Lan Chow Noodle (Closed)

前兩晚自己一個人去左呢間店食野,一個客都冇,心諗點解會咁呢,因為以前成日來,果時好多人食,食完佢碗刀削麵之後就知咩事,首先個湯唔得,佢依家個湯係死咸,同以前冇得比,佢D麵削得唔好有D好厚,有D薄到夾唔到,而且價錢好貴,$36冇野飲,講真唔怪得冇咩客,因為同佢有幾間店平過佢,而且比佢好味,再係咁真係唔掂.…Read More

其實我同老公一直都幾鍾意響呢間店度食, 尤其鍾意食佢o既酸辣拉麵. (其他小食就麻麻地, 一係太油, 一係唔好味) 通常一個月會黎一至兩次, 雖然地方窄同埋冇乜服務可言, 不過我地覺得酸辣拉麵都幾好味, 所以都唔會介意~但係尋晚發生o既事令我地以後都唔會再去!!! 尋晚我同老公食完, total $73. 出去找數時, 我同老公發現銀包都得d大紙, 不過剛好有張$50蚊紙, $20蚊紙, $2蚊, 但冇$1蚊, 不過有5毫, 2個2毫, 同1個1毫, 剛好$73. 交俾老板(肥胖身型o既阿叔)時, 佢黑面同我老公講唔收毫子, 我同老公都好surprise, 但都冇法, 因為都冇$1蚊響身. 咁我老公好無奈咁答佢我地冇喎, 跟住繼續行(因為我老公冇諗過有咩問題)~ 跟住個老板就好惡咁用粗口罵我老公"搞x錯"!!! 我地冇駁佢而立即走!太過份啦!!!!!! 第一, 我地又唔係俾d其他貨幣或者hk唔用o既錢, 毫子仍用嘛!!!第二, 我地又唔係俾$73 o既毫子你, 只係共$1 o既毫子姐~ 你搭車都可以用啦~第三, 我老公又冇兇你, 你做乜用粗口罵人????…Read More

想食刀削麵同埋蘭州拉麵? 要十一點後才有供應。 早餐款式比坊間特別, 扒類早餐無供應。雪菜肉絲湯年糕青菜肉絲湯年糕兩種湯年糕的湯底睇落頗濃, 而飲落幾清。 雪菜那碗就是要多得雪菜能帶出些鹹菜鮮味。 全碗有外邊的大湯碗那麽大, 似是午餐份量。上海年糕碎上, 入口充滿米香和煙軔。下回要試吓刀削麵同埋蘭州拉麵…Read More

日前和友人去荃灣，想著應該很多都是蠻好的餐廳，於是就隨意走進了一間蘭州拉麵皇。當時早上11點，只有1個客人。但是隔壁的餐廳都很多人。一進去，侍應沒有招呼我們。一坐下，看見餐牌油膩的。四周的牆壁都貼滿了圖片菜牌。我們各點了湯麵。侍應們收拾碗筷后大力的將之甩到大桶里。三四個侍應圍坐在一旁的桌子，吃著面，大聲談笑。客座的椅底放了幾個裝有工作人員水鞋雜件的紙箱。友人剛巧看見一條白色的擦枱巾掉在走道的地上，那三個侍應一個個走近見到都馬上乍看不見。其中有一個再次走近擦枱巾的時候，將它踢埋牆邊。一陣有客人走了，拾起那擦枱巾擦枱。我們等著那兩碗好吃的。之後，一碗桂林豬肉米線和一碗桂林肉丸米線送到。吃一下。腩肉咬不開呢，米粉不熟喔，鹹菜的味道很特別耶。那兩條生菜挺好吃的。我們吃了幾口就埋單。沒試過在香港有這樣好的餐廳。:)…Read More

無良鋪頭呢間麵鋪我唔係第一次去幫襯, 之前我都覺得幾好食, 不過只係炒野比較油D啫, 但我今日再去就已經影響晒我以前對去既感覺, 我同老公去個FD度打完通消麻雀今日去叫咗一個早餐火腿奄烈通粉+素什錦炒刀削麵首先黎咗個火腿奄烈通粉先, 我地都覺得D蛋有一陣怪怪既味道:(, 真係唔知佢地用D怪既油黎煎蛋, 仲有碗湯通粉果D湯有D白色既野係度浮浮吓....唉之後好辛苦咁食完個早餐咗再等... .... 等咗8MINS都仲未有素什錦炒刀削麵我就忍唔住問問店員其實個麵整緊未, 因為如果未整我想轉早餐算啦, 點知第二句我都未講佢就話已經整緊喎, 佢個人都冇入過去睇過, 我都要再過多1分鐘先聽到廚房開爐炒野既聲. 最後碟麵終於黎咗, 但分量都明顯比我以前食過既少咗1/3:(, 而味道仲要難食咗不過就比以前少咗油最恐怖係我地食緊麵既時候, 一面食緊見到廚房師傅(我地個位係對住廚房)係度跳跳吓, 我仲以為唔知咩事, 點知一睇耐D原來佢係度踩緊一盆野, 我起初都覺得好奇怪, 再睇耐D原來佢係踩緊D菜, 嘩嘩嘩嘩!!!!!!! , 但唔係赤腳LOR, 真係有冇搞錯呀, 知唔知咩叫做衛生吖佢地真係好過份LOR, 搞到我老公一D食慾都無晒, 佢仲怪我點解要嚟呢間食我話過我以後都唔會再去幫襯呢間咁既無良鋪頭我真係好後悔無影低佢地既惡行…Read More