街坊茶記 (Closed)

今日過咗嚟TKO同朋友攞啲嘢，行經見到呢間新開嘅茶記，望落去好似都幾唔錯，所以入咗去食lunch👍🏻乾炒牛河 ($40)- 乾炒牛河賣相吸引，河粉上色，令人好有食慾，而且份量足料，炒得好有鑊氣- 牛肉大片厚身，牛味濃，肉質又嫩，一啲都唔會乾身👍🏻秘製脆炸雞肶拼薯條 ($36)- 呢個餐好有驚喜，雞肶炸得異常香脆，咬落脆卜卜，但唔會好油，超有技巧🤤- 薯條金黃粗身，內裏軟綿，配搭埋茄汁，真係冇得彈😆足料碗仔翅 ($18)- 身為碗仔翅忠粉嘅我，呢個碗仔翅真心好好好好食，鹹淡適中、配料十足，有木耳絲、肉絲、粉絲等等，口感異常豐富，愈食愈惹味👍🏻沙嗲魚蛋、魚肉燒賣- 魚蛋同燒賣非常彈牙，有質素，好好食；最值得一讚嘅係餐廳秘製的沙嗲醬非常好食，辣同甜味比例一流，配搭魚蛋同魚肉燒賣，風味爆發，食得非常滋味😍牛柏葉、魷魚配沙嗲醬- 有好好味嘅秘製沙嗲醬嘅加持底下，爽口嘅牛柏葉同新鮮煙靭嘅魷魚嘅滋味陪增，一啖接一啖，食到停唔到口飲品方面叫咗紅豆冰同凍檸茶，紅豆冰入口香甜，紅豆份量十足，而且非常綿密；凍檸茶質素中上，茶底香濃，但唔會過苦，酸酸甜甜，非常解渴☺️餐廳環境都乾淨衛生，五臟俱全，老闆同員工都好