Sai Kwan Lo Jo (Man Yuen Building) (Closed)

今日去渡船街附近做嘢，中午諗住買啲嘢去朋友屋企食，上網見到附近美食竟然有間2023米芝蓮推介嘅小食店！叫做西關老祖，小店位置實際比較近柯士甸站。可以自助下單，支持多種支付方式，非常方便。極黑黯然銷魂飯自家製黑叉燒+煎太陽蛋真係好吸引。黑毛豬整嘅叉燒，面頭有少少脆口，肉質軟冧冇渣，油份正好，肥瘦適中，配香米飯非常滿足。黑叉燒蔥花炒蛋飯鋪滿炒滑蛋，滑蛋汁惹味豐富，黑叉燒份量滿足。老祖綠豆沙綠豆沙入口綿滑，入面有陳皮、臭草和薏仁。不會太甜，幾好飲。爆炒X0醬腸粉配炸粽(2件）自家製粽勁好味，外皮金黃香脆可口，卻不會油膩，餡料用咗西班牙杜洛克黑毛豬，肉質特別香濃有肉味，糯米軟冧口感好正。XO醬腸粉好大份，抵食！…Read More

一向都知道佐敦呢度有間今年2023 年擭米芝蓮推介既廣式外賣店（店舖只設有少量座位）😌今日咁岩行開過呢頭，就幫襯下，買啲外賣同屋企人一齊食，唔洗自己煮😂我地見到有「每日餐」飯餐出售，當日有兩款選擇，分別係大澳蝦醬豆腐蒸豬腩片和黑义燒蔥花炒蛋飯 。見到有食客食爆炒XO醬腸粉和西關瀨粉都好吸引😄大澳蝦醬豆腐蒸豬腩片跟白飯配罐裝飲品$42- 好味！雖然看似普通，但係係小妹第一次食呢道餸，估唔到蝦醬可以用黎配豬腩片，再加埋底下的豆腐😀好味又有營養😘😘黑义燒蔥花炒蛋飯 配罐裝飲品 $42- 义燒真係好黑😆黑得黎係焦燒，感覺好特別，又幾好味！炒蛋炒得幾滑！😊誠意之作😆😆爆炒XO醬腸粉配西關瀨粉（大）$66- XO醬腸粉即叫即做🤤🤤香噴噴🥰🥰加埋一碗西關瀨粉配上黑毛豬油渣🤭非常滿足的一餐🥰🥰西關老祖 (文苑樓) (佐敦)佐敦文苑街18號文苑樓地下18B號舖…Read More

今日走到呢間馳名嘅老字號點心店，哩，唔需要大排長龍、叫號碼牌，就可以食到手工製嘅地道美食。我揀咗幾樣招牌黎試：新鮮蝦餃、傳統燒賣、還有無敵腸粉。首先隻蝦餃，真係非常出色，皮薄得黎Q彈，挑戰緊你對「皮薄」嘅認知。蝦仁鮮甜彈牙，好似彈過嚟彈過去咁，一咬落去感覺真係—勁正！蒸得啱時間，一啲都唔會過老過筋，嘩，咁會令到你一籠又一籠嘅停唔到手！再講講燒賣，哎吔，嚟呢間必食嘅經典款呀！係咪好似其他間啲燒賣咁全係肥肉就唔用食啦？呢度嘅燒賣肉質紮實，有豬肉味，仲加咗香菇碎同竹筍增加香口感，啖啖肉，食到攞飯都無怨言！最後，禁不住誇下佢哋嘅腸粉咯。好似卷住秘密嘅布咁，一層層嘅滑溜溜，滿足到我對腸粉嘅全部幻想。裏面包嘅肉，呀，咁細緻又香噴噴，醬汁淋上去，一咬落就算喺喉嚨度都覺得甜美！總結，食完呢啲，真係暢快淋漓，心情大好！喺呢間，每一款小點都有佢獨特嘅滋味，再加上港式茶餐廳裏面嗰股熱鬧夾雜着茶香嘅氛圍，真係令人滿足到唔得啦！下次再經過呢個街角，一定會再黎，搵機會試埋其他野！🥢🍵🥟…Read More

西關老祖（26/11/2023）今天到佐敦附近有些事要辦，順便行街。 朋友在這裏居住的，所以約咗佢食嘢。朋友話附近有一家隐世小店，名西關老祖，係2023米芝蓮推介，一定要去吃的！ 它在佐敦文苑街18號文苑樓地下18B號舖。小店以外賣為主， 門外設有一個堂食座位和以自助點餐機下單，可以用八達通、信用卡或電子錢包付款而不接受現金。我們點了幾樣由店員推介的美食，外賣回朋友家慢慢嘆！#炸杜洛克豬肉粽粽係自家製，蒸熟後切開再炸，外皮金黃香脆可口，餡料的豬肉是來自西班牙杜洛克黑毛豬，肉質特別細嫩肥美和很濃肉味，超正！#西關瀨粉湯底由蝦米、冬菇和豬油渣碎熬製而成，非常惹味！ 瀨粉不是一般吃的，粉條比較煙韌，配上蔥花、辣菜，真的很花滋味！#極黑黯然銷魂飯自家製黑叉燒+煎雙太陽蛋。 西班牙黑毛豬义燒比較少食，做得很脆口，好有肉味！肥瘦相間既腩肉，腍滑又甘腴可口，充滿油香，配米飯就超夾，果然是鎮店之寶！#老祖綠豆沙入面有陳皮、臭草和薏仁。 綠豆㷛得很腍，不會太甜，很不錯！ #孜然炸雞髀雞髀係即炸，好香脆又乾身！加埋孜然粉，好夾又好吃的！這裡的食物質數高和很有特色，價錢便宜，性價比高！ 下次可試其他特色食物， 真的要向大家推介！…Read More

來佐敦探朋友，朋友介紹呢度有間特色米芝蓮餐廳，專做外賣就啱啱好可以拎去朋友屋企一齊食😉呢個文青外表，又點諗得到佢係食黯然銷魂飯咁傳統嘅菜式😂樣樣都想試，好彩佢有套餐，就可以個款都試吓爆炒XO醬腸粉配炸粽外面新鮮炸到脆卜卜，入面嘅糯米仲係軟糯口感，加埋香口嘅豬肉油香，未試過咁樣食糭，幾有驚喜經典配搭XO醬炒腸粉亦做得出色， XO醬一啲都唔吝嗇成個底都係，加埋洋蔥炒到香口，腸粉少少焦香，惹味十足爆炒XO醬蘿蔔糕配西關瀨粉蘿蔔糕亦都炒得非常好，少少燶邊，加埋XO醬勁香口。不得不提呢個幾特別嘅西關瀨粉，湯底入面有蝦米、冬菇、辣菜脯，鮮味又有啲米香，呢個瀨粉同平時出邊食嘅有啲唔同，口感厚實有咬口。朋友嘅形容係，就好似飲珍珠奶茶咁，湯底先係主角，夾埋呢隻瀨粉有得咬下好過癮👍黯然銷魂飯，高質煎蛋，加埋煎得香口肥瘦有致既豬肉，簡單醬汁加個飯，足已成為冇得輸嘅組合。雖然材料簡單，但每一樣嘢都做得恰到好處，米芝蓮級數嘅心機就係呢度睇得出嚟最後跟多杯紅豆沙，非常欣賞佢用咗好多陳皮去煲，令呢杯紅豆沙充滿陳皮嘅甘香味，誠意之作，相信第時行過都會買返杯，好過飲廢水😂…Read More

我同男朋友星期日周圍睇下有冇咩好野食❤️點知比我見到間平靚正既好野❤️「自家製」XO醬。極黑毛豬有撈飯首先，要大讚xo醬黑毛豬🐷油撈飯，豬油絕對不是肉羶味，油膩感反而唔大。相反，意想不到豬油既清香，絕對是我食過最似樣而且好柔滑。xo醬加上豬油配合，感覺上有小小解膩，但xo中蝦米🦐等加上一層脆口口感。「自家製」XO醬。極黑黯然銷魂飯要特別介紹呢個極黑黯然銷魂飯，拎左米芝蓮推介2023黑毛豬🐷叉燒比較偏肥，肉質鬆軟。叉燒最緊要既焦香都有，值得加分。加埋個日本雙蛋十分滿足，日本蛋🍳蛋黃味會出小小，多一分層次。爆炒。XO醬腸粉🫔爆炒。XO醬腸粉，可以話中上水準，腸粉本身吸油，但相反腸粉乾身之餘沒有過多油分，xo醬的鹹香帶起腸粉，值得一試。紅豆沙🥣紅豆沙像紅豆冰與紅豆沙的混合版。紅豆沙第一口，陳皮味道逗留在口腔中。紅豆沙傾向像台飲，入口順滑而非傾向傳統般會「起沙」。可能你未必習慣，但我覺得送飯的紅豆沙反而更加配合。記得黎呢間鋪頭試一試❤️…Read More

人生第一次寫食評。上網見到呢間野、專登揸車落去試，一試碗瀨粉、非常難食，又無味又粉又湖。🤮🤮🤮食左兩啖就掉左落垃圾桶🤢唔明點解會有人話好食囉！非常之失望。…Read More

呢間位於佐敦既外賣店入選左米芝蓮指南2023，今日專程嚟買左幾款推介食物品嚐下。老祖孖寶XO 醬炒腸粉：腸粉散發陣陣米香，超級軟滑，加左豉油、紫洋蔥、XO醬、葱花一齊炒，香噴噴。炸杜洛克豬肉粽：粽係小店自家製，蒸熟後切開再炸，外表金黃酥脆，餡料係來自西班牙杜洛克黑毛豬，肉質特別細嫩肥美，必食之選。西關瀨粉：湯底由蝦米、冬菇、豬油渣碎熬製而成；瀨粉嫩滑吸汁，配上蔥花、辣菜脯，非常惹味；小店特別將黑毛豬油渣裝在小袋，好貼心。極黑黯然銷魂飯：自家製黑叉燒配煎雙蛋，肥瘦相間既腩肉，甘腴可口，配上半熟太陽蛋，蛋香又嫩滑，跟粒粒分明既米飯撈埋一齊食，口感超級豐富。老祖綠豆沙：加左陳皮、臭草、薏仁，綠豆腍甜綿滑，清香順喉。總結，餐廳位置方便，食物有水準，全部即叫即做，值得支持的本地小店。…Read More

真係暫時食過最難食既舖頭，上網見到報導介紹，就揸車去左食講返啲粉先，湯底冇味，個粉口感奇奇怪怪，我食左一啖就俾左男朋友，男朋友食左一啖都話好難食，價錢已經唔算平，位置又唔算方便，仲要咁難食，十分懷疑佢係買like買好評同俾錢賣廣告先上到報導建議大家避坑，去茶餐廳食碟頭飯都冇咁難食男朋友叫左個飯，飯就正常既，唔難食亦唔係好食，平平無奇，但價錢係貴過茶餐廳，仲要冇堂食，佢只做外賣生意，附近咁多餐廳，真係唔洗考慮佢，除非想試伏🫠🫠🫠…Read More

今朝帶我隻🐱權仔去佐敦嗰邊睇醫生，俾我同另一半發現咗一間隱藏於八文樓嘅西關老祖。我地就嗌咗佢嘅招牌菜外賣返屋企食：1） 炸糭x2件 ⭐️⭐️⭐️⭐️⭐️/⭐️⭐️⭐️⭐️⭐️2） 古法賴粉 ⭐️⭐️⭐️⭐️/⭐️⭐️⭐️⭐️⭐️3） XO醬爆炒腸粉 ⭐️⭐️⭐️⭐️/⭐️⭐️⭐️⭐️⭐️4） 紅豆沙及綠豆沙 ⭐️⭐️⭐️⭐️/⭐️⭐️⭐️⭐️⭐️炸糭確實係佢呢間小店嘅撚手小菜，食落似薯餅口感，但係有糭嘅味道，中間仲要有塊肥豬肉增加個油膩感，我同另一半一人一塊就岩岩好，唔係食唔到其他嘢😬之後就到佢哋另外一個招牌菜，古法賴粉，睇上去有啲似狗仔粉，加上我相信係自家製嘅辣菜脯，真係令到成個味道昇華。另外我地叫咗個XO醬爆炒腸粉，我另一半食到有陣豬嘅味道，我懷疑佢哋應該用咗豬油嚟炒，所以特別香，但係因為攞到返屋企食嘅時候已經涼咗一大半，所以感覺上係差緊少少，我都係覺得呢啲熱辣辣食係最好味😋最後我哋嗌咗每人一人一杯紅豆沙同綠豆沙，與其話佢係沙，倒不如話係湯，本身覺得用個杯好似台式飲料飲綠豆/紅豆沙會好奇怪，但佢哋係比較水狀，所以就令到成件事合理晒。我去買嘅時候係岩岩撞正佢地開門，而喺我前面，就已經有一group嘅日本遊客慕名而來，所以我相信小店只要用心去製作佢哋嘅食物，食客係會食得出，是金子終會發光。✨✨…Read More

Read the reviews hence went out of the way to takeaway dinner from this store. Unfortunately very disappointing though, the 瀨粉 tasted floury and didn't have much ingredients other than a couple slices of mushrooms and 菜脯. The black pork rice and fried pork dumpling were both average (pork slices were rather thin). Only xo stir fried rice rolls was pretty good, but overall experience was just a super carbs heavy meal with minimal protein. There's so much more room for improvement I'm stumped that this is on michelin bib gourmand list. …Read More

啱啱今日有假期，所以打算搵吓一啲米芝蓮推薦嘅小店。在網上尋找，發現了這一間關西老祖。初時，一看見店名，我以為是賣日本食物，但看完相關資料後，被它的黯然銷魂飯及炸糭的賣相吸引了，所以今天便特登前往尋找這間小店，看看是否真的如此好吃。這間店所在的位置不起眼，在舊樓堆中，而且附近沒有什麼食肆，最初我還以為自己是否去錯了地方，幸好OpenRice有這間店的相片，才讓我容易點找（在洗衣機店旁）點餐需透過點餐系統，而且不收現金，原本打算堂食，但正打算等齊哂手機先食，然後才開餐時，發現有幾個街坊叫外賣，而且出餐處是我們坐的那張枱，空間看似不太能堂食，所以便問阿姐攞左幾個外賣盒蓋，改為了外賣（阿姐好醒，仲幫我搵個袋仔載住啲豬油渣）…他的米芝蓮推介菜式，真的要嘗試！尤其是炸糭，外脆內軟；黯然銷魂飯和某家連鎖店的質素差不多，但便宜了1/3；瀨粉和炒腸粉亦各具特色，瀨粉是配上很久沒有吃過的豬油渣🥰！我個人覺得，炸午餐肉若再炸得再香口一點會更好😌和老公2個人點了5款食物，埋單都只係$178， 抵！不過，大家不宜堂食🍳…Read More

香港街頭小食大都離不關雞蛋仔、格仔餅、燒賣、魚蛋等，西關老祖卻偏偏另闢蹊徑，主打揉合創意的懷舊小食，2022年曾經來過一試印象深刻，不久後更獲得《香港澳門米芝蓮指南 2023》必比登推薦，個人認為絕對實至名歸。單看藍白色文青風門面或會令人誤會是間咖啡店，以外賣為主而門外只設有一個堂食座位，客人需於自助點餐機下單，並只可以八達通、信用卡或電子錢包付款而不接受現金。相比上次到訪餐牌已經有所更新，但仍少不了西關瀨粉、炸黑毛豬肉粽、極黑黯然銷魂飯等招牌菜式，即點即製之餘黑毛豬油、辣菜脯、XO醬、麻辣油等大部分食材均為自家製造，誠意十足。極黑·黯然銷魂飯 ($66)有別於一般粵式燒味叉燒，選用西班牙杜洛克黑毛豬腩肉製成，軟嫩豐腴充滿油香，切成薄片故肥而不膩，叉燒汁更帶蜜汁甜味。煎雙蛋燶邊香口，雖然飯量較配料更多，但蛋漿與豬油一同滲入白飯，即使單獨品嘗飯底依然無懈可撃。XO醬·爆炒腸粉 ($38)腸粉炒至表面微微焦脆，質感軟滑但毫不軟爛，自家製XO醬用上蝦米、瑤柱、金華火腿​等炮製而成，微微辛麻香辣但整體口味不如預期中濃重。西關瀨粉 ($32)手工瀨粉沿用廣東西關古法以粘米粉製成，質感柔韌有致，湯底如粥一樣比較稠杰，整體味道清淡故亦依靠蝦米、冬菇及辣菜脯增添鹹香。自家製黑毛豬油渣絕對是精髓所在，雖然略嫌炸得未夠乾爽鬆脆，但豬油融入瀨粉更是香氣四溢。炸·杜洛克豬肉粽 ($66)大西關瀨粉配炸粽兩件套餐優惠價只需$58，杜洛克豬肉粽材料只有糯米、綠豆及黑毛豬腩肉，厚切炸得如薯餅般香脆，外脆內軟而糯米亦保持煙韌，配以白砂糖或加$5配上自家製秘製麻辣油品嚐別有風味。…Read More

佐敦八文樓一向以隱世美食聞名，而呢間餐廳正好坐落喺呢個繁華地段，位置方便至極。距離高鐵西九龍站同埋屯馬線柯士甸站，只需要步行5分鐘就到。【西關老祖】係2023年米芝蓮推介嘅餐廳，以廣州西關嘅懷舊美食為主打。唯一需要留意嘅係，呢間餐廳只提供外賣自取，冇設堂食服務。佢地嘅招牌菜之一，就係西關瀨粉。話說瀨粉嘅來源同做法，可以追溯到好舊嘅歷史。而【西關老祖】嘅瀨粉做法係非常正宗！湯底係無添加味精嘅，十分清澈，令人回味無窮。配料方面，份量十足，令人滿足感十足。個人而言，我比較喜歡湯底加埋米糊，湯底能夠漿住瀨粉更有風味。炸糭外皮炸至鬆脆，內裡卻保持著軟糯嘅口感。餡料使用咗黑毛豬，帶出豬肉嘅香氣，令整個炸糭更加美味。加埋綠豆溶，恰到好處地中和咗油膩感，令味道更加平衡，好有小時回鄉吃的味道。XO醬炒腸粉店家係你面前即叫即炒，香氣撲鼻，但因為路途遙遠，返到屋企嘅時候，香氣已經減半。所以建議大家盡快食用，以充分享受到最佳狀態。值得一提嘅係，【西關老祖】嘅點餐系統全面電腦化，客人可以喺點餐機度落單同埋付款，非常方便快捷。唯有對於年長嘅人士可能有啲困難，因為冇習慣使用電子設備。最後佢地嘅外賣包裝真係相當細心。佢哋知道我路程遙遠，所以特意加多個袋子，確保食物可以安全送到。後佢地嘅外賣包裝真係相當細心。佢哋知道我路程遙遠，所以特意加多個袋子，確保食物可以安全送到。…Read More

本來想試葵涌店，原來已經關門，於是千里召召嚟到佐敦店，雖然有啲格攝，不過食物不負眾望。屹立於舊區，異國風情的門面，很清新，加上熱烘烘的新鮮食物，濃濃的fusion 感覺。雖然係小小店，只有外賣，不過都有食物買票機，有趣。隔着小小的窗口，跟店員溝通落單，有趣。店員雖然困在熱控控的廚房，仍然親切可加，不錯。叫咗出名的銷魂飯，炸糭， XO醬炒腸粉。先品嚐炸糭，看似厚厚的薯餅，食落去係糉嘅味道，加埋砂糖，感覺不得了。雖然識落的口感似薯餅，但係門口糉嘅味道，好搞笑，一定要試！銷魂飯嘅材料雖然簡單，只有蛋，叉燒，飯，但係混合在一起，加埋豉油，好食。尤其佢嘅叉燒唔似叉燒，薄薄地，好好味。至於炒腸粉，也是我最愛，雖然看來光光亮亮，但係食落又唔覺得好油膩，加埋洋蔥一齊炒，爽口香口。如果想食小食，又有飽肚嘅飯，極力推介！…Read More