Video
Opening Hours
Today
11:00 - 21:00
Mon - Sun
11:00 - 21:00
Above information is for reference only. Please check details with the restaurant.
【黃大仙區】【蛇膠參滋補專門店】喺香港過冬，唔食吓蛇真係唔過癮，但係搵一間好食嘅都唔容易。呢一日我自己一個人喺新蒲崗游吓游吓就貢咗入呢間食蛇嘅餐廳，佢叫「蛇膠參滋補專門店」，有啲一人「滋補套餐」，啱晒我。我就試佢哋 $198 嘅「套餐B」，原價要 $229 㗎喎，平咗。個餐首先就有細嘅「秘制太史五蛇羹」，勁足料勁濃香，好正，檯面仲有蛇羹必備嘅薄脆同埋檸檬葉畀客人任意使用，加埋落去更添滋味。食得蛇羹點都要配個「臘味糯米飯」，套餐仲可以加錢轉各款焦底煲仔飯，不過我就傳統啲，冇轉，整得都非常好味。跟住試個燉湯「花旗參燉海參」，好足料，花旗參味勁足，好香。然後我揀咗「鮑汁花菇扣水魚裙邊」，炆得好入味，水魚裙邊大大條好滑溜。最後仲有「時蔬」一客，今日係菜心，都整得又腍又甜，好食。埋單就係 $198，見佢哋平時仲做好多善事，値得畀。。。（地址：新蒲崗仁愛街50號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #新蒲崗 #蛇膠參滋補專門店 #滋補套餐 #秘制太史五蛇羹 #臘味糯米飯 #花旗參燉海參 #鮑汁花菇扣水魚裙邊 #時蔬 #1am1637 #1ambackup
continue reading
突然心血來潮，想同媽媽吃蛇羹，於是媽媽推薦這一間。餐牌有很多套餐，價錢也有優惠價，感覺上都不錯。蛇羹味道不錯，但用了不及其他專賣蛇店的店舖。花膠海參也只是用最普通的，海參入口即溶，花膠有點像橡皮糖。燉湯也尚算有驚喜，我點了花旗參海參燉湯，花旗參味濃，但海參就很溶。媽媽點了水魚湯，味道也可以。跟住還上了兩碟菜。煲仔飯，點了龍躉和雞，龍躉主要都是有骨部份，而雞就不錯，很滑。最後還送你雪燕椰汁西米露，當然，淺嘗也算不錯。在香港的價位，也可以接受，但質素真的不要想太多。
continue reading
清明節之及時進補 Spring is officially here and I’m here for some pampering soups, and dietary collagen booster! Order Set B if you are hungry like me. It has five dishes, including the signature zero-cholesterol snake soup, steamed sticky rice with preserved meat, sea cucumber and American ginseng soup, softshell turtle and mushroom stew in abalone reduction, and a healthy plate of blanched vegetables drizzled with delicious soy sauce. I like this set a lot, soothing, warming and satiating. This place is tidy and nestled on a quiet street in SPK. It’s great for some much-needed me-time and tummy healing.
continue reading
天氣一凍就諗起蛇羹，收工同同事摸上呢間新蒲崗蛇膠蔘專門店，$300零蚊二人餐有齊湯羹飯燉品，未食已經覺得抵！ 打頭陣太史五蛇羹暖笠笠，蛇肉絲夠晒份量，仲有木耳冬菇吊味，啖啖都係料。燉湯兩款各有千秋，淮山杞子水魚湯清甜唔腥，水魚肉好多；竹笙鮑魚湯就濃郁到出汁，原隻小鮑魚咬落軟淋。 重頭戲兩個煲仔飯都交足功課！滑蛋牛肉飯撈勻蛋漿真係無得輸，免治牛肉混馬蹄粒夠彈牙，飯焦脆卜卜；龍躉骨腩飯驚喜在魚皮，厚身膠質啜住食，魚肉吸盡豉油香味。 兩客鮑汁燉品無預期咁膩，花菇炆水魚裙邊夠淋身，原隻乾鮑仔咬落煙韌有咬口，送飯啱啱好。菜心一碟夠解滯，尾聲碗椰汁雪燕微甜滋潤，成餐飽到上心口！ 冷鋒殺到想補身又唔想大出血，呢個價錢有齊蛇羹燉湯燉品，街坊價錢但絕無hea做，兩個人食到捧住肚走，蛇友必試！
continue reading
天氣乍暖還寒，友人推介到新蒲崗小店「蛇膠參滋補專門店」吃超值蛇羹。套餐性價比極高，集合蛇羹、煲仔飯、鮑魚滋補品及燉湯於一身，份量足且真材實料，我們最後叫了這裏的二人套餐。秘製太史五蛇羹 蛇肉絲口感細嫩帶微微彈性，湯羹濃稠度適中，順滑不膩。傳統陳皮、薑絲底韻突出，無腥味。枱上有薄脆和檸檬葉絲任加。絕對能提香解膩，又能增加口感。 台灣龍躉頭腩煲仔飯龍躉魚肉厚實滑嫩，頭腩部位膠質豐富，入口黏唇。醬汁滲透飯粒，底部飯焦金黃脆口，帶魚油香氣，我們吃了很多呢！ 滑蛋馬蹄免治牛肉煲仔飯 免治牛肉鬆軟多汁，滑蛋尚算綿密，包裹着飯粒。 上桌時滋滋作響，十分惹味。 鮑汁原隻乾鮑鮑魚炆得軟腍入味，中心仍保留微微嚼勁，鮑汁濃郁帶蠔油甜香，膠質黏唇。 西蘭花也非常入味。 鮑汁花菇扣水魚裙邊水魚裙邊滑溜如花膠，花菇厚肉吸盡鮑汁，醬汁醇厚不膩，滋補感滿分。 野生竹笙燉鮑魚湯湯色清澈，鮮味濃郁，竹笙十分爽脆，鮑魚炆得很嫩滑，無味精感，回甘清甜。 淮山杞子燉水魚湯 水魚肉很細嫩，淮山煲至粉糯，湯頭很滋潤。 此套餐以「足料」取勝，蛇羹與燉湯展現老火功夫，煲仔飯創新與傳統兼備。人均消費約$200-250，簡直超值！
continue reading