蛇王輝

紅橋蛇王如 ，小弟就成日食！今日偶然見到蛇王輝就想試試其質素如何！首先小弟係1月31號晚上10點買外賣走，店舖堂食客人已經所剩無幾！叫左個細蛇羹 同 糯米飯 ，總共89蚊！另外還有一個大蛇羹版 連糯米飯，需要115蚊！幸好小弟抱住一試心態去食..！先講糯米飯，店舖買外賣時已經見到唔開胃！雪櫃入面居然擺放兩大兜既糯米飯！仲要上埋色....即係翻蒸又翻蒸糯米擺入口，冇哂應有既口感，冇牙都食得落！其次就係豉油翻蒸完又落多次老抽，咸到想死！糯米飯配料：花生： 脆身，但有一陣油益味潤腸：細細舊都算，咬一細啖已經成舊爛哂，肯定係某平價牌子既潤腸臘腸： 又係一細舊，一啖擺入口...完全冇臘腸味道，仲要有陣怪味臘肉：真係救命，簿如紙！我勸你留返比自己食啦！ 完全唔知自己食梗咩！---------------------分隔線----------細蛇羹首先要講既係老闆比到好大碗！ 開蓋時碗蛇羹真係好杰身，食到後半段 ，食物開始（射水），成碗野變到成碗水汪汪咁....連最基本既煮食知識都唔識,我覺得真係似轉左手！檸檬葉得幾條，只能見住老闆夾落去，大約6條左右！卜卜脆就一大包...但開出黎聞到一陣油益味...冇食到！蛇肉同其他料，其實真係好少蛇肉，木耳絲同其他肉絲就好多！食頭兩啖其實已經知道呢碗野落左勁多味精！唔想浪費食物唯有食哂佢！即晚訓教時已覺得非常口渴！如果呢間野同蛇王如比，真係差天共地！以前蛇王輝未搬黎置樂果時，係新墟都唔差架，而家點解會變成咁....唉！下次都唔會再食，好難頂…Read More

小時候常跟屋企人去食， 可以說是由細吃到大。每次從外國返港 都會專程 坐車落屯門 來食一次。今次再食 ，品質差咗好多， 味精重， 好重麻油味 ，好難食，唔知係咪轉咗老闆， 門口已經唔係之前嗰個 蛇王叔， 轉咗個粗大陸口音， 冇禮貌嘅阿叔。唔會再去 ，好失望！！！返到屋企 食咗幾啖 倒咗佢，好難食， 79蚊碗 蛇羹好呃錢！…Read More

屯門蛇王輝是我由細食到大的蛇舖，原身在新墟仁政街，之後搬了去置樂；自從他搬了去置樂後我也去少了，因為位置不太方便，現在一年可能先會一至兩次。👇大蛇羹加糯米飯，這是套餐來的，現在的蛇羹和以前一樣那麼大碗和好吃😋，味道非常吸引，但我覺得蛇肉比以前少了一點，但咬下去時仍然有口感，另外薄脆依舊任加，冬天吃無得頂。除此之外糯米飯也很出色😋，裏面的臘腸也很多，糯米飯硬度也很適中，不會太硬或太軟，兩者一起吃簡直是絕配，如果下次有機會我也會試試他的蛇湯。…Read More

蛇羹/（大碗）大大條蛇肉🤤，用料十足，無論蛇肉、木耳、冬菇等，調味得宜，稀杰程度適中。另外記得自行加上檸檬葉一起吃，會令整個蛇羹更加美味、更提香。 （問職員拿就有）還有加上脆脆 ，口感十足，香脆可口。暫時來說，這間是我覺得全港最好吃的蛇羹。鳳爪排骨煲仔飯：飯焦不錯，香脆；中層白飯太濕，並且有點油膩，懷疑是上層的餸汁導致的。排骨偏咸，醃製時間過長。…Read More

味精太重，食後要不停飲水，睡醒還要飲水，暫不會再購買的，希望還原真材實料，不加味精，才會再購買。很久前買過都不是這樣的。昨天購買時都懷疑為何一個人都沒有呢？但媽媽說很久沒有食過置樂這間，以前這間很好食的，才會特登搭20分鈡車去買的，一來一回搭車連行都要50分鈡，媽媽說是否在置樂這間老字號買，為何有味精呢？以前是無味精的，味道不同了，是否轉了老板唔同左人賣，食了要不停飲水，下次不要再買這間了😅😅😅…Read More

今日同老婆去食蛇羹…一人叫一碗總共兩碗…點知每一碗蛇羹都冇兩條蛇肉😱依家依間蛇王輝已經變咗😫幾十蚊一碗蛇肉咁少使乜食佢🤬真係唔抵食…早一兩年前都唔係咁嘅今年有少少變咗質…Read More

呢到就係又細到大都食開既蛇羹...有舊鋪搬去新舖雖然一地方就唔喺太方便但係黎每一年黎到哩個地方黎蛇羹都好開心呢到既蛇羹好足料...一舊舊肉蛇湯同龜湯都好足料值得專程去到飲…Read More

天氣凍最啱食返個蛇羹 食蛇羹唔係因為想食咗蛇羹係想食嗰啲脆脆😂😂😂超級鍾意可以任加脆脆嘅蛇羹舖 每一啖蛇羹都賠一堆脆脆😋😋 同埋蛇王輝嘅份量都算多 價錢亦唔貴 味道亦都唔會太味精 亦都唔會死鹹 唔錯唔錯👍🏻👍🏻…Read More

蛇王輝之前在新墟街市附近就經常幫襯，搬咗之後就少少少到近爭無這幾天天氣突然轉凍，忽然想起食蛇羹其實近幾年食蛇羹都去紅橋某間蛇鋪，今日忽然醒起多年前嘅「蛇王輝」，就專登搭車去置樂搵食。我家兩位老闆一坐低就大蛇糯米飯餐，我就一碗蛇羹都必定走唔甩。蛇羹水準同當年一樣，足料、蛇肉多（唔會好似有啲蛇鋪咁有咁多豬肉絲）加埋薄脆糯米飯都幾好味，唔會太濕，算幾乾身，有4至5粒臘腸，加上花生🥜，我食一個細蛇羹加幾口糯米飯已經好飽到上心口物價上升，價錢就真係貴左唔少！…Read More

天氣凍就諗起要食蛇羹暖暖個身，今次去一間屯門比較就腳嘅蛇鋪。蛇王輝喺屯門都歷史悠久（暴露年紀），前身係新墟，之後就搬左去置樂。我同朋友買左set大蛇羹加糯米飯做我地嘅晚餐，價錢都只過係107，合理價錢。蛇羹足料，好食，糯米飯雖然細細盒，但都好夠飽。ps我覺得蛇羹唔加胡椒粉好味啲…Read More

之前見有人介紹呢間話正，今晚去左試。首先要左一碗大蛇+糯米飯，個糯米飯普通無乜特別，蛇更料唔少幾好，不過就比較淡亦無乜藥材味。另外當時有2個人在店，佢地2個無乜禮貌，大概唔該左佢地5-6次無一句反應，不過最後也再買了一碗大蛇拎走…Read More

今日諗住行下屯門市中心，午餐食左翡翠拉麵，3點幾又開始肚餓，之後行左去智樂呢間蛇王輝食蛇羹，秋涼食蛇補補佢。呢間由細食到大都唔錯，屯門另外係虹橋開左間蛇王如試過了，但味道不及蛇王輝。真心推介蛇羹。…Read More

趁天氣凍凍地，香港地一年無幾多日，去食蛇暖暖身補補身置樂蛇王輝，原舖在新墟，搬舖後好似大左。但唔見有蛇在舖面急凍蛇肉?點了蛇羹加糯米飯，收費比其他蛇舖貴。之前在元朗食過其他蛇舖，呢個價錢已是三寶，即有埋蛇/龜湯。但蛇肉頗足料，另加脆脆，份量自己選擇，脆脆都好脆。臘味糯米飯有潤腸臘腸，花生幾好食，唔太油，份量足，個羹加埋飯都幾飽。個人覺得糯米飯什至比蛇羹更出色!香港0既蛇舖愈來愈少，屯門真係無幾多間，無競爭環境下，質素都算唔錯了!…Read More

天氣涼涼的晚上食蛇羹蛇王輝~屯門冇人不曉! 舊舖位於新墟仁愛堂旁, 已搬遷到致樂, 店舖寬敞了, 格局一如既往。食物選擇多了, 不止賣蛇羹糯米飯, 還有蛇湯, 龜湯, 煲仔飯, 甜糕點等等。。。點了例牌必吃:糯米飯足料軟綿綿香噴噴蛇羹熱辣辣, 依然足料, 蛇肉不會鞋颯颯, 加上檸檬葉及薄脆 ~ 香草味道清香, 薄脆脆卜卜, 簡直冇得輸~~~薄脆自由添加~ 一如既往的好味!名不虛傳的味道一直都沒令人失望營業時間到凌晨12:30, 消夜又一好去處!…Read More

前排見天氣凍凍地，即刻同男友去食返碗蛇羮同糯米飯；於舊鋪時已經有幫襯，真係有廿幾年，舊鋪位置方便但很細，基本上都是外賣，新店位置雖然比較遠，但比舊鋪大；堂食位多了，而且也多了一些小食，之前已帶過男朋友來食，他一試便愛上了😆我們當然叫了招牌的蛇羮加糯米飯，蛇羮有好多蛇肉，而且沒瘦肉，以前對蛇羮的印象是好多好鞋的肉，但這裡完全不會，蛇肉不鞋，份量又多，而糯米飯也大大碗，有好多臘腸，睇相就知道份量好大，作為粉絲，當然會繼續幫襯…Read More