Ha Ha Ba Ba Prawn Soup Noodle Shop (Closed)

向來鍾意蝦湯經過好多次終於入左去試星期六下午一點，一枱客都無朋友叫左海鮮蝦湯麵我叫左卜卜蜆蝦湯麵顯示海鮮同卜卜蜆都係另外煮開，唔係用個湯煮同埋都係急凍貨，無乜味有一隻蜆仲係臭的 (圖右下方)最好笑既係條菜黃到咁都照serve有無心做，唔洗食，淨睇賣相都知因為得我地一枱客，想請店員較細聲個音樂掛住玩電話見唔到我揮手之餘，仲要黑面臨埋單仲見到牆上寫住有廿年經驗打理日本食品會唔會太好笑#前神秘顧客 #真實食評 #ServiceMatters…Read More

是日去了長沙灣開業好一陣子的店。店舖名稱十分玩味~!牆上寫：「我們每日會用3種不同的蝦和不同的部位來熬製蝦湯超過8小時，當中蝦殼、蝦頭、蝦身獨有的鮮香，非其他材料可樸仿。做得好的蝦湯，濃而不濁，餘韻甘甜。」上枱啦！厚切五花腩濃蝦湯麵厚切五花腩極厚，且燒過有焦香麵質軟硬適中重有條菜隨機附上3款前菜！炸物不馬虎！主角濃蝦湯，湯如其名！正！厚切五花腩的焦香也融入其中!!!當天樓面只有一位姐姐（不知是否老闆娘）很有禮貌。希望服務質素可以keep到。…Read More

經過幾次都想食，終於有機會試，佢嘅蝦湯真係特別濃，我叫咗陀地牛肉濃湯蝦麵，友人點了蠔蜆蝦麵，佢個湯更加鮮甜，原來佢係用咗三種蝦煲個湯八個鐘，其實我只係叫咗一碗麵，但原來佢都送三件天婦羅，炸番薯勁甜。不過重點係佢個濃湯，唔係得個死鹹，好甜，勁好食。完全吊打隔籬街麥當勞某排隊蝦面。依度特別讚揚老闆，我因為加咗$10面底本來叫佢加少少湯，佢特別倒咗大半碗出來俾我，非常熱情。最後我仲買咗張優惠券，$100可以換三碗麵，抵過譚x😂，不過留意佢3:30至5:30落場，我就係幾次都摸門釘。尋日好肚餓，冇影到相下次有機會加返…Read More

今日經過尼間舖見圖片show出來色香味俱全咁，去試下，叫咗豬手麵&廣島蠔麵，先上咗豬手麵，食住等另一個餐，豬手夠諗不過毛過未清干淨，湯底係好濃但冇鲜味，食完好口干飲咗好多水唔解渴，麵質冇彈性死實實，剩少少麵都食唔哂，尼個時候另一個廣島蠔麵都未到，見隔離枱上咗廣岛蠔麵就奇怪因隔離枱遲過我哋到，咁就問侍應就話整緊，點知後來的客人都陸續上咗野食，再問先話電腦冇出到單。真係·····好差嘅體驗。…Read More

好耐冇寫過食評，呢間嘢食真係幾特別幾好食，所以再次執筆寫寫。呢間前身係一間日式料理，見佢改咗做蝦湯麵🍜好似幾特別就即管黎試下。叫咗個蠔加蜆蝦湯拉麵仲追加咗溏心蛋，上菜後先試下D湯，幾濃蝦味幾好飲，我最後差唔多飲晒！兩隻蠔都好鮮味唔腥，如果可以多一兩隻就更加好啦！D蜆就稍為細咗少少，麵就正正常常，仲有前菜送係兩片蔬菜天婦羅，食完成個餐後都好飽好滿足，埋單連嘢飯就差不多一百💯蚊，唔算好抵但個人覺得物有所值！…Read More

真係好鍾意呢個湯底，好入味，仲有小小既櫻花蝦碎，視覺同味覺同時滿足哂海鮮湯麵足料，麵既韌道都適中，正叫左牛肉湯麵比小朋友，佢都覺得好好味 我地仲叫左櫻花蝦豆腐，外脆內軟，豆腐夠滑，我好鍾意呀 …Read More