Saizeriya Italian Restaurant (ac5)

有隻人見人愛嘅小強趴咗喺張枱度，都嚇親，唔係好大隻但係張枱度都唔衛生，叫人嚟都只係搵紙巾抹兩下，冇消毒冇其他野，感覺有啲敷衍，雖然係薩莉亞，但係都冇理由咁求其啦。…Read More

薩莉亞的水牛芝士薄餅是店內人氣之選，薄身餅底烘得微脆，入口不會太乾，芝士份量適中，拉絲效果不俗。水牛芝士味道清淡柔和，配合蕃茄醬底，整體味道簡單但有層次。餅身大小適合一人獨自享用。雖然不是高級薄餅，但以價錢來說，性價比算高。環境：店舖空間寬敞，座位舒適，適合朋友聚餐。價格：屬於非常親民的價位。食物質素：餅底香脆，芝士新鮮，味道穩定。食物種類：選擇多樣，意粉、焗飯、前菜、甜品一應俱全。如果你喜歡簡約芝士風味，這款薄餅值得一試。…Read More

薩莉亞唔使多講，相信好多朋友都食過，親民嘅價錢，款式又多，飲品款式亦多，甜品又多，有時夜晚都幾旺場，通常去到薩莉亞，無論係下午茶定正餐都好，我一定會點佢嘅雞翼，個皮好脆真係好正，醃得好入味，淨係講個顏色已經好靚，只係差在食四隻定八隻，另外每次嚟到都會有一個選擇意粉困難症，鍾意食嘅意粉實在太多，個人偏愛，簡簡單單嘅肉醬意粉，呢度嘅意粉口感非常好，肉汁足夠，真係帶個白飯嚟送飯都仲得，餐湯都好飲，都落足料，整體嘅份量都對得住個價錢，如果兩三個朋友嚟食，仲可以叫好多個餸share嚟食，一個三五知己聚餐嘅好地方…Read More

呢間我同屋企人成日去嘅平民意式餐廳。環境幾大下，人流超多，所以要預先早去拿位。價格比起其他餐廳係非常低，而呢個都係佢嘅吸引之處。起16/01嘅時候走左去，除左其他舊品外，我地都叫左佢新品，包括炸魚柳，豬肋骨，蝦海鮮意粉等。食物的確唔錯，尤其是豬肋骨彈牙易脫骨。總體而言，食物起預製菜來講係唔錯，尤其是價格的確幾低下，非常吸引。推薦同親友起唔想食太貴嘅時候去食。…Read More

去到香港仔薩莉亞，平時好多學生排隊，而家暑假就少啲，入去輕食一個午餐。小食叫咗羊肉串，焗田螺，煙肉菠菜，主菜叫咗漢堡扒拼腸仔，同香辣蜆肉意粉。每人加$13非酒精飲品任飲。羊肉串：用鐵板上幾有誠意，羊肉亦醃得唔錯，每吋都係肥瘦相間，幾香口。煙肉菠菜：鹹咗少少但整體都係幾好。蒜蓉焗田螺：配埋focaccia，索曬啲蒜蓉牛油，好正！黑椒漢堡扒配意式腸：呢個就一般，薯仔好乾，黑椒汁黑椒味唔夠濃。香辣蜆肉意粉：呢個處理得好好，意粉真係al dente！整體感覺非常好，場地衛生，有闊落，食品價格合理，兩個人食咁多嘢$188~…Read More