蘇哥清湯腩

Open Now

Now Closed

未到收舖時間，第一次入去幫親， 店員落單我就講双丸河， 立即幫我决定墨丸魚旦河， 我就講牛丸魚旦河加坑腩，又話沒坑腩，又話沒菜， 仲話唔知點解咁好買， 食物來到真是清湯到沒得頂， 牛丸魚旦沒味，葱都無，唔使2 分鐘， 食剩4粒牛丸魚旦， 碗粉未食，没胃口，收工姐! 都未夠鐘....吾怪得知港人北上

今日想同大家分享下我去蘇哥清湯腩食嘅咖喱牛三寶河粉嘅經驗。蘇哥清湯腩係位於黃竹坑THE SOUTHSIDE嘅一間餐廳，佢哋主打嘅係清湯腩，不過今次我試咗佢哋嘅咖喱系列。
首先講下個環境，蘇哥清湯腩嘅裝修簡潔舒服，坐得都幾闊落，啱晒同朋友傾計食飯。服務方面都幾好，侍應態度友善，落單都幾快。
講返個咖喱牛三寶河粉，佢包括咗牛筋、牛腩同埋牛肚，配埋河粉同埋啲菜。一開始我對呢個組合好期待，但係食落去就有啲失望。首先，佢個咖喱唔夠熱，食落去感覺唔到嗰種熱辣辣嘅感覺，同一般我哋食咖喱嗰種體驗有啲唔同。
再者，咖喱汁同牛肉嘅香料味唔係好夾。咖喱汁本身嘅味道偏淡，唔能夠完全帶出牛肉嘅香味，反而有啲掩蓋咗。牛肉嘅質感係幾好嘅，牛筋同牛肚都幾腍，但係因為咖喱汁嘅問題，成個味道就打咗啲折扣。
總結嚟講，蘇哥清湯腩嘅環境同服務都係幾好嘅，但係今次試嘅咖喱牛三寶河粉就有啲唔達標。我最後嘅建議係，如果你鍾意食清湯腩，可以試下佢哋嘅清湯系列，可能體驗會更加好啲。希望我嘅食評對大家有幫助啦！

今日去咗黃竹坑新商場southside 睇戲，睇完戲趕住返屋企做嘢，所以就叫咗外賣返屋企食好耐冇食過牛腩河，見商場有間靚仔牛腩河，價錢又唔係太貴，一於試吓清湯牛腩河$55牛腩嘅份量都算幾多，又成六、七舊，仲要係厚切不過就炆得唔夠腍同唔夠入味，口感有少少硬至於河粉都算爽滑彈牙，份量都幾多，食完好飽清湯牛三寶河$69另外叫咗個牛三寶河，有齊牛腩、牛筋同埋金錢肚牛筋都幾腍，食落肚真係滿滿嘅骨膠原，配合個清湯底幾有鮮味

Southside 中的牛腩麵！蘇哥清湯腩喺黃竹坑黎講，算係一個唔錯嘅選擇👍🏻價錢同質素都算係咁！🥹 🧡【牛腩擔擔麵】（$59）望落去啲湯好似有啲稀，但其實佢啲料沉左底撈下之後就出發擔擔面啲花生黎！牛腩方面好好食！肥瘦適中，肉質岩岩好麵質都係適中，少少彈口，唔會淋曬咁加$15加左個油菜——生菜就細細碟咁，可以揀蠔油或腩汁朋友叫左碗🧡【清湯崩沙腩飯】（$71）（+$8凍檸茶）朋友話崩沙腩幾好今！大大碗飯。之前都試過蘇哥嘅清湯係幾好飲嘅👍🏻

我朋友話請食飯，點知就cheap cheap地，嚴格嚟段純貞貴。。。。話要食呢間囉之前都喺科學園食過，都係普普通通嘅牛腩牛雜舖啲面幾大碗嘅質素都OK，其他嘢就普普通通，無論係丸定係牛肚定係牛腩都係好普通嘅質素唔係特別好味，但係都唔算難食 雲吞就麻麻哋好多肥肉 而且唔知點解要等超耐吹咗幾次個醉雞都一啲都唔入味，而且個皮好鬼肥 嗰啲水就有酒味，但係隻雞完全冇😇冇服務可言，正常吧？浸水都自助都好嘅。。。。如果有得揀未必會食

成個用餐經歷真係好唔開心一入到去，我好好聲氣問職員有咩麵推介，佢十問九唔應，叫佢落單，我問你佢可唔可扣底佢仲係敷衍咁，望一望我就走左，應都唔應一聲。最離譜係俾錢嗰陣，阿姐態度真係差到爆，找錢抌落枱面。。。成件事搞到我好嬲又好無奈。食完碗麵走嗰陣，我心情真係麻麻地，味道其實都唔錯，但係服務態度實在太差，完全破壞咗個感覺。。。我覺得，開餐廳做服務業，最基本嘅尊重同禮貌係咪應該要有㗎？下次我一定唔會再幫襯呢間舖頭，真係好失望！

啱啱開業嘅時候 食過一兩次味道係正常嘅 侍應態度都好好今日去食 侍應態度十分差嗌咗罐可樂 俾飲筒正常係放喺罐可樂上面或者交到客人手上但嗰位態度差嘅男侍應就直接放喺枱面枱上面仲要有好多辣油要求佢換過支 我已經伸手出嚟準備接着佢都照放喺枱面😀叫咗兩碗麵 同埋一個腩汁蘿蔔兩碗麵正常嘅腩汁蘿蔔啲汁少得離譜仲少過平時食燒賣啲豉油冇心做嘅 就快啲執咗佢請埋啲專才 真係搞唔掂廚房仲要大大聲喺到播社交應用程式歌 大陸歌建議翻上大陸開店 唔好留喺香港獻世

本人透過網上平台訂購了一碗牛腩擔擔面，黎到嘅時候無加擔擔面醬，我打去商戶就這情況看看可以點處理，店員一開始推說話落左係碗粉度，可能太少唔多覺，我同佢講話一滴醬都無，佢叫我去平台上載張相俾佢睇。我搞完一大輪，佢只回覆拒絕退款。如果係咁，一開始就同我講啦，搞完一大輪又同平台講話啲醬係碗湯度，碗湯清個鬼，同擔擔面醬差好遠囉！一開始做錯嘢，講句對唔住漏左囉，我咬你食咩！呢啲咁嘅態度，我以後都唔去食😡😡😡😡

自從南區開了呢個新商場，多咗好多選擇，連我最想食嘅牛腩都開咗一間專門店，隨時都可食到牛腩了。聽講都係人氣牛腩店。清湯坑腩幼麵牛坑腩原來係牛肋骨下面的肉，油脂分布均勻，牛肉味道很濃厚。最重要是口感十分鬆軟，吃起來又不會變韌，真係食到要豎起手指公。叫得清湯，果然湯底清甜，又不會膩，絕對沒有味精。麵條爽滑有彈性，好味。追加$15就有一碟油菜，抵食。隨了牛腩，也有牛肚，牛丸，牛筋….…….，下次一定再試。

Happy Friday 早收工，系黃竹坑附近仲可以食埋下午茶先返屋企行去Southside 幾分鐘路程冇理由唔去高級商場內的餐廳也價高一點蘇哥清湯腩比較貼地的一間粉麵店清湯牛筋幼麵$48先喝一口湯，味道清甜；銀絲細麵，彈牙牛筋夠稔內味腩汁蘿蔔$23湯底比清湯濃，應該加左腩汁；蘿蔔大件、冇渣、清甜必食之選熱奶茶重奶味，夠熱又大杯三樣嘢加埋都系$71 好吃、夠飽、價錢合理行開商場記得食埋下午茶先走👍🏻店員禮貌好好，冇之前食評的惡人出現

今日返咗總公司黃竹坑， 下午一條友去食晏， 發現新商場裏面 有呢間清湯腩。門口已經香噴噴。 我梗係入去食啦。入到去睇餐牌除咗傳統嘅 清湯牛腩 配粉麵米粉。 佢仲可以配飯添。（ 碗清湯腩度仲有自蘿蔔， 蘿蔔超甜）我最鍾意就係清湯腩 和牛筋 配白飯一齊食。 個人覺得 咁先至食到真真正正清湯腩嘅香味。 呢間嘢完全唔會有味精， 牛筋又啱啱好唔會太爛 又唔會太 硬。佢lunch嘅時間基本上係排長龍， 我 因為 畀佢嘅香味吸引住 ， 所以 趕時間排隊都要食。

伏！伏！伏！ 新商場開幕試試，蘇哥清湯腩。首先食物非常一般，牛坑腩無牛味，又唔夠腍。牛爽腩完全係韌，酸辣麵完全係死酸，落咗勁多醋，只有成陣醋味。而高大男員工，態度勁差，勁粗魯！ 一開始問：「食咩，快D 講啦！ 」再詢問可否牛爽腩另上，他突然火起加黑面：「廚房已經很忙，無人會得閒甘幫你甘做！」其實只是詢問一下，能否做到或做不到也沒所謂，只係態度不用太差吧！員工質素及食物味道真很差，希望將來會有改善。但應該唔會再幫襯！👎🏻

📍蘇哥清湯腩 (黃竹坑)📍黃竹坑香葉道11號THE SOUTHSIDE 2樓201號舖🟡清湯崩沙腩麵 $61🟡郊外油菜（腩汁菜心） $15 清湯崩沙腩麵湯底清澈見底，帶著淡淡的牛骨香。崩沙腩處理得非常軟嫩，幾乎入口即化，好重肉香，麵條質地彈牙！價格合理，分量適中。郊外油菜我揀咗腩汁菜心，以清炒方式製作，保持了鮮嫩脆口，油而不膩，色澤鮮亮。清爽的口感中和牛腩麵的濃郁味道，作為配菜十分合適，性價比也很高。

Southmark開咗一間清湯腩今日同同事一齊去食午餐試吓！👥👥店內環境坐得舒適，晏晝時間座無虛席餐牌選擇好多我哋叫咗👅清湯牛三寶幼麵🍜牛骨湯清爽冇油膩感👍🏻，牛味濃郁鮮甜👍🏻食之前要品嚐一下牛湯精華！有齊牛筋、牛腩、金錢肚三款👌🏻特別喜歡牛筋滑捋捋🤩🤩，口感爽滑👏🏻👏🏻👏🏻爽腩酸辣粉都唔錯湯底味道酸酸辣辣，非常開胃，配料仲有花生薯粉Q彈嫩滑，口感豐富!!👍🏻👍🏻👍🏻真係值得一試爽腩連住一層層薄膜🤪🤪，口感唔韌多肉😜🥳另外~熱飲只係加➕$6，凍飲加➕$8整體質素唔錯，下次可以再幫襯👍🏻🍜大家下次去食 記得 係apps 囉定飛啊 gulu apps 可以預先落位 唔使全班人一齊等 超方便

黃竹坑Southmark好多餐廳🍴Lunch Time 時間人山人海，其中蘇哥都幾多人排隊一於同朋友試吓先！除咗湯麵食、擔擔麵，仲有飯類、酸辣粉🥢咖喱坑腩米粉 $65坑腩口感爽軟嫩滑又唔會韌每件牛肉大細相若，連住一層層薄膜浸係咖喱汁到好惹味，咖哩甜味帶辣，好滋味！🥢鮮蝦雲吞拼墨魚丸麵 $56鮮蝦雲吞超大粒😀😀雲吞爽口皮薄餡靚🦐蝦肉爽滑好新鮮墨魚丸彈牙爽滑，感覺似手打，幾好食幼麵份量好多，夠哂飽啊！可加$15油菜芥蘭或生菜~ 幾抵食