Saizeriya Italian Restaurant (Marina Square West Centre) (Closed)

一個外賣 11:36am 已經落咗單 當時餐廳入邊得一兩個人冇職員喺門口 有人等位 有人等外賣 都係冇人終於等到一個職員路過 佢話15分鐘 等到成12點05分小朋友校車都要去接 個外賣都未出嚟 半個鐘以上 真係有排等 仲要間嘢冇電話 你想打去投訴都冇可能 除咗我等外賣 亦都有好多人等緊位 職員沒有根據號碼去叫 攞飛有號碼嘅 冇人叫 之後放咗好多冇攞飛嘅人入位 已經有客人喺度嘈 職員沒有正視 只係敷衍作答 乜都係話唔夠人手 咁的確係唔夠人手 間嘢唔係細 但係得一個職員喺樓面 好似唔憂冇人幫襯 唔會顧全客人嘅感受無論餐廳食物好唔好環境好唔好 要等咁耐 又咁嘅服務態度真係好難有人再食 …Read More

員工完全沒有禮貌，Hea 到爆，好多客响外面等但餐廳內仲有好多位無人座！ 送餐啲汁漏到成地都係，成碟蜆凍嘅，攞返出嚟係熱但乾曬，無可能食到！ 前幾次去都冇咁嚴重！ 我同我老公食完返屋企屙咗幾次！ 真係無下次！ …Read More

鯷魚芝士薯蓉鯷魚極之鲜美，薯蓉入口鬆化易容，加芝士香脆味濃，價錢公道，非常推薦大家品嘗！農舍薄餅一上碟就急不及待被剷去大半，餅脆香口配菜合襯合味，可嫓美薄餅hut，趁熱食。雞肉多利亞雞肉軟滑口感新鲜(雖然不是活雞)，焗飯焦香可口，size適中够飽肚，價格相宜，值得一試。…Read More

原來開咗咁耐我都係第一次嚟食，╭(°A°`)╮由於太肚餓所以都冇影到啲食物相，但係就影到佢嘅餐牌，可以見到佢嘅餐牌選擇都幾多，☆*:.｡. o(≧▽≦)o .｡.:*☆對於選擇困難症嘅人來講真係有啲困難㗎，(*¯︶¯*)每一樣嘢食都好吸引同埋價錢都唔貴，\(≧▽≦)/不過份量就有啲少，如果多番少少就好啦，(>﹏<)質素都係咁嘅，冇話特別差，我覺得作為下午茶都唔錯，但係作為正餐就分量少咗啲啦！（¯﹃¯）…Read More

食物：咁嘅價價錢 算係咁啦但全店最大問題一定係員工 佢地傾住計 隔座山嗌過去咁都冇問題 開心愉快地工作 大家都唔介意但係個四眼員工 一邊媾個女同事一邊執枱又唔望張枱淨係望女同事 搞到倒瀉芬達 咁算係點呢？之後仲要求其拎一張餐紙仔抹下就算 但仍然因掛住傾 冇留意成凳成地都係 就咁就走左 到下個客坐落去 成褲都係 仲成地痴淋淋 真係請庇護工場班人仲有熱誠過依家班人…Read More