西塘花記 (Closed)

朋友留意左這間好耐就話不如一起試下這間入到餐廳 感覺寬敞🌸佈置好有特色 感覺幾有詩意Weekend 中午時段人流唔算多🥟雨花石水餃 （$72/8隻）賣相好靚 色彩繽紛 水餃皮採用左3 種蔬果汁 紅莧菜火龍果汁 菠菜汁 南瓜汁全部採用100% 蔬菜汁 無任個色素唔太食到蔬菜汁的味道 皮的厚度剛剛好 饀料唔太濃味 有些淡但會有少少馬蹄爽口口感🥦翡翠三鮮水餃 （灼餃- $45/6隻）水餃皮採用菠菜汁 饀料是蝦仁 雞蛋和韭菜不太濃菜味 味道都是比較清🍝肉燥撈麵 （$56）肉燥份量不算多 汁料不太夠 比較普通 這間店不太適合重口味朋友適合喜歡健康食物的女士🤣…Read More

香港人一向鍾情平民美食，尤其是餃子更是不少人的心頭好。最近友有人就推介我一試這間位於灣仔天樂里嘅餃子店「西塘花記」，據說店子源自山東、在內地有二十多家分店，主打以蔬菜汁做餃皮的花色水餃，色素百份百從蔬菜提取，絕對天然，可以吃得放心。店內地方頗大，近門口設有半開放式廚房，而用餐區則以庭園設計為主，牆上畫有荷花圖案，結合了中式的傳統風格，裝潢優雅，令人賞心悅目。餐廳主打鮮包花色水餃，一場嚟到，當然唔可以錯過。我哋揀咗兩份花色水餃、一份煎餃、一客山東手撕雞同兩杯飲品。先來的山東秘制手撕雞大大碟、份量十足，調味相當惹味，雞肉唔鞋，入口頗為嫩滑，蘸點醬汁吃，非常開胃，愈食愈停不了口！墊底的青瓜，爽脆清甜，能一解炎夏帶來的悶熱。雨花石水餃 ，水餃一客有 8 隻，上桌時會配送老火湯同醬汁。老火湯為紅棗雪耳燉雞湯，湯水味道非常清甜，滋陰潤肺，紅棗能補血、抗過敏，而雪耳亦對免疫功能有所提升，值得推薦！至於餃子方面，賣相亦非常吸引，不但外形飽滿，而且色彩繽紛，美得像一道彩虹，原來是因為餃子皮採用了三種蔬菜汁，包括紅莧菜火龍果汁、菠菜汁和南瓜汁炮製而成，加上入面的馬蹄和豬肉餡料，食落爽口得來又富肉鮮，點招牌蒜汁吃，美味。另外呢客係招牌五福水餃，餃子共有五款口味，包括白色的剁椒魚、紅色的番茄牛肉、黃色的冬菇豬肉、黑色的海三鮮和綠色的翡翠三鮮水餃，每款兩隻。剁椒魚味道頗辣，入口有泡椒的鮮酸。番茄牛肉很有驚喜，茄酸突出，牛肉有咬感。冬菇豬肉餡料夠多，肉和冬菇的比例恰到好處，食落富肉汁。海三鮮入面有元貝、蟹柳和蝦仁，加上以墨魚汁製作的餃皮，入口鮮味十足。翡翠三鮮水餃，內藏原隻蝦仁、雞蛋和韭菜，結合用菠菜汁炮製的餃皮，味道清新，很討人歡心。至於韭菜蝦肉煎餃，餃子的底部煎成金黃色，食落甘香惹味。咬開可以清楚見到入面的韭菜同蝦肉，韭菜口感有層次，蝦仁大隻又新鮮，入口一點也不油膩，配自家製辣醬吃，非常惹味。由於近年山東人頗注重養生，講求健康，所以除了慣常的飲品外，店裡還有好幾款養生熱飲供選，點咗鮮榨紫薯露同豆漿，紫薯露顏色「超級紫」，但可以放心飲用，因為這完全是紫薯中豐富的花青素使然，是天然顏色，飲落甜度自然，香濃幼滑又美味；而凍豆漿入口亦香滑無渣，充滿豆香。…Read More

同事吃過在天樂里的餃子店後，讚不絕口。周末中午在灣仔上完跳舞堂，一於去吃午餐!雨花石水餃(8隻) $72~雨花石餃子是店內的招牌，每天限量發售。七彩繽紛是故以雨花石命名，實在更像一道彎彎的彩虹，非常吸引! 花色水餃全部採用100 % 天然蔬果汁製成，既為餃子添上色彩，又不加人造色素，吃得健康又放心! 這款餃子的色彩取自莧菜火龍果汁、 菠菜汁、南瓜汁。豬肉饀料嫩滑有肉汁，加了馬蹄口感清爽，十分美味!餃子用的醬汁是自家秘製的，以生蒜、美國蘋果醋、雞油調製，酸酸甜甜加上生蒜的辛香，將餃子味道更提升，相當惹味兼消膩!紅棗雪耳燉雞湯 (套餐配老火湯) ~味道超好! 難得是紅棗雞湯是補湯，我體質屬熱底，平日甚少喝，這天竟然喝完還想追加。不但不覺燥熱，反而順喉又滋潤。味道鮮甜，火喉十足，而且不加味精 ，飲後不口渴。韭菜蝦肉煎餃(6隻) $58~薄皮金黃香脆，饀料仍保存了肉汁。蝦肉爽滑彈牙，配韮菜口。鮮榨紫薯露，套餐加$15~有濃郁的紫薯香，幼滑而低甜，質感豐厚，喝得很滿足!餃子套餐可以特價配湯麵及飲品。養生特飲全部熱製，自家鮮榨，除了紫薯露，還有南瓜露和淮山露。原來生熟餃子除了堂食，還可以外賣。生的帶回家放進雪柜，吃時取出灼熟便可。意猶未盡，買了兩款生的水餃，與另一半分享。其中外套餐的美味雞湯，即時喝了。因回家時已晚，放進雪柜，翌日享用。雨花石水餃- 8隻(生) $72~自家灼熟在賣相還可以，當然比不上堂食，所以沒有拍照。但還很鮮甜，存放了一天，仍不減美味!海三鮮水餃- 6隻 (生) $49~這款是熱賣的餃子，黑色外皮取材自墨魚汁，饀料有蟹肉、元貝、蝦仁，也是皮薄饀靚，鮮甜美味!生熟餃可外賣，如想節省時間，可預先訂購，自取時便不用等侯。外賣以多格盒盛載，另配蘋果醋、 辣椒油、鎮江醋等醬汁，包裝妥當，方便攜帶。店員殷勤服務好，地方雖然不大，但環境舒適。中間一排卡座是仿古橋的座位設計，窗框、餐枱、椅背均有花形圖案，營造水鄉的氣氛!西塘，江南六大古鎮之一，以小橋、弄巷、廊棚眾多而見稱。多座特色古橋跨越逾千年川流不息的小河。為此清雅脫俗的水鄉情懷，自古騷人墨客留下不少詩詞。裝潢很有心思，配合店名西塘花記，門面有粉色的花卉圖案，牆上投影了兩首詠西塘的詩句，還有荷花牆畫，既有詩情、又有畫意! 在西塘詩句的燈影下，仿古橋設計的卡座上，品味如七色彩虹的餃子，散發著橋影、長廊，煙雨淒迷的水鄉風情，想不到小店竟然有此意境! 在此又發了點詩興，寫了 「西塘詩下嚐百味 花記橋上啖七色」 為此食評的標題!…Read More

在半年前，跟好姊妹走到灣仔天樂里一間大陸網紅的特色餃子店 <西塘花記> 食午餐！當我們一走進小店，這裡跟一般的餃子店 ，格局完全不一樣！ 裝潢設計優雅舒適，以荷花作背景圖案點綴！餐牌：紫薯露 (原價 $28 跟餐 +$15)紫色的紫薯露，味道純天然，好 pure！ 天然的少甜，質感尚算濃稠，喝後並纖維仍黏在杯邊！可見真材實料！鮮花伴木耳 $28黑醋酸香醒胃，加入細碎的蒜頭粒，添上一份獨特的蒜香，也同樣令人開胃！雨花石水餃 $72彩色的雨花石水餃雖然並非每隻也是均稱公整，至起碼無爆口！:)加入細碎的馬蹄粒及豬肉，每一啖都嚐到馬蹄粒，清爽均勻口感討好！蘸上酸中帶辣的醬汁更惹味及風味！招牌五福水餃 $78餃子皮厚度適中，每種口味各有特色！我未知餃子有什麼口味！由淺色至深色皮食餃子，讓我味覺上帶來驚喜！紅色：蕃茄牛肉，唯一最爆汁的餃子！不忘蘸上，令口味錦上添花！紅棗雪耳燉雞湯 (跟水餃附送) 原價 $20入口清甜濃郁又滋潤！而且少油，令人飲得健康！自家製酸奶 $26味道似乳酪，但意想不到質感似牛奶布甸的固體狀態！…Read More

同朋友路過見到，入去試下，叫左五福水餃，黑松露帶子餃，韭菜蝦肉煎餃，海蜇頭五福水餃，蕃茄牛肉唔錯，朋友覺得海三鮮餃好食，煎餃有驚喜熱辣辣啲汁夠多，海蜇頭有芫荽（唔食記得叫走），啲餃子本身會連醋上，大家可以試下原汁原味食，食好食啲，但個黑松露餃子，黑松露味唔夠。跟餐送嘅紅棗雪耳燉雞湯唔錯，配水餃食又係第二種食法會鮮甜啲。桂買紅棗茶有6粒好甜龍眼。朋友叫左鮮窄淮山露，味道清甜唔錯，重淮山味，香港小有既野。服務尚可，店員有笑容。…Read More

西塘花記係灣仔開左一段時間，彩色水餃的確好吸引西塘花記其實係一間國內網紅山東餃子店，出名用蔬菜汁做餃子皮，餃子餡亦有不同口味！店內係開放式廚房設計，可以睇住佢地包餃子，可惜食完覺得不外如是，亦不藉一試🥟五福水餃:HKD78我地揀左五福水餃，五種色五種味道，大感失望⚪️白色的剁椒魚:口感好怪，內裡係一大舊的魚膠，口感似蝦膠，但丁點兒的味道都沒有🟢綠色的素三鮮（雞蛋、韭菜、蝦仁）:口感可以，但無菜香味🔴紅色的番茄牛肉:入口完全沒有蕃茄味同牛肉味，除左紅色真的唔會聯想得起🟡黃色的冬菇豬肉:冬菇味少許但唔香⚫️黑色的海三鮮（蟹柳、元貝、蝦仁）:正常味道，口感普通，所謂三鮮味無咩特別餃子皮太厚了，入口感覺好粉，蘸餃子的醬汁酸酸但一蘸就完全蓋過餃子味道跟餐有個紅棗雪耳燉雞湯，但入口苦澀，無再飲落去 🍝雞絲伴粉皮:HKD48只有麻味但不香亦不辣，但配菜過多，夾不起粉皮，雞絲太少🐔蒜香雞翼:HKD46雞翼炸得幾好幾乾身，熱辣辣又脆口蘸的蒜蓉汁好似泰式辣醬好開胃其實網紅真的無想過可以差成咁！唔係唔好食，係好難食！成日都俾D外貌吸引結果恨恨地又中伏！…Read More

成日經過見到招牌五色水餃好吸引,終於入去試下招牌五福水餃($78)冬菇豬肉餃-黃色,內有冬菇豬肉,皮係南瓜汁海三鮮水餃-黑色-內有蟹肉元貝蝦仁,皮係墨魚汁蕃茄牛肉餃-紅色 內有蕃茄牛肉,皮係紅莧菜火龍果汁翡翠三鮮水餃-綠色,內有蝦仁雞蛋同韭菜,皮係蔬菜汁剁椒魚水餃-內有新鮮淡水魚,皮係白色原味全部冇加人造色素,皮夠薄餡料又足夠湯係紅棗雪耳燉雞-無味精味濃又足料小食皮蛋,好彈牙醉雞好滑紫薯露-健康又養身山渣雪梨水-好清甜好好味牛肉面好好味,湯底好濃牛肉味,牛肉好淋好軟身面條好彈牙,同餃子一樣咁出色,意想不到…Read More

餃子專門店要做得住，實力固然重要，但心思、賣相同口味都好重要，大多食店都在口味上花功夫，如咖喱薯仔羊肉口味、日式紫菜豬肉、芫茜海鮮、芝士松露豬肉、辛辣芝士豬肉等，《西塘花記》比較特別，除口味創新外、賣相都非常吸睛，吸咗我呢個手機食先嘅人仕去試。［雨花石水餃(8隻)$72］⭐️⭐️三色彩虹水餃皮係用紅莧菜火龍果汁、菠菜汁、南瓜汁製成，將整隻餃放入口，根本唔會食到餃皮有味，只食到餡料馬蹄同豬肉，可惜豬肉質感太碎變得好奇怪，而餃size同臧姑娘水餃差唔多，所以我覺得唔值呢個價［招牌五福水餃(10隻)$78］⭐️⭐️有剁椒魚水餃、番茄牛肉餃、冬菇豬肉餃、海三鮮水餃、翡翠三鮮水餃各兩隻，五款試晒都唔覺有咩特別，因為味道完全唔突出，甚至差過超市水餃，仲要所有水餃唔夠熱，所以呢個招牌不試也罷［番茄牛肉湯麵$56］⭐️⭐️⭐️牛肉用的是牛𦟌，筋相當多而且不太腍，口感太差，麵幼身彈牙掛湯，番茄湯底新鮮香濃，一碗麵份量唔算少［西塘燉牛腩飯$58］⭐️⭐️⭐️牛腩非常入味兼軟腍無黐牙，薯仔紅蘿白同樣腍同入味，汁香濃送白飯一流，不過飯有好多飯焦同埋唔係靚米［山東秘製手撕雞$48］⭐️⭐️手撕雞唔夠入味而且多骨，醬汁唔香濃，就算青瓜都無乜醃過，不試也罷四人共消費：$312…Read More

放工附近搵嘢食，平時唔多鍾意食水餃嘅我見到呢間咁多好評，啲餃又同我平時食嘅唔同，即管試一試。門口一望入去以為好細，入到去原來有好大空間，環境都算乾淨。我哋叫咗個招牌餃同一碟醉雞。雞嘅酒好香，不過隻雞就一般。至於招牌餃，個人比較鍾意海鮮味 同冬菇豬肉，如果啲皮薄啲就更好。除咗水餃之外，呢到仲有小菜套餐，下次可以試吓。…Read More

南京有個雨花台，江蘇出產雨花石，也許就是概念的源頭，但西塘花記的雨花餃子更漂亮，就如彩虹變身，紅黃綠白相當吸睛。五顏六色，來自大陸連鎖店品牌卻又無需擔心，因為色彩絕非來自染色素，而是百分百天然、以新鮮蔬菜汁及水果汁造成的，鮮艷的色彩異常吸引，創意無限有睇頭！雨花石水餃 $72/6隻有理由相信雨花石水餃是所有客人必點的項目，尤其是首次光顧。火龍果汁、菠菜汁及南瓜汁的巧妙配合，拜師傅的手藝，令餃子造型如七色彩虹，看清楚就只缺藍及紫。餃子以馬蹄及豬肉作饀，爽口多汁，豐富討好。若然蘸少許招牌蒜汁，添一分酸香，吃得開胃。招牌五福水餃 $78/10隻招牌五福水餃相信是另一熱門之選，一色兩件，黑白紅綠黃的餃子款款特色，。黃色冬菇豬肉餃最原味，餃子皮以南瓜汁混成，輕輕的南瓜甜，提升冬菇豬肉的香。翡翠三鮮水餃呈綠色，以蝦仁雞蛋作饀、菠菜汁染餃子皮，味道比較清。蕃茄牛肉餃內藏紅莧菜及牛肉，茄酸特出的牛肉球餃子，值得試試。白雪雪的辣椒魚水餃看似原味，其實內有乾坤，泡椒配魚肉，魚肉不算鮮但泡椒酸辛特出。最後的海三鮮水餃成份包括墨魚汁、蟹柳、元貝及蝦仁，鮮味十足，元貝味最特出。韭菜蝦肉煎餃 $58/6隻意猶未盡再來一份煎餃，皮薄饀靚，餃皮薄而脆，沒有投訴。小吃方面，水準中規中矩。四喜烤麩 $46可以更能更入味就更好。山東秘製手撕雞 $48 雞肉肉質不俗。一份水餃，五種味道，為平板的水餃添生氣，面積不小，企理整齊，有幾分江蘇味道，價錢合理，食物水準之上，整體平均分 3.5/5，值得重臨。…Read More

與同事黎到了位於銅鑼灣的西塘花記食午餐，估唔到有意外驚喜！地方佈置得幾舒適之餘，亦都幾好坐！招牌五福水餃🥟多色小籠包就食得多！今次當然要試下依一度招牌菜式。五福是指剁椒魚、蕃茄牛肉、冬菇豬肉、海三鮮同翡翠三鮮！每款兩隻，所以幾適合2-3個人食！餃子皮薄多汁，餐廳更上埋雞湯一起食！我自己最喜歡就是海三鮮，口感有層次同超鮮甜。花雕醉雞🐥值得一試的開胃冷盤，酒香入曬香滑的雞肉度。酒味亦岩岩好，不會太苦太濃！紅燒牛肉麵🐂湯頭濃郁的牛肉麵，賣相不俗亦份量十足！牛肉口感軟嫩，一試難忘！西糖可能是一間新店，但每碟菜式都用心講究，水準有保證！性價比高，可以encore.…Read More

見到西塘花記餐廳外的poster花色水餃,五顏六色,好吸引,於是和友人入去餐廳一試。雨花石水餃 8隻/$72雨花石水餃顏色好像彩虹一樣,美美的。望著繽紛的水餃,真不捨得吃呢。水餃有三種蔬菜汁,分別是菠菜汁,南瓜汁和紅莧菜火龍果汁。真是十分健康餃子之選。餡料有馬蹄,豬肉。一咬開子,那些肉汁湧出來,多汁。又選了招牌推介的招牌五福水餃 10隻/7$8五福水餃有蕃茄牛肉餃,剁椒魚水餃,冬菇豬肉餃,海三鮮水餃,翡翠三鮮水餃。五福餃子五種顏色,賣相討好,食落亦各有特色。其中我最喜歡蕃茄牛肉餃。水餃水是粉紅色,採用紅莧菜火龍果汁,十分天然。餡料是蕃茄和牛肉粒,味道豐富,突出。每碟餃子配送老火湯, 是紅棗雪耳燉雞湯。湯不錯,不是味精湯,LIKE~蒜香雞翼$42外皮香脆,入味。自家鮮榨紫薯露$28這杯自家鮮榨紫薯露值得一提,不會好杰身。甜度適中。絶對要點。…Read More

上次行經天樂里時發現有一間新開的食肆，叫西塘花記，好像是吃餃子的，好想試下，今日約了阿姨一起食lunch, 一於就入去試下la店子在天樂里這條老街中甚為顯眼，粉紅色花花的裝飾，好靚呀人手即包餃子，可以食到即做新鮮餃子真的很開心！ 雨花石水餃(8隻)$72~ 賣相非常漂亮，像是一道道的彩虹，未食已經覺得很興奮水餃皮採用三種蔬菜汁: 紅莧菜火龍果汁， 菠菜汁和南瓜汁， 配紅棗雪耳燉雞湯。 花式水餃全部採用100%天然蔬菜汁, 不添加任何色素 , 食得非常放心，餃子皮煙韌有彈性 ，餡料用鬆軟的豬肉， 加上爽脆的馬蹄，口感非常豐富紅棗雪耳燉雞湯味道非常濃郁和黏口，真材實料，用來送餃子一流用來點餃子的醬汁是由生蒜，美國蘋果醋和雞油混合而成，充滿蒜香，亦有醋嘅酸甜味道，好解腻，用來蘸餃子好美味，好出色招牌五福水餃(10隻)$78~ 包括剁椒魚水餃,番茄牛肉餃,冬菇豬肉餃,海三鮮水餃和翡翠三鮮水餃， 色彩繽紛的餃子皮令人食慾大增，這個餃子皮比較煙靱，彈牙， 餡料款款不同。其中最喜歡蕃茄牛肉餃，牛肉碎鬆軟再加新鮮蕃茄粒，正！翡翠三鮮餃有大量的韮菜和蛋，也不錯雞絲拌粉皮$48~ 配料有 紫椰菜，絲青瓜絲， 蜂巢豆腐，大量生蒜, 蔥碎, 芫茜碎，嫩滑的雞絲和粉皮，最喜歡店家自家調配的汁醬，酸中帶麻辣的香味，加上大量的生蒜和芫茜，非常美味粉皮是由麵粉做成的，不是坊間用綠豆粉做成的粉皮，這個粉皮質感非常滑溜，比陳村粉還要軟滑，好正蒜香雞翼(5隻)$42~雞翼炸得非常鬆脆，肉質鮮嫩juicy, 充滿蒜香，美味鮮榨紫薯露$15~口感濃稠，啖淡都係紫薯蓉，不甜，好fresh!薏米檸檬水$10~ 有清熱利尿，去水腫的功效，非常適合夏季飲用…Read More

在網上看過這兒的餃子，早已大感興趣！這家主打色彩艷麗，如花兒般吸引眼球的餃子~然而這些外皮紅紅綠綠 黃黃黑黑的餃子都是用純天然的蔬菜汁液混合粉團所造成的，咁就可以食得安心又放心啦：D今日中午終於拉埋同事黎陪我試下呢度既彩色餃子原來除左有唔同款式口味既餃子之外，仲有唔少涼拌菜色同小食啵，選擇都幾多元化！！我地都係第一次黎食，所以想試多幾款唔同既口味，所以就要左一份 招牌五福水餃$78，一份 四小福水餃$72一齊share，咁就差唔多可以試勻曬咁多款口味啦：]另外再要左碟 夫妻肺片$48做小食，我地驚唔夠飽仲加咗一碗雜菌湯麵$25 share添~~~夫妻肺片份量唔少之餘，辣度都唔輕！！！難怪店員會問我地洗唔洗轉做小辣啦~~~好彩要左小辣，如果唔係我一定食唔到之後兩份餃子都一齊送到，每份餃子都附送埋湯同醬料添！個湯飲落清甜，飲得出無落味精，靚湯配餃子而附隨既醬汁偏酸帶微辣，餃子沾上後，鮮味更出，愈食愈開胃：)而呢度既餃子粒粒飽滿，內餡足料，自己最中意既係五福水餃入面既海三鮮（黑色），而四小福水餃入面同樣係黑色既紫菜豬肉餃第一次食用紫菜做餡料既餃子，特别得黎味道又好呢碗湯麵清得黎又唔會寡，仲有唔少雜菌係湯面之中添：）我同美女同事食完都大叫飽飽好滿足~~~…Read More

夏天天氣實在太熱,不想吃傳統的午餐，今天便去這間西塘花記。餐廳之門口及內部都佈置得優雅脫俗，卡位之設計像在亭園中,又以櫻花點綴天花板。所以望著荷花的牆畫，令人想起王昌齡的採蓮曲，荷葉羅裙一色裁，芙蓉向臉兩邊開......令人產生起淡淡的詩情畫意。此店除了出名的餃子外，還有小菜、麵、飯、冷盤、特式飲品、甜品等。招牌五福水餃$78,包括：剁椒魚水餃、番茄牛肉餃、冬菇豬肉餃、海三鮮水餃及翡翠三鮮水餃。紅、黃、綠、白、黑,五彩繽紛,令人食慾大增,款款都好吃，餃子皮很滑,而且不是人工色素,成份絕對天然，吃得滋味而放心，非常健康。加上那碟蒜蓉汁,少少辣更能夠提升口感層次。韭菜蝦肉煎餃$58,餃子底部煎得金黃香脆,但又不覺得乾身。韭菜比例很好,內餡配上蝦肉很夾。咬落感覺韭菜很香和肉汁鮮味,味道不太濃,好吃。鹽酥雞飯$54,轉菜飯+$8。鹽酥雞球外面香脆,內面啖啖肉,味道剛剛好,再配以酸辣蒜蓉醬汁,送飯一流。西塘燉牛腩麵$58,湯底不太濃，少味精，味道非常清甜，感覺健康，吃完之後都不會口渴。麵質咬落煙韌，加上炆得入味的牛腩一起吃，真是好啱我。鮮榨紫薯露$28, 天然得來充滿紫薯之香味,飲落口感豐富又健康。吃完主食,最後選了甜品,自家制的百香果酸奶$28,入口冰涼可口,真是健康之選!這間餃子店之裝修充滿詩情畫意,加上餃子別具心思及顏色吸睛,種類很多,起碼有多款啱大家食。而且,整體食物質素好,免加上,價錢相宜,真是好的選擇。…Read More