Phở Sài Gòn Vietnamese Cuisine

餐廳：西貢街頭越南牛肉粉地點：灣仔克街菜式：越南菜餐牌：茶市套餐有傳統撈檬，湯粉，法包，米飯，選擇都唔少。另加一。可以用優惠價錢加小食。跟餐包基本熱凍飲品，好多選擇。亦有特飲升級優惠。街頭生牛肉湯粉 $56 另加一街頭生牛肉湯粉大大碗，生牛肉好多片，生住上枱，呈粉紅色，食落非常粉嫩，唔會太薄。湯粉可選河粉，檬粉或者金邊粉。我地選左河粉，係幼身兼非常滑溜，其他配料有洋蔥圈，蔥花，同芽菜等，個湯味道都唔錯。質素係幾好。另配青檸同辣椒比你自己調味。西貢牛肉丸湯粉 $56 另加一西貢牛肉丸湯粉就一共有八粒，雖然唔大粒，不過食落非常彈牙多汁，好好味。其他配料同生牛肉湯粉一樣。可以用優惠價錢加小食。會安烤豬頸肉 加$38 另加一半分會安烤豬頸肉一共七件，非常爽脆惹味，好厚切，仲有燶邊。配菜有酸紅白蘿蔔絲，椰菜絲沙律同沙律菜。面頭加上少少脆脆。蒜蓉牛油雞翼 加$28 另加一蒜蓉牛油雞翼一客兩件，炸得脆皮而肉嫩，牛油味適中，如果蒜蓉味濃d就更好。伴有酸醃紅白蘿蔔絲，沙律菜同椰菜絲沙律解膩。跟餐包基本熱凍飲品，好多選擇。亦有特飲升級優惠。薄荷青檸梳打有好多薄荷葉，夠解渴又健康。香茅鮮橙茶叫左少甜，我覺得都夠味，茶味中帶橙香，好清新。總括而言，今餐食物都唔錯，價錢都唔算貴，茶餐份量似正餐。餐廳環境光猛乾净，座位舒服。服務員態度非常好，會主動問你要唔要碗仔同送糖比小朋友。…Read More

今日收左工黎到灣仔呢道都有間好親民既餐廳，就入去試下啦。首先點左一個街頭生牛肉湯配金邊粉，金邊粉同河粉有啲似，行外人都幾難分得出。湯底都好香濃，味道都唔錯。牛肉同麵底既份量都好足夠，非常之有誠意，滿滿既愛。另一款就點左順化香茅豬扒飯，豬扒一大大塊，份量十足。重有沙律前菜同咪蛋餅，真係非常感恩。味道都唔錯。值得一試。跟餐加$12蚊可以升級特飲，今次選左珍多冰，甜度岩岩好，粒粒沙冰口感一流。另一杯就加$6蚊加餐飲，香茅蜜，甜度恰當，非常清涼。不錯既選擇。…Read More

每次收工就會去食好食嘅慰勞自己，天氣熱好想食湯粉，所以去咗食平時去開嘅灣仔「 西貢街頭 」食越南河粉。 平時去都會吃生牛肉河，今日就想試試蕃茄蟹檬粉～佢 《 河內蕃茄蟹檬粉 $88 》送上就見到有很多蟹膏和蟹肉鋪面，又有新鮮蕃茄肉、扎肉和蟹肉丸，相當豐富。湯底有茄香又不會太過濃郁過酸，很開胃。檬粉幼身掛湯，每口都掛有蟹膏蟹肉，實在惹味！ 扎肉厚身爽口，蟹肉丸彈牙。整體加點鮮檸檬汁就更加提鮮～《 串燒雞肉濱海 $92 》雖然很飽，但還是想多吃一點！一碟4串，雞肉燒得香口入味，而濱海就像時「米粉餅」，幼身爽口，連同炸蒜片加上越式酸甜汁很惹味！ 下次再試試其他！…Read More

灣仔一直是香港人揾食既地方，尤其係橫街小道進駐了很多不同地方的美食，其中克街是我最常去揾食的地點之一。 今次和友人走進了一間越南美食餐廳，坐位頗舒適，侍應很有禮貌地遞上餐牌，順勢就點了順化湯檬（$88）和淸遠蒸粉包（$65），另加配叫了青檸梳打（加配價$12）和珍多冰（加配價$12）。 順化湯檬有牛腩片、牛丸、扎肉。牛骨湯底香濃而不咸，檬粉爽彈幼滑，掛湯味。牛丸彈牙爆汁，扎肉大片，牛腩片鮮嫩不韌。 這間餐廳的清遠蒸粉包份量特別充足, 對於在大熱天時胃口並不太好時，吃上一碟蒸粉包配上地道的鮮味魚露，粉皮包裹着的豐富餡料，口感十足。若加配一杯冰凍特飲（青檸梳打或珍多冰$12）, 在炎熱的天氣下, 心裡自有一番清涼味道呢！…Read More

今晚去食飯，叫咗扎肉雞絲河粉和芽車快，兩樣食物裏面的雞絲都好多雞皮，以前只有雞絲沒有雞皮，夥計或現在改咗做法！我去阿叻食雞絲河$60一碗，芽莊貴佢少少，人哋都都係比雞絲唔會俾雞皮人哋食，呢間收$82一碗扎肉雞絲湯河，仲要加一服務費，一共要$90.2一碗埋單，午餐時間要搭枱，又會趕你走，晚上去食飯又問你齊人未先至俾枱你，服務認真麻麻，現在連食物質素都變差咗，咁嘅價錢去唔過！未必再有下次，現在香港飲食業艱難，香港餐廳真係都要自律、反省和改進才可以有進步和競爭力！！…Read More

西貢街頭越南牛肉粉灣仔克街6號廣生行大廈C及D座地下4-6號舖經開灣仔，老友推介地道越南菜，環境舒適，食材新鮮，果然冇介紹錯！😸街頭生牛肉湯金邊粉湯底鮮甜，可以直接飲用，面層有香草、香蔥、芽菜和洋蔥提升層次，生牛肉肉質鮮嫩，口感煙韌，金邊粉又香又滑，必食！😻海防蕃茄雞絲蝦丸湯檬粉湯底鮮甜，蕃茄味濃，雞絲吸收了湯底的精華，扎肉蝦丸爽口彈牙，檬粉軟硬適中，推薦！😄清沅蒸粉包即叫即蒸，皮薄餡靚，餡料新鮮，面層有炸蒜和香蔥提升層次，配酸酸甜甜的醬汁，好開胃！😍牛油果青蘋果沙律配料有提子乾、核桃、車厘茄、青蘋果和牛油果，香甜醬汁好fresh，健康之選。😽香茅鮮橙茶原條香茅放入杯中，鮮橙香甜，茶味清新，消暑解渴。😚話梅咸柑桔水酸酸甜甜的話梅配香濃的咸柑桔，飲完好舒暢。😁西貢街頭越南牛肉粉 環境舒適氣氛好，食材新鮮高質，回頭率高。😎🤘…Read More

好友約我行灣仔，順道去位於灣仔克街6號廣生行大廈C及D座地下4-6號舖的<西貢街頭越南牛肉粉>食下午茶餐，餐廳裝修新淨，坐得舒服。我哋點咗：📍順化香茅豬扒飯配（凍）話梅咸柑桔水 $58香茅豬扒煎得香脆可口，肉質嫩滑好味，伴碟有兩件蛋餅，蛋味香濃，好味又好食。📍街頭香茅牛肉飯配 （熱）話梅咸柑桔水$60香茅牛肉份量不少，牛肉味濃，牛肉片香脆可口又嫩滑。話梅咸柑桔水清爽。📍保寧雞絲扎肉湯粉（鮮雞湯）河粉配（熱）越南老薑蜜 $62鮮雞湯底清甜，雞絲嫩滑，扎肉好味又好食，河粉嫩滑。越南老薑蜜清潤好飲。…Read More

🍽️ 西貢牛肉丸湯河粉：一上枱就聞到香噴噴嘅牛骨湯味，碗粉熱辣辣，啲牛肉丸超彈牙，大大粒食落好滿足！河粉吸晒湯汁精華，加埋少少辣椒仔同芽菜，食到我lam lam脷，成個人暖笠笠晒！😋🍽️ 燒醋肉伴越南檬粉：呢個檬粉真係夏天必食推介！檬粉夠晒冰涼，配埋香脆嘅燒醋肉，再淋上特製醋汁，酸酸甜甜，口感豐富，食極都唔會膩，味道好有層次感，好開胃呀！🤤🥤 香茅蜜（凍）：食越南嘢點可以唔飲番杯特飲呢？呢杯香茅蜜真係解渴又清新，香茅味好突出，甜度啱啱好，飲完好fresh，完美咁為呢餐畫上句號！✨成餐飯食落真係好舒服，份量又夠，服務都好快手💯
…Read More

下雨天最適合來碗熱辣辣的湯河。特地跑去灣仔吃越南菜，果然沒失望。大大碗金邊粉，生牛肉嫩滑、牛丸紮實，湯頭香濃；香茅豬扒湯河也好正，肉汁多又不油膩。春卷超香脆，配上羅勒、青瓜、醃蘿蔔，再用生菜包住，一口咬下，滿足感爆棚。還點了炒通菜，用蒜蓉魚露炒得剛剛好，脆嫩又惹味，吃得出菜的鮮甜。兩杯飲品都免費！話梅鹹柑桔水清潤解膩，老薑蜜暖胃又香濃，完美結尾。生牛肉牛丸湯金邊粉（$62）香茅豬扒湯河粉（$62）春卷（+$22）蒜蓉魚露炒通菜（+36）話梅鹹柑桔水（$0）越南老薑蜜（$0）…Read More

中午去到食，周圍都多人唯獨呢間勁多吉位，2人4人枱都好多吉位，其實都估到有d伏，繁忙時間都咁少人食我一個走入去都要你搭張2人枱對面，我即走，你話無位要你搭無得講，成堆吉位仲要你咁迫明趕客走，永久blacklist…Read More

今日黎到灣仔搵食，係呢個區啲物價較高，但都比我地搵到比較親民既餐廳，環境都唔錯，裝修好優雅，就入去試下。首先我地點左個順化香茅豬扒撈檬，枱上有一瓶酸味醬汁，係用黎撈檬粉食，令味道更加提升，而且份量都好多，一大碗，重有一大塊豬排，真係非常有誠意，味道都好好。最緊要一定要用酸味醬。真係無得輸。另一款係街頭生牛肉湯金邊粉，生牛肉既份量都算多，湯底係魚骨湯，好香濃，味道非常正宗。重有啲配料芽菜，令口感更加提升。不錯既選擇。另外再叫多杯牛油果沙冰，香濃既鮮榨牛油果🥑，真係好健康，而且唔會好甜，味道岩岩好。沙冰🍧打到好細沙，入口即溶。呢個真係好值得一試。我個人十分喜愛。…Read More

灣仔大街特色越南菜，我地星期日晚8點到餐廳，兩個人被安排坐卡位，位置都舒適，食物亦都不錯。不過建議午市同下午茶時段去，價錢平一截更抵食。🔹會安烤豬頸肉 $90豬頸肉份量算多，厚切豬頸肉咬落都好腍，不過略嫌覺得佢烤得唔夠焦脆，如果佢再燶少少會好食好多。味道方面就淡左啲，但係加埋佢嘅越式辣醬，就變得好惹味😋🔹街頭生牛肉湯檬粉 $75比想像中大碗，不過食落好多都係湯嚟。生牛肉好鮮嫩，食落去唔會好柴，牛肉湯嘅湯底亦都好清甜，好有牛味。如果唔鍾意咁重牛味嘅話，可以加埋佢另上嘅青檸，中和返味道更加出色。另外佢嘅檬粉似米粉，比米粉粗少少，但都好好食😍🔹順化香茅豬扒飯 $86香茅豬扒煎得超好，肥瘦適中唔會太乾，調味都好出色🤤不過就油膩左少少。另外仲配咗兩件蒸雞蛋，有別於一般般蒸蛋，佢係有少少木耳同粉絲係裏面，口感幾特別。…Read More

餐廳：西貢街頭越南牛肉粉地點：灣仔克街菜式：越南菜餐牌：茶市套餐有傳統撈檬，湯粉，法包，米飯，選擇都唔少。另加一。可以用優惠價錢加小食。跟餐包基本熱凍飲品，好多選擇。亦有特飲升級優惠。順化香茅牛肉撈檬 $58 另加一順化香茅牛肉撈檬大大碗，有十幾塊牛肉，味道口感都唔錯，幾惹味，好多肉食，啖啖肉。伴有生菜，青瓜絲同酸醃紅白蘿蔔絲，薄荷葉，中間加左蔥花同花生碎加脆脆，伴有青檸半件。檬粉係幼身白色，滑溜有口感，可以自己加枱上既魚露，酸酸咪咪好開胃。街頭生牛肉湯粉 $56 另加一街頭生牛肉湯粉大大碗，生牛肉五六片，生住上枱，呈粉紅色，食落非常粉嫩，唔會太薄。湯粉可選河粉，檬粉或者金邊粉。我地選左河粉，係幼身兼非常滑溜，其他配料有洋蔥圈，蔥花，同芽菜，個湯味道都唔錯。質素係幾好。另配青檸同辣椒比你自己調味。可以用優惠價錢加小食。酸辣鳳爪沙律 加$38 另加一鳳爪一共十幾隻，好爽脆。配菜有西芹，洋蔥，紅蘿蔔，車厘茄，個味道係幾辣，不過都好食。抵食啦。蒜蓉牛油雞翼 加$28 另加一蒜蓉牛油雞翼一客兩件，炸得脆皮而肉嫩，牛油味適中，如果蒜蓉味濃d就更好。伴有酸醃紅白蘿蔔絲同椰菜絲沙律。跟餐包基本熱凍飲品，好多選擇。亦有特飲升級優惠。薄荷青檸梳打薄荷青檸梳打有好多薄荷葉，我叫左少甜，甜度適中，夠解渴又健康。總括而言，今餐食物都唔錯，價錢都唔算貴，茶餐份量似正餐。餐廳環境光猛乾净，座位舒服。服務員態度非常好，會耐心等你落單。平日下午茶時段好多人。…Read More

灣仔上班一族🙈今日早咗收工 好肚餓🤤呢條克街好多餐廳選擇 今日想食濕濕的粉面 仲有下午茶時段套餐 以前同同事嚟開呢間嚟食 牛肉粉同法包都好好味 新裝修好的店舖更光亮 環境更舒適 大部分都是卡位 下午茶時段套餐選擇好多 花多眼亂🫨🔆生牛肉牛丸湯金邊粉 嚟到牛肉仲喺半生熟 湯底都仲喺好熱 浸一浸牛肉片就好快熟 牛肉片數量好多 一啲都唔吝嗇 而且牛肉切得夠薄 質素不錯牛丸都有4粒 而且咬一啖就見到必晒油出嚟 喺我喜歡的牛丸 而且鋪滿芽菜、九層塔等香料 湯底清淡不油膩🔆馬拉盞炒通菜不能夠沒有菜 通菜炒得有鍋熱 微微辣🔆話梅鹹柑桔水一大粒話梅加上柑桔 最喜歡熱飲👍🏻解渴…Read More

好友約我去位於灣仔克街6號廣生行大廈C座及D座地下4-6號舖的《西貢街頭越南牛肉粉》食下午茶餐，環境舒適，坐得舒服。我地點左：📍保寜雞絲扎肉湯金邊粉 $62：湯底清甜，雞絲扎肉份量不少，金邊粉軟硬適中，好味又好食。📍越南咖啡豬軟骨配米飯$68：豬軟骨煮得軟腍入味，咖啡味濃，似中國的薑醋，伴碟有件好味蛋餅。📍越式傳統街頭法包 $56 ：餡料豐富，有越南扎肉、青瓜、秘製豬肝醬、芫茜和蛋香醬，法包香脆可口。📍熱越南老薑蜜（跟餐）：清潤好飲。…Read More