Oyster Paradise (Closed)

無啦啦黎個失雲風以為無啖好食點知誤打誤撞想不到還有驚喜（過去試新野，十次有9次都賴野）～～蠔門夜宴～～今晚試左兩款生蠔French Ostre Diam's ～有海水味得黎好爽甜😍South Africa ～老闆話e家係時令，特別肥美，又真係woo，雖然佢海水味淡d，你整體感覺佢厚身好多，而且好甜，after taste都ok不得不讚佢個廣島炸蠔，薄薄的炸粉無掩蓋d蠔味，仲好香口，兩隻小鬼仲黎搶食。蠔飯隻蠔又另一口味，近似蠔豉，但唔係得個鹹果種。真係一晚試齊幾種蠔味。燒物也不錯，全部即叫即燒，熱辣辣，特別個冬菇，個source辣辣地，好juice唔會乾爭爭。最重要服務好，老闆同員工都好有禮貌又落力，因為啱咀形佢仲送左個九折比我，真係多謝曬。近近地黎講，絕對係「翻」噱之選…Read More

沒有了全蠔套餐，在開飯網頁內的餐牌內又沒有更新取消。日本生蠔超細隻，焗蠔好像蠔士咁細粒。蠔門宴一D都唔蠔，名過其實。order 咗個二人晚餐，食物普通，沒有下次。開飯網頁的食評，真的只可以作參考，幫襯過先可知道龍與鳳。…Read More

九龍城的生蠔店，一直都很想試。難得朋友在外國回來，又喜歡食生蠔，於是就決定來晚餐了。雖然真是很忙很忙 好的生蠔店真是買少見少。這間的裝修也算得上是清雅的。座位也舒適。先看看餐牌有什麼好選擇：有不同款的串燒 有法國和日本生蠔可選。太多款式，不知點選。找個人來問一下吧。 法國蠔是出名比較重海水味，於是我們叫了2隻貴的，2隻平的比較一下。貴那隻他們說有很重的After Taste。要看看是怎樣的了。 本來想叫多隻江田蠔，但見烏冬也有江田蠔，所以就叫了個烏冬。還不太飽的，叫了串燒牛舌和燒魚，應該夠了。 生蠔先來。他們還有牌說明那一隻是那一款！先試法國綠寶石，很重海水味，我覺得以這個價錢是很不錯的選擇了。之後才試女王蠔。味道雖然分別不大，但是After Taste 真是持久很多。 食完蠔之後來串燒。和其他日式串燒店不同，他們每一款串燒用的調味配料都不同，真是很新鮮和很好味。 再來的江田蠔烏冬，他們用的烏冬很靚，不是在超市買那些，是稻庭烏冬哩！ 蠔也和湯配合得很好，是很難忘的烏冬。 跟著的燒池魚則稍為小型了，比較乾，希望他們下次可給我們一條大少許的啦！ 這晚的生蠔宴約500幾兩人，都幾抵食。 …Read More

幾位同樣愛蠔的朋友，邀約我一同去食一餐蠔宴，喜歡蠔的我，自然會出席。位於九龍城區的蠔店，真的如名一樣之蠔？才入門，門前有著蠔殼作為裝飾，這點已經很是吸引。案前展示著多個品種的蠔，似乎真的以蠔為主的餐廳，可稱之蠔門。我們選擇了套餐，作為嚐蠔的入門之選。不用等待多久，先己送上前菜，清香清甜，前菜實是不錯之選。江田島的蠔，體形並不算太大，海水味較淡，可是入口卻非常甜。紅吞拿魚，三文魚，帶子，北寄貝，各自各精彩，鮮香，鮮甜鮮味突出。蟹子沙律當中的麻醬，非常香口，令蟹子更為突出，甜蝦沙律則很鮮甜。清酒焗蠔，蠔殼是裝飾i久用，很容易就打開，打開後很香海水味，清酒去除腥味，令蠔的甜味更突出。Shorter，蠔酒，淡紅色的，非常特別，入口蠔味香，酒濃，草每味與蠔味混合，香中帶甜，甜中帶香，卻不會令蠔香蠔味失色，可見酒的味道調節得剛好。蠔的小吃，蠔味也很香濃，與Shorter形成強列對比，匹配非常。送來兩個蠔湯，單看是一個忌廉湯，另一個則是清湯。忌廉湯先將蠔打碎，加入忌廉再煮，所以蠔味非常重，忌廉滑滑。傳統清煮卻清香，蠔味較清較甜，海帶味令湯更香。長長的虎蝦，鮮香的元貝，上枱時已經香氣濃郁。蝦爽口彈牙，元貝鮮甜，雖帶點腥，卻很香。蠔烏冬，清湯中混合蠔香，令鳥冬更會香甜。蠔飯，從相中已香得飯粒分別，粒粒飽滿，並以鰹魚汁及蠔湯煮成，除了蠔香還帶著魚的香，令飯香更立體感。甜品，我則選擇了藍莓芝士餅，可是我的最愛，香軟，藍莓味香，卻不濃列，不會遮蓋芝士的香氣，味道剛好。由每一道菜都用上蠔作主或配，令蠔的味道發揮極致，喜愛蠔的我，真的非常滿足，真的很慶幸朋友的邀請。…Read More

美食集中的九龍城，不乏各式各様的特式餐廳，看得眼人花隙。這晚眼光終被這間蠔吧的裝修所吸引，餐廳佈置有格調，氣氛也不錯，特別是聽到他們輕輕播放着舒適悅耳的音樂，一些大自然的流水聲和結他網琴等的輕音樂，和現場的燈光環境非常配合，感覺寧靜舒適，以蠔為主的餐單除了有来自各地的生蠔之外，還有日本刺生，燒物和美酒等，選擇頗多，索性挑個每人$338元的二人套餐，有蠔，刺身拼盤，餐湯，燒物沙律甜品等等，兩人可各選一種，兩種配搭同時品嚐，份量也不少呢。江田蠔第一道上的江田蠔，夠冷凍，鮮甜美味。刺身拼盤三文魚和呑拿魚也不錯，最突出是八爪魚，柔韌口感同較濃的味道令它頓成主角。蟹籽/ 虎蝦刺身沙律較喜歡蟹籽的麻醬香甜味道，虎蝦則以帶咸的汁料處理，一咸一甜。日式/ 西式蠔湯日式蠔湯以清酒煮出的酒香效果，和西式比較頓覺平淡，西式蠔湯以打碎的蠔混入忌廉煮出香滑濃烈的蠔香味道，盡顯精華。蒜片牛柳粒/ 燒大元貝兩款燒物伴着香脆蒜片和沙律菜吃，香口平衡的配搭。煙燻蠔替代缺貨的廣島蠔，嘗到另一做法的味道，煙燻氣味更惹味，口感也不同。江田島蠔飯/ 烏冬增加飽肚感，珍珠米吸收了蠔汁，但彈牙的湯烏冬更啱我胃口。榴槤炸彈/ 藍莓乳酪蛋糕酥炸的外層咬開流出熱辣辣的榴槤蓉，好滋味，小心燙嘴，吃畢蛋糕已經超滿足飽肚了…Read More

老公經朋友介紹，帶我去了九龍城食一餐非常多蠔的晚餐。餐廳名叫『蠔門宴』,真是改得好，每個菜都有蠔的，而歡喜食海鮮的我，大飽口福了。我地叫了個比較平兩人餐，但每個項目都有2至3款餸可選，攪到我有點心大心細。生蠔是江田蠔，細細隻一口，帶少少海水咸味。刺身有三文魚，吞拿魚，八爪魚每位2片。三文魚有魚油香味，入口即融化了。吞拿魚肉質鮮嫩，而八爪魚肉有口感，鮮甜的。西式蠔湯～廚師介紹西式蠔湯有好多人會返轉頭特登食。原來蠔湯是用蠔打碎之後，再用新鮮的忌廉去整個湯，食時有蠔的鮮味，入口香滑又無胜味。蟹籽沙律～我比較鐘意蟹籽沙律，因為有香濃芝麻醬配食沙律菜。燒大元貝～元貝剛剛好熟，有香蒜及蔥花一起燒，仲有少少汁可以食到。煙燻蠔～～煙燻過的蠔，蠔汁比較濃味，配青瓜及蕃茄仔食。江田島蠔烏冬～～這個比較清淡的烏冬，比想像中特出，因為烏冬爽口彈牙，湯清而不油不膩配上蠔的鮮味，非常“正”。榴槤炸彈~~最後甜品是我的最愛榴槤，榴槤炸彈切開一半，陣陣香氣已令我流口水了。外面炸到香脆，裡面榴槤流沙一樣。過了一個非常開心的晚上。…Read More

剛剛去完日本不久，蠔引又起，經朋友介紹一起去食蠔門宴，一解對蠔的思念。要試d蠔新唔新鮮，緊系食生蠔啦。一坐低咩都唔好講，每人黎番半生蠔，邊食邊再揀野食。處女蠔，細細隻，好爽口，好有海水味廣島蠔，超爽口，有海水味，但明顯食得出日本的海水同歐洲蠔的海水味是完全唔同，廣島蠔的海水味是清新淡雅的，我最喜歡在口中後段的甜甜。法國特級林寶，大大隻，好肥美，海水味重法國特級女王，味道同法國特級林寶相似，海水味重，不同的是法國特級林寶入口海水味即刻湧現，而法國特級女王的海水味是慢慢爆發。江田島蠔，海水味比廣島蠔濃，爽口，真的好喜歡日本蠔的海水味。法國荅蒂蠔，海水味重而餘味持久。不得不介紹呢個Shooter蠔，有三種味道：Cranberry, Orange，同日本清酒。Cranberry 清新幽香Orange 清新甜美日本清酒 帶出蠔的鮮味煙燻蠔，煙燻味好香，蠔肉一定都唔乾，好好味。牛油煎帶子配三文魚子，帶子煮到剛剛好，好鮮嫩，相信是將帶子慢煮完再用牛油微煎，保留了帶子的肉汁鮮味燒極上牛舌呢個真系超好味，食完呢度的極上牛舌之後，相信在香港都好難會搵到好味過蠔門宴的極上牛舌。肉質真系好彈，鬆軟得來不失質感。真系好味到難以形容。…Read More

誰說去九龍城一定要食泰國嘢？呢間位於九龍城城南道嘅《蠔門宴》， 除咗係一間蠔吧之外，亦有其他日式嘅料理，最啱就係鍾意食生蠔嘅朋友，既可以食到來自各地高質素嘅生蠔，亦可以叫吓日式串燒佐酒， 同朋友一邊品嚐生蠔，一邊舉杯暢談就最啱喇。黎得《蠔門宴》， 就梗係要食“蠔”啲，先來每人五隻嘅法國生蠔。選擇法國生蠔嘅原因，係因為每年9月至4月都係法國生蠔盛產嘅季節， 生蠔份外肥美。先由順時針數起:【法國綠寶石】$52，味道較為清淡、溫和。叫綠寶石嘅原因，相信係因為蠔邊呈現墨綠色，肉質較為爽身， 味道亦較為清甜。【法國占拉度】$68，Gillardeau帶子位置鮮甜、厚肉。 蠔味亦較為濃郁，不會太鹹，但有豐富嘅礦物味， 餘韻十足。【法國特級林寶】$78，呢隻蠔海水味最濃郁，食落較咸， 雖然蠔肉較瘦，但海水味十足，口感爽身，後勁凌厲，就如林寶一樣充滿power。【法國特級女皇】$78，外形夠曬霸氣， 蠔殼形狀就如聖杯一樣， 帶有金屬味， 鹹味重，餘韻十足，就如女皇一樣令人一見難忘。最後到法國最出名嘅【銅蠔Belon】$98，叫得做銅蠔，就一定礦物味好勁，味道複雜，after taste 持久留在口腔內，而且外型夠晒 mega size， 可以講係蠔中之霸， 鍾意食生蠔嘅朋友絕不能錯過。依家叫任何酒精類嘅飲品， 都可以享用生蠔七折嘅優惠， 既然係咁， 就叫咗一杯來自比利時嘅白啤酒【Blanche de Namur】$68，呢支啤酒顏色呈現金黃色，口感清爽，味道唔會太苦，非常之易入口。【串燒黑毛豬】$38， 黑毛豬油脂豐富，用大火燒烤後可以迫出油脂，既能保持甘香，食落亦冇咁肥膩， 而且黑毛豬豬味濃郁， 灑上少少鹽同黑椒已經可以提出 豬肉嘅鮮味， 用嚟佐酒，簡直係一流。【 吉列廣島蠔】$60，吉列蠔炸得金黃香脆， 裏面嘅蠔肉相當飽滿，咬落爆汁，相當juicy，而且蠔味十足，最啱就係鍾意食蠔，但又怕生嘅朋友。【日式炒野菜】$48， 炒野菜裏面含有各式各樣嘅蔬菜， 種類之多令人數之不盡，椰菜、金菇、甘筍、粟米芯、冬菇、芽菜等...每一口都帶有木魚香，最好味係鮮粟米芯，咬落爽口，而且味道亦非常鮮甜， 可謂一道又健康又美味嘅素菜。一邊嘆生蠔，一邊同朋友品嚐美酒佳餚，確實令人心曠神怡，呢間蠔吧有好多種生蠔嘅選擇，保證大家一定有驚喜。…Read More

九龍城食物選擇多，而且鄰近居所，所以很多時想不到有甚麼好去處的時候，也會來到九龍城覓食，今日又再次到訪了。在九龍城廣場泊車後，沿路步往城南道，便發現了這間以「蠔」命名的餐廳。個人是絕對的生蠔愛好者，難道遇到這間「專門」賣蠔的餐廳，當然要一試。餐廳裝潢不錯，走法式高級路線，感覺「很不九龍城」，比較像港島Soho區的格局。步入餐廳，感覺猶如走進高級Spa店，因為伴隨著的背景音樂，是大自然風的，有雀仔聲，海浪聲，和風聲，很Raw，很Natual。大約7點到達餐廳，人還不算多。前菜伴著麵豉醬到來，很清新。餐牌和選擇的種類不少，有串燒，有刺身，而重點，當然還是生蠔。餐廳主打生蠔，可以選擇的生蠔確實不少，由最普遍的岩蠔，廣島蠔，以至法國銅蠔也有。而且餐廳很體貼地把每款生蠔的海水味、鮮甜味、爽脆度、餘韻、礦物味也顯示於餐牌上，方便客人選購。餐廳設有Happy Hour時間優惠，有各款Combination以供選擇，而大部分的組合也是生蠔，串燒，紅／白酒，清酒，而Happy Hour的時間是17：30－19：00。購買任何酒類，更可享生蠔7折優惠，很抵食。早一天致電訂位，可以免費享用清酒蒸蠔，或者燒蠔一隻，下次再來，一定要記得先訂位！錯過了Happy Hour時間，而套餐的食物又岩食的話，點套餐會抵好多。白酒永遠係生蠔既最好朋友，簡單一杯House Wine Chardonnay ＄58 已經可以令整頓晚飯升華，而且可以享受到生蠔7折既優惠，沒有不點的理由吧。生蠔點了三款： Gillardeau ＄48，Specialies de La Reine ＄55，Hiroshima ＄41，每款生蠔的旁邊也會放著一個名牌，方便辦認。而廚師也已經排好了次序，由最淡味的Hiroshima開始，順時針吃起。醬汁配上紅酒醋和海鮮醬，個人覺得海鮮醬味太濃，會蓋過生蠔本身的鮮味，所以其實簡單放一點檸檬汁已經好好味。生蠔配白酒，感覺很中產，有時工作累了，對自己好一點，吃好一點，也無可厚非。生蠔大大隻，新鮮即開，既可以吃到蠔的鮮味，也可以吃到陣陣的海水味，肉質肥美，絕對是一種享受。虎蝦雜錦刺身沙律 ＄98雜錦刺身沙律 色彩繽紛，而且份量不少。除了生虎蝦剌身外，還有三文魚，吞拿魚，蕃茄仔，八爪魚，青欣片和沙律菜，非常豐富。日式蠔湯 ＄40有兩隻鮮蠔加上軟棉棉既豆腐，蠔身肥美，湯夠清夠甜。蠔身很大隻，味濃。江田島蠔飯 ＄60主食來說，島蠔飯可說是必點必食！蠔因為日本米飯既熱力暖著，食落很暖胃，而蠔既鮮甜味仍然能夠保持。米飯已經夠哂味，伴著紫菜，一口米飯，一口紫菜，十分滋味。雞皮 ＄16雞皮燒得很香脆，鹽香味道夠，而且價錢不貴，真想一吃再吃。燒甜薯 ＄18餐廳的甜品選擇不多，所以我選擇了燒甜薯作為今餐的甜品，甜薯有四粒，食落夠甜，日本甜薯果然不一樣。香港蠔的專門店比較少，大部分喜歡吃蠔的朋友也只能外賣回家自己開自己吃，今次攸我發現這間「蠔之專門店」，一定會推薦給朋友，一大班人到來一邊享受即開生蠔，一邊喝白酒，絕對是一種享受。…Read More

"蠔"對於幾年前的我, 是抗拒的, 去親酒店食BUFFET, 朋友們總是十隻八隻咁食, 更甚的, 可以十幾廿隻, 都沒有問題, 但我就...........但自從認識這位朋友"I"之後, 跟他開始欣賞"蠔"的不同味道今次來到九龍城, 不是食泰菜, 而係食我們喜歡嘅"蠔", 重係一道蠔門宴雖然餐廳場地不是很大, 但光線柔和, 裝修有點似現時新樓盤的豪裝, 感覺很GRAND還有兩個師傅在蠔BAR上即場開蠔它們提供近數十款來自不同種類的生蠔，例如澳洲,日本,法國,愛爾蘭,蘇格蘭........但每天只提供十款左右,  要食齊咁多款, 要睇緣了原來早一日訂座, 還有一隻蒸/燒蠔送, 不過, 如果係送生蠔, 就更加好難得去到專食蠔的餐廳, 我地就豪一豪, 選了DELUXE SET DINNER 各一呢度有多款唔同國家嘅蠔，任君選擇，仲係即叫即開個SET每人可選$58以下生蠔兩隻, 咁多款, 真是難選擇, 好彩每款生蠔下面, 都有寫下佢嘅特質口感, 超貼心呢一心只為蠔而來, 竟然還有刺身, 質數還不錯登......登.........登...登 .....我地嘅 法國Foyle More/廣島/法國綠寶石/小町法國綠寶石: 肥大肉厚, 味道, 質感一般,  沒有一方較突出, 較平均, 但都好鮮甜小町: 味道, 質感較強烈, 海水味濃, 較爽脆及鮮甜, 明顯好過綠寶石, 而朋友的法國Foyle More/廣島, 讚不絕口, 是否我選錯蠔?? 好想試佢果d啊!!!煙燻蠔: 有點似食緊蠔豉 , 至於杯中的, 係"清酒Shooter蠔": 蠔連清酒一齊吞下, 另一番風味日式蠔湯 : 可以想像為麵豉湯加蠔, 較清淡, 散發出清新蠔香味西式蠔湯 : 跟日式蠔湯很強烈對比,  係一個較濃味的蠔肉忌廉湯, 蠔香咸鮮味依舊, 不知用了多少蠔去製作燒蠔: 生蠔跟燒蠔也是我的至愛吉列廣島蠔: 只可以用好熱, 好脆, 好味來形容江田島蠔飯: 飯連醬汁齊煮熟, 味道不是很濃, 為要突顯蠔鮮? 以免蓋過蠔味?江田島蠔烏冬: 湯底不會太濃 , 蠔的鮮味依然. 不過, 較喜歡生蠔的鮮個餐仲有其它食物, 如前菜/牛柳粒/蟹子沙律/虎蝦刺身沙律/榴槤炸彈/CheeseCake.........實在太多野食, 太豐盛了,  呢一餐果然係----蠔門夜宴…Read More

九龍城各式餐廳林立，泰國菜更如恆河沙數，要找一間能吃日式串燒的已經不易，若然還要能有生蠔吃的，我相信全個九龍城只此一家。餐廳位於九龍城核心的外圍，是賈炳達道與城南道交界，沒有了核心內圍泰菜甜品等等位人士的喧鬧，發覺這世界永遠太少空間，我更是喜歡這外圍的寧靜。餐廳的裝潢帶點日式時尚的風格，圃進門口，屏風旁邊那個比人還要高的酒櫃，陳列著各款令人垂涎的美酒，我恨我今天不是乘客。餐廳的中央是蠔吧，廚師正忙著處理各款新鮮生蠔，特別喜歡那紋路凹凸有致的牆身石，配合着餐廳播放輕輕的水滴音樂，叫皺紋散開，猶如看見不絕水流由上而下潺潺瀉下。點好了菜後，便靜心期待着生蠔的到臨，目光偶而貪婪地望向蠔吧，只見廚師細心得把各款生蠔的帶仔位全數切開，使帶子完全離殼，吃的時候超級方便，需知道生蠔越新鮮，帶子位便越繃緊，餐廳不用食客們為繃緊的帶子位奮力搏鬥，欣賞。法國綠寶石蠔在養殖過程中，因為吸收了微生藻類，故此蠔肉擁有一種獨特天然的翠綠色，相信因而得名。因其培養過程需要不停地轉換鹽池，使其在不同礦物含量的海中培育長大。 因此，綠寶石生蠔的蠔味獨特，鮮甜而帶礦物味，質感爽脆，蠔身飽滿，餘韻悠悠。法國佔拉度，養殖技巧的複雜使蠔肉肥美鮮甜、細膩且層次分明，最初是海水味，入口後蠔味由鮮入甜，然後湧出香濃蠔香，蠔肉肥美，結實有彈性，口感爽脆鮮甜，餘韻回甘。法國特級女皇，這生蠔若手掌般大，肉質亦較厚身及肥美，口感爽脆而軟滑，蠔味會留左口內久久不散。法國銅蠔，被譽為蠔中之王，外形圓而扁，它生長時吸收了河水裏的碘及鈣等豐富礦物質，帶很重金屬味，重得有種麻痹口腔的感覺，After taste 可長達半小時。對那礦物餘韻在口腔內的時間捉得到太少，縱使戀戀不捨，但也要繼續上路， 隨手點了燒物炸物及飯菜幾款，餐牌內的種類，還是蠻豐富的。燒黑毛豬，油脂與豬肉的比例完美，三分肥七分瘦，致使每一口既充滿肉味又充滿油香，黑毛豬的調味亦掌握得恰到好處，淨食餸酒兩佳宜。吉列廣島蠔，每隻蠔也炸得相當脆身，飽滿圓渾的蠔身脹卜卜，外脆內軟的口感相當不錯，咬開裏頭還能吃到蠔的鮮味，屬於生蠔之後的 must 嗌 item。炒野菜，圃端上桌，看見面頭那木魚絲在律動着，充滿生氣，那點點的木魚香把野菜巧妙的點綴著，紅蘿蔔比起椰菜特別的軟腍，是在炒之前飛過水嗎？而當中的粟米芯是新鮮的，並非一般的罐頭貨色。江田島蠔飯，飯面的兩隻蠔並沒有因為煮熟了而影響新鮮的口感，一如以往的飽滿，上面灑了點點葱花，飯粒是我最愛的煙韌口感，每顆飯也經過日本醬油調味，每一粒也平均地被醬油的鮮味所包圍，配上旁邊脆卜卜的紫菜，好味。以充實的澱粉質作結後，為這一餐蠔宴畫上完美的句號， 飯後漫步回到核心的內圍，踏上不是開往大埔的紅 van，慢慢地邁向聽朝，是開始要懷念那生蠔的美味了。…Read More

又黎到九龍城食飯啦，今日試新野，係一間用蠔做主打的餐廳，我地兩個咁鐘意食蠔岩晒一踏入餐廳，已經見到好多蠔殼，入到去又見到吧檯擺放左好多時令生蠔，令人食指大動多款生蠔選擇，MENU有介紹埋唔同種類蠔的特性，就算我地唔係好熟悉都可以大約搵到岩我地的口味，如果有心黎試記得訂位先，因為會有野送的，另外叫任何酒類飲品所有生蠔都7折架前菜 ($20)呢個前菜係點麵鼓醬食，蔬菜新鮮SANTA HELENA ($58)食蠔點少得杯白酒，SANTA HELENA用上CHARDONNAY， CHARDONNAY普遍都係果味較濃，容易配搭不同食物廣島HIROSHIMA ($41)，FRENCH GILLARDEAU ($48)，FRENCH LA REINE ($55)叫左3款生蠔，因為我地有ORDER酒的關係，7折後都幾抵食，每種蠔上面都放左名牌就唔怕會搞錯，跟上海鮮醬、紅酒醋、檸檬，上檯時店員都會提醒由邊款食起，由淡至濃，每種生蠔都果然同MENU形容的味道一樣，十分新鮮肥美虎蝦雜錦刺身沙律 ($98)我將WASABI放入日本醬油，再將部份醬油淋落沙律拌勻，唔知呢個食法叫唔叫正宗，至少我覺得咁樣食比較方便同美味，除左幾隻虎蝦，沙律入面仲有好多八爪魚粒、三文魚粒同吞拿魚粒，成個沙律勁豐富日式蠔湯 ($40)日式蠔湯清清地，簡簡單單加上蔥粒同豆腐，更加能夠突出蠔的鮮味燒沙甸魚 ($32)燒沙甸魚連骨都可以食埋，我覺得自己補充左好多鈣質，哈哈由上至下 - 燒牛舌 ($38)，燒翠肉瓜 ($16)，燒雞腎 ($18)除左蠔類食品，呢度都提供唔少燒物，各款燒物調味恰到好處，火喉岩岩好唔好燒得太燶，每樣叫一串再SHARE食就可以試多D唔同食物江田島蠔烏冬 ($52)食左咁多野其實都夠飽，不過男人都要食番少少殿粉質先叫完成晚餐，江田島蠔漲卜卜，就算煮熟左都仲係好大隻，烏冬口感不錯，滑得黎而且都幾彈牙今晚食左咁多款蠔，由生到熟咩都有，對於咁鐘意食蠔的我地真係勁滿足，平時食蠔最擔心就係食到唔新鮮的貨，但呢度試過咁多款蠔食品都係好新鮮肥美，令我食得好放心，會推介俾鐘意食蠔的朋友黎呢度試下…Read More

之前係第二度食過 今次第二次翻兜叫 🇫🇷法國占拉度 French Gillardeau N2 ($68/each) 同第一次試一樣鮮甜💦！飽🈵️！😍😍 同屋企人一人一隻都絕對唔夠喉！而老豆話綠寶石俾起Gillardeau真係遜色左少少，嘴刁既佢都讚占拉度好食～～呢到生蠔都幾新鮮。仲叫左個雜錦刺身拼盤，都係好新鮮！不過略嫌三文魚唔夠肥 脂肪分佈一般。食咁多生冷野 所以叫左兩串墨魚嘴串可能之前食開炸 或者燒到好脆 所以唔習慣呢種煮法，感覺好似比較生。不過唔同既係呢個就juicy好多 保留到墨魚嘴既鮮味～…Read More

天寒地凍仲要遲收工，放工即刻約朋友去九龍城食消夜，舒緩一下！之前經過呢間蠔門宴，見到個名寫住Oyster Paradise，已經好想試，而且當時身邊嗰位朋友都勁愛蠔，但佢見佢新開，唔敢試新野，所以先冇去到，今晚終於可以試吓呢間蠔門宴有幾蠔！本來見佢係專食蠔嘅，以為除生蠔以外，就係食西餐意粉之類，入去打開餐牌，發現除咗生蠔以外，先發現食物種類係類似日式串燒仲有刺身，好適合我哋食消夜的心情！平時去西餐廳食生蠔，有六七款生蠔，已經覺得好多，呢度你可以望住個成個生蠔餐牌慢慢揀，而且同一種生蠔裏面仲會有唔同嘅size分，好專業。食蠔一定會叫Gillardeau，蠔界之中嘅長勝將軍，永遠沒有令人失望的！蠔味夠濃，而且好creamy ！我哋亦叫咗兩款日本蠔試試，分別係小町同埋江田島，平時比較少機會食到日本蠔，食落一啲都唔輸蝕比法國蠔，好新鮮，帶子位又夠爽。女皇當然壓軸出場啦！唔單止係女皇，仲要係特級的女皇，味道可想而知幾咁出眾，蠔味海水味都十分之濃郁。呢個牛舌真係令人十分之感動的好味，由於佢係厚切，而且牛味好濃，食落口，啲牛肉汁流晒出嚟，肉質又彈牙，真係極上的享受！呢個吉列蠔係我食過之中最好食嘅！平時食到的可能會係炸粉比較多少少，呢個炸粉層幾薄，但係依然香脆，而且中間的廣島蠔炸到好熱得來依然鮮美，滑溜溜，呢種外脆內軟的對比十分之強。講起都好想返去再食多次。我哋另外仲叫咗其他串燒，都一樣好好食。唔單止食物，服務質素都很好，職員十分之有禮貌。以後食消夜又多個好去處，唔單止係蠔天堂，簡直係美食天堂。…Read More

很久沒有到九龍城了，今天老友提議去九龍城，一講九龍城大家就想起泰菜😃，老友話有間專吃蠔的，不如去嘗試。店舖非常之寬敞，環境清靜。我們選擇了set dinner 坐下即上開胃前菜為生椰菜，甘筍，青瓜，沙葛，配日式麵豉， 老友非常之讚賞。生蠔：江田島是套餐内的，另加了Scotish Rock, Gillardeau。Scotish Rock 鮮甜。Gillardeau 厚身，海水味比較濃郁，非常爽口，蠔味餘韻都不弱。江田島 海水味偏濃，鮮甜有餘韻，蠔爽脆。刺身拼盤：吞拿魚入口還有少許冰，三文魚和八爪魚都新鮮。虎蝦刺身沙律：還以為是大大隻那種，原來是泰式虎蝦，蝦味不足，沙律菜新鮮。西式蠔湯：忌廉蠔湯上場時蠔香陣陣。忌廉濃稠幼滑，好滋味😋。湯内蠔隻好飽滿多汁，蠔香咸鮮味，沒有被忌廉搶去風采。👍炸蠔： 熱辣辣新鮮上枱， 蠔身飽滿，咬落口時口腔全是蠔的鮮味，真是做到外脆內軟👍。燒大元貝： 元貝比想像中細， 味道尚算鮮甜。江田島蠔飯：兩隻肥厚的蠔，鮮甜肉汁還很豐富，可惜太飽了😊所以飯只可以淺嘗。芝士蛋糕：芝士軟滑， 芝士味 不算濃郁。這餐真是太飽😄…Read More