Yuwo Japanese Restaurant (Closed)

天氣好熱, 周圍向淘大搵野食, 行到門口, 比入面既冷氣吹出來吸引住.....咁就2話不說入左去了......蛋絲饅魚飯：份量好少，沒有照燒汁（可能因為饅魚是碎上的），比較乾口。三文魚蟹子壽司飯：諗住熱熱地，叫ｄ凍食野啦～但我覺得自己好似食緊豉油撈飯咁，得４小片三文魚同小量蟹子（向其他日本店食呢個價錢既魚生飯唔會咁少家囉！），ｄ飯又太酸，好難入口。而三文魚都叫做ｏｋ新鮮，但真係太少了！成個飯我覺得最好味既係舊wasabi囉....唔太攻鼻搶喉公道講句，呢間野冇錯！只怪我冇睇清楚個餐牌，餐牌幅圖其實都已經show左只係得4塊三文魚牒jek！我地要跟餐每人+$6 要罐可樂先飽肚咋陰公！唔怪得向淘大其他餐店都full晒既lunch時間, 呢間野會咁少人幫襯啦......…查看更多

其實淘大除了''錦''是可以說得上稍為OK的日本料理之外, 其他都是連鎖的, 質素都好一般般.而這家裕和, 雖然開業都應該好多年, 但一直不敢試, 不過這天來到附近, 行來行去都決定不了想吃什麼,經過這家看看餐牌, 嘩二人餐有壽司有牛肉窩有天婦羅等等都只是2百元左右? 聽起來好像很吸引, 見不用等位, 放膽試一試店內不大, 但人不是很多, 差不多晚上8時左右就只有3,4枱食客. 我們選了比較入的一張卡位, 誰知一坐下, 桌上就看見有3,4隻蚊滋飛來飛去了!!看看餐牌, 有單點的比較貴, 也有不少二人四人餐.那我們就點個精選二人餐 (HKD$208)先來個蟹子沙律份量好少呀....而且醬好多. 吃下去就只有沙律醬的味道.壽司盛名字聽起來好豪華呀~~怎知是中伏了. 壽司只有六件, 全部都是軍艦, 有櫻花尤魚, 沙律三文魚, 主要都是有沙律醬在內的, 全部都是一PAT PAT的, 賣相有點嚇人. 吃起來仍是沙律醬的味道. 櫻花尤魚很乾.雜錦天婦羅這個就中規中距, 脆漿不算很厚, 蝦很小只, 南瓜, 茄子那些算是OK, 不過油好多.牛肉雜菜鍋超迷你的一個鍋. 牛肉及配料上桌時巳經基本上巳全熟. 牛肉很乾好老, 菜不多, 最奇怪是上桌時才加了隻生蛋在上層, 但又沒爐加熱, 牛肉及配料又不是很熱, 根本就是生蛋汁拌牛肉. 雖然打邊爐都是會這樣吃, 但日式鍋這些上都好奇怪.爆炸蝦卷其實就是普通的炸蝦小卷. 相比起之前幾款, 這道味道算是OK的. 蝦仍帶點脆, 飯不算多而且帶黏口. 海鮮炒飯比較油的一碗炒飯. 尤魚粒和青豆佔了配料的大比數, 但其他海鮮就沒看到. 連蝦米都找不到一粒.埋單加一差不多要HKD$230左右雖然食物是幾多款式但全部味道都麻麻, 有些甚至強差人意.試過這次, 真的怕怕…查看更多

今日細佬突然話請我食lunch.咁我就同細佬行下淘大睇下有咩食。點知比我發現佐呢間鋪咁我就食佐個花之戀餐, 哇!!!個花之戀好好食阿仲要佢個三文魚壽司塊三文魚好大塊，比較厚。正!!咁我細佬就要佐個星期一，個餐裡面有炸ge野細佬食過返尋味大讚!!!!因為我同細佬都打算返屋企食，所以先打算外賣，個老闆仲要好好人好細心!因為我個花之戀都系生ge,老闆驚我兩個餐放埋一齊會令細佬個餐ge熱力整數我D三文魚特意分開兩個袋裝下一次都會去果度食…查看更多

原本要去栢檔，由於囡囡肚子有少少唔舒服，想吃曰式泠麵，我又不想去和民，只好到這店一試。過去只會過门不入，因看見多數人吃拉麵和定食，給我觀感不太好，今次之後，改觀了。首先，店舖如常，大把空位，於是坐window side六座位。服務員有少少怕羞，太敢主動介紹，也難怪，進店後遲遲也不点菜，當開始點菜，也知我和囡囡想和喜歡吃甚麼，要刺身和新鮮食物，於是便介紹三文魚頭軟骨(28元) - 估唔到是刺身，醬油、青瓜加紫菜，絕配...超爽..yummy yummy活赤貝刺身1客兩隻(78元) - 新鮮、爽脆鮮甜，超級市場也要30多元一隻，現在只須39元一隻海膽刺身一板(128元) - 當一介紹，我即問幾錢，果然有準備，即回答128元一板，超市價。侍應姐姐有水準，須左問右問才知價，再者，侍應姐姐問要唔要飯，有常識，但對我們"冇飯家庭"...sorry。海膽新鮮，紫菜也脆，欠缺青瓜則有点可惜。魚鮫刺身(68元) - 嘩!真係有蛤蜊隨街跳新鮮和清甜，約八片....以下就自已想吃清酒煮蜆(48元) - 沒錯48元..大大煲，酒味不太濃，適中，部份蜆有少少沙，美中不足:(燒牛舌1客兩串(42元x2客) - 第一round有黑椒，會過份乾身，厚切是可令牛舌Juicy。第2round要黑椒，不知是否師傅不滿意order要黑椒，燒後上碟，有過份多餘油在牛舌表面，不過也好好味中華冷拉麵(43元) - 失敗之作，賣相也是第一次見，上枱已聞到鹼和酸，火腿、玉子、青瓜、蟹柳、紫菜、冷面和醬汁....:(:(。不過仔仔居然全吃下，可能肚餓特價6色壽司(48元) - 拉麵是失敗，巨形海報招牌特價壽司，相跟現實是一樣，所以:(:(:(飯是較乾，欠黏度，魚生也較乾，師傅也做到足，少量芥茉放在壽司，不過整体是失敗。牡丹蝦也相當抵食，不過沒有點，隔離枱有点，賣相相當不錯整歺577.50元...真的很抵食…查看更多

之前買下的團購卷, 倒數日子也差不多到期 今晚相約老友順道聚聚舊 選了二人餐, 因為唔想煩 餐前小食 : 橙色墨魚 + 響螺 都是一般超市貨色 雜錦剌身 : 每款有三薄, 有三文魚, 其餘個兩款忘記種類, 看似不太新鮮而且味道也很淡 小食多滋味 蟹子軟殼蟹卷 : 飯卷成死實實咁, 軟殼蟹亦十分硬淨 (比所謂脆更高Level), 沙律醬下得很重手, 味道偏酸了點 照燒豬爽肉 : 燒得不夠火喉, 口感很油重, 太干身, 認為最差的一味 香辣三文魚頭鍋 : 配料豐富, 主角三文魚頭半隻, 菜, 金菇, 豆腐, 紅蘿蔔等 魚湯較淡, 而本來可以正正常常的, 但辣椒醬的味道是拖垮了整個窩的味道 焗鰻魚炒飯: 最好味的一個飯, 有點飯焦, 每粒飯也吸收了鰻魚汁的香味, 窩底也有飯焦粒,夠香口又好味 生意難撈的日本餐廳, 盡量也給予支持和豉勵 希望業界同心努力經營下去 …查看更多

突然間好想食日本野,行左成個淘大, 最後都係決定食呢間,諗住佢唔會太貴先食佢,8:30pm 咁上下, 入到去冇咩人, 唔使等,坐低就即刻叫我女友最鐘意的蒲燒曼魚飯,然後就叫左幾樣壽司,當然! 老板婆就出動介紹有咩好食~ (不過通常我都唔理的)叫左個牛油果蟹柳軍艦, 三文魚壽司, 玉子壽司,另外仲有個鹽燒三文魚鮫呢個唔係度度有得食, 所以幾surprise~味道可以, 最魚都幾厚幾大件, 但冇一種升天既感覺.呢個最好食!!! 28蚊勁抵食!!!!後來比老板娘聽到我話仲意食牛油果, 就硬sell我試下個牛油果壽司, 之後再叫多個油甘魚壽司.味道還可以~ 不過最初落單的壽司竟然冇落單.總結來說一般啦水準.…查看更多

我同3個朋友去食啦,叫左4樣野,4樣都咁難食1,金菇三文魚飯(朋友)2.豆腐內粒飯(朋友)-肉粒勁碎3.咖哩豬(朋友)-我試左一啖超咸,又無乜咖哩味4.魷魚套餐 $36-有3文魚刺生(最好食)-炸魷魚圈(麻麻)-沙律(冇食,差5多全部青瓜絲)-凍飯(硬,難食)-凍鴨胸(出面買o個d味)哩個餐基本上食完好似冇食過咁!…查看更多

同男朋友去九龍灣睇早場，之後去左淘大行陣街，見到一間日本餐廳，入面又有唔少人，門口D相又幾靚，就入去試試，入到去，招呼算唔錯，之後叫左個豆腐滑蛋飯，同埋炸XX魚飯，個豆腐滑蛋飯都唔錯，係D洋蔥太多，同埋有D生生地，好在我唔怕生洋蔥，男朋友就唔鐘意啦！而個炸XX魚飯，我都唔記得叫咩魚，炸得都幾脆，又無咩腥味，跟餐叫左汽水飲，無試到D魚生飯等等…所以無之前既食家咁多不愉快既經歷，食完依餐日本野，攪到心思思想食韓國野。。。。…查看更多

食lunch...叫了廚師推介set...有茄子,燒豬頸肉, 刺身, 飯*雖然幾平...$30....但....麻麻地好味...其實都好味既...茄子同豬項肉都ok...一般既standard....刺身就...都幾唔新鮮下....-____-下次我會....去番附近間台灣壽司.....…查看更多

一個人得閒冇野做,就試下遊走下香港唔同地方本來諗住去牛頭角下村食野,小弟真係唔太留意時事,人地重建咁耐都唔知結果就去附近搵下野食,結果就黎左呢間日本野睇個menu,每日有唔同既推介,d 價錢都好似幾抵wo, $31 有幾件"次"身,野飲,薯餅,送同飯咁就叫佢星期五既推介la,有我最鍾意食既曼魚一黎到睇到曼魚個樣就知出事,食落真係連我呢個曼魚fans都覺得難食次身又唔夠新鮮同溫度唔好...唔夠凍反而個薯餅係最好食....不過一早炸左唔熱...........咁既價錢,唔可以太大要求吧?…查看更多

未試過食d咁難食ge拉麵同飲咁難飲ge麵屎湯放左學去食飯,,見到佢話每款28蚊起ge午餐定食..諗住試下冇壞啦,,點知一入到去坐低睇menu時..就知領野,,樣樣都3x-4x,,得一個定食係$28..唉~感覺好似俾人呃左入黎囉,,,唉~算囉算囉..咪照揀野食,,d waitress都見到我地揀唔落手ga.揀左1x分鐘都揀唔到,,間鋪又唔係多人,,全店年齡最大果個waitress問左我地2次食咩..感覺似俾人催咁,,.最後叫左x燒拉麵,,碗野黎到,,,pizza咁大ge碗得幾片x燒,...唔講都唔知自己原來食緊x燒..d麵口感硬硬地,,好似唔夠熟咁..d麵屎湯淡到喊,,其實$30唔應該食呢d水準ge野…查看更多

今晚無無聊聊... 公司已預約的客人又放了我飛機... 所以就早左放工 , 但臨時臨急就無約人... 悶悶地就遊到淘大找吃..... 都已8時多... 見此店都約有一半滿就入去一試....其實入到去d 位都幾貼... 坐位不算舒適 , 而且樓面得1個服務員(無黎笑容的 :( ) ..... 但都入到去即管一試 , 叫了個三文fish便當set ($69) , 論價錢不過不失啦...入得來最重要好味 , 其他如座位 , 價錢都還是其次..... 先上台的是麵豉湯..... 真係第1次見.... 麵豉湯內放隻膠匙更 :( ... 真係唔係 fa..... 真係覺得好攪野 , 心諗 pk 啦.... 間野咁既.... 陣間唔知個 set 會上成咩樣.... 果然 , 幾分鐘後我的三文fish便當set 就上台了 .........賣相如果用5分計 , 我最多比2分 , 因為個2見壽司飯大大粒而且楂得唔實 , 上台已其中1件散散地... 咩 mood 都散晒啦.... . 論味道我都係比2分 , 當然係因為唔好食啦 , 便當內的fish生飯好一般 , 太過黏 , 無飯香 , 感覺米唔靚 . 份量來說我覺得唔算細份 , 可能唔好食啦 ....所以唔覺得唔夠食 . 仲有呢間店係要另外"加一"的 , 但竟然係見d客要自己出去埋單 , 可能佢係有服務員埋單既 , 但成個場得1個女服務員 , 又要執台 , 添茶 , 傳菜咩都一腳踢 ...... 等得黎都蚊訓....所以個個都寧願自己行去收銀埋..... 但如果連服務都比唔到 , 還有資格收"加一" 嗎???????????????? 其他的日式料理店子 , 一般的茶很香 ,但此店另一敗筆處是茶 , 只有形而無味 . 真痛苦 , 今晚竟然入了一間無靈魂的日本料理 . 呢間應該唔會再番叮了.... …查看更多

食完呢間野個日想即時上黎搵呢間野既食評,結果搵唔到今日無無聊聊係OPENRICE 上九龍灣搵有咩好食竟然見到呢間野令我不得不下筆寫!同女朋友一齊食LUNCH,入到去人不算多,眼看仲有一半空位,比Waiter 分配到一張非常逼的二人台,我有禮貌要求可以轉到四人台嗎,點知廚房個啊叔(我估係老闆)超無禮貌咁應我一句'' 緊係唔得喇!'' 我即時三冒火起,心言念 你依家好多人啊間舖?一半都唔過,你有禮貌d我都無咁火真係,正想離開時,女朋友叫我冷靜,~ 好,就食完睇下咩料, 個時心情已經唔係咁好啦,求期點左一個叉燒拉麫算,叫女朋友唔好點野食食第間好過.12點九落單,1點1都未黎d野食,比我遲黎2,3枱黎既人d野食都黎,我個叉燒拉麫都未黎?趕反工架!!吹左好多次 次次都話黎緊,叉燒拉麫喎,唔係咩難整既野,唔通即時燒幾塊出黎??等到點2,d野食終於黎,食落, 叉燒同瘦肉無分別,面又係石更既,,食左一半,放抵走人係九龍灣反工,想再黎食都幾難下,野食又唔係好食,呢樣都唔緊要,個態度衰到咁:(…查看更多

放學後跟同學食lunch , 有位同學比一位熱情既嬸嬸招待跟住就去左試依間野喇入到去, 環境係唔錯, 招呼亦算周到,但係黎左個餐之後就係惡夢既開始 叫左個三文魚set , 但份量少得好可憐 d飯好實好黏, d三文魚唔新鮮唯一好少少就係個花之戀 ... 起碼有賣相 ...依個set都要咁既價錢 ...早知行過廿米, 已經有間鐵匠等緊我 ps: 半價的話, 都要諗下黎唔黎 ......…查看更多

應友人既提議,就黎左呢間日本料理既鋪頭中午點幾鐘,爆滿人等左幾分鐘有位...加埋我及友人,總共5人俾左4人位我地,坐得好迫睇左一陣餐牌,叫左個「和風叉燒拉麵」送上一杯茶,小弟由細到大都有飲茶既習慣一試味..鐵觀音,而且溝左97%白開水4個字..淡而無味之後黎左個前菜,無耐就黎主菜先聞下個味道,的確有湯底既香味飲啖頭湯,居然即刻令我諗起「合_道」果d味精水我唔信,再飲多啖唉...事實是不能夠抹去的再試下拉麵又如何,感覺好似中國果油麵,帶有少少似甜身味既麵咁而且佢d拉麵唔係圓身的,直頭係杯麵果d麵,不過就比較粗身少少,係少少最後食埋d叉燒,好軟身好咸,而且好索水,索哂d湯底味我估計d叉燒係放過一兩日的味道:味道一般,屬於剛剛可以接受既程度環境:好迫,轉個身都好難,而且比較暗 服務:普通既服務態度,標準型 衛生:幾企理,人客走左唔夠2分鐘,就即刻清潔枱面,地面太暗,見唔到 抵食:唔抵,索左唔少味精水,份量則適中,價錢應該可以更加平d…查看更多