蓮．越泰坊

今日午餐叫左碗春卷撈濛，由12:50pm 叫，等到13:18pm 都未到，成28分鐘，我朋友的麵已經食完，我杯咖啡已經凍了，於是去催單。催單一次仲未到，我好好聲咁又向另一名上年紀的男侍應再催多一次，點知他對我發脾氣回應一句「你講乜野，我唔明你講咩！」 態度勁惡劣，咁既服務態度，做服務性行業對客人嘅態度怎能這樣，竟然去食個飯要等咁耐又受氣，大家打工仔只有1小時食飯時間，煮個撈濛等30分鐘，再幫襯真係傻的，冇下次！ …Read More

失驚無神想入去數碼港兜個圈，真係好耐無嚟，因為太隔涉，入到個場真係無乜嘢行，食肆很多，正直午市，見呢間最多人，咁二話不說~gogogo～蓮-越泰坊。 揀咗～海鮮冬陰公湯河 三寶湯河（牛丸，牛腩，生牛肉） 小食～香茅雞翼，越式春卷 飲品～綠豆涼粉冰，龍眼冰首先想講，由我落單到上枱，唔使五分鐘，太快有啲擔心～先試啖湯，好彩都係熱嘅，好味～酸同辣好平均，鹹度亦好，唔會太鹹，不錯，海鮮亦算豐富有蜆，蝦，魷魚，同埋好多菇類物體😅，成碗嘢係個湯底最正，蜆肉太細隻，蝦應該係一早整定，太熟～鞋過我塊面，但因為肚餓，我都清晒成碗嘢。湯底都算不差，牛丸似港式，大大粒，唔算彈牙，但味道算ok,我只係偷食咗二啖，其他評唔到😅，但另一半話ok,佢都清左八成。廿蚊三隻雞翼，咬落去味道不錯，廿蚊三隻，無乜要求，唯獨是入面啲雞肉顏色有啲唔同。 春卷$48，幾多咬口，乾身，但係6件嘢得三塊菜，緊手咗啲。 二個人埋單$250，價錢合理，味道中規中矩。回頭度：3/5Btw 寫果時見到好多人「腐皮」，但我用餐時啲阿姐又唔覺咁差。…Read More

數碼港為數不多的美食，是工作日的首選，店內環境整潔部分位置可以看到海，有午市套餐可以選擇。小食也很好吃，出餐的速度也很快喔，炒河粉和米線都是很不錯的選擇，大家可以來試試…Read More

九流服務態度點炒金邊粉餐，光速送上炒金邊粉冷盤。正常聲線傾計，就俾職員指嚇，不知所謂！食完食物都未上餐飲，嗺咗幾次先俾。食物質素只反映當區食肆數量，並非價錢，如非必要，請勿光顧…Read More

出黎食餐飯 竟然會食到貼錢買難受 侍應態度非常惡劣 全程黑哂面 對食客係呼呼喝喝 仲要將碗碟大力扔 好似當你係出氣筒 永遠唔會再去呢間餐廳見到呢度既侍應對全場客人都好似仇人 可能侍應都唔想做呢一份工 其實唔係要求要有頂級服務 但直頭係對人與人之間既尊重都無 平日從來唔會寫食評 但今次真係要寫低食評 分享呢一次既經驗食飯從來未試過比侍應咁樣對待 公道講句 餐廳食物係不過不失 但侍應既態度真係令人嘩然 希望餐廳員工見到可以改善 食完之後成肚氣…Read More