Video
Opening Hours
Today
11:00 - 01:00
Mon - Sun
11:00 - 01:00
Above information is for reference only. Please check details with the restaurant.
呢排落雨濕濕 個人好似好易攰..🤯🤯🤯難得星期五 夜晚又去九龍城按摩收工想食下辣野 咁就揀咗「見見面」試吓一入鋪頭 覺得店舖裝修都幾用心非常中式嘅裝橫 古色古香style ..🪭菜式方面 選擇又係非常多😍😍😍包括 水煮/酸菜/乾鍋系列 另外又有烤魚 雞煲等等不過… 每次2個人食飯又係諗好耐 因為好多野都想試😂😅最後揀咗3款餸 2個白飯🍚 配2杯飲品份量好多 食到好飽 因為3個餸都好好送飯😳🐟水煮桂花魚（例牌)二百幾蚊嚟講 份量超足 味道超正雖然係例牌 不過如果3-4個人嚟食飯叫一份再叫啲其他餸share嘅話其實都夠食份量好多 所以絕對係超值呀😍麻香辣湯好正 又惹味 我哋叫咗小辣😋桂花魚片 鮮嫩而且好滑冇乜骨 啖啖肉 大大鍋 仲配埋娃娃菜同薯粉 好滿足👍🏻薯粉煙煙韌韌超好食 🤤飄香辣子雞🌶️(無骨) 辣子雞又係大大碟 食咗好耐先清到一大碟😹炸得好乾身夠香口 乾身得嚟食落唔嚡口👍🏻雞肉細細粒 好入味!!! 重點係無骨 爽呀😹btw啲花生都好香脆 我不停咁食✌🏻清炒萵筍絲唔好睇張相平平無奇 其實味道好好炒得啱啱好 食落好爽口👍🏻👍🏻鍋氣十足 上枱仲係熱到出煙🙊🙊呢個係第一碟上枱嘅餸 同男朋友夾唔停😋其實自己都試過買萵荀炒嚟食 但炒得冇咁好食😅凍檸檬茶(特大杯)勁大杯唔係講笑.. 好誇張🤣呢杯男朋友order嘅太大杯 佢飲唔晒… 而我就叫咗杯正常size俾自己茶味都夠香濃 食辣野真係唔可以唔叫杯凍飲😌
continue reading
平時去九龍城多數都是食泰國菜，今次朋友帶我到九龍城卻推介我食四川菜，初頭看見餐館"見見面"的名字時是估不到它是食四川菜的，裡面的裝修以中國風為主題地方都大唔擠迫坐得好舒服。👍餐類選擇好多以唔同系列來分配，有辣有唔辣，而且辣度可以自由選擇，不食辣的朋友也有好多選擇，而且價錢唔貴味道不錯。👍😋💯1香炸魚片頭$58藍妹啤酒$40我們叫了啤酒所以選了佐酒小食炸魚片頭，魚片頭表面炸得有小小脆口，配啤酒一流。😋🥰蔥爆牛肉$88牛肉炒得好嫩滑很淋，京蔥唔會炒得太淋食落有口感帶香甜。👍💯😋蒜香金排骨$108唔辣嘅菜式之中比較受歡迎，肉排表面炸得很香脆，裡面肉質仍然保持多汁軟淋，如果想食辣的可以沾上附帶的辣椒粉，好食到停唔到口。🤤🥰👍💯胡椒豬肚雞煲（例牌）$168胡椒豬肚雞煲湯底濃郁帶有胡椒的辛辣香味，雞肉嫩滑豬肚唔騷很淋有嚼勁入口暖胃，本人就很愛飲了三碗湯。🥰😋👍💯
continue reading
為食花太郎 Fafafoodblog 🍴生炒牛肉飯68 蚊🐂牛肉好爽彈 飯粒炒得分明 口感彈牙 好夠鑊氣 正🍴肥腸酸辣粉 40 蚊肥腸好爽滑 湯底酸辣度適中 薯粉好入味 仲有花生點縔 正🍴茄子豆角78 蚊🍆茄子同豆都整得好軟林 帶d甜味 仲有蒜香辣椒味 正🍴夫妻肺片58 蚊青瓜做底 肺片有金錢肚 同牛展 麻辣味香 正🍴椒鹽魷魚鬚 88 蚊魷魚鬚勁大條 好彈牙 出面好香脆 仲有d紫洋葱可一齊食🍴脆皮豬手118 蚊🐖豬手好香孜然香味 辣得黎好惹味 豬手充滿骨膠原 好彈牙#豬手 #魷魚鬚 #茄子 #豆角 #川菜 #豬大腸 #酸辣粉 #夫妻肺片Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#見見面九龍城打鼓嶺道80 至82 號地鋪~~~~~~~~~#fafafoodblog #為食花太郎 #fafafoodblog九龍城====================
continue reading
平時都好中意食辣嘢嘅我哋今日去咗九龍城食川菜！餐廳位置有啲隔涉不過唔難搵。餐廳設計有啲似小茶樓，入面有十人左右嘅大枱，都幾闊落。🍽️四川薑爆鴨 $168見呢個小菜喺招牌菜入面，叫咗一份試吓。薑爆鴨色澤幾靚，薑嘅味道濃郁，帶少少酸味幾開胃。配菜筍絲幾吸味，份量都幾多。🍽️辣子雞 $143一講到辣嘢就會諗起辣子雞先，叫咗一份好彩冇令我失望！中辣辣度啱啱好，出到嚟唔會好多油而且好夠火候夠唒乾身！花生夠脆口，雞件份量多，粒粒都好入味味道均勻惹味。🍽️牛油黃金蝦 $168黃金蝦幾有驚喜，蝦好大隻，口感結實彈牙。蝦殼外層包覆住滿滿嘅金黃色醬汁，第一啖食落帶濃郁牛油香氣，之後鹹蛋黃味喺口腔慢慢爆發出嚟，味道啱啱好唔會過鹹同時一啲都唔油膩，好啱餸飯！🍽️四川擔擔麵 $40擔擔麵湯底濃厚，除咗蒜香仲有啲奶油香氣，花生同芝麻香配上花椒辣味飄香會忍唔住一啖接一啖咁食。麵嘅質地亦相對有咬口，唔會過淋。$40呢個價錢真係非常抵食！整體唔錯，下次試埋佢哋嘅烤魚！
continue reading
今日同老公去左九龍城探親戚，之後就去左食晚飯。天氣凍凍地，不如食吓川菜暖暖身。餐廳充滿中國色彩，以木系雕刻作屏風，橫樑掛上紅色燈籠。空間幾大，好寬闊，環境舒服乾淨。呢度用QR code點餐，電子餐牌已分晒類，種類都幾多，除左一般嘅雞煲同烤魚外，仲有小炒同乾鍋等。我哋就點左小炒、乾鍋同招牌菜各一，另外兩款川渝粉麵。值得一提，每款份量都好多，足料。而唔食辣嘅人，都可以揀辣度，甚至唔辣都可以。前菜：有鹹花生同雲耳，鹹鹹地，微辣，幾好。糖醋里脊：里脊薄薄粉漿炸得脆口，食落唔覺得話好油膩，腍得黎偏瘦、軟熟。味道酸酸甜甜，甜酸度中和得剛剛好，開胃菜之選。乾鍋田雞：原鍋仔上，下面有火keep住熱。田雞鍋較乾身，唔會話好多油。配料有洋蔥、蒜頭、豆豉、青椒同翠肉瓜等同炒，田雞肉嫩，越食越惹味，有水準。酸湯肥牛：招牌菜之一，肥牛唔算肥偏瘦，湯底清澈無油，味道唔覺得太酸，泡椒味較濃但唔會太辣，底部原來仲有萵筍同紅薯粉，紅薯粉連湯食好入味，整體豐富。四川擔擔麵：麵條滑口、彈牙，湯底有花生碎加埋麻醬，味道香濃，足料。肉末酸辣粉：配料有肉碎、花生碎同雪菜等，辣度揀左極少辣同少麻，湯底偏酸少麻，唔太辣，紅薯粉口感煙韌，非常掛汁，好好食。
continue reading
You may be interested in