QQ Rice (Closed)

老婆一向喜歡豆類產品, 也喜歡飲豆漿, 最近發現新大陸, 就是西龍傳香飯糰我也喜歡飲豆漿, 但總是喜歡甜的, 老婆則喜歡豆味多於甜味, 最好係無糖的, 我飲過唔少無糖豆漿, 但總是不合我口味, 根本豆味跟清水是分開的, 慘過叫我飲清水老婆喜歡佢既紫米豆漿, 低纖低糖, 紫米既營養功效係滋陰補腎, 健脾暖肝, 明目活血, 齋食可能唔係人人鐘意, 但如果夾埋豆漿易入口好多呢度既豆漿, 杰得黎很濃豆味, 紫米跟豆漿味很夾, 誰也搶不了誰的味道, 不用甜味也已經很好味店子只做外賣, 買時會問要熱定凍, 也可以要室溫, 可惜價錢有點貴, 小小一枝要$9, 老婆強烈建議佢如果有家庭裝, 佢會買一枝放屋企看門口香港人依家乜都講求健康, 不妨買黎比小朋友試下, 說不定會一試愛上…Read More

一日行經荃灣地鐵，發現都唔少人在這間西龍傳香飯糰排隊，眼見d 阿姑阿姐每人都攞住張紙係到填寫飯糰內的配料，而我就買了一個肉鬆加冬菇絲飯糰，比完＄１５蚊後，見佢從櫃裡取出一個飯糰，有D暖，準備返到家裡慢慢食！　肉鬆: 之前都有食過街邊的肉鬆餈飯, 感覺佢地西龍的肉鬆都幾香口，但份量就少咗d !冬菇絲: 份量都唔少，味道一般！飯：我估係糙米，唔係好得！　　…Read More

今日出去做義工，要至到 4:00 先完，都係食返個飯糰仔打定底！飯糰類：五穀米飯 ( $16 ) 標準 size 6 款配料：魯蛋 + 煙鴨胸肉+ 吞拿魚+ 蜜汁燒雞肉 + 粟米 + 酸菜 五穀米飯 - 比較林咗少少，以多種米類如糙米、黑米、紅米組成，帶有咬感！ 魯蛋 - 魯蛋入味之餘，仲有半隻蛋嘅份量！ 煙鴨胸肉 - 有兩塊之多，好在唔會韌！ 吞拿魚 - 純吞拿魚沒有汁，加咗落嚟有點怪！ 蜜汁燒雞肉 - 甜味而有點硬身嘅雞肉！ 粟米 - 當然係又大粒又甜啦！加咗之後更有口感！ 酸菜 - 純粹調吓味，令到成個飯糰唔會淨得個咸字樣整體上，係一個豐富味道有口感嘅美味飯糰！:)…Read More

用港鐵累積積分而換的$10現金券~ 買飯糰自然可以減返10蚊,所以 $19→$9 加大五穀米飯 飯糰 $19 , 6種配料呢款飯食落口係乾身少少,不過唔會太乾,比較淡口味,如果想食落去比較濕潤少少,可以揀返紫米飯~牛蒡:: 真係好多!!食落去口腔裡面吱吱聲的~哈.... 菜脯 mini,細細粒!!咸度適中!! 素海苔肉鬆:: 咸左少少,每次叫呢種配料,都會比好多好多.... 糕燒番薯:: 少少甜,愛番薯的人之選!!黑椒豬柳:: 夠辣,第1次食~正 份量仲好多tim呀真係幾抵,加大的飯糰食完真係好飽,足料足料!!讚讚讚!…Read More

這家飯糰店在新都會百佳有個攤位,某天買個飯糰當午餐後,借用荃灣店寫上一筆。推著車仔稍為停步,駐店阿姐即時向我招徠,店方推介的配搭不太合意,拿著紙筆劃呀劃了六個餸菜;繼而看著阿姐左夾夾右夾夾,細心將飯糰弄成像粽子般,單單這部份已經夠好看了。選了五穀飯,軟硬度很OK,煙韌中帶嚼頭,又不會咬到牙骹軟,有著飯香,不錯!姑勿論是否均衡營養, 起碼會纖維足夠。肉類分別選了三杯雞肉和蜜汁雞肉。三杯雞肉乾得像肉乾,應有的濃味三杯汁似乎失色了,雞肉也不見得美味,不推介!蜜汁燒雞肉反有點甜味,以味道來說比較討好,用上全瘦雞肉又放了一點時間,吃來有點粗糙,不過沒加點肉又怕不夠飽嘛。素菜中的酸菜偏咸,不夠酸未夠醒胃;香菇絲煮得軟軟滑滑,份量不多但有香菇味,不錯;韓式泡菜爽脆帶辣酸勁,味道相當刺激,多一些更佳!最特別是糕燒蕃薯,蕃薯條香甜軟糯,很有蕃薯味,像台灣蜜燒蕃薯,味道討好,不過不配米飯應更好吃。中size飯糰取價$18,看似不大真得飽耶! …Read More