行樂粥皇小廚 (Closed)

熬了一個通宵，還是快點吃個早餐快點回家。時間太早了，只得三四間餐廳在開門營業，隨便找來一間，但已經人頭湧湧，有不少更是巴士司機，只能跟別人搭檯。還是大路一點吧！鮮牛肉公仔麵有點令人氣餒，麵條還未淥得透，有點硬心，牛肉醃得過火，毫無肉味，失敗。方包可能剛整好，輕柔軟熟，午餐肉只得半片，雞蛋是煎得半生熟，完全是不上心的處理，茶不夠香濃，這間餐廳，真難想像會那麼多顧客，在下可不會再來了。…查看更多

近來在上水覓食，似乎集中在石湖墟，在區內的商場覓食，可謂少之又少。今天原本打算在商場裡食午餐，可是卻又找不到合適的餐廳，唯有再到石湖墟覓食。老實說，在石湖墟有不少食店，視乎是否啱食。今天在下幾乎把整個石湖墟行過，也找不到合心意的食店，可是見時間沒太多，只好求其在新發街其中一間茶記搞掂，好不好食都是其次，先決條件是祭了五臟廟。入到餐廳，環境迫迫狹狹的，坐位太窄了，幾乎坐不下一個人，而且有點背對背的，有點不舒適的感覺。打開餐廳，才發覺原來是吃粥麵的餐廳，而且有日式便當，也有港式客飯和扒餐，可是如果吃粥的話，那麼太熱了就要放棄，只要求其要了一客午餐好了。例湯是雞腳湯，味較濃，似乎真的煲了很久的老火湯，但材料稀少，也不像加了味精。鮮茄肉片飯是在下最近少叫的碟頭飯，蕃茄呈鮮紅色且有點鮮艷反光，芡汁也較為稠結，鮮茄味不失酸甜，而肉片炒得不韌而不嚡，，一有點咬口，米飯尚算是粒粒適中，未見糊狀或一嚿嚿。咖啡味香濃而且帶有咖啡香，奶和啡比例適宜，也能喝到咖啡的味道和香滑，較其他茶記的咖啡香濃和好喝，不失為在下的咖啡。整體上味道如一般茶記味道，亦是非常港式味，雖然未至於難吃，但是已經是港式化了。…查看更多

魚香茄子炆米,但係得一小舊茄子兩個阿姐你推我讓，又話O吾可以轉其他O野食，我O地嘈左幾句先有呢碗炸茄子，但我想食忟不是炸，佢就不停話"呢碗茄子夠O家啦個炆米仲好喊，O吾會再去。…查看更多

沒想到像茶餐廳格局的小店，店員的服務是用心的。我們一行四人入內午膳，一座下，店員A便將原來放在桌上的調味架拿走，以便有足夠空間進食，我們點了粥、粽、炸兩和蚊米，粥份量足夠，沒味精的假味，粽是我愛的多綠豆，可惜沒有下咸蛋黃，炸兩很好，食到最後還有丁之脆。吃炸兩時，店員只拿來豉油，我們都是醬王，便自行去拿麻醬和甜醬，剛坐低，店員B便拿來醬蝶，問我們要多少隻，不久，店員C端上蚊米，她原本放在我面前，之後，拿去放在另一位置，妑說放在我前面我便沒有空間吃飯了，想不到一間小店的店員，個個都有帶腦返工的，不似得麥噹噹的美眉，將餐點說了三遍，仍然問飲乜汽水！…查看更多

今天橫風橫雨,剛剛落左風球, 同老公放工食飯!!揀左行樂...之前食過兩三次,早餐MA MA 地!!試下晚飯先!!今日餐廳比較少人,一坐低有招呼!!揀左兩個小菜!!落單要通菜炒牛肉, 佢黎左, 變左鮮魷:(不夠鑊氣, 普通!!黑椒牛仔骨煲, 正!!!!估唔到肉淋, 骨入味, D 汁惹味送白飯!!有例湯青紅羅白, 加左凍奶菜,$8..埋單, $110!!! …查看更多

叫左個咖喱牛腩飯，來到時用飯匙搵下牛腩的時候，發現到二條手指頭一節的牛腩，二條手指頭兩節的牛筋，天啊，雖然食材貴，但都唔好少得咁可憐丫，我以為人地食淨拿來，問阿姐牛腩係咪咁少，她一聲唔出拿入廚房，之後拿出來，咖喱汁就多左好多，好似湯咁，而牛腩多返一條手指頭一節的牛腩，我都比他吹脹，拿拿林食完走，都食唔到牛腩有乜野味…查看更多

因為下午樂媛社開會，所以便要外出吃午餐。本來想去珍苑吃，但原來珍苑放假，要五月五號才開門，所以我們要找另一處食肆吃，剛剛想起以前曾經去過行樂粥皇小廚吃過東西，所以便到這兒吃啦！我叫了雞扒冬配火腿奄列，跟奶茶，而媽媽就叫水餃麵。我的雞扒烏冬－好好吃，烏冬好爽，但雞扒稍為鞋了少許，滑Ｄ就；更好。媽媽叫的水餃麵－Ｄ麵好難吃，因為媽媽吃不完我才吃少許，但原來十分難吃。服務態度不過不失啦，唯有侍應落單時，我叫她烏冬要多蔥時，她竟說：日式烏冬是不落蔥的！不過最後佢都叫侍應用另一個碗盛一碗給我，都可以接受！下次會試下其他小菜的！…查看更多

同男朋友無意中走左入去食晚飯~~~幾好食wo!估唔到茶餐廳的小菜都咁有水準~!!睇menu~好多選擇呀~!!焗飯、炒粉麵、小菜、扒餐、粥、腸粉等咩都有，揀食咩都揀左好耐!!!睇落好多都好想食~!!其實之前都黎食過lunch，叫過炒河，已經覺得唔錯，可以俾到7-8分架!!~~今次就試下叫小菜先~~有88蚊2餸套餐~~啱晒~!!包2個小菜、2個白飯、2個例湯~~金菇肥牛煲﹕份量好夠大，好有睇頭~睇落已經好吸引。肥牛都算足，底下有大量入晒味既粉絲，正~!個汁既味道整得好好~同成個餸好夾，好入味，好惹味，但又唔會話過咸~唔錯~我都俾到8分。海鮮雜菜煲﹕呢味餸，就算去酒樓食，都唔知點解通常都會係淡而無味，但呢度就令我好有驚喜~~~下面係不同的雜菜，有生菜、西蘭花、白菜仔、菜心、菇，上面果層舖左好多海鮮，有蝦、鮮魷、魚塊~食得唔d海鮮料唔係烚架，而係走過油，落過油獲兜過下，所以幾香~~d菜又唔會煮得太"林"，食落仲好有口感~整個餸味道也很好，唔會淡而無味~都有8分~!!白飯大大豌~男人都夠食~我就食唔晒啦~例湯...好淡...唔知係加左水，定係冇落味精﹖.....總之唔好飲啦~好彩我都冇期望，都係諗住當水飲~~環境方面，感覺唔錯，光猛衛生，有電視，坐得都算舒服~waiter服務也不錯，執枱執得快，應人都應得好快~價錢都好有驚喜丫~~2個人都係$88~~~抵食!!以後會再黎多d~!!…查看更多

唔知食咩...行行下去度呢度..見冇試過就中左入去泰式菠蘿炒飯$34不知所謂!!!!佢一黎到...我就問個waiter..「這是泰式波蘿炒飯?????」「對」「沒有肉鬆之類的嗎?」「沒有」ok..................飯內有咩呢??蟹柳、鳴門卷、pineapple、蝦、雜豆+蛋炒飯第一,這是什麼泰式?日式菠蘿都可以接受丫~第二,飯一d都唔乾,唔似炒第三,好難食未食過咁難食既野呀!!杯檸水又係勁難飲~~d水怪味...都唔知係咪食水黎嫁全餐唯一可接受係碗例湯~~!blacklistED!…查看更多

星期六晚12點幾未食飯, 諗住食埋野先去睇波!入到去, 睇睇menu先, 都好多選擇! 粥粉麵飯都有幾好~食物味道一般般, 但係就好大份~ 我地叫左宵夜套餐2個, A. 砂鍋雲吞雞+油菜+粥水灼腰潤 $98B. 肉絲炒麵+皮旦瘦肉粥一鍋 $48; 凍飲另加$6一杯 (粥唔係生滾既, 只係D暖粥+配料)以上我地3個男人都食唔晒, D野食份量好多; 味道就合格啦, 不過宵夜咁既價錢都真戚好平, 大家不妨參考下!…查看更多

今日lunch去左呢間野食個河坐低唔夠一彈, 同台阿叔個餐黎左佢話唔係呢個, 咁拿去第二台阿叔問下d阿姐, 佢要既係B, 唔係頭先個D餐原來有人落錯單, 阿叔問返佢地仲鬼咁大聲話返人轉頭...後面又另一位人兄計少左樣野, 諦返俾佢知個阿姐好大聲咁話, 我計少左你咋, 應該係咁計架人地都話唔介意囉, 仲大大聲話人=_="仲有D阿姐...上少野, 掛住傾計...咩事啊! 仲要我張單同第二台搞錯晒 真係是但得佢講返我個河粉... WOW~ D湯好似水咁連D味精都唔俾我.... 有少少黃色, 都唔知係咪洗鑊水今時今日咁既服務態度... 下次都係諗清楚先好去…查看更多

時已深夜,食肆仍開門的不出十間,芯怡出品實在難食,如非睇波,絕對不會去,潮明園粉麵鹼水味濃到嘔,就係'紅人'同行樂之間睇呀睇,見咁夜竟然有八成滿,差極都有個譜.一個人食,離不開麵餐粥餐一類.皮蛋瘦肉粥配即拉腸粉~~~~$26,一個幾合理價錢皮蛋瘦肉粥 : 雖然並非開花粥底,總算夠綿及滑溜,但可惜米香不足,畢竟雲泉仙館的白粥可將大部份名粥店比下去,珠玉在前,無得好講.皮蛋自然不是溏心貨色,而且無乜味,死實實的一舊,反而肉絲撕拆得夠鬆散,醃得夠味,是比較用心的作法.牛肉腸粉 : 講就講即拉,都就半夜一點,你估大角咀堂記咩,根本無可能,真係未食都已經知,果然一上檯,粉厚無米味,粉質粗糙,牛肉用料少,醃到無味,最慘係成碟腸粉近乎凍,出事.見就見好多好食評,可能自己叫唔到主打食品吧,但服務又不如部份食友講咁好,至少我坐低五分鐘都無人理,要遞手叫人先有人應,再加上見有人出錯食物,明明要撈麵,結果變成湯米線,幾樣加埋,真係要比喊面.…查看更多

7.16同男友返大陸玩2天, 出發前黎到上水食個午餐先。呢間之前食過幾次下午茶, 食午餐我就第一次。午餐, $28, 有中湯, 餐飲, 凍飲加$2。學生只需$22, 做學生的優惠真的很多。我要了椒鹽肉排飯, 男友也想要, 不過我喝止了他。 所以轉要了咖喱石斑飯。男友的先來, 咖喱石斑飯, 顏色金黃, 香氣撲鼻的咖哩香。未食已經俾個笑臉佢。試左一舊, 雖然石斑塊浸在咖哩汁內, 不過依然留著一絲脆身。 然而, 亦是外脆內軟之作, 我欣然覺得好好味。:)我的椒鹽肉排飯要等一等, 上桌時發現也有不少肉排, 沒有吝嗇。:)肉排先炸再與辣椒絲, 青椒粒, 炸蒜粒一同快炒, 香噴噴留口水的肉排就出現在我面前。很辣很辣就是我第一個反應。平時不嗜辣, 吃了兩口已經流曬大汗, 好不辛苦。但我又抵擋不住椒鹽的香辛麻辣, 辣味直入喉嚨, 也吃多兩口。連白飯也沾上了椒鹽及辣椒, 變成整碟飯菜也教人麻辣。雖然很少吃辣, 不過此辣真是教我又愛又恨。…查看更多

星期日，一家人去開上水，第1次食呢間茶餐廳，真係唔知好唔好食？所以都係唔好亂揀野食！叫左當日既午餐！ 炸醬雲吞撈麵 + 凍檸茶 @$28 + 凍飲 @$2 麵既口感不錯！幾彈牙！以撈麵計，份量係幾足料的！而炸醬帶點酸甜，偏向多左小小茄汁味！雲吞既蝦都幾新鮮！不錯！不錯！ 香草咖喱雞飯 @$28 (送中湯) :(香草咖喱味道ok la！香草味好重！咖喱亦不算很辣！餸方面亦幾平均，唔會得幾件雞，其他全部都是薯仔！整體亦夠大碟！唯美中不足的是，雞煮得過左火，老了！蝦醬魚鬆炒飯 @$28 (送中湯)最好食係呢個！炒飯夠乾身！一嚟到時有好正既蝦醬味！d肉粒亦炒得好香！good！職員服務態度ok！上餐速度算快！所以會再嚟食的！:)…查看更多

:)這天去了新發街這邊吃午飯，我比較喜歡吃粉麵，看見行樂的是日午餐有雲吞炸醬撈麵，便入去叫了雲吞炸醬撈麵午餐，撈麵跟的湯有很香大地魚的鮮味，碟中有三隻不散尾的雲吞，份量不少的幼麵上浦滿了炸醬肉絲，生麵煑得有彈性不腍身，我加了幾匙大地魚湯在撈麵上，令麵條不會太乾身入口較好食，雲吞是蝦肉多於猪肉，入口富有鮮蝦香味，味道可媲美中價粉麵店的級數，比我預期中的味道要好。餐飲要了杯熱㗎啡，上枱時已聞到㗎啡香氣濃郁，用一隻方形的杯碟裝着，杯身上印著捷榮咖啡的商標，入口香味也頗濃厚，不知是不是用捷榮的咖啡來煲呢？既然食過唔错，日後都可以安哥，我見行樂有四款較有特色的竹筒飯賣，見鄰座客人的賣相不俗，下次再來都會叫來試食一下。…查看更多