Cousin Kitchen (Closed)

今日去炮台山搵食搵到呢間表哥小廚。講得表哥，我諗係張堅庭開掛。入到黎見侍應都幾好服務。另外見住張Menu上既菜式，其實唔少都係要講究有鑊氣，直頭係茶記格局，都幾考功夫。我女朋友被menu黑醋雞花球個張相深深吸引住，結果就叫左個黎試。上菜嗰陣已經聞到好大陣黑醋酸甜味，令人食慾大增，非常醒胃，食落舊雞啖啖肉之餘仲要外脆內嫩，唔錯唔錯。 伴碟仲有兩大串清甜既菠蘿，真係一道唔錯既開胃菜。食完咁多肉感覺係有少少邪惡，係時候叫返道金銀蛋浸芥蘭。如果唔鍾意芥蘭其實仲可以揀菜心，通菜，娃娃菜同白菜仔。雖然係浸，但舊芥蘭食落仲好爽脆，烹調時間拿捏得唔錯。皮蛋同咸蛋份量都好足。就算有落鹹蛋而整體食落都唔算太鹹。飲品方面，我地叫左菊花蜂皇蜜同埋柚子生薑茶。個菊花蜂皇蜜其實係蜜糖水再加適量既杭菊。呢度ㄧd都唔孤寒，蜂蜜份量超多，飲落啖啖蜜味簡直大滿足！ 至於柚子生薑茶，特別在於個陣濃烈既生薑味同柔和清香既柚子蜜融合為一，估唔到生薑同柚子蜜都算夾。最後我地叫左個甜品，杞子桂圓鮮奶燉桃膠。呢碗糖水女士們應該好適合，鮮奶同桃膠份量有夠足料，可謂養顏又補身。…Read More

今日同老公去炮台山搵嘢食，炮台山同埋北角呢一邊出名多嘢食，而呢間小廚亦不錯。Menu入邊寫咗表哥12道風味，其中我覺得黑醋雞花球幾吸引，就叫左一碟試下果然冇揀錯，黑醋雞花球賣相非常吸引，黑醋酸酸甜甜的，好開胃，再加上鋪了粒粒芝麻的雞膇，啖啖肉，仲有兩串大菠蘿和青檸作調味，整體上不錯金銀蛋時蔬有芥蘭，菜心，通菜，小白菜和娃娃菜選擇，我地揀左芥蘭，出奇地煮得易咬且不會太苦，而且金銀份量都算多飲品方面，我地叫左柚子生薑茶，推介!!! 飲落唔會過辣，微微柚子香，適合女仔飲最後的甜品係杞子桂圓鮮奶燉桃膠—推介!!鮮奶非常之香濃，桃膠份量好多，熱騰騰的，絕對不是魚目混珠！這麼高質的甜品只是$32 ，喺第二度點會搵到?!…Read More

同事帶我黎食晏話成日同屋企人黎晚飯D小炒好正講到咁食唔到晚餐都要幫襯下lunch la 😂😂2點時間人唔多坐左一半左右為左試下佢d鑊氣特登叫咗個菠蘿雞粒炒飯碟炒飯都幾大碟而且就咁睇有好多菠蘿🍍佢哋用嘅係新鮮菠蘿😳😳唔會好似罐頭菠蘿咁超級甜微微嘅甜味又爽爽地令到碟飯好清新同埋佢啲雞粒都好慷慨算係切得好大粒大粒啲，咬落去口感都唔同啲啦～碟飯一嚟到就聞到好香，真係好夠鑊氣🤤🤤我諗我同事真係冇誇張如果晚飯叫小菜，應該都功架十足我最欣賞嘅係佢哋嘅例湯木瓜魚湯超級甜冇味精啲木瓜好多舊 好好味飲完個人滋潤晒睇嚟今次又發現左一個lunch好去處…Read More

唔知大家有無聽過一間叫「表哥小廚」餐廳，表明好似一間平凡嘅中式茶餐廳，但原來裏面一啲都唔平凡。剁椒金蒜金菇茄子$63呢款茄子係小廚嘅其中一款招牌菜，梗係要試一試啦，佢表面放左一層焗到香噴噴嘅金蒜，大家都知蒜蓉係一個好野味嘅配料，原來再加埋剁椒，會成為一款天下無敵嘅配料，香得黎有啲甘甘地味！再配合埋厚切嘅茄子，大家真係試一試，堅好食！柚子蜜西檸雞$78呢款經典菜大家一定有食過啦！表哥整得黎好食又保持返一定水準！西檸汁唔會太酸，重有小小甜感覺，用黎送飯一流呀，啲雞肉好有口感，炸得好香。搞到我不知不覺地食多左兩碗飯。…Read More

咁啱係北角收工，肚仔餓想找下有咩好野食，遠遠就見到表哥小廚，根據我經驗叫得小廚通常啲餸整得大碟亦兼好有鑊氣，咁就啱哂我！即刻衝入去先。金銀蛋時蔬x通菜$68金銀蛋時通菜當然要同佢嘅最佳拍檔通菜一齊食至好味嫁啦！點解？因為通菜比一般嘅菜更易咬，而且又有口感，唔會整得耐而變老。再加上有滑嘟嘟嘅金銀蛋，食到我停唔到。柚子蜜西檸雞$78每次去中式餐廳都會找下有無西檸雞食，因為西檸雞啲酸汁實在太開胃了😜而且啲雞炸到脆波波！今次食柚子蜜汁比我過往食嘅西檸雞更加好味，可能佢嘅柚子蜜比過往落得多，而且雞葉得好，啲水份鎖住係肉裏面。…Read More

Shortly after i have finished my appointment, i decided to have a quick lunch before heading back to office. Looking at the menu displayed outside, I decided to have lunch at Cousin Kitchen. It was located at King's Road, couple if minutes walk from Fortress Hill MTR.Their menu was very comprehensive, offering a wide range of Cantonese dishes and served lunch set as well. Shortly after i have ordered, the waiter served me a bowl of soup. It was served hot and tasty, absorbing the essence of those ingredients such as carrot, melon and pork ribs etc. It was sweet and clear as well.Iced milk tea - It was sweet and smooth, with strong tea taste. Stir fried beef hor fun - The chef was very generous with the portion, and it was fried till flavourful. Flat noodles were soft and smooth and sliced beef was tender and juicy as well. …Read More

上次一條友黎食飯，食唔到好多！今次岩岩中學同學約聚會，就即刻諗起表哥啦！😍仲可以食多幾樣野！Yeah!我地分別叫左蔥油雞、炸豬大腸、黑松露野菌炒南瓜、海鮮豆腐煲同黃金蝦！仲有例湯！例湯都幾足料！無落味精！蔥油雞就不過不失啦！黑松露野菌炒南瓜幾好食！菇味充裕，而南瓜食落去口感剛剛好！炸豬大腸係我咁多個小菜入面最喜歡既！外表香脆，內在就肉準鮮嫩！建議趁熱食！☺️黃金蝦都好好食！仲炸到可以連殻食！咸蛋黃散佈均勻！正！至於海鮮豆腐煲都不錯！豆腐好嫩滑！食完主菜，當然要試埋甜品！我最喜歡的甜品就是鮮奶燉桃膠，好養生又好味！西方d可以食cheese cake同綠茶黃桃蛋糕，cheese芝味濃郁！而綠茶黃桃蛋糕如果桃味再加強d就更吸引！食完喱餐飯，好開心朋友們都齊齊讚好！仲話第時會再黎幫襯！表哥，你係得既！👍🏼👍🏼…Read More

We went there for lunch - 4 adults and 4 kids. Ended about HKD500 and have to store the leftover in takeaway boxes. The beat dish is the honey black pepper beef and potatoes. Absolutely delicious!!! The kids really liked the e-fu noodles as well. Fairly priced with big servings!…Read More

今日去左係北角既表哥小廚，食既野都有好多唔同款式，有近期好HIT 既酸菜魚，又有一D煲呀小菜咁，平既亦有D普普通通既炒粉麵飯。我地一人叫左一個粉葛赤小豆生魚湯，雖然只係廿蚊，但係勁足料，器皿保溫效果也好好，亦不乏表哥既嘜頭。另外我地亦都叫左表哥十二道風味既其中一個，芝士焗大蝦炒飯，香濃既芝士味，加上蛋香十足既炒飯，唔錯唔錯，帶少少黏口。大蝦都有好多隻，不過我諗如果一個人食晒應該會有D滯。我地仲嗌多左個豆腐海鮮煲，個汁有D杰，不過材料真係冇得輸，又有魚柳又有蝦呀魷魚咁。我見格黎枱叫左個好似梅子骨既野都好吸引。如果多人一齊食，仲可以叫多D唔同款式TIM。…Read More

嗰日經過北角，咁啱想食小菜，之後就走左入去呢間表哥小廚入面食飯，貪佢裝修夠靚😃我同朋友兩個人叫咗兩個餸一個飯，都幾飽肚。我哋嗌咗一煲蔥油雞，因為好似係招牌菜，果然冇令我地失望，蔥油味非常濃烈，但係一啲都唔鹹，隻雞仲有一陣陣嘅䶢香味，肉質鮮嫩而肥美，配白飯一流!!而枝竹五香牛腩煲係用煲上嘅，所以上菜嗰陣特別香，枝竹吸咗牛腩汁之後，食起上嚟特別入味，牛腩肉質鬆軟，口感一流。總括而言，一百蚊左右食到呢個質素算唔錯。…Read More

今期同女朋友一齊食下啲港式小菜。入到去環境舒服過普通茶餐廳的，因為時間尚早的關係，入面唔算多人。兩個人都唔敢叫太多，一個小菜加個飯再加一人一碗老火湯就啱啱好。小菜就叫咗表哥海鮮豆腐煲，豆腐都叫半個主角，佔咗成煲的四分之一左右，其他海鮮包括魷魚仔、蝦仁、魚柳同一兩粒細的帶子，另外仲有冬菇片。份量就唔算特別多，二人份量就啱啱好，入面啲餸都入哂味，幾香口，唔算太鹹。另一樣就係個飯，我地叫咗芝士焗大蝦炒飯。大蝦應該都有四至五隻，沾上濃濃的芝士汁，汁望落好杰但又唔會太漿口，飯炒得算香，蝦殼算淋可以連殼一齊食。另外個老火湯係粉葛赤小豆湯，湯就好濃味，有啲人可能會覺得佢太咸，但係我接受到，料就算多，起碼佔咗半個碗。價錢黎計比普通茶餐廳貴少少，但係物有所值。…Read More

剛剛係附近工作，有點肚餓。剛好見到表哥小廚，即管試一試！入到去覺得環境都唔錯，不算太迫，牆上貼左好多畫，燈飾亦充滿時尚感！睇一睇餐牌，都充滿著驚喜！除左最正常的中菜外，亦有其他特別具創意菜式！岩晒一家大細既喜好，皆大歡喜！我睇左個餐牌實在花多眼亂，最後就問侍應有咩好介紹！佢就介紹左鮮菠蘿咕嚕肉俾我，好！就點佢啦！仲加多杯巨峰乳酸呢！等菜既時間不算好耐，就有得食啦！咕嚕肉鑊氣十足，酸甜岩岩好！除左賣相吸引外，最緊要係啖淡肉，唔駛吐骨！😍岩晒我！菠蘿果真是鮮菠蘿，完全無罐頭菠蘿甜到漏！至於巨峰乳酸，就一般般，又未至於難飲！原本仲想食甜品，但一個人個胃大限，食唔到太多！下次有埋家人去先！😝😝…Read More

孩子長大了，每天都要在群組溝通，當晚會不會回家吃飯，以便決定煮不煮及煮多少？這晚知道兩個年青人都不回家吃飯，太座建議我們在外面吃，放工後在炮台山站會面。據聞這裏有一間明星開的店，口碑不錯，今次想試試。餐廳面積不大，座位有點擠，餐牌的選擇有小菜，煲仔菜，小炒，粉麵飯等，豐儉由人，太座提點我明晚要赴喜宴，今晚要吃得簡單一點便是，人到中年不得不注意飲食。套餐有40多款，由$55至$60不等，還包熱飲或例湯。太座點了乾燒伊麵，熱檸茶，而我無肉不歡，點了咖喱牛肉飯配例湯，是粉葛赤小豆，味道濃郁，冇味精是加分點。咖喱牛腩和白飯是分開上，咖喱香而不太辣，牛腩有些夠腍，有些可能要多炆上一點時間，因部位不同，火候時間也不同。咖喱汁配白飯是百吃不厭的。大座的乾燒伊麵，份量奇大無比、有雞髀菇，冬菇等，伊麵軟硬度適中，調味也可口，若是少些油會更好。席間不斷有家庭及單身客進來，相信這裏是他們日常的飯堂吧！…Read More

夜晚到北角上課，被表哥小廚的菜式深深吸引，於是獨自到表哥吃晚餐。晚市供應炒粉麵飯及精選餸菜，為食的我當然要一試後者。粉葛赤小豆生魚湯魚湯很鮮甜，魚香味濃，也嚐到赤小豆及粉葛的味道，火喉十足，並且非常足料，十分味美。椒鹽鮮魷鮮魷肉嫩，外層炸得香脆，不太咸，非常有鑊氣，而且很有避風堂風味。絲苗白飯大大碗且份量足，白飯軟硬適中，細嫩幼滑，伴以鮮魷吃非常匹配。。百多元的價錢帶來一個豐盛美味的晚餐，絕對有下次。…Read More

I am rushing to meet a client in the noon and seeing that i still have some time, I just have a quick lunch nearby. Cousin Kitchen was located at King's Road, few minutes walk from Fortress Hill MTR. Given the location, their price was quite reasonable. They served a wide range of cantonese rice or noodles set and it comes with soup as well. Lotus root with pork ribs soup - It was sweet and clear, with not much MSG in it. It was not too oily as well. Fried hor fun with sliced beef and black bean sauce - It was fried till very flavourful and the gravy sauce was tasty as well. Hor fun was soft and smooth, and beef was juicy and tender. Lychee aloe vera ice - The ice was blended till soft and smooth, and was very sweet, with strong lychee taste. …Read More