Saizeriya Italian Restaurant (Butterfly Plaza)

一次非常唔好嘅用餐體驗，一開始入去搵位坐果時，明明見到最少有3至4張吉枱，正常都冇諗住需要㩒飛等，點知個侍應居然叫番我出去㩒飛等叫號碼，ok我照㩒飛喺門口等，點知我一㩒完飛就有另一個人施施然行入去搵位坐，果陣我都同番佢地講，佢地先叫番個人出嚟㩒飛，其實咁多位點解仲要叫人㩒飛呢？都算，入到去點餐，等足半個鐘一樣野都冇嚟到，我已經同個侍應講話等咗半個鐘都未有野食，佢就話等陣，另一枱遲過我地入嚟嘅人仲遲嚟先上岸，成幾碟野擺晒喺枱面，最後我仲要等多成10至15分鐘都係冇一樣野嚟，最後唯有退單唔食。…Read More

星期日放假無煮飯，同老公出街食，行嚟行去都唔知食乜好，經過薩莉亞，又唔使排隊，就入去食晚餐。電子自動形式落單，餐廳地方尚算寬敞，環境乾淨，送餐速度快，又唔收加一服務費。Order咗蒜蓉法包，黑松露野菌忌廉意大利粉，溫泉蛋雞肉沙律，野菌雞肉薄餅。（1）蒜蓉法包：好多蒜蓉，香脆好食。（2）黑松露野菌忌廉意大利粉：意粉軟硬適中，黑松露加忌廉，多汁又滑，好鍾意呢個配搭。（3）溫泉蛋雞肉沙律：沙律菜好新鮮，配溫泉蛋和雞肉，口感更香濃順滑，我仲落咗好多芝士粉，非常滿足。（4）野菌雞肉薄餅：啖啖雞肉和野菌，薄餅焗得好香脆。…Read More

疫情到呢個地步，都已經唔係想坐住吃就能坐住吃了🥲，隔離完畢，今日立即出動揾嘢食，幾間想食嘅商舖都無開門😑，一係人手不足一係疫情關係休息😒，求吃心切🤤，見呢間開住門又未試過就走入去試試。一間平價嘅意大利餐廳，個價錢平到嚇一嚇😅，我哋揀咗兩個set lunch , 再加兩個前菜🍲🥗☕️。💎 明太子魷魚蝦仁意大利粉有小量明太子，魷魚偏硬，應該係久煮，蝦仁比較細粒同雪藏味重，意粉味不濃，需要加調味料💎 温泉蛋肉醬意大利粉肉醬不多，意粉偏硬同淡，温泉蛋算係幫碟意粉加分，需要加芝士粉調味。兩個lunch 都係加$16後附送餐湯及沙律。💎 意式菠菜伴煙肉感覺好似煮熟嘅菠菜，同煙肉撈埋一齊，似中式多啲💎 黑椒蜆肉鐵板煮個名有啲怪怪咁，應該係意大利文翻譯嘅原因，蜆肉有海水味，size偏細。人均消費💰 ： ＄72總結✍ ： 食物普通，價錢優勝，份量足夠…Read More

食lunch梗係要食下頹飯，大家都一定好熟悉薩莉亞，咁我就推介自己最鍾意食嘅食物！-1.雞肉粗管面 $29首先佢個芝士醬汁包住意粉，食落去真係好爽，因為啲芝士汁超級邪惡，而且仲可以拉絲，唔好提佢好似細細碗，其實食落去都已經好飽，而且雞肉都有五六粒，連鎖店來講呢個價錢已經好抵。-加上呢一間嘅位置都幾大幾闊落，食落去唔會好辛苦，建議大家可以加$13飲放題汽水，唔飽都變飽，而且汽水都有五六款，仲有我最鍾意嘅Fusetea，最後呢間嘅服務質素都唔錯，最緊要係上菜快，大概10分鐘內就有。…Read More

雖然食物的味道還不錯，可是我們身為學生的，在開始吃飯的時間直至得回校上課時，食物都還沒有來，根本也不夠時間吃，學校已經算是吃飯時間多的了，我們只剩下十多分鐘可以吃東西，可想而知這間薩莉亞的食物要等多久才會來。我實在非常生氣。…Read More