蚊蚊豬老火鍋

Open Now

Now Closed

朋友仔推介食蚊蚊豬，咁岩深水埗開咗間新分店，就嚟試吓有幾正😋😋120分鐘放題，我食6-8點，$268一位。無睇錯，係任食😋啱晒乜都想食嘅朋友仔😍有烤魚、雞煲、打邊爐全部都係任食，飲品任飲，雪糕任食。火鍋嘅湯底亦都有好多款😋😋每位附送海鮮拼盤，勁新鮮，蝦仲郁緊。重有刺身食，很新鮮，正👍🏻忍唔住叫炸饅頭，以為一客得一件，原來一客有4件。😂新店期間限定羊腩煲，岩晒冬天嘅時候食暖肚。不過每枱只限一煲，份量多，而且羊肉炆得很淋很入味，有蔥、馬蹄和筍。馬蹄爽口清甜。重慶麻辣雞煲，可以選擇辣度，我就揀咗BB辣🤣半隻雞，雞件切得俐落不會有碎骨。最後以粟米豬軟骨鍋為火鍋湯底，清湯為主。叫左三款牛，分別有手切安格斯，封門柳和牛板腱 。牛勁靚，肥瘦均好。Da doice 雪糕勁好食😋😋其實係食左5杯，最中意食柚子乳酪和朱古力99。呢款雪糕寫明係低糖低卡，先敢食5杯😂😂😂

唔講唔知原來深水埗新店同太子店唔同，每枱送一碟海鮮拼盤，仲有牛板腱同封門柳等牛肉任食，值得叫聲牛肉專家啦！而且最近仲有期間限定既每枱一鍋羊腩煲，咁就可以過個溫暖既冬天!首先叫左薯仔蕃茄湯鍋同埋鮮菇清湯鍋，蕃茄同菇既份量都好多，認真抵呀！我地首先食左牛板腱，好香濃既牛味，而且唔會有蘇味，雪花紋十分靚。我地仲食左安格斯牛，佢比較稔身，但同樣出色，好有滑牛肉既感覺。呢度既飲品仲要有好多選擇，我鍾意飲茶，佢有烏龍茶同解茶，媽咪鍾意飲果汁，佢都有成四隻款揀，貼心之選。侍應姨姨服務態度令人感到賓至如歸，下次必定再黎。

今日嚟咗太子嘅蚊蚊豬老火鍋食晚飯🥣我哋叫咗＄228 2️⃣小時嘅仼食放題，裏面包括放題、刺身、雞煲……真係勁抵🤑🤑其實佢可以選擇雞煲🐓/烤魚🐟/羊腩煲🐐，不過我同朋友都知道佢雞煲其實幾好食，就梗係嗌咗佢啦！首先講一講佢嘅雞煲：真係極之麻辣！雞煲用咗花椒、八角、等等唔同嘅材料，營造左辛辣麻香🌶嘅味覺。朋友讚佢用上媲美新鮮雞🐣嘅雞件，非常之有雞味，雞件全部啖啖肉🍗，真係唔會同你吝嗇😂😂😂題外話，朋友嗌咗烤魚煲🎣，原來都好正！我哋之後嗌咗刺身食，款式唔多，但大路野都有：三文魚🍣、八爪魚🐙、墨魚🦑、鮑片🐚等等最欣賞就係墨魚刺身，非常之新鮮！我哋今次叫咗鴛鴦鍋底：蕃茄薯仔湯同埋豬骨湯我覺得豬軟骨湯底非常之足料！湯底裏面浸住大大件嘅豬軟骨🐖，滾到最後，豬軟骨浸林晒🦴，入口即溶，超正！侍應好快上咗一碟安格斯肥牛🥩，肥瘦均勻、亦都唔會有筋，同埋好足牛味🐄，值得一讚！我哋仲試咗佢其他配料：炸魚皮、五花腩、豬肚、牛柳粒、魚皮餃、墨魚丸、牛丸、芝士腸等等，全部都好正！最欣賞就係牛柳粒，因為件件都非常之有牛香味🐮，亦都容易咀嚼下嚥🤤，推薦俾各位。😌—————為食分界線——————📍 蚊蚊豬老火鍋 (太子)太子汝州

天氣變凍，大家梗係想一齊打邊爐取暖，而呢間火鍋店就位於太子，鄰近地鐵站，係雞煲或烤魚火鍋放題，任食兩小時👍，今日就同朋友去試下🤓➡️麻辣雞煲🐥，萬州烤魚🐟放題兩小時任食 (HK$228)首先揀雞煲或烤魚，再來加湯變火鍋。✔️萬州烤魚🐠烤魚餐廳是預先烤熟，再等湯底滾起便可以開餐🤤 魚的份量頗大的，肉質很鮮嫩。重點是魚不算有太多骨，啖啖肉，很容易進食。😋食完烤魚後，加湯打邊爐！每個枱面都有order 紙，食物選擇多不勝數，肉類🐄，海鮮🦑，餃子🥟，丸類🍢，蔬菜🥦等等，記得食到幾多先點幾多呀，不要浪費哦大家🥰➡️安格斯肥牛不得不提安格斯肥牛，肥瘦分布均勻，牛肉香味重，口感鬆軟。🐂 除左火鍋🍲配料，仲有日式刺身，前菜等，包括芝麻八爪魚🐙，辣味螺肉等。除此之外，仲有多款川味小食如川味皮蛋，拍蒜青瓜，陳酣雲耳，選擇多羅羅。😋呢個價錢💲，雞煲，烤魚，火鍋，日式刺身，前菜等等咁多野食，真係抵到爛，食到捧住個肚食🙆‍♀️

同朋友行經太子想食火鍋雞煲之類，行行下搵到呢間店，$228@1任食、加上門外已經聞到好香雞煲味，就二話不說入去。我地被安排到二樓既位置。我地叫左麻辣雞煲，都幾多份量，食完雞煲加湯底就變火鍋，好多配料選擇！如鵝腸、黑柏葉、牛胸爽。朋友們話安格斯牛唔錯！有牛味又厚！而且又有小伴菜 如麻辣青瓜、雲耳、皮蛋、炸饅頭等等！超正！不得不提既係包埋任食刺身，超級推薦馬刀貝、好好味！口感好正、令我中意左食馬刀貝。三文魚甜蝦亦唔錯！我同朋友都讚口不絕！😛😛😛總括而言，份量多、多配料選擇、性價比高！超級推薦😃😃

約左朋友食飯 個個人都有唔同意見 見到呢間餐廳食到咁多種野食 岩哂我地去 食到大家想食既野🤩我地先食酸菜魚 條魚好大條 外面皮好脆 入面好嫩滑 旁邊d配料吸收左湯底既辣味 由於我地太肚餓 所以好快食完 食到一半已經叫定侍應轉雞煲 因為每轉一煲都要d時間雞煲好濃味 都有好多舊肉 但就唔算話好特別然後再食打邊爐 揀左粟米豬軟骨鍋 清清地 加上安格斯肥牛 肥牛肥瘦適中 都幾好食 另外仲有其他配料可選擇 食到好飽😋除左酸菜魚 雞煲 打邊爐 冬天仲有羊腩煲可以揀 只係有朋友唔食羊就冇試到唔只呢d主食 餐廳仲有小食同刺身 刺身都新鮮 小食我地最鍾意食黃金饅頭 已經encore左幾次🤤🤤以$228呢個價錢可以食到咁多野 真係好抵 如果中間會轉一個煲都要早d通知呀 如果唔係就會等好耐

天氣變冷又嚟到打邊爐嘅好時候！今日嚟到太子嘅蚊蚊豬任食火鍋。 分兩個價錢嘅放題， 先來一個烤魚或者雞煲，跟住可以選擇轉湯底打邊爐。 我同朋友兩個決定食雞煲， 小辣。一上枱已經聞到強勁嘅雞煲香味，少少辣少少麻， 雞肉新鮮嫩滑， 冇雪藏味， 我懷疑係用新鮮雞煮。雞煲份量唔算多，兩個人食啱啱好，好快就可以轉湯底打邊爐，我同朋友決定要比較探微嘅蕃茄薯仔拼粟米豬骨。 兩個湯底味道普遍偏淡，一直味精都冇！侍應小姐好快拎一疊安格斯肥牛俾我哋， 呢碟肥牛質素好高，好味香濃，放入滾起左嘅湯底浸幾秒就食得。 肥牛脂肪分布適中，唔會過肥。呢個放題鍾意包括有刺身、小食、給大量火鍋配料選擇。我哋仲點左粟米、豬皮、腩肉、牛柳粒、牛肚、蘿蔔、魚皮等等嘅配料。粟米好甜， 豬皮爽口但同平時食開嘅唔同（可能要配襯返麻辣湯底會比較適合）， 牛柳粒肥膏片多但可接受。 整體感覺非常好，價錢非常抵食而選擇亦都算多。略嫌環境有少少迫，舖頭唔算大，但待應姐姐態度有禮，彌補環境嘅不失。臨走時先發現原來食烤魚係會送羊腩煲， 下次會一定再嚟食烤魚！！！

依間小店絕對係 平 靚 正👍🏻👍🏻又想食烤魚 又想打邊爐 依間真係啱曬啦 放題仲有2小時 仲有安格斯肥牛星期日黎電話預約咗20:00 假日真係比較多人,嚟到都要等咗一陣入到去職員都好細心同我地介紹食法仲提我地如果食完烤魚想轉雞煲要提早預時間俾佢地準備所以我地都食得好順暢 樣樣嘢一食曬就有下一款嚟啦烤魚我地簡咗小辣 職員話條魚已經整熟咗 所以一上枱就有得食啦入面仲有蓮藕同娃娃菜既配料 吸曬啲辣味 超正🥰啲魚又好滑好入味👍🏻雞煲方面都好惹味 老實講 佢放題嚟講真係樣樣都好足料所以食到依到都飽飽地啦到咗打邊爐🍲我地簡咗清清地既粟米湯配菜都係無限點但我最欣賞佢既都係個小食-饅頭 即叫即炸 超好味😋必定會再翻嚟食過阿超高性價比👍🏻👍🏻👍🏻👍🏻

今日同朋友聚會，約左係中間點既太子，地點都好方便好近地鐵站。餐廳係放題形式，有兩個套餐可以選擇分別係$228安格斯牛肉同$288嚴選牛小排，任食兩小時，而我地就揀咗前者，而價錢已經可以選擇雞煲烤魚，同羊腩煲。仲有刺身同火鍋配料可以任食，種類豐富。一開頭我就點左小食，陳醋雲耳同拍蒜青瓜，幾開胃。另外點了三文魚，同甜蝦。之後就到主菜萬州烤魚有得選擇辣度，有得選擇辣度，我和朋友選擇了最少的辣，有辣香，但食落又不會太辣，岩晒唔食得辣嘅人，魚太太條，魚皮香脆，魚肉滑。食完就把握時間轉麻辣雞煲，又係小辣，雞肉肉質不錯。之後就打邊爐，選擇左粟米豬軟骨鍋，安格斯牛肉，脂肪分布適中，牛味重。另外其他配料都不錯，蔬菜新鮮。最後點了炸饅頭作為甜品，熱辣辣，好香口，外脆內軟。

天氣漸凍，正是打邊爐的好時候！.今次同fd過來食呢間打邊爐放題，$228兩個鍾。係太子站出一分鐘的距離~.我地揀左萬州烤魚，係半條魚，但超大條魚，好多肉~.刺身同小食都係任食。刺身有三文魚 八爪魚 甜蝦 仿鮑片 馬刀貝 墨魚~小食揀左川汁皮蛋和辣味螺肉。.火鍋料揀左脆肉皖魚片，好新鮮美味。呢度有鮮鷄什，係火鍋店唔多見。鵝腸都幾新鮮！仲有牛黃喉，牛柳粒，黑柏葉，海帶等。.最吸引打邊爐飲酒人士的應該係，呢度+$28任飲青島純生啤酒。仲有其他飲品都任飲唔嫐~

上星期放假，同朋友去左搵烤魚食🤪朋友經過上網搵邊到有好西食之後，帶我黎到太子食放題，哇正喎，哩間餐廳放題係可以烤魚，雞煲，食完換煲，一次過滿足左好多心願💖💖-首先我地叫左烤魚中辣，好滿足呀好辣，魚外脆肉嫩，好大條，仲有吾少配菜，吸晒啲味好正呀💯魚肉亦結實👍🏻。-另外我地食埋佢地既雞煲，啲雞好結實，好入味，愈食愈辣，哩個天氣食真係好開心呀，2人份有半隻雞，份量好多呀，食完仲可以火鍋💖，仲跟左一碟安格斯肥牛，好重牛味，鮮嫩😘👍🏻👍🏻，份量好多好大份，魚皮炸得好脆💖-多款刺身同火鍋配料都包埋😘，同朋友聚餐最好不過💖，最值得讚既係員工既服務態度，真係💯，好味又抵食😘😘-蚊蚊豬老火鍋 (太子)太子汝州街11號地下

天氣轉涼，當然要打個邊爐食個火鍋暖男暖個人🙈，今日嚟到太子嘅蚊蚊豬老火鍋食好西，呢度我最鍾意嘅就係佢嘅放題火鍋，食完一鍋再換一鍋打邊爐，簡直正呀😍。。首先叫咗個香辣烤魚，魚煎得非常脆😍，而且肉質嫩滑，味道方面叫做中辣，辣辣地又真係幾過癮，好食到停唔到口😆，而且個底仲有其他唔同嘅配菜，好入味好好食👍🏻。。食完魚之後又想食過雞，所以就再叫咗一個雞煲😂，同樣都係中辣，不過我覺得今次辣啲啲，食到我嗦嗦聲🙈。辣度對我來講啱啱好，食得辣嘅朋友推薦大家一定要食下，一邊食辣一邊飲啤酒，真係一大享受😝。。之後開始加湯可以打邊爐，安格斯牛肉脂肪分布均勻，表面嘅雪花紋非常之吸引🤩，而且食落好有牛味，再起呢個辣辣嘅鍋底度煮嚟食，真係好食到不得了🤤。。另外其他火鍋配料都好不錯，炸魚皮非常之香脆，蔬菜非常之新鮮，另外呢度仲可以有少量嘅刺身提供，質素上都好唔錯👍🏻。

星期三和朋友放工，到太子吃雞煲聊聊天好彩有book位，去到即刻有得入，見到都幾full，我哋上咗2樓嘅地方因為我唔係好食得辣，所以我哋揀咗🥢花雕醉雞鍋，侍應都非常細心，提我地要水滾先可以落雞件，雞件普遍都大件，熟咗之後食落都非常Juicy同埋嫩口，有淡淡的花雕味🤤醬料方面都幾齊👍🏻👍🏻👍🏻🥢安格斯牛肉，非常好味，脂肪分布都好平均同靚，而且好重牛味，牛脂味都香，下次一定會再叫🤩同埋火鍋放題有🥢刺身超級吸引，我哋叫咗🥢三文魚🥢馬刀貝同🥢甜蝦，馬刀貝都幾出色，我哋都叫咗2round 吃🤤🤤🥢脆肉鯇好出色，好脆而且好新鮮❤️🏆🥢黑豚腩片非常厚切，連住少少豬皮，咬落個口感好好，一舊裏面有晒瘦肉肥肉好正❤️🥢薯粉係粗條嘅，係我鍾意食嘅薯粉類型，可能下次叫個重口味嘅湯底會夾啲🥰🥢炸魚皮，可能係新鮮炸嘅，超級脆，好好味另外我哋叫咗三款小食🥢黃金饅頭，其實係炸嘅白饅頭，點埋煉奶好夾，正常發揮🥢川汁皮蛋，少少辣，不過食下火鍋熱野，又食啲凍野都可以過下口癮🥢陳醋木耳，正常發揮

冬天最愛食啲熱辣辣既野～成日見到呢間古色古香既火鍋店，終於有機會試下個放題☺️又烤魚又雞煲真係花多眼亂，我地得兩個人就叫咗個花彫醉雞鍋，加埋仼食安格斯牛肉真係好吸引，啲牛肉雪花勁靚，入口好嫩滑～醉雞個份量真係嚇親我，差吾多有半隻雞，店員好貼心提我地滾咗先可以落，濃郁醉雞湯底好滋補☺️我地食住小食等湯滾～陳醋雲耳好開胃，食到停吾到😆刺身一啲都吾hea，好新鮮~川汁皮蛋落足香料，味道香辣又吾會苦澀☺️澱粉質控表示飽肚都要食炸饅頭，點埋煉奶無得輸！食到有少少飽先開始打邊爐，即炸魚片大大碟，勁香口，食到停吾到。叫埋薯粉同白菜仔，火鍋必備～除咗大大碟靚牛肉，仲叫咗啲牛柳粒、黑豚腩片、脆肉鯇魚片，食肉獸大滿足～仲有索汁既蜂巢豆腐、雞髀菇，吸哂湯汁無得輸，爽口既蓮藕中和飽膩感啱啱好～超級滿足先200幾蚊得吾得㗎😵‍💫😵‍💫期待下次encore試烤魚～

一個月都會食兩至三次蚊蚊豬，兩小時烤魚／雞煲+火鍋放題，最大賣點係佢有埋前菜，例如酸薑皮蛋，八爪魚，紅油木耳等等，亦有6款刺身供應，加29蚊可以任飲某d汽水，加多寶，仲包埋啤酒！食完雞煲／烤魚可以要求換湯底，而普通湯底例如芫荽皮蛋／番茄薯仔湯係免費既，但留意唔係所有湯底適用，轉紅油湯底要加40蚊。我覺得已經好抵，火鍋料質素同散叫既真係差唔多，仲有罕有既黑柏業，全部任叫！而且幾位餐廳職員都好客氣，想叫野食或加湯都好快幫到你，好難得做放題都咁好服務！入冬後出埋羊腩煲一於去試，羊肉唔係好‘蘇’，岩晒怕‘蘇’既人，但我本身係鍾意越‘蘇’越好，汁唔算好濃味，比起雞煲／烤魚係遜色左d既，可以個人口味真係愛好“蘇”但唔代表唔好食，下次應該會食返雞煲／烤魚。食完羊腩煲我地轉左芫荽湯底繼續打邊壚，不得不讚佢兩款牛（安格斯／牛小排）都好高質，新鮮現切食唔到溶雪既味，包埋任飲食2個鍾每人300蚊有找真係超值，次次食完都好滿足！一定要預先訂位，如果我坐近門口，最常聽到載眼鏡既姐姐同walk in客講“如果冇訂就冇位喇”呢句 🤣🤣🤣