蝦妹料理 (Closed)

必食大阪燒！好足料，食得出好花心機去整食過唔少大阪燒，呢度屬於好高質，好正！當小食，或者唔太肚餓時食都好岩製作需時15min左右好食既野絕對值得等待既亦可以打定電話去落order，就唔洗等咁耐喇喺附近住既我，滿足左好多個肚餓既晚上店開到11pm，收工夜d都仲有得食不過如果想食大阪燒就要早d，通常10pm後就賣哂平時仲會食叉燒拉麵、自家製蝦餅嫲嫲雞翼都好好食，好似係秘製醬汁唔知係咪店主既嫲嫲發明架呢…Read More

是晚目標係經濟得嚟又足以慰勞自己🤤，美食對我來講永遠都係最好嘅打氣良方。顯徑站落，過對面個商場地舖就係。選擇都幾多，第一次嚟食番廚師推介👨🏻‍🍳🦐櫻花蝦餅拉麵配自家製海鹽湯底湯底落望清到咁，食前係有啲擔心，而且怕蓋唔住拉麵嘅鹼水味。食後覺得個湯啱啱好，清清地得來都夠味，湯飲落好舒服🧘🏻‍♀️，唔油亦唔過咸。醬油筍同食開有啲唔同，感覺比較中式同偏重豉油味。醬油糖心蛋🥚時間掌握得好，對我來講偏鹹。面底正常嘢，冇鹼水味，軟硬都可以，浸湯太耐就開始腍，不過我自己食嘢係比較慢嘅。櫻花蝦為主嘅蝦餅係幾香，加埋啲蝦子粒，算係加工得幾有誠意，質感都算彈牙嘅。旁邊嘅椰菜都新鮮，醬汁都好食✨。食到咁上下想轉下口味，旁邊亦有兩款調味可用，我只係加咗兩滴辣麻油，即刻香曬，雪雪聲食埋最後嘅拉麵🌶。餐廳仲好sweet同DSE同學打氣💪！…Read More

第一次黎到小店，位置就o係顯徑巴士站旁邊，好易搵。因為無idea食咩好，問老板有咩推介。老板好熱情地推介有蝦餅o既拉麵，仲有嫲嫲醬雞翼拉麵。佢好中肯咁講邊款o岩咩口味o既客，感受到佢用心熱情推介。我食左嫲嫲醬雞翼，個醬好惹味，配清清地鹽味湯底拉麵好好。老公個蝦餅都好味，放左一陣仲好crispy.老板話夜晚宵夜時間會轉做小食同大阪燒，好似好正咁，有機會試下。總括嚟講，性價比好高o既一餐，值得大家支持。店面唔大，但企理乾淨。…Read More

開業一段時間都未曾幫襯，因為呢個位的餐廳總是失望，但是，今晚9:30回到樓下忽然想食拉麵就試一下外賣自取！🇺🇸美國豬腩片黑蒜豬骨拉麵湯底+嘛嘛醬雞翼套餐$72分湯包裝，回家後D麵竟然OK煙韌，不會淋到好似中國麵，3只雞翼幾惹味，豬腩片食落似肥牛質地，預期中一致😋餐單下星期會改，可惜以後夜晚9:30後不會有麵，變了飽肚關東煮+燒餅🫓+其他小食，或者飯食。店員好貼心解釋，好有禮，年輕人果然容易溝通😅顯徑黎講呢間日式拉麵幾好食，會再幫襯。…Read More

星期五下午，我嘗試從「坑口」港鐵站乘坐港鐵「將軍澳綫」出發，再在「調景嶺」轉「觀塘綫」，最後在「鑽石山」轉「屯馬綫」，北上去到今次目的地，「沙田」區裡面的「大圍」小型屋邨「顯徑邨」。「顯徑邨」跟它的附屬購物商場「顯徑商場」，位於「屯馬綫」裡面的「顯徑」站旁邊，乘客只需要從「顯徑」站出來不久，很快就順利在「顯徑站」對面發現到「顯徑商場」。我可是人生第一次乘搭港鐵來到「顯徑站」和「顯徑商場」，「顯徑站」的實際規模和面積都出乎我意料地細小，「顯徑站」樓上的路軌和月台除了面積細小外，月台甚至沒有被上蓋完全遮蓋，一遇到天雨乘客在所難免要開雨傘避雨了。我乘搭「屯馬綫」列車來到「顯徑站」，出站之後雖然很快找到「顯徑商場」，而且「顯徑商場」屬於被「領展」收購於旗下的商場，但「顯徑商場」沒有因為被「領展」收購而變成全新裝修，有冷氣空調，美觀得體又衛生的購物商場。「顯徑商場」實際上給我的印象，反而是一個裝修仍然徘徊於八、九十代，沒有冷氣空調，沒有扶手電梯，也沒有升降機，一遇上天雨還有機會看到類似「澳門」「水舞間」小瀑布表演的小型舊式商場。我一看見設備落後簡陋的「顯徑商場」，心裡面立刻懷疑為什麼「領展商場」收購「顯徑商場」，卻完全沒有為「顯徑商場」進行改善環境維修翻新工程呢？當然「顯徑商場」沒有翻新裝修，卻令小商戶暫時還有存活下來的喘息空間。例如位於「顯徑商場」樓下，「顯徑巴士總站」旁邊開了一間日本拉麵餐廳，餐廳主打由剁碎新鮮「蝦」肉，再用油煎熟而成的招牌食品「蝦餅」，這間食店的實際名稱叫做「蝦妹料理」。「蝦妹料理」餐牌裡面，有三款以「蝦餅」作為主要食材製作而成的「蝦餅拉麵」食品，不過「蝦妹料理」餐牌有關「蝦餅拉麵」底層的湯底裡面，偏偏沒有「蝦湯」給我選擇，我個人比較喜歡喝味道十分鮮甜的「蝦湯」。我光顧「蝦妹料理」的時候，時間還未到下午六時正，偏偏「蝦妹料理」店主店員卻推薦餐廳的「晚市套餐」餐牌給我，讓食客可以同時享用到「晚市套餐」裡面的「蝦餅拉麵」跟小食食品。所以我最後選擇了，享用「蝦妹料理」「晚市套餐」裡面的「沖繩鹽湯自家製櫻花蝦餅拉麵」套餐。至於「蝦妹料理」套餐裡面的小食食品方面，我最後選擇享用「嫲嫲醬汁雞翼3隻」。至於「蝦妹料理」「晚市套餐」裡面的飲品，「蝦妹料理」很遺憾地沒有提供手調飲品，所有飲品實際上都只是一般紙包飲品，或者罐裝的奶茶咖啡飲品。所以我選擇飲「烏龍茶」，紙包「烏龍茶」實際味道感覺很淡，不太飲到清甜味道。除了「晚市套餐」裡面的「蝦餅拉麵」、小食「嫲嫲醬汁雞翼」和飲品紙包「烏龍茶」之外，另外我發現原來還可以加錢，為套餐「沖繩鹽湯自家製櫻花蝦餅拉麵」轉換其他湯底，我選擇轉換變成「自家製海鹽湯」。但是相對鹹味「自家製海鹽湯」，我個人其實還是比較喜歡包括「蝦頭」、「蝦腦」在內，實際色澤相對比較深色，而且充滿「蝦頭」、「蝦腦」濃厚鮮味和甜味的「濃蝦湯」多一點。而且我發現「蝦妹料理」「自家製海鹽湯」實際製成品裡面的鹹味，始終沒有一般「濃蝦湯」實際味道那麼有鮮鹹味道。即使廚房在「自家製海鹽湯」湯底裡面加「筍」跟「蔥」調味，也無助提升「海鹽湯」裡面的甜味。甚至「蝦妹料理」「晚市套餐」裡面作為伴碟用途的「沙律菜」，我還意外從伴碟「沙律菜」裡面，食到來到調味料「沙律醋」裡面的酸味。至於「蝦妹料理」裡面，作為餐廳招牌食品之一的「櫻花蝦餅」，「櫻花蝦餅」除了口感頗為彈牙之外，我還從「櫻花蝦餅」裡面食到來自「櫻花蝦」的濃厚鮮甜味。至於「沖繩鹽湯自家製櫻花蝦餅拉麵」裡面的另一部分伴碟食材「溏心蛋」，蛋黃仍然處於未完全熟透，呈鮮艷橙色的色澤，雖然沒有流心效果，但是「溏心蛋」裡面的蛋黃甜味感覺仍然很甜，只不過「沖繩鹽湯自家製櫻花蝦餅拉麵」裡面的「溏心蛋」蛋黃，隨著拉麵裡面的麵條被餐廳煮到變得而被變得有點熟透，雖然「溏心蛋」蛋黃甜味感覺依舊，然後蛋黃缺乏流心效果，不是我食過有流心效果的「溏心蛋」。至於「蝦妹料理」「沖繩鹽湯自家製櫻花蝦餅拉麵」裡面的其他配料，「筍」其實本來是我可以嘗試避免遇到的食材，因為我最初光顧「蝦妹料理」的時候，不知道餐廳其實有自助點餐紙，食客可以嘗試為拉麵「走筍」。但是由於我光顧「蝦妹料理」，一時大意沒有發現店主擺放在「蝦妹料理」檯面上的自助點餐紙，結果我直到廚房店員製作完成拉麵時，才發現拉麵裡面有一些我平日不能夠食的配料「筍」。除了「沖繩鹽湯自家製櫻桃蝦餅拉麵」鹽湯湯底味道相對比較淡，如果拉麵湯底可以換成味道比較濃和鮮甜的「蝦湯」，可以令拉麵整體味道變得濃厚之外，套餐其他食品都有偏濃味道，例如「櫻花蝦餅」裡面的鹹鮮味。又或者我另外選擇享用「蝦妹料理」晚餐的時候，發現餐牌裡面原來有，可以讓食客另外在六款套餐小食裡面，點選一款的套餐小食食品，包括在迷你芝士漢堡扒、櫻花蝦玉子燒，還一款名稱叫「嫲嫲醬汁雞翼」的小食食品。「蝦妹料理」小食食品「嫲嫲醬油雞翼」裡面，有味道感覺非常之甜，用甜味醃製而成的「醬油雞翼」，「嫲嫲醬油雞翼」除了味道很甜之外，而且感覺到「雞翼」旁邊甜味醬汁實際份量不多，醬油僅僅足夠享用「雞翼」而已。而且「嫲嫲醬油雞翼」實際製成品的表面上，還有從「蝦妹料理」廚房在「雞翼」上灑的「芝麻」，「醬油」令「嫲嫲醬油雞翼」除了味道偏甜之外，原來「芝麻」也有份令「雞翼」實際口感感覺變得香口。「蝦妹料理」晚餐套餐把一款擁有彈牙口感「炸蝦餅」在裡面的「蝦餅拉麵」，加上套餐裡面必備，擁有「櫻花蝦」甜味的店舖招牌食品「櫻花炸蝦餅」，再加上一款免費套餐紙包「烏龍茶」，總價錢需要港幣七十五元。感覺「蝦妹料理」套餐是有值得下次光顧時享用的食品，例如口感彈牙，又有蝦肉鮮甜和鹽鹹味的燒「蝦餅」。不過我覺得拉麵湯底味道可以再濃一點，如果拉麵配「鮮蝦」熬煮而成的「蝦湯」湯底的話，更值得下次再光顧享用。…Read More

餐廳喺工作地點附近,周不時午膳時間都會想去食返碗日式拉麵🍜開店初期試過招牌吉列蝦餅,非常好食餐廳對於自己嘅炸物好有信心👍🏻用高級韓國及日本麵包糠混合炸成,口感非常酥脆！今次試埋佢嘅吉列豚肉拉麵,揀咗自家製沖繩海鹽湯底,味道偏向清淡,有微微海鹽味道😋拉麵同吉列豚肉係分開上,配竹筍,糖心蛋半隻,粟米粒&蔥花份量相當滿足！🤗吉列豚肉配有炸豬扒醬同蛋黃醬,旁邊仲有和風汁椰菜沙律,豚肉好食,炸得非常香脆👏🏻店主不但對食物嘅品質有要求,而且溫柔親切,樓面員工亦不時會同食客傾偈,服務態度又好,好有家庭式小店嘅感覺😁…Read More

一個月已經來了數次，每次的水準都keep得住的小店位，難得～拉面湯底OK，喜歡它偏硬身少少的質地，食落好有咬口蝦餅係自家制呢點一定加分，成塊餅都係蝦。個人認為蝦妹最出色係啲小食，嫲嫲雞翼好特別，隻味係店家祖傳配方，濃味得黎好香口。另外薯仔沙律同埋餃子都好好食，好足料。美中不足係得氣水飲，如果可以有凍檸茶果啲沖飲就正喇。值得支持的小店！…Read More

之前見開咗間新拉麵店就去試吓，食咗$50左右💜我覺得物超所值，拉麵個量飽肚，啲配菜真係冇得彈😍仲有得免費加麵底，雞翼個自家製醬汁真係超好味，下次一定會再嚟食。…Read More

今日經過顯徑邨，見到間食拉麵的小店，好多湯底選擇，決定入去試一試，叫左個薯仔沙律（估唔到咁好食，食完先醒起無影相😂）真心好有驚喜，拉麵🍜湯底剛剛好，唔會太喊，雞翼個汁超好食，食完仲想再食👍有機會再經過顯徑一定會再食，睇得出老闆好用心🥰…Read More

前身呢度係8方雲集，開左之後都黎左幾次食野。次次黎必點佢既嫲嫲醬汁雞件同牛油炒雜菇，真係幾好食，但個人覺得有時雞件本身都已經好夠味，隔離跟碟上的汁可以轉做柚子蜜汁，一黎可以解膩，二黎變左有兩種口味變換，挺不錯的仲有另外必點的係佢既薯仔沙律，偶爾思鄉時，佢真係做得幾似日本既小店味道，$20/2球佢有6款湯底，但個人最鍾意豬骨湯底，佢呢個湯底擺凍左都唔會有陣豬腥羶味最近仲終於推出有晚市套餐，一個主食（價錢由$65-$72）配個小食，轉其他湯底/烏冬，同配野飲各加+$5其他野食不能話好出色，但我覺得可取的是老闆同老闆娘的態度，佢地好聽取客人既意思，服務很周到少少建議，拉麵既軟硬可以提供番比客人選擇，始終唔係人人都中意較硬身的麵…Read More

在網上看到顯徑有一間新餐廳，就找了一天沒有這麼忙的時間去試試看。首先店員告知他們在試業階段，今天剛好烏冬賣光了，所以只有拉麵的選擇。我和朋友兩人都選擇了在餐單中推薦的蝦餅拉麵，我選的湯底是牛油味增湯，朋友說的是辣湯。我們還叫了一個嫲嫲炸雞小吃。首先來的是我的牛油味增湯，味道像樣，但略嫌不夠濃郁，但是嚐得出店家是有下苦功的，拉麵則比較普通一點，有一點點鹼水的味道，希望店家可以考慮自己打麵，或是在買面食材選擇上提高一點成本，整件事就更加圓滿。蝦餅方面，是分開上碟的，始終都是炸物，直接放在湯裏面的話一定會很快淋掉，看得出餐廳的細心。蝦餅吃得出蝦滑的味道，很有鮮味，出邊的炸衣也只是薄薄的黏附在上面，恰到好處。嫲嫲炸雞也充滿了驚喜，嫩滑的雞肉配上特別調製的醬汁，不知不覺就吃光了。總括而言，味道是中上水平，而且價錢是十分相宜的。但我更期望店家可以在食材上多花一點錢，儘管最後會提高一點定價，食客是不會介意付多一點去換取整個更好的用餐體驗。…Read More