Mrs. Hui Homemade Steamed Bun (Closed)

今日去西貢走過呢間許姑娘家鄉茶粿，覺得好像幾有特色，又有不同口味的茶粿售賣，於是出於好奇便買了幾盒不同味道來試試看。買了眉豆餡的，口感不錯，幾有咬口，煙煙韌韌，味道也很不錯👍！另外綠豆那盒也很好很特別，好香濃的餡料味道，餡料又充足，不會太少。價錢方面就還可以，如果茶粿是一個個地售賣就好了，因為如果一個人想試多幾隻味道，這樣兩個兩個賣的話就試不了幾款味道，也吃不完那麼多，一個個賣就可以每樣味道買一個去試，感覺會好很多！😆…Read More

許姑娘既handmade茶粿都好多款式可以揀，除左傳統既眉豆花生、雞屎藤之外，仲有紅豆、黑芝麻、南瓜呢d for new generation既甜點口味，好甜食既朋友仔一定要款款試下。必食推介當然係佢既爆餡糯米糍，名副其實既皮薄餡靚，薄薄既外皮包住勁full既甜甜花生脆脆餡，勁好味又唔會太甜。想試食佢地既茶粿有幾樣野要留意架，首先只開星期六日假期，星期一至五係唔開店架，唔好摸門釘呀！同埋佢地既茶粿都係新鮮handmade，除非好多人一齊share，否則一次過唔好買太多，唔係3日內，就要早午晚下午茶宵夜都要食茶粿架啦！…Read More

每次去西貢都會嚟買一盒茶粿, 今次就揀左紫薯綠荳茶粿。即買即食, 兩個朋友嘗試用牙籤戒開做一半, 但唔太成功, 啲餡會跌晒出嚟,食得好狼狽。紫薯皮好煙韌, 綠荳餡好足料, 見到一粒粒綠荳, 好似糉嘅口感。好味又飽肚😋唯一唔好就係,食一個已經飽左, 試唔到其他味😂其實想試埋糯米糍, 但唔見有現貨, 唯有下次嚟再試啦。…Read More

路過市場街，知道有一檔茶果，假日下午四時多，人唔算太多，一場來到，買左四盒，每盒$15，共四種口味。户頭，綠豆餡 （左）綠豆夠soft, 不太甜南瓜，豆沙餡 （右）好夠南瓜味，紅豆豆沙餡太甜雞屎藤 （左）：size 比一般茶果大一陪！味道未夠濃，上面的花生正常綠茶 （右）：普普通通一小時後，5:30p.m. 再經過，見到成檯過百盒既茶果只賣剩幾盒！…Read More

星期日的早上又來到西貢，照例亦幫襯只開星期六和日的許姑娘茶粿檔。近碼頭處已看見宣傳拉架，只要跟隨指示的方向便可抵達檔口。這裏售賣多種茶粿，計有鹹的又有甜的。今天一定要買的便是通常在清明前後特別多的季節性雞屎藤茶粿。～雞屎藤茶粿雞屎藤是山草藥的一種，全株有一股難聞的臭味，但卻有清熱解毒和祛風除濕功効。用了雞屎藤的葉製汁做成的茶粿，經過烹調後，味道變得清香。茶粿吃起來非常煙韌，加了原粒花生，更變得有咬口。這茶粿顏色並不討人，但卻美味，亦是健康之選。不喜歡吃花生的話，可選沒有加入花生的。～蘿蔔絲茶粿這鹹的茶粿皮依然非常煙韌，餡料豐富，計有清甜的白蘿蔔條和惹味的小蝦米等，吃起來味道多層次。～黑芝麻皮芝麻花生餡茶粿相比其他茶粿，磨成小粒的芝麻花生餡比較嚡口，雖然外皮依然煙韌。～紫薯綠豆茶粿顔色吸引，饀料是清熱的綠豆蓉，吃起來滑滑的。喜歡吃紫薯的人，不可錯過！這裏的茶粿，一盒兩個大大的，只售十五元。想一次過試多款的，可買一盒內有兩種味道的（各一個），但就要碰碰運氣了，因不常見到。…Read More

今日入西貢想散下心，但天公不造美，有微雨，所以就轉為食下小食算。今次嚟到「許姑娘家鄉茶粿」。黑芝麻皮芝麻花生餡茶果一盒有2粒茶果，大大粒，啱啱好逼滿個外賣膠盒。面皮非常香芝麻味，口感唔係硬身果種，係有種軟糯。餡嘅味道好豐富，因為餡多所以每一啖都好滿足。值得一提嘅係唔會俾芝麻味搶走晒花生味，食落仍然係有花生味嘅，花生味仲好出添。不過食一舊都好飽肚了，建議大家留小小肚先好買嚟食。題外話：個茶果應該係太好味嘅關係，連雀係都嚟引到，係海邊食食下有雀屎屙落我對鞋道😂😂😂。…Read More

行完山經過西貢，朋友說要試試呢檔茶粿，話好多人推介，呀媽又好鐘意食，於是我都二話不說買左幾盒。每盒茶粿$15，一盒2件，有咸甜2款，全部都是新鮮出爐，隔住膠盒都摸到暖暖的，我試左下面呢幾隻：雞屎藤（甜）黑色的，完全沒有餡料，味道甘甘甜甜的，不是好吃的，因為雞屎藤原本的味道重，但有清熱的功效。紫薯綠豆 （甜）紫薯味不重，皮有少少厚，綠豆餡很多，甜中有少少咸味，食落味道都唔錯。菜圃 （咸）菜圃餡多，味道濃厚，咸咸地，很易入口，好容易會食多隻，比甜的茶粿出色。眉豆 （咸）咸咸地，入面有很多餡，五香粉味不重。可惜試唔到夢蔔茶粿，一來到的時候已經賣晒，下次來會再買的。提一提，茶粿放耐左會黏在一起，要把它分開會整爛茶裸。…Read More

大約下午6點，巧遇呢間有名賣傳統手工茶粿出爐！哈哈好興奮，因為上次黎既時候賣晒。每日限量發售，賣完即止老闆叔叔用mic頗長氣地叫排隊街坊遊客耐心等待，說,仲有5分鐘，5分鐘，5分鐘😎 全部茶粿，糯米滋，15元一盒，一盒兩件說實在，非常超值，良心價。我們排第6家，買了最兩盒原味茶粿(已被前面人士買清光)，香芋皮綠荳蓉，芝麻皮花生餡和香脆花生糖。糯米滋新鮮熱辣辣 很軟糯 口感的確很不錯 (絕對要襯熱食，或回家蒸熱)內餡豐富，看得出老闆毫不嗇色。喜歡中國甜點既你一定喜歡。茶粿相對稍微遜色雖然味道正常但，口感偏硬。母親大人亦表示同意。但仍值得一試…Read More

成日都好食出大澳食茶粿同雞屎藤 但係好遠 所以一年最多去一次 琴日係西貢見到有賣 即刻二話不説買左一盒雞屎藤同一盒甜嘅茶粿 雞屎藤好難食 甜得好緊要 而且天氣凍 又硬又實 賣相亦吾吸引 一般雞屎藤都係圓扁形 呢個就好似一餅白魚蛋咁🥺為左試真啲一係咪咁難食 翻到屋企就整翻熱黎食 口感雖然好左 但係真係好甜 好失望 茶粿方面 今次試左紫薯綠豆味 個皮好厚 一啲紫薯味都冇 而個綠豆餡雖然多 但係又係實的的 一啲都吾好食 再講 兩樣食物都好油 真係吾知啲好評點得翻黎😑雖然食哂落肚 但係下次送我都吾要😔…Read More

係西貢路過見到呢一間專賣茶粿既小店，全部人手製作，就買咗一盒兩件既紫薯綠豆餡茶粿試試。外皮厚度適中，口感煙un，但紫薯味唔夠突出。而裏面有份量十足嘅綠豆餡料，食落去充滿鹹香，相當唔錯。可能因為綠豆味較重，所以稍微蓋過咗紫薯嘅味道。但整體來講都相當唔錯，甜度可以再調低少少就更好。佢一舊都相當大份同飽肚，建議二至四個人一齊分享食用～～值得一讚嘅係，店買非常友善同有禮貌，詳細地介紹每款味道嘅特點同味道👍下次再嚟西貢都會幫襯！…Read More

星期六、日到西貢的話，便可幫襯許姑娘的茶棵！近碼頭處已有能看到它的宣傳招牌和詳細的路線指引。從碼頭行了不久便可到達目的地。這𥚃的茶棵全是人手做的，一盒兩大個，價錢已由十二元升到十五元一盒，但味道依然好吃。茶粿種類都頗多，有甜有鹹的，各有愛好者。這次我買了五香眉豆茶粿和紫薯綠豆茶粿。五香眉豆餡有五香粉味，眉豆的軟硬恰到好處。茶粿皮也算薄但非常煙韌。淡淡紫色的紫薯綠豆茶粿賣相吸引，味道清新又好吃，但甜度仍可減些！…Read More

大熱天時入西貢，見到碼頭有個牌叫許姑娘茶粿，屋企老闆娘話想去試下到底有幾好食。地方唔難搵，因為跟住嗰牌行入去內街最多人嗰一檔就係。心諗有係做遊客生意，會有幾好食呀？求其買左個黎使下，聽到檔口老闆娘話係佢自己整，佢見到我地諗住即刻食，仲幫我地整熱剪開俾我地，服務態度一流。見到入面餡勁多，夠多花生，食落原來真係好足料。雖然唔會專登走入西貢，但係入到去嘅話會建議順便買黎食。…Read More

🍢星期日BBQ 在西貢，特登行入「許姑娘」買客家茶粿🤤時間重早，未見人龍，簡左FOODIE 推介「紫薯皮綠豆」餡，因為紫薯熱同夠特別😎❣️------------------------------👉🏻望落已經幾大個，拎上好重手重帶微暖，似乎係足料之作！😋👉🏻💕紫薯外皮都幾厚，食落有紫薯香，不過比較淡，唔係好出，相對個皮厚，口感食落帶煙韌‼️😚👉🏻個餡係甜味綠豆蓉，唔會好甜，而且好有實在既綠豆，重有粒粒咬口👍🏻👍🏻👉🏻食左一個好飽，整體都唔錯‼️👉🏻本身想掃貨，但個人比較喜歡大澳果個，重要BBQ 就無買外賣走了‼️👉🏻試左就👌🏻，有入西貢可以一試，價錢唔貴💰👉🏻重有好多口味，有咸有甜，任君選擇‼️下次有機會都會試下其他味🤗…Read More

這檔在西貢區很有名，專賣茶粿和雞屎滕，也有一些懷舊零食，今次第一次試香蕉糕，非常極之失望。下午 4:00 買，即晚 9:00 回到家就吃，第一啖吃到很濃的香蕉香料味道，十分濃郁，但濃到有點嗆口！ 感覺就像在吃香薰或洗衣液，完全入不到口。奇怪，為何香蕉糕中間有一層綠色的夾心，香蕉油不應是綠的，真不知是什麼人工做的香料。另外，糕底不夠「軟熟」，完全沒有香蕉糕應有的口感。永遠不會再買這個香蕉糕，好差！只有茶粿一樣較好。…Read More

星期日中午在西貢，遇著建制派蛇齋餅糉一車車鴨仔團，大媽領隊fing住支中國紅三角旗仔，用帶有鄉音嘅吶喊叫一眾鴨仔跟住佢去買許姑娘茶粿，講到好似非買不可，未食過唔好話嚟過西貢一樣。令我回想起以前做旅遊，帶啲來港旅客去行鋪收回佣嘅畫面。睇返啲圖原來只開星期六日同紅日，喺屋前開幾張摺枱嘅臨時攤檔。檔前人山人海。雞屎藤，$13，外型同傳統嘅好大分別，好似一排朱古力咁，上面有粒脆花生。質感比較煙韌，有咬口，質地英國傳統甘草軟糖。味道不濃。綠茶紅豆茶粿，$13，買回來時全黏在膠盒蓋上。質地比較軟，像糯米滋或日本大福，沒有很甜。朋友食的時候食到一條小鋼絲，疑似清潔時從鋼絲刷脱落出嚟。整體正常品質，沒有去到必食不可的地步。…Read More