12
0
0
7-min walk from Exit A3, Sheung Shui MTR Station
continue reading
Telephone
26684788
Additional Information
可預訂蛇宴
Opening Hours
Mon - Sun
11:00 - 23:00
Above information is for reference only. Please check details with the restaurant.
依家天氣開始轉涼，最好就係食蛇羹。今日去咗上水做嘢，同事介紹咗一間佢自己好鍾意嘅蛇羹舖頭俾我。入到去先發現原來佢係有兩間舖，我哋五個人被安排坐喺大枱，10分舒適。呢度除咗蛇羹之外，原來仲有雞飯同羊腩飯等等。最後我點左a餐，套餐入面有蛇羹蛇湯同糯米飯，因為我怕食糯米飯太飽嘅關係，所以轉咗做蛇汁雞飯。呢度既蛇羹同埋蛇湯都落咗大量既薑，冬天食真係一流，枱面仲有蛇酒，想補身嘅朋友可以落埋蛇酒一齊食。整體味道都唔錯，朋友食糯米飯都覺得幾好食，而且呢度好乾淨企理，連個廁所都好乾淨，值得一讚！
continue reading
星期四晚八時恭候八半入席 12 位食家，雷海成龍苦陳腎雪啫胃膶，另加兩位友情客串維納斯欣及塔芬尼儀。蛇膽酒 1 支、汽水 6 罐、臘味糯米飯、金龍吐玉珠、蛇汁浸生菜、椒鹽蛇碌、蛇汁浸雞、陳年果皮蒸野生水魚、竹絲雞燉梧州蛤蚧、枝竹黑草羊腩煲，花膠雙冬炆蛇腩、秘製太師五蛇羹 2 鍋、等等等等。臘味糯米飯走花生，再次失落於糯米飯，無料豉油撈飯，單調極寡。只得幾粒蝦毛及大量肥膏粒，無加入臘肉，不香不甜。膶腸腍劈劈，甘香味微弱。臘腸嚥韌脆皮，瘦肉不油還可以。驅風強身五蛇湯，甜中帶澀不甘，免免強強。真材實料，藥材比例恰到好處，甘中帶香帶甜，濃郁晶瑩透亮，散發清徹蛇肉味道！蛇汁浸雞半隻，凍雞有點失色，牡丹雖好都要綠葉扶持，慨嘆孤掌難鳴！無左熱辣辣絲苗香飯撈暖暖蛇油及惹味清香薑蔥汁點綴的話，變成毫無味道的平凡白切雞呢！淨雞真係普通而厭悶，無飯使得色香味都跌到谷底，差天共地。蛇汁浸雞飯一碗，氣味過份香噴噴，使得我情緒太興奮！未撈勻就急急大大啖飯扒入口，有點咸得濟啊！先要冷靜下來，耐心地將薑蔥油及蛇汁跟白飯融合，要均勻透徹，可以正式完全開動！蛇汁撞薑蔥油食到唔停得口，咸鮮甘甜幼滑的蛇汁，惹味香口不腥熟𢦓度極高的優質薑蔥油，每粒白飯都被我全部食清一粒不漏，欲罷不能。肥瘦適中薄薄雞皮，嫩滑肉質的黃油白切雞，清香的雞甜味。師傅罕有地不是給我雞翼，竟然雞下髀呢！如果雞上髀就更開心幸福。間中都有 4 件雞我食，經常比雞翼雞背脊我噒骨無肉食，兩件髀兩件胸才夠公平。胸肉綿綿，雞甜非常濃厚，不乾不鞋又無渣，肉汁十分豐富，質素意料之外，估您唔到！髀肉雖嫩滑甜美，竟被胸肉比下去了！何解經常一次又一次的雞翼，命中率達九成，搞錯呀！我平時食燒味飯只食雞鴨鵝髀架乍。肥佬師傅您自己食晒雞髀呀？幾乎次次都比雞翼我，如果有雞翼搭舊雞胸，真係皇恩浩蕩啦！淨蛇汁雞髀免斬，還以為係全髀，原來只得下髀好失望啊！真係 $20 蚊隻？有無計錯數數架？太平太抵食喇！普通蛇汁雞飯售價 $40 蚊碗喎。肥美幼滑不油膩，雞味極濃特甜，鳳脂甘香霸道，肉汁狂野四溢。滾埋蛇汁薑蔥油，講多無謂！連骨頭都啜得乾乾淨淨，愛不釋手。秘製五蛇羹，淺嚐幾啖原味，滾熱辣厚薄剛剛好，無杰撻撻無一舊舊。足料大滿貫，啖啖彈牙結實蛇肉夾雜著爽脆木耳絲及滑溜冬菇絲！勁多冬菇絲木耳絲，勁多蛇肉，勁香甜味美，根本連醋連胡椒粉都可以慳返，原汁原味勁掂晒！加多一點情趣，浙醋混胡椒粉唔少得，醒胃酸咪咪，醒神胡椒辣。美味絕頂一啖接一啖，大口大口地搶攻，實在停不了的快感。秘製五蛇羹加蛇酒，膽粗粗試試撈蛇酒食，竟然勁香勁甜，增味提鮮！推介混醬配方，加最少一羹蛇酒，酙量醋及胡椒粉，超級好食，神的味道！使人念念不忘，蛇酒香醇沒有酒味，只有清純不濁的甜味。勁令到蛇羹幼滑無比，蛇酒才是精髓！少有蛇舖提供蛇酒，蛇羹淋上大量蛇酒更香更甜無人能及！龜湯，厚厚黑媽媽的顏色，看似苦過廿八味，但飲落清爽香甜黏黏的，味道不錯不抗拒。天氣突然凍左咁多既？吹到我流晒鼻水，立即食碗熱辣辣蛇羹，飲碗暖笠笠碗龜湯補補去先。蛇膽汁酒，甜甜淋淋的廿四味，亦似俄羅斯藥材酒 dragon master。首次蛇膽酒飲到我㷫合合，頭發發，額頭冒汗。涼拌青瓜蛇皮，十分似不辣的爽滑魚皮，試真一點其實係拍青瓜撈蛇皮。爽脆蛇皮撈蒜蓉陳醋豉油，多謝老闆贈送。枝竹黑草羊腩煲、秘製太師五蛇羹 、蛇汁浸生菜，蛇宴足夠 12 位用？真心有點吃力，份量給16 位都夠食咯。久違的蛇宴，兒時爸媽隔幾年都會帶我去嘆返餐！我首次蛇膽汁酒、蛤蚧湯，首次蛇皮、蛇腩、蛇碌、蛇丸。秘製太師五蛇羹窩，見到第 1 窩已心知𣎴妙，有 2 窩那食得完。跟平時食開的不同，蛇肉較多，冬菇絲木耳絲較少，湯底較晶瑩透亮，另外煮的嗎？原汁原味不添加任何調味，厚薄得宜，醬油味比高湯底味濃，菇味微弱，而且食不到高湯中的藥材味道。混入蛇酒奇香特滑，零舍不同，混合浙醋酸咪咪夠開胃。枝竹黑草羊腩煲，蛇舖始終係蛇舖，烹調羊腩真係差少少。千島醬，到底配什麼架？真係配羊？第一次見。還是配炸蛇肉球呢？煲太細而食材滿到瀉，想撈勻烚烚出味非常困難。湯底水水稀稀的，不夠濃郁香醇。足料羊腩煲份量十足，骨少而啖啖肉，結實彈牙散發羶香不過份。另有馬蒂、冬菇、枝竹索盡羊肉湯蠻可口。花膠雙冬炆蛇腩，居然用鐵板上，有誠意有意思！吱吱渣渣嘈喧巴閉噴住白煙氣氛十足地登場，香氣撲鼻！爽脆花膠及蛇皮，彈力十足的蛇腩肉，落味清新得宜。竹絲雞燉梧州蛤蚧，剛才已灌入幾碗蛇羹肚脹脹，再來湯水吃不消，淺嚐一碗夠咯。有股似青蛙皮蛤蚧皮既噏味，而且竹絲雞本身味道清淡，蛤蚧味突出，微微藥材味，苦口良藥，算不上叫好味道。椒鹽蛇碌，估唔到每件可以這麼巨形！早前巧合地見到電視節目介紹椒鹽蛇碌，所以我知道如何處理。要打橫拿住，用牙咬住蛇肉向橫扯出便可！啖啖一絲絲嚥韌蛇肉，炸得金黃清爽熱辣辣香口非常！不知道配喼汁會否更有情趣呢。蛇汁浸生菜，蠔油味蓋過所有，食不到的蛇汁，爽爽粗糙沒有菜甜味。金龍吐玉珠，炸得香香的，外脆內嫩。沒怎樣的調味，沒怎樣的特別，趙落鬆軟微濕，我未食其實有很大期望的呢！陳年果皮蒸野生水魚，極大量跟水魚肉一比一的芫茜蔥，驚驚啊！立即掉埋一邊先。沒幾兩肉食，食不到膠質的感覺，趙落骨杉杉，硬係有種泥味及油淋淋的感覺。臘味糯米飯，就算打包蛇羹及蛤蚧湯都剩好多生菜、蛇丸、水魚、蛇碌、蛇腩、糯米飯，實在無限抱歉。臘鴨髀糯米飯走蔥走花生，大粒墨師傅那處鄉下呢？我聽極都唔明，原來係問要一碗還是一碟，真係天下無敵估歌仔咩？原來只係臘鴨髀糯米飯，並不是臘味糯米飯加臘鴨髀，可能係我先入為主又表達得唔清楚。而且竟然一碗既意思係湯碗，平時食臘味飯係正常飯碗喎。勁多糯米飯我真的吃不消！無臘腸臘肉淨撈豉油好鬼齋好鬼悶，鴨髀仔只得一丁點肉，爽硬略咸，一啖肉一啖飯還可以。本想要原隻免斬但一早已經分屍備用，我自己煲一定去骨啖啖肉撈糯米飯食架。
continue reading
前排天氣轉涼，無啦啦又凍又熱好易病，唯有食下蛇🐍羹暖下肚，每次買譚仔都會經過聞到好香臘味糯米飯🍚味，可惜對於低薪一族既我黎講，其實食蛇都算係幾奢侈的消費。所以食蛇就一定要左揀右揀，揀個又抵食又好味既去食，係上水呢間蛇王兄相比起屯門區既蛇羹較為足料，再加一碗對面街都聞到超香既臘味糯米飯真係夫復何求。點了一個套餐B $160 包括大蛇羹一碗、細蛇湯一碗、細臘味飯一碗。蛇羹足料有很多蛇肉，加埋必食的硊片囗感豐富。蛇湯可轉成龜湯加$6 我對湯汁無特別評價，但畫龍點睛一定係個臘腸糯米飯，加豉油、蔥花和鬆脆花生🥜，整體感覺口感豐富又美味！
continue reading
天氣轉涼，涷冰冰，有乜好過食碗臘味糯米飯，就係一碗足料嘅蛇羹加多一碗臘味糯米飯。食蛇羹，咁多年都係覺得蛇王兄最好食！每年冬天縂會去幾次，呢兩日凍左咁多，女友已經問幾時食蛇羹，今天收工，同同事傾開，佢以為蛇王兄結業了，其實是搬左過一兩倏街，就帶佢去一㳄，順便食碗暖吓身，上水真的凍過沙田好多，先要一碗細蛇羹，蛇羹足料，可見很多蛇肉，不像一些蛇店，瘦肉多過蛇，加一些檸檬葉添加香味，當然加埋我最愛的硊硊片，添囗感，呢度的脆脆片放在枱上任你添加～！蛇羹香味四溢，口感豐富，再加一碗糯米飯，呢度D糯米飯不是生炒，而是蒸熟，加點豉油調味，撈勻再加蔥花和鬆脆花生，一碗內有潤腸加臘腸，豐富又美味！
continue reading
非常非常足料👍👍👍👍👍冬天補一補😋😋雖然沒有有野生蛇肉禁鮮甜。但也很鮮甜肉質都還算可以，湯夠濃味。還會再來吃、今天只有自己吃、下次帶朋友一起去吃！
continue reading