西貢辣妹子

搬走咗一年好少返入西貢，今次同朋友難得返嚟，記得以前都做得唔差嘅所以帶朋友嚟食吓。四個人冇其他位，要坐响一個好奇怪嘅風口位（兩條冷氣管唔知點解裝响客人面部位置），阿姐將旁邊張六人枱拆開但迫我哋坐入面嗰四個位，好冇禮貌咁大聲對我朋友話「坐嗰度啦唔會整到你架」，咁我哋當然盡量移返開少少張枱，點知嘢食嚟到，阿姐一個屁股好大力撞入兩張枱中間，強烈感覺佢似係嫌我哋張枱阻住，想撞返入去咁，大力到枱上熱水杯打翻，整濕咗朋友阿仔半身！當下真係好後悔帶朋友嚟食，本身係行去後面飲茶的呢！除咗服務，食物都… 叫麻辣雲吞又冇，串串都冇！我先醒起，呢間嘢成日冇串串賣，結果本來叫咗辣辣粉就冇其他配菜要變咗食齋。 朋友叫土豆絲飯都唔係好滿意，土豆絲切到土豆條咁粗。食完去俾錢個阿姐雖然有再次道歉，但我覺得失望多過嬲。根本一開始就錯咗，夾硬拆開嗰兩個位又冇人坐，人又唔夠位行，又一個貪心想多做生意卻得不償失嘅例子。冇影食物相，因為全部都唔係自己想食嘅嘢。…查看更多

進入這小店用餐兩次，下午茶套餐很抵食，份量合理，店員親切有禮😊第一次幫襯抱着嘗試心態，但用餐後，CP值不錯。因此隔幾天後再來幫襯。 再次嘗試其它菜式😊兩次幫襯嘗試過酸椒炒豬肚，回鍋肉，梅菜扣肉，份量合理，味道適合我。若不能食太辣，可以預先向店員提出。2024年12月下旬…查看更多

閒日入西貢行下，臨走是旦揾間野食叫左3樣野食 1）干扁肥腸 2）大盤花菜 3） 唔知乜干煱串本身行入去都正正常常之後上第一碟餸干扁肥腸… 唔好食，d肥腸全部炸到無味.得浸油味大盤花菜係正常味道干煱就真係非常一般。1）本身食左成30分鐘有多都仲未上（講緊果陣得2枱客），唸住叫佢無落就cancel 啦，又話有整緊無得cut. 之後轉頭行埋黎話無土頭串，問我地轉唔轉第二樣。咁我緊係話唔要同我cancel左去。再等多左10分鐘先有。咁我本身叫左牛舌，牛柏葉同土豆串。本身話無土豆串，又突然有。但係牛舌就變左做牛𦟌。咁咪叫個侍應過嚟同佢講返囉。阿姐竟然同我講牛腱好貴牛舌兩蚊，我哋唔會收貴你2蚊。我就拗晒頭，我想食牛舌手你俾咗牛𦟌，唔係應該換返俾我既咩。乜嘢貴2蚊，都唔知咩解釋嚟留返$300 ，雖然唔多，但真係好似貼錢買難受咁…查看更多

嗌外賣點餐，標明走辣，冇走到 。唔緊要，好聲好氣同佢講再整過，我可以等。順便呢次叫佢走埋芫荽，全程都好聲好氣。聽電話個阿姐勁冇禮貌，又話整唔到，又大大聲嗌入去廚房，話我好麻煩。而家係你哋冇睇清楚整錯咗，已經要外賣員走多次，我都冇計較要再等，仲要咁嘅態度。外賣哥哥同我講，返去換嗰陣俾阿姐西口西面比好多說話佢聽，麻煩負責人管理一下，你哋啲嘢食係OK，但係個阿姐勁趕客，咁樣我真係唔想再有下次幫襯。係咪唔憂做就要咁樣對客人？連做人嘅基本尊重都冇？PS:之前堂食過，講明所有嘢都可以走辣。…查看更多