6
2
1
3-min walk from Exit B1, Jordan MTR Station continue reading
All Branches (3)
Telephone
23287686
Opening Hours
Today
10:00 - 22:30
Mon - Sun
10:00 - 22:30
Payment Methods
Visa Master Cash UnionPay
Review (11)
Level6 2020-05-07
552 views
今晚又繼續素食,家人提議到位於佐敦的「蓮花健康素食」,店中的齋菜都是中式的傳統菜式,順便在廟街逛下又買東西,正在星期天的晚上6:30pm, 餐廳內都已經有幾枱客人,幸好都不用等位就已經可以入座。餐牌方面主要分了特選料理、精美煲仔、特選菜式(湯麵類、飯類、粉麵類、粥品、甜品及飲品等)、點心、還有一些二人、四人、六人、八人及十二人套餐等……店中都有設茗茶$10及酸菜$10,不過都好難得中式的素食餐廳都有免費WIFI除了餐牌中的菜式,門外售賣的一些糕點、點心及齋品都可以點,傳統的品嚐爛然不少得吃一些雜錦的齋麵根,我們一坐下來先點了三款,齋鹵味細盤就$45,大盤就$58,分別有咖喱齋、酸齋及齋粒。另外家人再點多個煎腐皮卷(三件)($38)。各式的齋味道都不錯,酸齋的味道甜酸得宜,咖喱齋有少許咖喱香,而齋粒的口感鬆軟而不韌。家人都好欣賞及讚美此腐皮卷,食落又不油膩,餡料又豐富,當中的餡料有甘筍絲、沙角絲、木耳絲等……一咬開已經爽口鮮甜,不久店中附上了四碗老火素湯水,是日例湯是老黃瓜湯,沒有油膩而且非常清甜。不久媽媽又想飲多一碗湯水,她想試下店中的金湯南瓜生翅(碗)($55),所以點了一盅,南瓜湯稠味道,有一些素蟹柳及素翅,都仿彿似食緊真是魚翅般,味道都算是清甜,再灑少許胡椒粉更加惹味。脆口素食的心水選擇,個人會推介錦鹵雲吞($79),即叫即炸的雲吞脆卜卜又香辣辣,炸雲吞大大片,炸至金黃色澤,整體賣相都已經夠晒吸引。再薦上香甜帶酸香的甜酸汁,真是令人開胃又滋味,甜酸汁中的食材真是非常足料,有麵根、粟米芯、甘筍、香菇、彩椒等…..再吃些蔬菜讓肚子更加滿足。冷盤點了一份日本魚生,在素食餐廳中當然不是真的魚生,三文魚拼拖羅($72)的賣相有少少似魚生,仿真度就不是好高,每片入口都非常冰涼透心,成份都只是蒟蒻,可是個醬油真是好鹹又難食,影響了味道口感。最後再來多一份炒粉麵,爸爸點了怡香茄子鴛鴦米($70),除了茄子之外,混入了一些甘筍粒、菇粒、彩椒粒及紅辣椒,每口米粉真是幾香辣,鹹香味道十足,真是非常一流。吃飽飯後,店員都有好禮詢問客人再幫手清理枱面的用過的碗筷,隨後再贈送了四碗紅豆沙及一份糕點,是日贈送的糕點是西米糕及芫荽糕,西米糕灑上了椰絲吃起來滿口都是飄香的椰子味,不過味道就有點偏甜。而芫荽糕甜度較為適中,而紅豆沙粒粒都好夠腍身,甜美可口。餐龐地方其實都晤細,用餐區位置可以有地面或樓上,台供奉了一座白衣觀音像,播放著悠和的阿彌陀佛的名號,感覺真是好舒服,門外都有清毒搓手液,入庭前店員都有幫客人探熱,服務態度良好,門外還放了一些免費贈閱的佛經及售賣了一些素食即食杯麵,方便了客人可以購買,食物水準方面除了碟仿魚生,其他食物水準都不差,除了傳統的中式齋及素食,混入了其仔創意新穎的素食元素,令到食物款式更加多元化,都好適合一家大細用膳的好地方。 continue reading
每次去佳佳食糖水,都會比隔離間"蓮花健康素食"門口嘅什齋吸引,因為我最鍾意食酸齋同咖喱齋,咁啱陪媽咪去佐敦診所睇醫生,順便去呢度試食一下,佢有啲好抵嘅客飯,不過我哋唔想食飯,點咗兩款餐牌上嘅食物,連同前菜同甜品,大家都飽到抱住個肚走。🍴什齋(大)⭐️⭐️⭐️⭐️每次都點嘅什齋,因為太抵關係,唔覺意點咗個大但食唔晒要打包,每款齋都做得十分出色,入味度十足,酸嘅咖喱嘅蠔油嘅叉燒嘅脆嘅都非常到位,無唔試嘅理由🍴錦鹵雲吞⭐️⭐️⭐️⭐️唔係間間齋鋪都有得食,雲吞入面無餡,但隻隻都唔油熱辣辣卜卜脆,蘸上微酸嘅湯汁,連材料一齊食,真係好食到停唔到口,而材料方面非常豐富,有青椒蕃茄菠蘿草菇雲耳等等,一大兜食極都食唔完呀⋯⋯最後食咗個蕃薯糖水,飽了二人共消費:$180 continue reading
(The above review is the personal opinion of a user which does not represent OpenRice's point of view.)
平時飲食都比較多肉少菜,除咗學生時代嗰時貪新鮮食過大自然素食,都冇乜會特別去食素食。今次係朋友介紹,因為佢成日見我話要食平啲食健康啲~經濟客飯套餐$45,竟然仲有例湯同埋甜品送!令我諗起學生時代嘅燉奶佬一樣有甜品送~ 但係蓮花素食嘅嘢仲好味啲,所以我都會推介比身邊嘅朋友!餐牌嘅選擇都非常之多,有26款。仲要由朝早11點至到晏晝6點都有供應添。是日老火靚湯,唔會好味精,唔錯唔錯。主菜方面鎮江五花腩,比叉燒炒蛋為出色。 continue reading
(The above review is the personal opinion of a user which does not represent OpenRice's point of view.)
Level1 2020-02-07
276 views
叫了兩個午餐有餐湯和甜品食物質素很滿意。劣評是給男服務員。點餐好耐佢返嚟問我哋可以落單未?我話你頭先已經幫我落咗單。只係等咗好耐都未有餸菜到。佢好驚訝咁完全斷片.唔記得咗自己落單。有個女服務員估計是經理,佢話而家幫你落單好快。完全冇一聲道歉,另一劣評是給一個高,說不純正廣東話的女服務員。,一路只顧著同男熟客傾偈。問佢攞多個筷子座要嚟放公筷,轉個頭一路行一路大聲用普通話念碎碎話個客好煩。。。非常之趕客服務,以後不再光顧。 continue reading
(The above review is the personal opinion of a user which does not represent OpenRice's point of view.)
Level3 2019-11-30
343 views
朋友身體唔舒服,所以要喺佐敦區搵個素食餐廳。依間之前都食過一次, 非常抵食,所以今次係encore 43蚊有炒粉炒麵/炒飯,湯同埋糖水! 今次個湯好似係菜乾豬骨湯,足料!我地一共3個人,叫2個粉麵飯就夠哂數了,因為好大碟架。上次一行三人叫三碟係食唔哂架最後海帶綠豆沙做糖水,但上次芋頭西米露好食啲!最後要提下初一同十五係只有炒粉麵飯食,43蚊。如果係碟頭飯或者小菜就要另外嘅日子黎了,所以黎之前要注意一下。 continue reading
(The above review is the personal opinion of a user which does not represent OpenRice's point of view.)