Shrimp Kitchen (Moved)

呢間餐廳在我公司隔離街, 好近。呢日覺得好攰唔想行咁遠, 就來左呢度食飯。呢間餐廳聽聞好出名食大頭蝦的~ 門口都有個魚缸裝住D好生猛嘅大頭蝦。呢度LUNCH TIME都唔會太多人, 我都未試過去到要等位的。今日直程計埋我得2-3枱客靜靜地, 坐得好舒服的~LUNCH TIME呢度有D LUNCH SET的。但我食來食去都係蔥油雞飯招牌台式蔥油雞飯 連冷熱餐飲 ($53)一個SET $53唔算貴, 但我覺得幾精緻的。 佢會有個木制餐盤上菜,  有一碟蔥油雞, 有枝豆同波波甘荀做前菜。當然仲有碗白飯啦!枝豆, 我唔識分點為知好同唔好, 不過食落都祇該係新鮮好味的波波甘荀, 食前我有D懷疑食唔食。 因為我之前在其他地方食過的甘荀仔都唔多好食, 冇味的。但因為我冇試過波波形狀的, 最後都決定試下。但原來好好食嫁啵! 好清甜!白飯都煮得唔錯, 米飯粒粒分明, 唔會太濕又唔會太乾。 連埋D炸蔥食一流~到主角蔥油雞~其實個雞, 似豉油雞的~ 但甜甜的~甜醬油雞咁然後面頭會有D粒粒, 我諗係煎炸香左嘅蔥粒來呱?同飯一齊食係好香口好好味的~總括而言, 味道唔錯, 環境舒服~如果同朋友/想自己1個人係午飯時間靜靜地舒舒服服咁坐低食飯~呢間係唔錯嘅選擇~…Read More

半年前無意中發現左呢間隱世小店，覺得佢既蝦煲確係令人回味無窮，所以今次專登再訪呢間小店。餐廳位於太子警署附近，位置比較隱蔽。店內座位不多，如果唔想排隊等位，最好預先book定位喇！奶油蝦煲出場!! 之前已經試過一次，真心覺得好食，所以今次決定encore!! 餐廳用既係生猛既游水蝦，特別新鮮，肉質爽口彈牙👍🏻 另外，個奶油汁好香濃，同蝦肉非常match，我會俾100分！甜品嗌左個南瓜雪糕，好特別!! 南瓜雪糕鑲左入原隻日本小南瓜入面，好香好滑，值得一試👍🏻…Read More

之前經過呢間蝦棧都想試下，今晚同朋友諗去邊食飯諗起就決定試下佢。睇下餐牌，蝦煲都有10款咁多。我本身幾鐘意食辣覺得胡椒蝦幾吸引，不過朋友食唔到太辣就點左個奶油蝦。奶油蝦真係要讚！首先賣相擺得好整齊，奶油味好香，連啲洋蔥都好好食好入味！仲要啲蝦係非常鮮甜！之後我地都仲點左幾樣，油鹽水鮮北寄貝，火焰雪山焗鮮魚，蒜蓉炒冰菜同椰子雪糕。款款都無令人失望！由其火焰雪山焗鮮魚真係有驚喜，上菜既時間店員先會幫你點火，有得睇又有得食！條魚焗得好好食，一啲都唔鞋！好滑好新鮮！如果黎呢到一定要試！油鹽水鮮北寄貝好大隻，呢款就清淡啲，主要食北寄貝既鮮味。冰菜我諗唔係間間餐廳都會有，所以我哋都叫咗黎試吓，口感都比較特別，不妨一試。最後配搭珍珠奶茶同埋椰子雪糕，椰子雪糕係好特別嘅，佢用返原本嘅椰子殼做底，用椰水做雪糕，好好味！…Read More

早前終於試了位於太子的蝦棧，小店的座位不多，星期五晚上坐無虛席，建議預先訂位。櫥窗位置的魚缸養了很多蝦。醉雞卷($88)非常入味，充滿酒香，加了杞子點綴令賣相加分。招牌奶油蝦煲($188)用的是大頭蝦，新鮮彈牙，奶油香而不膩，不要錯過鮮甜的洋蔥。炒米粉炒得夠乾身。…Read More

聽朋友介紹說這間餐廳的蝦煲味道不錯，趁今天放假便來一試。店子不算大，但亦設有魚缸，即叫即撈，相當新鮮。先點了醉雞卷作前菜。啖啖肉並帶微微酒香，是一道不錯的前菜。蝦煲提供多款味道，我們則選了避風塘口味。上枱時已聞到炒蒜的香氣。蝦不算十分大隻，但肉質結實。如份量再多一點則會更滿足。再來點了黑白墨魚卷。外層炸至脆身，內裏爽口彈牙，配上酸甜醬，十分滋味。最後點了柚子sorbet作甜品。賣相精緻可愛，味道酸酸甜甜。…Read More

我本身非常喜歡吃蠍，太子的蝦棧的蝦煲出名好吃，當然吸引到我。這裡的蝦煲全部用上新鮮大頭蝦，隻隻都大大隻，落單即網即煮，保證新鮮。餐廳不算太大，但尚算舒適整潔。香甜士多啤梨梳打(含酒精) $38即是含酒精，但酒味不會太重，加上香甜的士多啤梨味，很易入口。薄荷青檸梳打 $38入口已感到涼意，味道酸酸甜甜，醒神開胃。醉雞卷 $88聞起來滿滿酒香，吃下去有淡淡酒味，雞肉口感紮實清爽，麻辣臭豆腐 $78其實聞上去一點也不臭，吃下去亦沒有很辣，那種辣度是大部分人能接受到的，麻中帶香，豆腐鴨血都吸收了湯的精華，夠入味很好吃。奶油蝦 $188來到主角蝦煲，聞得到陣陣奶油香，8隻大頭蝦大大隻脹卜卜，很吸引，蝦肉紮實鮮甜，不少蝦還有香濃蝦膏和卜卜虲籽，夾著一起吃口感更豐富，加上稠度味道亦剛好的醬汁，以及香甜洋蔥，真的讓連醬汁也想一滴不留的清掉。台式香腸 $88黑色那款其實是混了墨魚汁，味道更香更濃，2款香腸的肥瘦剛好亦不會太鹹。超滿足的一餐，下次再去要試試其他口味的蝦煲。…Read More

無訂位之下有位，唔好錯過呢個機會，見咁多個笑面，都幾有期望。叫左青檸辣椒蝦，麻辣臭豆腐湯，油麥菜，同魯肉飯。叫左個蝦，佢就有人喺門口個大蝦缸捉蝦，有好生猛嘅，有瞓左覺嘅。一鍋有8隻，第一口啜佢啲汁，好清新嘅青檸汁，好少煮蝦有哩個味，正！之不過隻蝦就令人失望，雖然個頭有羔，但蝦係完全無應有鮮蝦味，食晒咁多隻嘅感覺都係一樣，勁失望，幾多蝦羔蝦子都無用。另一個麻辣臭豆腐湯，唔臭但味道尚可。至於個魯肉飯，有隻好味嘅鹵蛋，但唔夠肥羔，味唔夠濃，飯又太濕。:(最後個油麥菜亦都無乜驚喜。所以總結，一次夠了。…Read More

已經第4次幫襯嚕，哩次係同友人慶祝生日被指令選比較有特色的水準keep得好好舖頭並唔係位處於非常熱鬧的街道每次去都要再睇下地圖真心建議要訂位，因為舖面位置不多如果唔想坐門口位，記得要提示一下平日晚上用膳的客人也不少想必是小店用心經營的成果入門口就可以見到好大的蝦缸証明蝦煲係用新鮮的蝦入膳聽說店主的親人是台灣人，所以菜色都是台灣地道的而裝潢設計也大量加入台灣收集的飾品但未有太大置身台灣的感覺店員只有1-2位，但下單及上餐的速度很快也可以請店員推介，他們對菜色很了解但一不小心所有菜式一同上菜，餐桌就很擠迫了也會令熱菜容易冷掉如果人不多，建議先點冷盤，小食主菜甜品可以稍遲一點也不好佔用用餐時間太久吧推介的很多，去了幾次也未有試完也會有季節時令的菜色我試過的有醉雞卷，一口豆腐，奶油蝦煲，胡椒蝦煲，樹子冰菜，南瓜雪糕，桃子雪芭，荔枝特飲尤其雪糕雪芭是店主手作，非試不可照片就請參考其他食評價錢係偏貴，但勝在有手準希望下次水準也能繼續保持…Read More

前幾日約咗朋友去酒吧街飲酒，飲酒之前梗係要食飽飽啦！喺酒吧街隔離街搵到一間食蝦煲好出名嘅店舖-蝦棧，咁出名梗係要試下啦！蝦棧位於太子花園街233-235號偉雄大廈地下A舖，酒吧街隔離街就是了。甫入店舖前，店舖右手邊有個養蝦嘅水虹，即撈即煮，相當新鮮～ 叫咗2個小食，一個係一口炸豆腐($58)， 一開始我以為同臭豆腐差唔多，估唔到原來佢真係純粹一嚿炸豆腐。就咁食炸豆腐可能會比較淡味，所以需要點上附上嘅調味醬料，酸甜開胃。另外叫咗個脆炸陳皮魚蛋($58)，外型好似炸雲吞咁，不過咬落去係魚蛋，無咩陳皮味。因為我唔食得辣，所以嗌咗個奶油蝦($188)，原本睇到話係奶油以為會好肥膩，但係食落去反而無肥膩感。奶油味完全滲入蝦肉，蝦肉亦好彈牙，唔怪得係推介之選啦～因為奶油蝦煲內仲有好多奶油汁，所以我哋另外叫咗個蔥抓餅($28)，可以單獨食或點上奶油蝦煲內嘅奶油醬汁一齊食。單獨食嘅話會有啲似酒樓既家鄉薄餅，點上奶油後，就會更加特出奶油醬汁既味道。另外我哋仲叫咗個台式蔥花雞，原來呢個係隱藏推介之選！老闆話蔥花雞需要每日新鮮製造，而且制作需時，所以係限量供應。雞肉嫩滑香口，再配上香脆嘅炸蒜，2個人好快解決完成碟雞。途中我哋一人叫咗一杯飲品，一杯係薄荷菠蘿梳打($38)，一開始只係飲到梳打嘅味道，然後越飲菠蘿味道越出。另一杯係清涼荔枝梳打，含酒精($38)，其實飲落去似荔枝味梳打，完全飲唔出有酒精味。唔好睇佢好似好隱蔽咁，越夜越多人，而且每一台都有叫蝦煲食。唔怪得話呢度嘅蝦煲咁出名，食完都覺下次可以再叫其他蝦煲試下。…Read More

今晚見到食評寫到好好味好神咁，所以就去試下啦，點知真係不外如是law.吊蝦場貨式扮上菜，間野明明係主打食蝦，但又推介人食蟹，食扇貝，食雞，蝦就隻字不提我地3個人，叫左一口豆腐 胡椒蝦 柚子冰菜 同埋餡餅一口豆腐同餡餅就一般般啦，冇咩特別蝦仔賣相就okay啦，用個大鐵煲上，我地一望...得8隻手指咁長既蝦，大家即妳眼望我眼柚子冰菜先離哂大嫂，柚字汁完全係$12蚊店貨仔黎既，完全冇誠意仲要最後，我地食完都冇10分鐘，就即有人過黎問仲有冇野未黎（我心諗妳自己唔知既咩）仲使唔使加野，係人都知妳有咩用意啦。…Read More

餐牌有好多款比我地揀，蝦🦐煲！正今日我哋好早就食晚餐，我哋去咗太子道嘅蝦棧。我哋叫咗一個醉雞捲，醉雞捲啖啖肉，都好入味。而且有9件，非常抵食。我又叫左一個葱抓餅，台式薄餅，即叫即煎，好熱辣辣！好正！撈汁食都好味。我又叫左葱肉餡餅，又係熱辣辣！入面似肉肉餃子d餡，HOT HOT HOT 好好味。主食就叫左奶油蝦，即叫即係門口嗰個水缸度捉個d蝦去煮。個味道就非常之好味，嗰啲蝦仔都好入味，非常新鮮，奶油蝦入面d洋蔥十分入味，又甜，好好食，成個蝦煲都好正，我地食哂。食到LAM LAM 脷，好想再叫多一煲！我中意Delicious!!!兩杯特飲，菠蘿特飲同士多啤梨特飲，我自己就比較鍾意菠蘿特飲多啲，因為佢真係有少少粒粒菠蘿係杯果汁到。士多啤梨特飲就一般啦個人認為。…Read More

突然想吃台式食物，但又不想吃魯肉飯這麼單調，找了好久終於找到了一間完全台灣風味的台式餐廳。一坐下看一看餐牌，全部都是台灣的平民食物還有小吃，環境也是台灣的裝飾，上年去台灣旅行的感覺都回來了，仿佛回到台灣的樣子，連播放的歌曲都是台灣的流行曲，然後問一下老闆有什麼好推介，老闆親切的介紹了幾款熱門食物。最後決定叫一個奶油蝦，每日限量供應的蔥油雞飯，一個一口炸豆腐再加一個醉雞卷。第一個先來個一口炸豆腐配台式醬汁，豆腐爽口彈牙， 而且炸皮皮薄而且非常脆，咬下去彈牙可口。第二個醉雞卷，一咬下去已感覺到肉非常扎實，充滿酒香但不失雞味 。重點來了奶油蝦 ，一上枱已經有很香的奶油味，蝦非常大隻，第一下吃到奶油香，第二口變為新鮮的蝦香，最後融合為一體，而作為底的洋蔥吸收了奶油的香味，甜而不膩。接著是蔥油雞飯，非常特別他是用台灣珍珠米，咬來比泰國米飽滿，蔥油雞入口嫩滑，雞肉充滿了蔥油香味，上面還有炸蒜作陪襯，還附送湯和枝豆蘿蔔，充滿台灣日式餐點的味道。最後，我十分推介這間餐廳，非常值得一試，甚至成為我的飯堂。…Read More

朋友生日，之前講好左去蝦棧，今次6大一細一齊去食飯門口已經放左好多生猛鮮蝦先點小食炸陳皮魚旦真係好味到不行，魚旦好香陳皮味，外皮同炸雲吞皮一樣，勁好味，真係想一個人食晒台灣腸，有三款，台灣腸比較少肥膏，肉質較實臭豆腐，好正，小小辣，好香臭豆腐味 麻油雞，勁香勁入味，雞件新鮮，好味到連皮食花螺，用酒加調味浸住，第一次見，無味精，味淡小小，感覺更健康青檸蝦酸酸辣辣好惹味，游水蝦十分新鮮彈牙，無得頂奶油蝦好香好滑，蝦又彈牙奶油香口酥餅點奶油真係一絕火焰魚用大量鹽包住，再點火，魚肉更加入味肉好滑，少骨，濕潤軟身加檸檬同醬料真係食吾停炒冰菜，平時生食得多，第一次食炒冰菜，原來好爽口。好味食左咁多餸每人先係$3xx ，抵晒…Read More

一直都好想試下海鮮煲，所以就book咗呢一間，呢間鋪頭主要其實都幾安靜，啱曬朋友傾計，另外呢間鋪頭係主打蝦煲，我地一共叫左幾個餸試下。檸檬蝦煲，麻辣雲耳，一口炸豆腐，油鹽鮮北寄貝，飲品就叫左荔枝梳打同薄荷菠蘿梳打。首先講左主打嘅檸檬蝦煲（$188），一煲一共有八隻蝦，值得一讚嘅係蝦好大隻，蝦頭有膏！另外個汁酸酸甜甜，口味好清新，佢係有少少辣，所以非常惹味，重點係個蝦同汁係融合埋一齊，我同朋友係一直一直想食落去。推！另外要講一個煲，油鹽水北寄貝（$128)，又係一望外貌有嚇親，北寄貝既size同我手掌心差唔多！一部一共有五隻。食咗一個酸酸甜甜嘅蝦鍋後，呢一個係非常鮮甜，唔會用過多嘅調味料去掩蓋北寄貝既鮮味，所以食一個係食得本身北寄貝嘅鮮味！呢個係我下次一定會再叫！另外講下兩個小食，麻辣雲耳（$38），一口炸豆腐（$58），麻辣雲耳係辣辣地，朋友好中意食，做前菜非常爽口，而且都冇乜飽足感，作為前菜一流。另外，一口炸豆腐係即刻炸，一咬落口非常滑，又係食唔停口嘅一樣小食。最後必定要大推嘅小食係蔥油雞（$78）佢係有例牌半隻同一隻！係我預先打電話book先有得食呢道菜，佢每日好快就賣晒，蔥油雞一食非常入味，完全唔油膩，雞肉係非常滑，另外佢個汁值得一讚，好濃味，如果配白飯真係一流！呢一間鋪頭下次一定會再黎食， 一黎佢嘅海鮮真係新鮮加大隻，對比任食打邊爐都係食差唔多價錢但係又細隻又唔新鮮。另外值得一讚嘅係佢既員工會詳細介紹每個餸嘅特色！下次會試下另一個味嘅蝦煲！…Read More

早前去台灣旅行，夜市興起即燒泰國大頭蝦，味道超fresh! 大頭蝦用魚缸養著，腳是藍色的，顏色很漂亮。朋友告知旺角這家餐廳有台式蝦煲食，品種一樣是台灣夜市見到的那種大頭蝦，就當晚來試下。是晚差不多八點半來到，雖然是平日，但座無虛席之餘，還需要等一會兒才有位，看來餐廳都頗受歡迎。除了必點的蝦煲外 還點了三款小食，和每見必點的～滷肉飯。檸檬辣蝦煲這個味道組合未曾試過，沒想到味道出奇地好。檸檬的味道帶出了蝦的鮮味，而且夏天食，有種輕盈的感覺。估計是加入了少少魚露吊味，整個醬汁味道好吸引，用來撈飯都好好味！一口炸豆腐炸豆腐我吃得多，但這種炸豆腐的口感還是身一次吃到。豆腐的口感有點像海鮮豆腐那種，帶點彈牙的。外皮脆，內裡彈牙，口感一流。溏心滷蛋溏心蛋是我最最最鐘意的食物，滷蛋的醬油味適中，蛋黃剛好停留在凝膠狀態，食感滿分！醉雞卷雞腿肉先被卷成圓筒狀，之後再切成一片片，外型上已經好吸引。醉雞的花雕酒味超清香，夏天食這個凍盤超爽。滷肉飯食完一份兩隻的溏心滷蛋點會夠喉？幸好滷肉飯中還有半隻！滷肉飯的滷肉味道很有古早味的感覺，超有台灣風味，讓我沈醉著邊吃邊回味早前的台灣之旅。天氣如此酷熱，怎能不喝兩杯邊心涼的飲品消消暑？薄荷柚子梳打味道fresh 到震，薄荷味令飲品有種冰極的口感。香甜士多啤梨梳打這款飲品含有酒精，但只是很少量，所以很易入口。飲品口味適中，不會像一般cocktail 般太甜，推介！…Read More