜，啫喱都係冇咩味，芒果就正常，而家唔係當造，唔甜都正常，但想講有兩舊切唔爛，好大舊，飲筒吸唔到。overall ok…Read More

人生第二次來到許留山食甜品，本來對佢印象已經麻麻，食完呢次更加否定此店…態度實在太不可一世，都係黎食碗糖水啫，做乜要黑我面呢，唉…講返食物，糖水質素中規中矩，無驚喜之餘亦不算難食嘅，50蚊一個糖水我覺得可以接受，主要係搵個地方hea嘛。燕窩鮮果楊枝甘露（$49）楊枝甘露好稀好甜，滿滿的人工味，唔知有幾多成係真芒果。鮮果鴛鴦西米撈（$40）鴛鴦係芒果同西瓜，西米係後加入去的，幾硬實。個撈本身係一碗冰水加糖水，如果不求味道，冰冰涼涼幾適合夏天。鮮果雙撈（$40）呢款最好食，啲刨冰終於有啲味，黃色係芒果，白色係椰汁，甜甜地冰冰地。三款嘅伴碟鮮果係一樣嘅，蜜瓜同哈蜜瓜好生好硬又唔甜，奇異果同士多啤梨酸到痴線，得芒果係甜嘅，哈哈。…Read More

同朋友夜晚搵地方坐下食下甜品，個個朋友都最歡喜佢d芒果，我地叫左4個芒果小丸子，亦都係我最愛，其他的都叫左芒果飲品.另外我地仲加左兩個咖哩小食，都唔錯！又食到甜品又搵到位傾計！幾好👍…Read More

:(之前幫襯過都覺得麻麻地，但無奈天水圍好少糖水店，今次真係令我好嬲!入到呢間許留山，本內都有兩台客人，睇咗一陣就落單，我叫咗咖哩套餐，包括有一杯飲品、一塊薄餅、一碗咖哩集錦，等咗一陣嚟咗杯飲品，再等多一陣嚟埋個薄餅，但係等呀等呀，仲未見主角出場(咖哩集錦)，當時已經過咗20分鐘，對方話整緊，再過5分鐘後再問對方，佢話: 整緊呀~ 我就追問要等幾耐呀? 回答要等多5分鐘，最後我足足由落單到碗咖哩集錦上台等咗35分鐘，有冇搞錯呀! 都係整返熱姐，駛唔駛咁耐呀?? 對方仲有一句唔好思都冇講過  仲有，最嬲就係埋單，食完攞張單出去櫃位比錢，對方睇住我行出去，都要唔理我，借啲依入廚房攞嘢，我同佢講，唔該埋單呀~ 佢仲要望一望就唔理我，繼續整佢嘅外賣，呢個職員服務態度極差，直頭係零分呀~   如果你哋想幫襯就真係要諗下有冇咁多時間等，同埋要接受一個面無表情見到你都唔理你嘅職員喇!我就唔會再幫襯呢問許留山啦!!!…Read More

自從我同老公係好早以前發現許留山每一間鋪頭，同一款糖水都唔同價錢之後，都真係好耐冇食啦不過今日去探朋友嘅BB，路經此地我哋早到左但又未夠鐘，又諗緊天水圍應該唔會好貴掛，所以就入去好我哋發現天水圍真係冇尖沙咀咁貴嘅，所以就坐低叫咗兩款嘢食嗌左我哋最鍾意嘅芒果小丸子，同埋我好耐都冇食嘅海底撈野芒果小丸子依然係有芒果雪糕，有我覺得好煙銀嘅小丸子，同埋佢嘅芒果汁係賣點另外海底撈野，可能好耐冇食所以覺得冇想像中咁甜，而且啲生果都係幾新鮮FYI: 尖沙咀賣$5X，天水圍$35可惡的租金，完~…Read More